Search
  • Follow NativePlanet
Share
» »ಬೆ೦ಗಳೂರಿನಿ೦ದ ದೇವರಾಯನದುರ್ಗವೆ೦ಬ ಜನವಿರಳವಾದ ನೈಸರ್ಗಿಕ ಸೊಬಗಿನ ಸ್ಥಳಕ್ಕೆ ಭೇಟಿ ನೀಡಿರಿ

ಬೆ೦ಗಳೂರಿನಿ೦ದ ದೇವರಾಯನದುರ್ಗವೆ೦ಬ ಜನವಿರಳವಾದ ನೈಸರ್ಗಿಕ ಸೊಬಗಿನ ಸ್ಥಳಕ್ಕೆ ಭೇಟಿ ನೀಡಿರಿ

ಬೆ೦ಗಳೂರಿನಿ೦ದ ದೇವರಾಯನದುರ್ಗಕ್ಕೆ ಪ್ರಯಾಣಿಸಲು ನೆರವಾಗುವ ಮಾರ್ಗಸೂಚಿ, ದೇವರಾಯನದುರ್ಗಕ್ಕೆ ಭೇಟಿ ನೀಡಲು ಅತ್ಯ೦ತ ಪ್ರಶಸ್ತವಾಗಿರುವ ಕಾಲಾವಧಿ, ದೇವರಾಯದುರ್ಗಕ್ಕೆ ತಲುಪುವ ಬಗೆ ಹೇಗೆ ? ಇವೇ ಮೊದಲಾದ ವಿಚಾರಗಳ ಕುರಿತ೦ತೆ ಈ ಲೇಖನವು ನಿಮಗೆ ಮಾಹ

By Gururaja Achar

ದೇವರಾಯನದುರ್ಗವು ತುಮಕೂರಿಗೆ ಸಮೀಪದಲ್ಲಿರುವ ಒ೦ದು ಗಿರಿಧಾಮವಾಗಿದೆ. ಈ ಬೆಟ್ಟಪ್ರದೇಶವು ದಟ್ಟವಾದ ಅರಣ್ಯಗಳಿ೦ದ ಸುತ್ತುವರೆದಿದ್ದು, ಬೆಟ್ಟದ ತುದಿಯಲ್ಲಿ ಅನೇಕ ದೇವಸ್ಥಾನಗಳಿವೆ. ಅವುಗಳ ಪೈಕಿ ಯೋಗನಾರಸಿ೦ಹ ಮತ್ತು ಭೋಗನಾರಸಿ೦ಹರಿಗೆ ಸಮರ್ಪಿತವಾದ ದೇವಸ್ಥಾನಗಳು ಇಲ್ಲಿನ ಪ್ರಮುಖ ಆಕರ್ಷಣೆಗಳಾಗಿವೆ.

ಈ ದೇವಸ್ಥಾನಗಳು ಸಮುದ್ರಪಾತಳಿಯಿ೦ದ 3940 ಅಡಿಗಳಷ್ಟು ಎತ್ತರದಲ್ಲಿವೆ. ಮೂಲತ: ಈ ಸ್ಥಳದ ಹೆಸರು ಆನೆಬಿದ್ದಸಾರಿ (Anebiddasari) ಎ೦ದಾಗಿತ್ತು. ತರುವಾಯ "ಜಡಕ" ಎ೦ಬ ಆ ಪ್ರಾ೦ತದ ಮುಖ್ಯಸ್ಥನ ಗೌರವಾರ್ಥವಾಗಿ ಈ ಪ್ರದೇಶವನ್ನು ಜಡಕನ ದುರ್ಗ ಎ೦ದು ಮರುನಾಮಕರಣ ಮಾಡಲಾಯಿತು. ಇದಾದ ಬಳಿಕ, ಈ ಪ್ರಾ೦ತವನ್ನು ಚಿಕ್ಕ ದೇವರಾಜ ಒಡೆಯರು ಆಕ್ರಮಿಸಿ ಗೆದ್ದುಕೊ೦ಡ ಬಳಿಕ ಮಗದೊಮ್ಮೆ ಈ ಪ್ರಾ೦ತವನ್ನು ದೇವರಾಯನದುರ್ಗವೆ೦ದು ಪುನರ್ನಾಮಕರಣ ಮಾಡಲಾಯಿತು.

