18ನೇ ಶತಮಾನದಲ್ಲಿ ರಾಜಾ ಪೃಥ್ವಿ ಸಿಂಗ್ ನಿರ್ಮಿಸಿದ ಅರ್ಕಿ ಅರಮನೆ ಅರ್ಕಿ ಕಲಾಂ ಶೈಲಿಯಲ್ಲಿದೆ. ಒಂದಾನೊಂದು ಕಾಲದಲ್ಲಿ ಜೀವಂತಿಕೆಯಿಂದ ಹೆಸರಾಗಿದ್ದ ಈ ಅರಮನೆ ಇವತ್ತು ಅಲಕ್ಷತೆಗೆ ಒಳಗಾಗಿದೆ. ಆದರೂ ಅರಮನೆಯಲ್ಲಿರುವ ಪೌರಾಣಿಕ, ಜಾನಪದ, ಕಾಳಿದಾಸ ಮತ್ತು ಬೌದ್ಧಗುರು ಕುಮಾರಸಂಭವನ ಸ್ಮರಣೆಯಲ್ಲಿ ಚಿತ್ರಿಸಲಾದ ಮ್ಯೂರಲ್ ಕಲಾಕೃತಿಗಳು ಇವತ್ತಿಗೂ ಜನಾಕರ್ಷಣೆಯನ್ನು ಉಳಿಸಿಕೊಂಡಿವೆ. ಗತವೈಭವವನ್ನು ನೆನಪಿಸುವ ಹೊಟೆಲ್ ಆಗಿ ಇದನ್ನು ಈಗ ಪರಿವರ್ತಿಸಲಾಗಿದೆ. ಹಿಮಾಲಯದ ಅನನ್ಯ ಪರಿಸರದ ವೀಕ್ಷಣೆಯನ್ನು ಈ ಅರಮನೆಯ ಮೇಲಿಂದ ಮಾಡಬಹುದಾಗಿದ್ದು, ಮನಸಿಗೆ ಆನಂದ ನೀಡುತ್ತದೆ. ಪ್ರಗತಿಪರ ಆಡಳಿತ ಎಂದೇ ಹೆಸರಾಗಿದ್ದ ಭಗಲ್ ಸಾಮ್ರಾಜ್ಯದ ಆ ದಿನಗಳನ್ನು ನೆನಪಿಸುವ ಅನೇಕ ಶಿಲ್ಪ ಮತ್ತು ಕಲಾಕೃತಿಗಳು ಈ ಅರಮನೆಯಲ್ಲಿವೆ.