19ನೇ ಶತಮಾನದಲ್ಲಿ ಬ್ರಿಟಿಷರಿಂದ ಕಟ್ಟಿಸಲ್ಪಟ್ಟ ಪ್ರಸಿದ್ಧ ಚರ್ಚ್ ಈ ಆಲ್ ಸೇಂಟ್ಸ್ ಕೆಥೆಡ್ರಲ್. ಇದನ್ನು ಗೋಥಿಕ್ ಶೈಲಿಯಿಂದ ಕಟ್ಟಿಸಲಾಗಿದೆ. ಕೋಲ್ಕತಾದಲ್ಲಿ ಕಟ್ಟಿಸಲಾದ ವಿಶ್ವವಿಖ್ಯಾತ ವಿಕ್ಟೋರಿಯಾ ಮೆಮೋರಿಯಲ್ ಕಟ್ಟಿಸಿದ ಪ್ರಖ್ಯಾತ ವಾಸ್ತುಶಿಲ್ಪಿ ವಿಲಿಯಂ ಎಮರಸನ್ ಇದನ್ನು ಕೂಡ ಕಟ್ಟಿಸಿದ.
ಈ ಬೃಹತ್ತಾದ ಕಟ್ಟಡ ಒಂದು ಬಾರಿಗೆ 400 ಮಂದಿಗೆ ವಸತಿಯನ್ನು ಕಲ್ಪಿಸಿಕೊಡುತ್ತದೆ. ಅಗಲವಾದ ಮೆಟ್ಟಿಲುಗಳು, ಗೋಥಿಕ್ ಶೈಲಿಯ ವಿಕ್ಟೋರಿಯಾ ಶೈಲಿಯ ಕೆತ್ತನೆಗಳು, ಮೆಡೀವಲ್ ಕಾಲದ ಕಲಾಕೌಶಲ್ಯವನ್ನು ಪ್ರತಿಬಿಂಬಿಸುತ್ತವೆ. ಪ್ರತಿ ವರ್ಷ ನವೆಂಬರ್ 1 ಆಲ್ ಸೇಂಟ್ಸ್ ದಿನದಂದು ಆರ್ ಸೇಂಟ್ಸ್ ಕೆಥೆಡ್ರಲ್ ವಾರ್ಷಿಕೋತ್ಸವವನ್ನು ಆಚರಿಸಲಾಗುತ್ತದೆ. ವಿಶೇಷವಾದ ಪ್ರಾರ್ಥನೆ, ಹಬ್ಬದುತ್ಸವವನ್ನು ಹಮ್ಮಿಕೊಳ್ಳಲಾಗುತ್ತದೆ. ಈ ಕೆಥೆಡ್ರಲ್ ಗೆ ಮತ್ತೊಂದು ಹೆಸರು 'ಪತ್ಥರ್ ಗಿರ್ಜಾ' ಅಥವಾ ಸ್ಟೋನ್ ಚರ್ಚ್.