ದೇವರಾಯನದುರ್ಗಕ್ಕೆ ತಲುಪುವ ಬಗೆ ಹೇಗೆ ?

ದೇವರಾಯನದುರ್ಗಕ್ಕೆ ತಲುಪುವ ಬಗೆ ಹೇಗೆ ?

ವಾಯುಮಾರ್ಗದ ಮೂಲಕ: ಅತ್ಯ೦ತ ಸನಿಹದಲ್ಲಿರುವ ವಿಮಾನನಿಲ್ದಾಣವು ಕೆ೦ಪೇಗೌಡ ಅ೦ತರಾಷ್ಟ್ರೀಯ ವಿಮಾನನಿಲ್ದಾಣವಾಗಿದ್ದು, ಇದು ದೇವರಾಯನದುರ್ಗದಿ೦ದ 83 ಕಿ.ಮೀ. ಗಳಷ್ಟು ದೂರದಲ್ಲಿದೆ. ದೇಶದಾದ್ಯ೦ತ ಬಹುತೇಕ ಪ್ರಮುಖ ನಗರಗಳೊ೦ದಿಗೆ ಈ ವಿಮಾನನಿಲ್ದಾಣವು ಅತ್ಯುತ್ತಮವಾದ ವೈಮಾನಿಕ ಸ೦ಪರ್ಕವನ್ನು ಹೊ೦ದಿದ್ದು, ಜೊತೆಗೆ ಅನೇಕ ವಿದೇಶಗಳೊ೦ದಿಗೂ ಈ ವಿಮಾನನಿಲ್ದಾಣವು ಸ೦ಪರ್ಕವನ್ನು ಹೊ೦ದಿದೆ.

ರೈಲುಮಾರ್ಗದ ಮೂಲಕ: ತುಮಕೂರು ಅತ್ಯ೦ತ ಸನಿಹದಲ್ಲಿರುವ ರೈಲುನಿಲ್ದಾಣವಾಗಿದ್ದು, ಇದು ದೇವರಾಯನದುರ್ಗದಿ೦ದ 11 ಕಿ.ಮೀ. ಗಳಷ್ಟು ದೂರದಲ್ಲಿದೆ. ರಾಜ್ಯದ ವಿವಿಧ ಭಾಗಗಳಿ೦ದ ಅನೇಕ ರೈಲುಗಳು ಈ ನಿಲ್ದಾಣಕ್ಕೆ ಆಗಮಿಸುತ್ತವೆ ಹಾಗೂ ಜೊತೆಗೆ ಬೆ೦ಗಳೂರಿನಿ೦ದಲೂ ಆಗಾಗ್ಗೆ ತುಮಕೂರು ರೈಲ್ವೆನಿಲ್ದಾಣಕ್ಕೆ ಆಗಮಿಸುವ ರೈಲುಗಳೂ ಇವೆ.

ರಸ್ತೆಮಾರ್ಗದ ಮೂಲಕ: ದೇವರಾಯನದುರ್ಗಕ್ಕೆ ತಲುಪಲು ಲಭ್ಯವಿರುವ ಅತ್ಯುತ್ತಮವಾದ ಮತ್ತು ಅತ್ಯ೦ತ ಹೆಚ್ಚು ಪ್ರಾಶಸ್ತ್ಯ ನೀಡಲ್ಪಡುವ ಮಾರ್ಗೋಪಾಯವೆ೦ದರೆ ಅದು ರಸ್ತೆಯ ಮಾರ್ಗವಾಗಿರುತ್ತದೆ. ಬೆ೦ಗಳೂರು ನಗರದಿ೦ದ ಹೊರಡುವವರು ತಮ್ಮದೇ ಆದ ದ್ವಿಚಕ್ರ ಅಥವಾ ಚತು:ಶ್ಚಕ್ರ ವಾಹನದಿ೦ದ ನೇರವಾಗಿ ದೇವರಾಯನದುರ್ಗಕ್ಕೆ ತೆರಳಬಹುದು ಇಲ್ಲವೇ ಮೆಜೆಸ್ಟಿಕ್ ಬಸ್ ನಿಲ್ದಾಣದಿ೦ದ ಅಪರೂಪಕ್ಕೆ೦ಬ೦ತೆ ಸ೦ಚರಿಸುವ ನಿಗದಿತವಾದ ಬಸ್ಸನ್ನು ಆಶ್ರಯಿಸಬಹುದು. ಬಸ್ಸು, ನಿಮ್ಮನ್ನು ಬೆಟ್ಟದ ಪ್ರವೇಶದ್ವಾರದವರೆಗೂ ತಲುಪಿಸುತ್ತದೆ.

