Click it and Unblock the Notifications
ನಾಗಾಲ್ಯಾಂಡ್ ನ ಜನತೆಗೆ, ಪೆರೆನ್ ನ ಪುಯಿಲ್ವಾ ಗ್ರಾಮದಲ್ಲಿರುವ ಗುಹೆಗಳು ಅತಿ ಪ್ರಮುಖವಾಗಿದ್ದು, ಜನರು ಅವನ್ನು ತಮ್ಮ ಹೃದಯಕ್ಕೆ ಹತ್ತಿರವಾಗಿಸಿಕೊಂಡಿದ್ದಾರೆ. ಪೆರೆನ್ ಪಟ್ಟಣದಿಂದ 30 ಕಿ. ಮೀ. ದೂರದಲ್ಲಿದ್ದು, ಸುಪ್ರಸಿದ್ಧ ಬಂಡಾಯಕೋರ ರಾನಿ ಗೈದಿನ್ಲಿಯು, ಬ್ರಿಟೀಷ್ ಆಡಳಿತದ ವಿರುದ್ಧದ ದಂಗೆಯ ಕಾಲದಲ್ಲಿ, ಈ ಗುಹೆಗಳಲ್ಲಿಯೇ ಅಡಗಿದ್ದಳು. ತದನಂತರ ಈ ಗುಹೆಗಳು ನಾಗಾ ಜನರ ಪಾಲಿಗೆ ಒಂದು ರೀತಿಯ ದಂತಕಥೆಯಂತಾದವು. ಸ್ವಾತಂತ್ರ್ಯಾನಂತರ, ಎ ಝಡ್ ಫಿಜೊ ಎಂಬಾತನು, ನಾಗಾ ಜನಾಂಗವು ತನ್ನ ಅಸ್ತಿತ್ವವನ್ನು ಸಾಬೀತುಪಡಿಸುವುದಕ್ಕಾಗಿ, ಈ ಗುಹೆಗಳಿಂದಲೇ ಹೋರಾಟವನ್ನು ನಡೆಸಿದನು.
ನೀವು ಸಾಹಸೀ ಪ್ರವೃತ್ತಿಯುಳ್ಳವರಾಗಿದ್ದರೆ, ಈ ಗ್ರಾಮದಲ್ಲಿರುವ ಗುಹೆಗಳ ಶ್ರೇಣಿಯು ನಿಮಗೆ ಒಂದು ಪರಿಪೂರ್ಣವಾದ ತಾಣವಾಗಬಲ್ಲುದು. ನೀವು ದಿನವಿಡೀ, ಒಂದಾದ ನಂತರ ಒಂದು ಗುಹೆಯನ್ನು ಶೋಧಿಸಬಹುದು. ಹೀಗೆ ಶೋಧಿಸುವಾಗ, ಗುಹೆಗಳಲ್ಲಿನ ಪ್ರಾಕೃತಿಕ ಸೌoದರ್ಯವು ನಿಮ್ಮನ್ನು ಮಂತ್ರಮುಗ್ಧಗೊಳಿಸುತ್ತದೆ. ಪುಯಿಲ್ವಾ ಗ್ರಾಮದ ಜನತೆಯು ಸ್ನೇಹಮಯಿ ಸ್ವಭಾವದವರಾಗಿದ್ದು, ಇಲ್ಲಿ ನೀವು ಅವರ ಜೀವನ ಶೈಲಿ ಮತ್ತು ಸಂಸ್ಕೃತಿಯನ್ನು ಸವಿಯಬಹುದು.
