ಆಗ್ರಾವು ಭಾರತದ ಅತ್ಯಂತ ಪ್ರಸಿದ್ಧವಾದ ಯಾತ್ರಾ ಸ್ಥಳವಾಗಿದೆ. ಇದು ಉತ್ತಮ ರೈಲು ಸಂಪರ್ಕವನ್ನು ಹೊಂದಿದೆ. ಈ ನಗರವು ಏಳು ರೈಲು ನಿಲ್ದಾಣಗಳನ್ನು ಹೊಂದಿದೆ. ಇದರಲ್ಲಿ ಟುಂಡ್ಲ ಜಂಕ್ಷನ್ ಸೇರಿಲ್ಲ ಏಕೆಂದರೆ ಇದು ಇಲ್ಲಿಂದ ಒಂದು ಗಂಟೆಗಳಷ್ಟು ದೂರದಲ್ಲಿ ನೆಲೆಗೊಂಡಿದೆ. ಇರುವ ಏಳು ರೈಲು ನಿಲ್ದಾಣಗಳಲ್ಲಿ ಆಗ್ರಾ ಕೋಟೆ ರೈಲು ನಿಲ್ದಾಣ, ಆಗ್ರಾ ಕಾಂಟ್ ರೈಲು ನಿಲ್ದಾಣ ಮತ್ತು ರಾಜ- ಕಿ- ಮಂಡಿ ರೈಲು ನಿಲ್ದಾಣಗಳು ಪ್ರಮುಖ ರೈಲು ನಿಲ್ದಾಣಗಳಾಗಿವೆ. ರೈಲಿನಲ್ಲಿ ರಾಜ ವೈಭವವನ್ನು ಆನಂದಿಸುವ ಅವಕಾಶವನ್ನೊದಗಿಸುವ ’ಗಾಲಿಗಳ ಮೇಲೆ ಅರಮನೆ’ ರೈಲು, ಶತಾಬ್ದಿ ಮತ್ತು ರಾಜಧಾನಿ ಎಕ್ಸ್ ಪ್ರೆಸ್ ರೈಲು ಸೇರಿದಂತೆ ಹಲವಾರು ಪ್ರಮುಖ ರೈಲುಗಳು ಈ ರೈಲು ನಿಲ್ದಾಣಗಳ ಮೂಲಕ ಹಾದು ಹೋಗುತ್ತವೆ. ಟುಂಡ್ಲ ರೈಲು ನಿಲ್ದಾಣವು ಆಗ್ರಾದೊಂದಿಗೆ ಉತ್ತಮ ರಸ್ತೆ ಸಂಪರ್ಕವನ್ನು ಹೊಂದಿದೆ.