ಪೆರೆನ್ ಜಿಲ್ಲೆಗೆ ಆಗಮಿಸುವ ಪ್ರವಾಸಿಗರಿಗೆ ಮೌಂಟ್ ಪೌನಾವು ಅತಿ ಪ್ರಮುಖ ತಾಣಗಳಲ್ಲೊಂದು. ಪೆರೆನ್ ನಿಂದ 35 ಕಿ. ಮೀ. ದೂರದಲ್ಲಿರುವ ಈ ಶಿಖರವು ಶ್ರೀಮದ್ಗಾಂಭೀರ್ಯದಲ್ಲಿ ಬೆನ್ರೆಯು ಶ್ರೇಣಿಯೊಂದಿಗೆ ತಲೆಯೆತ್ತಿದ್ದು, ಇದು ನಾಗಾಲ್ಯಾಂಡ್ ನ ಮೂರನೆಯ ಅತಿ ಎತ್ತರದ ಶಿಖರವಾಗಿದೆ. ಶಿಖರದ ಕೆಳಭಾಗದಲ್ಲಿ ಕಣಿವೆಯ ಅದ್ಭುತ, ರಮಣೀಯ ನೋಟವಿದ್ದು, ಈ ಕಣಿವೆಯು ಹಚ್ಚ ಹಸುರಿನ ಅರಣ್ಯದಿಂದ ಅವರಿಸಿರುವುದನ್ನು ನೀವು ಕಣ್ಣಾರೆ ಕಾಣಬಹುದು. ಈ ಒಂದು ಭವ್ಯ ನೋಟಕ್ಕೆ ನಾಗಾಲ್ಯಾಂಡ್ ಸುಪ್ರಸಿದ್ಧ. ಈ ಸ್ಥಳವು ಮತ್ತೊಂದು ಜನಪ್ರಿಯ ಪ್ರವಾಸಿ ತಾಣ ಬೆನ್ರೆಯು ಗ್ರಾಮದಿಂದ ಕೇವಲ 6 ಕಿ. ಮೀ. ದೂರದಲ್ಲಿದ್ದು, ಅನೇಕರು ಈ ಶಿಖರಕ್ಕೆ ಟ್ರೆಕ್ಕಿಂಗ್ ನಂತಹ ಸಾಹಸಮಯ ಮಾರ್ಗವನ್ನು ಆರಿಸಿಕೊಳ್ಳುತ್ತಾರೆ.
ಇಲ್ಲಿ ನೀವು ರೊಡೊಡೆಂಡ್ರಾನ್ ಆರ್ಕಿಡ್ ಗಳೂ ಸೇರಿದಂತೆ, ವಿಸ್ತೃತ ಶ್ರೇಣಿಯ ಸಸ್ಯ ಪ್ರಭೇದಗಳನ್ನು ಕಾಣಬಹುದು. ಮಾತ್ರವಲ್ಲದೇ, ವಿವಿಧ ಪಕ್ಷಿಗಳು, ಮಿಥುನ್ ನಂತಹ ಕಾಡೂಕೋಣಗಳನ್ನು ಅವುಗಳ ಸಹಜ ನೆಲೆಯಲ್ಲಿ ನೋಡಬಹುದು. ಈ ಶಿಖರದ ಸುತ್ತಲೂ ಅನೇಕ ಮಾನವನಿರ್ಮಿತ ಏಕಶಿಲಾ ಕಂಬಗಳಿವೆ. ಇವು ಇಲ್ಲಿನ ಸ್ಥಳೀಯರಿಂದ ಹಲವು ಶತಮಾನಗಳ ಹಿಂದೆ ನಿರ್ಮಿಸಲ್ಪಟ್ಟಿದ್ದು, ಕಾಲಾಭಾದಿತವಾಗಿವೆ. ನೈಜ, ಸಾಹಸೀ ಅನುಭವವನ್ನು ಸವಿಯಲು, ಇಲ್ಲಿನ ಪ್ರಾಕೃತಿಕ ನೀರಿನ ಚಿಲುಮೆಯಿಂದ ಹೊರಹೊಮ್ಮುವ ನೀರನ್ನು ಕುಡಿಯಲು ಮರೆಯಬೇಡಿರಿ.