ತಾಬೊ ಮೊನಾಸ್ಟೆರಿಯನ್ನು ಕ್ರಿ.ಶ 960 ರಲ್ಲಿ ರಿಚೆನ್ ಝಾಂಗ್ಪೊ ಎಂಬ ಪ್ರಸಿದ್ಧ ವಿದ್ವಾಂಸರು ಇಲ್ಲಿನ ಸ್ಪಿತಿ ಕಣಿವೆಯಲ್ಲಿ ಸ್ಥಾಪಿಸಿದರು. ಇದು ಬೌದ್ಧರ ವಲಯದಲ್ಲಿ ಅತ್ಯಂತ ಪ್ರಸಿದ್ಧವಾಗಿರುವ ಸ್ಥಳವಾಗಿದೆ. ಈ ಮಠವನ್ನು ಉನ್ನತ ವ್ಯಾಸಂಗಕ್ಕೆ ಬರುವವರಿಗೆ ಅನುಕೂಲ ಮಾಡಿಕೊಡುವ ಸಲುವಾಗಿ ನಿರ್ಮಿಸಲಾಯಿತು. 11 ಮತ್ತು 12 ನೇ ಶತಮಾನದಲ್ಲಿ ಈ ಮಠವು ಟಿಬೇಟಿಯನ್ ಕಲೆಯ ದೃಷ್ಟಿಯಿಂದ ಅತ್ಯಾದ್ಭುತವಾದ ಯಶಸ್ಸನ್ನು ಗಳಿಸಿ, ನಂಬಲಾಸಾಧ್ಯವಾಗುವಷ್ಟು ಅಭಿವೃದ್ದಿಯನ್ನು ಪಡೆಯಿತು.
ಈ ಬೌದ್ಧ ಮಠವು ಹಿಮಾಲಯ ಶ್ರೇಣಿಯಲ್ಲಿ ಇಂದಿಗು ಕಾರ್ಯನಿರ್ವಹಿಸುತ್ತಿರುವ ಅತ್ಯಂತ ಹಳೆಯ ಮಠವಾಗಿದೆ. ಈ ಮಠದ ಗೋಡೆಗಳ ಮೇಲಿರುವ ಸುಂದರವಾದ ವರ್ಣಚಿತ್ರಗಳನ್ನು, ಶಿಲ್ಪಗಳನ್ನು ಮತ್ತು ಶಾಸನಗಳನ್ನು ನೋಡಲು ದೂರ ದೂರದ ಸ್ಥಳಗಳಿಂದ ಇಲ್ಲಿಗೆ ಆಗಮಿಸುತ್ತಿರುತ್ತಾರೆ.