Click it and Unblock the Notifications
ಅಲಹಾಬಾದ್ ನ ಅತಿ ಮುಖ್ಯವಾದ ಮಂದಿರಗಳಲ್ಲಿ ಹನುಮಾನ್ ದೇಗುಲವೂ ಒಂದು. ಹಿಂದೂಗಳ ಧಾರ್ಮಿಕ ಸ್ಥಳಗಳಲ್ಲಿ ಇದು ಭಕ್ತರ ಫೆವರಿಟ್ ಮಂದಿರ. ಇದನ್ನು 1787ರಲ್ಲಿ ಕಟ್ಟಿಸಲಾಗಿದ್ದು, ಇಲ್ಲಿ 20 ಅಡಿ ಎತ್ತರದ ಹನುಮಾನ್ ವಿಗ್ರಹ ವಿಶ್ರಾಂತಿ ತೆಗೆದುಕೊಳ್ಳುತ್ತಿರುವಂತೆ ನಿರ್ಮಿಸಲಾಗಿದೆ. ಇತರ ಹಿಂದೂ ದೇವತೆಗಳ ಮೂರ್ತಿಗಳನ್ನು ಕೂಡ ಇಲ್ಲಿ ಪ್ರತಿಷ್ಠಾಪಿಸಲಾಗಿದೆ. ಇದು ಹಲವಾರು ವರ್ಷಗಳಿಂದ ಅಸ್ತಿತ್ವದಲ್ಲಿರುವುದರಿಂದ ಹಲವಾರು ಜೀರ್ಣೋದ್ಧಾರಗಳನ್ನೂ ಕಂಡಿದೆ. ಕಡೆಯ ಜೀರ್ಣೋದ್ಧಾರ ಕೆಲಸ 1940ರಲ್ಲಿ ಕೈಗೊಳ್ಳಲಾಗಿತ್ತು.
ಪಟ್ಟಣದ ಮಧ್ಯಭಾಗದಲ್ಲಿ ಈ ಗುಡಿ ಉಪಸ್ಥಿತವಿದ್ದು, ಮುಖ್ಯ ರೈಲ್ವೆ ನಿಲ್ದಾಣಕ್ಕೆ ಅತಿ ಸಮೀಪದಲ್ಲಿದೆ. ವರ್ಷವಿಡೀ ಭಕ್ತರಿಗೆ ಪೂಜೆ ಸಲ್ಲಿಸಲು ಈ ದೇಗುಲವನ್ನು ತೆರೆದಿಡಲಾಗಿರುತ್ತದೆ.