ಪ್ರಯಾಣದ ದೂರ

ಪ್ರಯಾಣದ ದೂರ

ಬೆ೦ಗಳೂರು ನಗರದಿ೦ದ ದೇವರಾಯನದುರ್ಗಕ್ಕಿರುವ ಒಟ್ಟು ದೂರವು 70 ಕಿ.ಮೀ. ಗಳಷ್ಟಾಗಿದ್ದು, ಗಿರಿಧಾಮಕ್ಕೆ ತಲುಪಲು ಸುಮಾರು ಒ೦ದು ಘ೦ಟೆಯಷ್ಟು ಕಾಲಾವಧಿಯ ಅವಶ್ಯಕತೆ ಇದೆ. ದೇವರಾಯನದುರ್ಗಕ್ಕೆ ತೆರಳಲು ಲಭ್ಯವಿರುವ ಮಾರ್ಗಗಳು ಈ ಕೆಳಗಿನ೦ತಿವೆ:

ಬೆ೦ಗಳೂರಿನ ಮೂಲಕ ನೆಲಮ೦ಗಲ, ಡಾಬಸ್ ಪೇಟೆ, ಮದ್ದೇನಹಳ್ಳಿ, ದೇವರಾಯನದುರ್ಗ - ರಾಷ್ಟ್ರೀಯ ಹೆದ್ದಾರಿ 48 ರ ಮೂಲಕ. ಈ ಮಾರ್ಗದ ಮೂಲಕ ದೇವರಾಯನದುರ್ಗಕ್ಕೆ ತಲುಪಲು ಸುಮಾರು ಒ೦ದು ಅಥವಾ ಎರಡು ಘ೦ಟೆಗಳ ಕಾಲ ತಗಲುತ್ತದೆ. ದೇವರಾಯನದುರ್ಗಕ್ಕೆ ಸಾಗಿಸುವ ರಸ್ತೆಗಳು ಅತ್ಯುತ್ತಮವಾದ ರೀತಿಯಲ್ಲಿ ನಿರ್ವಹಿಸಲ್ಪಡುತ್ತವೆ. ಏಕೆ೦ದರೆ, ಈ ರಾಷ್ಟ್ರೀಯ ಹೆದ್ದಾರಿಯು ರಾಜ್ಯದಾದ್ಯ೦ತ ಇತರ ಪ್ರಮುಖ ಪಟ್ಟಣಗಳು ಮತ್ತು ನಗರಗಳಿಗೆ ಸ೦ಪರ್ಕಿಸುತ್ತವೆ.

ಬೆ೦ಗಳೂರು ನಗರದ ಹೊರವಲಯದಲ್ಲಿರುವ ಪೀಣ್ಯ ಕೈಗಾರಿಕಾ ವಲಯದ೦ತಹ ಕೆಲವೊ೦ದು ಕೈಗಾರಿಕಾ ವಲಯಗಳ ಮೂಲಕ ಈ ರಸ್ತೆಯು ನಿಮ್ಮನ್ನು ಸಾಗಿಸುತ್ತದೆ. ಜೊತೆಗೆ ಇತರ ಪ್ರಮುಖ ಸ್ಥಳಗಳಾದ ನೆಲಮ೦ಗಲ, ಹೇಸರಘಟ್ಟಗಳ ಮುಖಾ೦ತರವೂ ಈ ರಸ್ತೆ ಮಾರ್ಗವು ಸಾಗುತ್ತದೆ.
PC: Pilar Saenz

ಡಾಬಸ್ ಪೇಟೆಯಲ್ಲೊ೦ದು ಪುಟ್ಟ ಅವಧಿಯ ನಿಲುಗಡೆ:

ಡಾಬಸ್ ಪೇಟೆಯಲ್ಲೊ೦ದು ಪುಟ್ಟ ಅವಧಿಯ ನಿಲುಗಡೆ:

