ಬಂಗಾರ ಬಣ್ಣದ ವಾನರರ ಎರಡನೇ ರಕ್ಷಿತ ಸ್ಥಾನವಾಗಿ ಚಕ್ರಶಿಲಾ ವನ್ಯಜೀವಿ ಅಭಯಾರಣ್ಯವು ಜನಪ್ರಿಯ. ಮೊದಲು ರಕ್ಷಿತಾರಣ್ಯವಾಗಿದ್ದ ಚಕ್ರಶಿಲಾವನ್ನು 1994ರಲ್ಲಿ ವನ್ಯಜೀವಿ ಅಭಯಾರಣ್ಯವೆಂದು ಘೋಷಿಸಲಾಯಿತು. ಇದು ಸುಮಾರು 45.50 ಚದರ ಕಿ.ಮೀ. ವ್ಯಾಪ್ತಿಯಲ್ಲಿದೆ ಮತ್ತು ಅಸ್ಸಾಂನ ಎರಡು ಜಿಲ್ಲೆಗಳಾದ ಧುಬರಿ ಮತ್ತು ಕೊಕ್ರಜ್ಹಾರದಲ್ಲಿ ಇದು ನೆಲೆಯಾಗಿದೆ.
ಚಕ್ರಶಿಲಾ ವನ್ಯಜೀವಿ ಅಭಯಾರಣ್ಯದಲ್ಲಿ ಪ್ರವಾಸಿಗಳು 273 ವಿಧದ ಪಕ್ಷಿಗಳು ಮತ್ತು 14 ಬಗೆಯ ಸರೀಸೃಪಗಳು, 60 ಜಾತಿಯ ಮೀನು ಮತ್ತು 11 ವಿಧದ ಉಭಯಚರಗಳನ್ನು ನೋಡಬಹುದು. ಇಲ್ಲಿರುವ ಎರಡು ಸರೋವರಗಳು ಅಭಯಾರಣ್ಯದ ಅಂದವನ್ನು ಮತ್ತಷ್ಟು ಹೆಚ್ಚಿಸಿದೆ. ಇವುಗಳನ್ನು ಧೀರ್ ಬೀಲ್ ಮತ್ತು ದಿಲ್ಲೈ ಬೀಲ್ ಎನ್ನುತ್ತಾರೆ ಮತ್ತು ಇದು ಅಭಯಾರಣ್ಯದ ಎರಡು ಬದಿಗಳಲ್ಲಿದೆ.
ವನ್ಯಜೀವಿ ಅಭಯಾರಣ್ಯಕ್ಕೆ ಹತ್ತಿರದ ನಗರ ಕೊಕ್ರಜ್ಹಾರ್(6 ಕಿ.ಮೀ. ದೂರ). ಲೋಕಪ್ರಿಯ ಗೋಪಿನಾಥ್ ಬೊರ್ಡೊಲೊಯಿ ವಿಮಾನ ನಿಲ್ದಾಣ ಚಕ್ರಶಿಲಾದಿಂದ 219 ಕಿ.ಮೀ. ದೂರದಲ್ಲಿದೆ. ವಿಮಾನ ನಿಲ್ದಾಣದಿಂದ ಅಭಯಾರಣ್ಯಕ್ಕೆ ನೇರ ಸಾರಿಗೆ ವ್ಯವಸ್ಥೆಯಿದೆ.