ಪಾಂಡವ ಗುಹೆ ಮತ್ತು ಜಲಪಾತ ಪನ್ನಾ ಮುಖ್ಯ ನಗರದಿಂದ ಹನ್ನೆರಡು ಕಿಲೋಮೀಟರ್ ದೂರದಲ್ಲಿದ್ದು ರಾಷ್ಟೀಯ ಉದ್ಯಾನವನಕ್ಕೆ ಸಮೀಪದಲ್ಲಿದೆ. ಈ ಜಲಪಾತದ ಬಳಿ ತಲುಪುವುದು ಸುಲಭ ಯಾಕೆಂದರೆ ಇದು ರಾಷ್ಟೀಯ ಹೆದ್ದಾರಿಗೆ ಸಮೀಪದಲ್ಲಿದೆ. ಈ ಜಲಪಾತವು ಸ್ಥಳೀಯ ನೀರಿನ ಬುಗ್ಗೆಯಿಂದ ಹರಿದು ಬರುವ ಮೂಲಕ ಪನ್ನಾ ಪ್ರವಾಸೋದ್ಯಮಕ್ಕೆ ಉತ್ತಮ ಕೊಡುಗೆಯಾಗಿದೆ. ವರ್ಷದ ಎಲ್ಲಾ ಸಮಯದಲ್ಲೂ ಜಲಪಾತ ಹರಿಯುತ್ತದೆ, ಆದರೂ ಮಳೆಗಾಲದ ಸಮಯದಲ್ಲಿ ಈ ಜಲಪಾತವನ್ನು ನೋಡುವುದೇ ಕಣ್ಣಿಗೆ ಹಬ್ಬ.
ಈ ಜಲಪಾತ ಸುಮಾರು ನೂರು ಅಡಿ ಮೇಲಿಂದ ಕೆಳಗೆ ಧುಮುಕುವುದರಿಂದ ಜಲಪಾತದ ಕೆಳಗೆ ದೊಡ್ಡ ರಂಧ್ರವೇ ಆಗಿ ಹೋಗಿದೆ. ಈ ಜಲಪಾತದ ತಳರೇಖೆಯಲ್ಲಿ ಪಾಂಡವ ಗುಹೆಯಿದ್ದು, ಪಾಂಡವರು ತಮ್ಮ ಅಜ್ಞಾತವಾಸ ಸಮಯದಲ್ಲಿ ಇಲ್ಲಿ ನೆಲೆಸಿದ್ದರು ಎನ್ನುವುದು ಪುರಾಣ. ಈ ಪ್ರದೇಶವು ಗುಹೆ ಮತ್ತು ಜಲಪಾತದಿಂದ ಅಜ್ಞಾತವಾಸ ಆವೃತ ವಾಗಿರುವುದರಿಂದ ಪ್ರವಾಸಿಗರಿಗೆ ಮತ್ತು ಸ್ಥಳೀಯರಿಗೆ ಕಣ್ಣಿಗೆ ಹಬ್ಬ ಆಗುವುದರ ಜೊತೆಗೆ ಒಂದು ಉತ್ತಮ ಪಿಕ್ನಿಕ್ ಸ್ಥಳವಾಗುತ್ತದೆ.