13 ನೇ ಶತಮಾನದಲ್ಲಿ ನಿರ್ಮಿಸಲಾದ ನಕ್ಷತ್ರದ ರೂಪದಲ್ಲಿರುವ ಲಕ್ಷ್ಮೀ ನರಸಿಂಹ ದೇವಸ್ಥಾನವನ್ನು ಹೊಯ್ಸಳ ಸಾಮ್ರಾಜ್ಯದ ವಿಷ್ಣುವರ್ಧನ್ ನ ಮೊಮ್ಮಗ ವೀರ ನರಸಿಂಹ ಕಟ್ಟಿಸಿದನೆನ್ನಲಾಗಿದೆ. ಸುಮಾರು ಮೂರು ಅಡಿ ಎತ್ತರವಿರುವ ಈ ದೇವಸ್ಥಾನದ ಮುಖ್ಯ ವಿಗ್ರಹವು ವಿಷ್ಣುವಿನ ಅವತಾರವೆಂದೇ ಪ್ರಚಲಿತದಲ್ಲಿದೆ. ಇದರೊಂದಿಗೆ ಇಲ್ಲಿ ಕೃಷ್ಣ, ಗಣೇಶ, ಪುರುಷೋತ್ತಮ ಮತ್ತು ಶಾರದಾಂಬೆಯ ಮೂರ್ತಿಗಳನ್ನೂ ಕೂಡ ದರ್ಶನ ಮಾಡಬಹುದು.
ಈ ದೇವಸ್ಥಾನವು ತ್ರಿಕುಟಾಚಲ ದೇವಸ್ಥಾನವೆಂದೇ ಪ್ರಸಿದ್ಧಿಯಾಗಿದೆ. ಏಕೆಂದರೆ ಮೂರು ಗೋಪುರಗಳನ್ನು ಹೊಂದಿರುವ ಈ ದೇವಸ್ಥಾನವು ಐದು ಮೆಟ್ಟಿಲುಗಳಿಂದ ಹತ್ತಬಹುದಾಗಿದೆ. ಹೊಯ್ಸಳ ಶೈಲಿಯಲ್ಲಿ ನಿರ್ಮಾಣಗೊಂಡ ಈ ದೇವಸ್ಥಾನದ ಆವರಣ ಗೋಡೆಯ ಹೊರಗಡೆ ಮೂರು ಧ್ವಜಸ್ಥಂಭಗಳಿದ್ದು, ಕಲ್ಲಿನ ಗೋಡೆಗಳೊಂದಿಗೆ ಪಾದಚಾರಿ ದಾರಿ ಕೂಡ ನಿರ್ಮಿಸಲಾಗಿದೆ. ಈ ದೇವಸ್ಥಾನದ ಉಸ್ತುವಾರಿಯನ್ನು ರಾಜ್ಯ ಪುರಾತತ್ವ ಇಲಾಖೆಯು ನೋಡಿಕೊಳ್ಳುತ್ತಿದೆ.