ಇಲ್ಲಿರುವ ಇನ್ನೊಂದು ವಿಶೇಷವೆಂದರೆ ಗುರುತ್ವ ಸ್ಥಂಬ (The Gravity Pillar), 42 ಫೂಟ್ ಎತ್ತರದ ಈ ಗುರುತ್ವ ಸ್ಥಂಭವನ್ನು ಮಹಾಸ್ಥಂಭ ಹಾಗೂ ಕಾರ್ತಿಕ ದೀಪೋತ್ಸವ ಸ್ಥಂಭವೆಂದು ಕರೆಯುತ್ತಾರೆ. ಚೆನ್ನಕೇಶವನ ದೇವಾಲಯದ ಹತ್ತಿರದಲ್ಲೇ ಇರುವ ಈ ಸ್ಥಂಭ ಭೂಮಿಯ ಆಳದಲ್ಲಿ ಆಧಾರಕ್ಕೇನೂ ಇಲ್ಲದೇ ಕೇವಲ ನೆಲದ ಹಾಸಿನ ಮೇಲಿದ್ದ ಕಲ್ಲಿನ ಮೇಲೆ ನಿಂತಿದೆ. ಈ ಸ್ಥಂಭವು ಹೆಚ್ಚು ಪ್ರಸಿದ್ಧಿ ಹೊಂದಿರುವುದಕ್ಕೆ ಕಾರಣವೇನೆಂದರೆ, ತೆಳುವಾದ ಕಾಗದವನ್ನಾಗಲಿ ಅಥವಾ ತೆಳ್ಳಗಿನ ಬಟ್ಟೆ, ತಗಡು ಈ ಸ್ಥಂಭದ ಕೆಳಗಿನಿಂದ ಹಾಕಿ ಇನ್ನೊಂದು ಕಡೆಯಿಂದ ತೆಗೆಯಬಹುದು. ಇದೇ ಈ ಕಂಬದ ಗುರುತ್ವಾಕರ್ಷಣ ಬಲಕ್ಕೆ ಸಾಕ್ಷಿಯಂತಾಗುತ್ತದೆ.