ಡಾಬಸ್ ಪೇಟೆಯು ಬೆ೦ಗಳೂರು ನಗರಕ್ಕೆ ಅತ್ಯ೦ತ ಸನಿಹದಲ್ಲಿರುವುದರಿ೦ದ, ವಾರಾ೦ತ್ಯಗಳಲ್ಲಿ ಬಹುತೇಕರು ಈ ಸು೦ದರವಾದ ತಾಣದತ್ತ ಮುಖಮಾಡುತ್ತಾರೆ. ಡಾಬಸ್ ಪೇಟೆಯ ಸುತ್ತಮುತ್ತಲಿನ ದಟ್ಟವಾದ, ಹಚ್ಚಹಸುರಿನ ನಡುವೆ ಸೂರ್ಯೋದಯದ ದೇದೀಪ್ಯಮಾನವಾದ, ಮನಸೂರೆಗೊಳ್ಳುವ೦ತಹ ದೃಶ್ಯವನ್ನು ಸವಿಯುವುದಕ್ಕಾಗಿಯೇ ಬಹುತೇಕ ಮ೦ದಿ ಇಲ್ಲಿಗೆ ನಸುಕಿನೊಳಗಾಗಿ ಬ೦ದು ತಲುಪಲು ಆದ್ಯತೆ ನೀಡುತ್ತಾರೆ. ಉಪಾಹಾರಕ್ಕಾಗಿ ನಿಲುಗಡೆಗೊಳಿಸಲು ಡಾಬಸ್ ಪೇಟೆಯನ್ನು ಸಾಮಾನ್ಯವಾಗಿ ಯೋಗ್ಯವಾದ ಸ್ಥಳವೆ೦ದು ಪರಿಗಣಿಸಲಾಗುತ್ತದೆ. ರಾಷ್ಟ್ರೀಯ ಹೆದ್ದಾರಿಯಲ್ಲಿ ಬೆಳಗ್ಗಿನ ಉಪಾಹಾರವನ್ನು ಪೂರೈಸುವುದಕ್ಕಾಗಿ ಡಾಬಸ್ ಪೇಟೆಯಲ್ಲಿ ಹತ್ತುಹಲವು ರೆಸ್ಟೋರೆ೦ಟ್ ಗಳು ಲಭ್ಯವಿವೆ.
PC: Pradeep Kumbhashi

ಕಾಮತ್ ರೆಸ್ಟೋರೆ೦ಟ್:

ಕಾಮತ್ ರೆಸ್ಟೋರೆ೦ಟ್:

ಈ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಬಹುತೇಕ ಮ೦ದಿ ಡಾಬಸ್ ಪೇಟೆಯ ಕಾಮತ್ ರೆಸ್ಟೋರೆ೦ಟ್ ನಲ್ಲಿ ಬೆಳಗ್ಗಿನ ಉಪಾಹಾರವನ್ನು ಸೇವಿಸಲು ಪ್ರಾಶಸ್ತ್ಯ ನೀಡುತ್ತಾರೆ ಹಾಗೂ ಆ ಬಳಿಕ ತಮ್ಮ ತಾಣವಾದ ದೇವರಾಯನದುರ್ಗದತ್ತ ಪ್ರಯಾಣವನ್ನು ಮು೦ದುವರೆಸುತ್ತಾರೆ. ಇಲ್ಲಿ೦ದ ದೇವರಾಯನದುರ್ಗವು ಸರಿಸುಮಾರು 20 ಕಿ.ಮೀ. ಗಳಷ್ಟು ದೂರದಲ್ಲಿದ್ದು, ಈ ದೂರವನ್ನು ಕ್ರಮಿಸಲು ಅರ್ಧಘ೦ಟೆಯಷ್ಟು ಕಾಲಾವಧಿಯ ಅವಶ್ಯಕತೆ ಇದೆ.
PC: Dineshkannambadi

ಶಿವಗ೦ಗೆ

ಶಿವಗ೦ಗೆ

ಶಿವಗ೦ಗೆಯು ಇಲ್ಲಿನ ಸುಪ್ರಸಿದ್ಧವಾದ ಪರ್ವತಶಿಖರವಾಗಿದೆ. ಈ ಪರ್ವತವು ಶಿವಲಿ೦ಗದಾಕಾರದಲ್ಲಿದ್ದು, ಈ ಕಾರಣಕ್ಕಾಗಿಯೇ ಈ ಪರ್ವತವನ್ನು ಪವಿತ್ರವಾದುದೆ೦ದು ಪರಿಗಣಿಸಲಾಗಿದೆ.

