ಸಮಸ್ತಿಪುರವನ್ನು ಸಂದರ್ಶಿಸಲು ಅತ್ಯುತ್ತಮ ಕಾಲಾವಧಿಯು ಅಕ್ಟೋಬರ್ ನಿಂದ ಮಾರ್ಚ್ ವರೆಗಿನ ಅವಧಿಯಾಗಿದ್ದು, ಈ ಅವಧಿಯಲ್ಲಿ ಹವಾಮಾನವು ಅಷ್ಟೊಂದು ತ್ರಾಸದಾಯಕವಾಗಿರುವುದಿಲ್ಲ.
ಸಮಸ್ತಿ ಪುರದಲ್ಲಿ ಬೇಸಿಗೆಯು ಸಹಿಸಲಸಾಧ್ಯವಾಗಿರುತ್ತದೆ. ಬೇಸಿಗೆಯು ನಿಜಕ್ಕೂ ಅತೀ ಬಿಸಿಯಾಗಿದ್ದು, ಉಷ್ಣತೆಯು 45 ಡಿಗ್ರಿ ಸೆಲ್ಷಿಯಸ್ ನವರೆಗೆ ತಲುಪಬಹುದು. ಅದರಲ್ಲೂ ಮೇ ತಿಂಗಳಂತೂ ಇಲ್ಲಿ ಅತ್ಯಂತ ಬಿಸಿಯಾಗಿರುತ್ತದೆ.
ಜೂನ್ ನಿಂದ ಸೆಪ್ಟೆಂಬರ್ ತಿಂಗಳುಗಳವರೆಗೆ ಇಲ್ಲಿ ಮಳೆಗಾಲವಿರುತ್ತದೆ. ಈ ಕಿರು ಅವಧಿಯಲ್ಲಿ, ಈ ಪ್ರದೇಶದಲ್ಲಿ ಸಾಕಷ್ಟು ಮಳೆಯಾಗುತ್ತದೆ. ಮಳೆಗಾಲದ ನಂತರದ ಅಕ್ಟೋಬರ್ ಮತ್ತು ನವೆಂಬರ್ ತಿಂಗಳುಗಳ ಹವಾಮಾನವು ಮಿತಿಯಲ್ಲಿದ್ದು, ಉಷ್ಣತೆಯು ಸಾಕಷ್ಟು ಕಡಿಮೆಯಾಗಿರುತ್ತದೆ. ಹೀಗಾಗಿ, ಈ ಅವಧಿಯು ಹೆಚ್ಚಿನ ಪ್ರವಾಸಿಗರಿಗೆ, ಈ ಸ್ಥಳವನ್ನು ಸಂದರ್ಶಿಸಲು ಯುಕ್ತವೆನಿಸುತ್ತದೆ.
ಚಳಿಗಾಲವು ಡಿಸೆಂಬರ್ ತಿಂಗಳಲ್ಲಿ ಆರಂಭಗೊಂಡು ಫೆಬ್ರವರಿಯ ಕೊನೆಯವರೆಗೆ ಮುಂದುವರೆಯುತ್ತದೆ. ಈ ಅವಧಿಯಲ್ಲಿ ಉಷ್ಣತೆಯು ಸುಮಾರು 6 ಡಿಗ್ರಿ ಸೆಲ್ಷಿಯಸ್ ನಷ್ಟು ಕೆಳಕ್ಕಿಳಿಯುವ ಸಾಧ್ಯತೆಯಿದೆ. ಸಾಮಾನ್ಯವಾಗಿ ಚಳಿಗಾಲವು ಒಣಹವೆಯಿಂದ ಕೂಡಿರುತ್ತದೆ.