ಕ್ಯಾಂಪಿಂಗ್ (ತಾತ್ಕಾಲಿಕ ಶಿಬಿರಗಳು), ಪ್ರವಾಸಿಗರ ನಡುವೆ ಸಾಕಷ್ಟು ಜನಪ್ರಿಯವಾಗಿದೆ ಮತ್ತು ಈ ಸೂಕ್ತ ಸ್ಥಳ ಕೊಸಿ ನದಿಯ ತಟದಲ್ಲಿದೆ. ಹಸಿರು ಮತ್ತು ಸ್ಥಳದ ಚಿತ್ರಸದೃಶ ಭೂದೃಶ್ಯಗಳು, ಮನೋಹರವಾದ ವಾತಾವರಣ..ಹೀಗೆ ಒಟ್ಟಾರೆಯಾಗಿ ಸುಮಧುರ ಅನುಭವವನ್ನು ವರ್ಧಿಸಲು ಕ್ಯಾಂಪಿಂಗ್ ಒಂದು ಪರಿಪೂರ್ಣ ಸಾಹಸಮಯ ಚಟುವಟಿಕೆಯಾಗಿದೆ.
ಕ್ಲೈಂಬಿಂಗ್ ಮತ್ತು ರಾಪ್ಪೆಲಿಂಗ್ (ಜಾರುವಿಕೆ) ರಾಮಗಢ ದಲ್ಲಿನ ಕಲ್ಲಿನ ಪರ್ವತಗಳನ್ನು ಹತ್ತಿ ಆನಂದಿಸಬಹುದಾದ ಕ್ರೀಡೆ. ಈ ತಾಣ ಆರಂಭಿಕ ಹಾಗೂ ಪರಿಣಿತಿಯುಳ್ಳ ಕಲ್ಲು ಬಂಡೆ ಆರೋಹಿಗಳಿಗೆ ಸೂಕ್ತವಾಗಿದೆ.
ಬೈಕ(ಸೈಕಲ್) ನ ಮೂಲಕ ಪರ್ವತವನ್ನು ಹತ್ತುವುದು ರಾಮಗಢ ಪ್ರದೇಶದ ಅತ್ಯಂತ ಸವಾಲಿನ ಕ್ರೀಡೆಗಳಲ್ಲಿ ಒಂದಾಗಿದೆ. ಅದು ಬಹುಶಃ ಈ ಸ್ಥಳದ ಅರಣ್ಯ ಪ್ರದೇಶಗಳ ಸೌಂದರ್ಯವನ್ನು ಅನ್ವೇಷಿಸಲು ಅತ್ಯುತ್ತಮವಾದ ಮಾರ್ಗವಾಗಿದೆ.
ಮೀನುಗಾರಿಕೆ ರಾಮಗಢನಲ್ಲಿರುವ ಕೊಸಿ ನದಿಯಲ್ಲಿ ಆನಂದಿಸಬಹುದಾದ ಕ್ರೀಡೆ. ಈ ನದಿಯು ಸಿಹಿನೀರಿನ ಮೀನುಗಾರಿಕೆಗೆ ಒಂದು ಪ್ರಸಿದ್ಧ ಕೇಂದ್ರವಾಗಿದೆ. ಕೊಸಿ ನದಿಯಲ್ಲಿ ಮೀನುಗಾರಿಕೆ ಅಥವಾ ಆಂಗ್ಲಿಂಗ್ ಚಟುವಟಿಕೆಗೆಂದು ಅಗತ್ಯ ಸಲಕರಣೆಗಳನ್ನು ಸರಬರಾಜು ಮಾಡಲು ಅನೇಕ ಸ್ಥಳೀಯ ರೆಸಾರ್ಟ್ (ವಿಶ್ರಾಂತಿ ಗೃಹ) ಗಳು ಇವೆ.