ಸಮೀಪದಲ್ಲಿಯೇ ನೀರಿನ ಚಿಲುಮೆಯೊ೦ದಿದ್ದು, ಇದಕ್ಕೆ ಗ೦ಗಾ ಎ೦ಬ ಹೆಸರಿದೆ. ಈ ಸ್ಥಳವು ದಕ್ಷಿಣಕಾಶಿಯೆ೦ದೂ ಕರೆಯಲ್ಪಡುತ್ತಿದ್ದು, ಇಲ್ಲಿ ಭಗವಾನ್ ಶಿವನಿಗೆ ಹಾಗೂ ಹೊನ್ನಮ್ಮ ದೇವಿಗೆ ಸಮರ್ಪಿತವಾಗಿರುವ ಅನೇಕ ದೇವಸ್ಥಾನಗಳಿದ್ದು ಜೊತೆಗೆ ಇನ್ನಿತರ ಅನೇಕ ದೇವಾಲಯಗಳೂ ಇಲ್ಲಿವೆ.

ಕಡಿದಾದ ಬ೦ಡೆಗಲ್ಲೊ೦ದರ ಮೇಲೆ ನ೦ದಿಯ ವಿಗ್ರಹವೊ೦ದನ್ನು ಕೆತ್ತಲಾಗಿದ್ದು, ಈ ವಿಗ್ರಹವು ರಾಜ್ಯದಾದ್ಯ೦ತ ವಿವಿಧ ಸ್ಥಳಗಳಿ೦ದ ಅನೇಕ ಪ್ರವಾಸಿಗರನ್ನು ಆಕರ್ಷಿಸುತ್ತದೆ.
PC: Dineshkannambadi

ತಲುಪಬೇಕಾದ ತಾಣ: ದೇವರಾಯನದುರ್ಗ

ತಲುಪಬೇಕಾದ ತಾಣ: ದೇವರಾಯನದುರ್ಗ

ದೇವರಾಯನದುರ್ಗವು ತನ್ನ ಸುತ್ತಮುತ್ತಲಿನ ನಯನಮನೋಹರವಾದ ದೃಶ್ಯವೈಭವಗಳಿಗೆ ಸುಪ್ರಸಿದ್ಧವಾಗಿದೆ. ಇದಕ್ಕೆ ಹೊರತಾಗಿ, ಭಗವಾನ್ ನರಸಿ೦ಹನಿಗೆ ಸಮರ್ಪಿತವಾಗಿರುವ ಐತಿಹಾಸಿಕ ದೇವಸ್ಥಾನಗಳಿಗಾಗಿಯೂ ಕೂಡಾ ಈ ಬೆಟ್ಟವು ಹೆಸರುವಾಸಿಯಾಗಿದೆ.

ಈ ದೇವಸ್ಥಾನಗಳನ್ನು ದ್ರಾವಿಡ ವಾಸ್ತುಶೈಲಿಯಲ್ಲಿ ನಿರ್ಮಿಸಲಾಗಿದ್ದು, ಮೈಸೂರು ಸೀಮೆಯ ಅರಸನಾಗಿದ್ದ ಕ೦ಠೀರವ ನರಸರಾಜ I ನು ಇವುಗಳನ್ನು ಕಟ್ಟಿಸಿದನೆ೦ದು ನ೦ಬಲಾಗಿದೆ.

ಈ ಬೆಟ್ಟದಲ್ಲಿ ಎರಡು ಪ್ರಮುಖ ದೇವಸ್ಥಾನಗಳಿವೆ; ಬೆಟ್ಟದ ತಪ್ಪಲಿನಲ್ಲಿ ಭೋಗನಾರಸಿ೦ಹನಿಗೆ ಸಮರ್ಪಿತವಾದ ಒ೦ದು ದೇವಸ್ಥಾನ ಹಾಗೂ ಬೆಟ್ಟದ ತುದಿಭಾಗದಲ್ಲಿ ಯೋಗನಾರಸಿ೦ಹನಿಗೆ ಸಮರ್ಪಿತವಾಗಿರುವ ಎರಡನೆಯ ದೇವಸ್ಥಾನವಿದೆ.

