Click it and Unblock the Notifications
ಕೊರ್ಲೈ ಕೋಟೆಯು ಮೊರ್ರೊ ಅಥವಾ ಕರ್ಲ್ಯೂ ಕೋಟೆ (ಕರ್ಲ್ಯೂ ಎಂದರೆ ಮೂರ್ ದೇಶದ ಉದ್ದ ಕಾಲಿನ ಒಂದು ಬಗೆಯ ಪಕ್ಷಿ) ಎಂದು ಸಹಾ ಹೆಸರುವಾಸಿಯಾಗಿದೆ. ಈ ಕೋಟೆಯನ್ನು ಪೋರ್ಚುಗೀಸರು ಮೊರ್ರೊ ಡಿ ಚೌಲ್ ಎಂಬ ದ್ವೀಪದಲ್ಲಿನ ಕೊರ್ಲೈ ಎಂಬ ಊರಿನಲ್ಲಿ ಸುಮಾರು 500 ವರ್ಷಗಳ ಹಿಂದೆ 1521 ರಲ್ಲಿ ನಿರ್ಮಿಸಿದರು. ಅಂದು ಅದೇ ಚೌಲ್ ಗ್ರಾಮವಾಗಿತ್ತು.
ಈ ಕೋಟೆಯು ಚೌಲ್ ಕೋಟೆಯನ್ನು ಹೋಲುವಂತೆ ಅತ್ಯಂತ ಚಾಣಕ್ಷತನದಿಂದ ನಿರ್ಮಿಸಲಾಗಿದೆ. ಇದು ಕೊರ್ಲೈ ನಿಂದ ಬಸ್ಸೇನ್ ವರೆಗೆ ಕಟ್ಟಲ್ಪಟ್ಟಿದೆ. ಪೋರ್ಚುಗೀಸರು ಇದನ್ನು ಮುಖ್ಯವಾಗಿ ರೆವ್ಡಂಡ ಕೊಲ್ಲಿಯ ಹಾದಿಯನ್ನು ರಕ್ಷಿಸಲು ಮತ್ತು ತಮ್ಮ ಆಡಳಿತ ಪ್ರದೇಶಗಳನ್ನು ರಕ್ಷಿಸುವ ಸಲುವಾಗಿ ಇದನ್ನು ನಿರ್ಮಿಸಿದ್ದರು.
ಈ ಕೋಟೆಯು ಪ್ರಪಂಚದಲ್ಲಿಯೇ ಅತ್ಯುತ್ತಮ ಕೋಟೆಗಳಲ್ಲೊಂದೆಂದು ಖ್ಯಾತಿಗಳಿಸಿದೆ. ಇದು ತನ್ನ ಉಚ್ಛ್ರಾಯ ಕಾಲದಲ್ಲಿ ಏಕಕಾಲಕ್ಕೆ 7000 ಅಶ್ವಗಳಿಗೆ ಮತ್ತು ಅಷ್ಟೇ ಸಂಖ್ಯೆಯ ಸೈನಿಕರಿಗೆ ವಸತಿಯನ್ನು ನೀಡುತ್ತಿತ್ತು.
