ಅತ್ತಿರಪಲ್ಲಿಗೆ ತ್ರಿಶೂರ್ ಮೂಲಕ ಬರುವುದಾದರೆ ರಸ್ತೆ ಮಾರ್ಗ ಸೂಕ್ತ. ಅಲ್ಲದೇ ಇದು ಉತ್ತಮವಾಗಿದೆ. ಇದು ಕೊಚ್ಚಿಯಿಂದ 55 ಕಿ.ಮೀ. ದೂರದಲ್ಲಿದೆ. ಕೊಚ್ಚಿ ಹಾಗೂ ಬೆಂಗಳೂರಿನಿಂದ ಸರ್ಕಾರಿ ಬಸ್ಗಳು ಇತ್ತ ಬರುತ್ತವೆ. ರಾತ್ರಿ ಬಸ್ ಏರಿದರೆ ಬೆಳಗ್ಗೆ ಇಲ್ಲಿ ತಲುಪಬಹುದು. ಚಾಲುಕ್ಕಾಡಿ ಹೆದ್ದಾರಿ ಮೂಲಕ ಜಲಪಾತ ತಲುಪಬಹುದು. ಇದನ್ನು ಎಸ್ಎಚ್ 21 ಎಂದು ಕೂಡ ಕರೆಯಲಾಗುತ್ತದೆ. ಇನ್ನು ಟ್ಯಾಕ್ಸಿ ಪಡೆದೂ ಬರಬಹುದು. ಇಲ್ಲವೇ ಚಾಲುಕ್ಕಾಡಿ ಬಸ್ ಟಮರ್ಮಿನಲ್ನಿಂದ ಸುಗಮ ಬಸ್ ವ್ಯವಸ್ಥೆ ಇದೆ. ಇಲ್ಲಿನ ಹೆದ್ದಾರಿ ಕೇರಳ ಹಾಗೂ ತಮಿಳುನಾಡನ್ನು ಸಂಪರ್ಕಿಸುತ್ತದೆ. ಮಾರ್ಗಮಧ್ಯೆ ಅತಿ ಘಾಡ ಅರಣ್ಯವಲಯ ಇರುವುದರಿಂದ ರಾತ್ರಿ ಹೊತ್ತು ಪ್ರಯಾಣಿಸುವುದು ಅಪಾಯಕಾರಿ.