ಬೆಟ್ಟದ ಮೇಲೆ ಲಕ್ಷ್ಮೀ ನರಸಿ೦ಹ, ಹನುಮಾನ್, ಮತ್ತು ಗರುಡರಿಗೆ ಸಮರ್ಪಿತವಾಗಿರುವ ಮತ್ತೊ೦ದು ದೇವಸ್ಥಾನವಿದೆ. ಹನುಮಾನ್ ಗುಡಿಯು ನರಸಿ೦ಹ ದೇವರ ಗುಡಿಗಿ೦ತಲೂ ಹಳೆಯದಾದುದು ಎ೦ದು ಹೇಳಲಾಗಿದ್ದು, ಇಲ್ಲಿ ಹನುಮಾನ್ ಅನ್ನು ಸ೦ಜೀವರಾಯ ಎ೦ದು ಕರೆಯುತ್ತಾರೆ.
PC: Srinivasa83

ನಾಮದ ಚಿಲುಮೆ (Namada Chilume)

ನಾಮದ ಚಿಲುಮೆ (Namada Chilume)

ಬೆಟ್ಟದ ಕೆಳಭಾಗದಲ್ಲಿ ನಾಮದ ಚಿಲುಮೆ ಎ೦ದು ಕರೆಯಲ್ಪಡುವ ಒ೦ದು ನೈಸರ್ಗಿಕವಾದ ಚಿಲುಮೆ ಇದೆ. ಪುರಾಣಕಥೆಗಳ ಪ್ರಕಾರ; ರಾಮ, ಸೀತಾ, ಮತ್ತು ಲಕ್ಷ್ಮಣರು ತಮ್ಮ ವನವಾಸದ ಸ೦ದರ್ಭದಲ್ಲಿ ಈ ಬೆಟ್ಟದಲ್ಲಿಯೇ ಆಶ್ರಯವನ್ನು ಪಡೆದಿದ್ದರೆ೦ದು ನ೦ಬಲಾಗಿದೆ. ರಾಮನು ತನ್ನ ಹಣೆಯ ಮೇಲೆ ತಿಲಕವನ್ನಿಟ್ಟುಕೊಳ್ಳುವುದಕ್ಕಾಗಿ ನೀರನ್ನರಸುತ್ತಿದ್ದಾಗ, ಆತನಿಗೆ ಎಲ್ಲಿಯೂ ನೀರು ಕ೦ಡುಬರಲಿಲ್ಲ. ಆದ್ದರಿ೦ದ, ರಾಮನು ಬ೦ಡೆಗೆ ಒ೦ದು ಬಾಣದಿ೦ದ ಗುರಿಯಿಟ್ಟು ಹೊಡೆಯಲು ಆ ಬ೦ಡೆಯಲ್ಲೊ೦ದು ರ೦ಧ್ರವು೦ಟಾಗಿ ಅದರಿ೦ದ ನೀರು ಹೊರಜಿನುಗಲಾರ೦ಭಿಸಿತು.

ಗೊರವನಹಳ್ಳಿ (Goravanahalli)

ಗೊರವನಹಳ್ಳಿ (Goravanahalli)

ಇಲ್ಲಿ೦ದ 20 ಕಿ.ಮೀ. ಗಳಷ್ಟು ದೂರದಲ್ಲಿ ಗೊರವನಹಳ್ಳಿಯೆ೦ದು ಕರೆಯಲ್ಪಡುವ ಮತ್ತೊ೦ದು ಸುಪ್ರಸಿದ್ಧವಾದ ದೇವಸ್ಥಾನವಿದೆ. ಈ ದೇವಸ್ಥಾನವು ಲಕ್ಷ್ಮೀ ದೇವಿಗೆ ಸಮರ್ಪಿತವಾಗಿದೆ. ದೇವಿಯ ಪ್ರತಿಮೆಯು ಉದ್ಬವಮೂರ್ತಿಯಾಗಿದೆ ಎ೦ದು ಹೇಳಲಾಗಿದ್ದು, ತನ್ನ ಭಕ್ತಜನರ ಪ್ರಾರ್ಥನೆಗಳಿಗೆ ನಿಶ್ಚಿತವಾಗಿ ಉತ್ತರಿಸುವ ಬಹು ಮಹಿಮಾನ್ವಿತಳಾದ ತಾಯಿಯೆ೦ದೇ ಈ ಲಕ್ಷ್ಮೀದೇವಿಯನ್ನು ಪರಿಗಣಿಸಲಾಗಿದೆ.
PC: Raja Ravi Varma

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X