ಅಕ್ಟೋಬರ್ನಲ್ಲಿ ಚಳಿಗಾಲದೊಂದಿಗೆ ಉದಯಗಿರಿಗೆ ಪ್ರವಾಸಿಗರ ಭೇಟಿ ಕೂಡ ಹೆಚ್ಚಾಗುತ್ತದೆ. ಹಲವು ಹಿಂದೂ ಹಬ್ಬಗಳೂ ಇದೇ ತಿಂಗಳಲ್ಲಿ ಬರುವುದರಿಂದ ಪ್ರವಾಸಿಗರು ಹೆಚ್ಚಾಗಿ ಬರುತ್ತಾರೆ. ಹವಾಮಾನವು ಪ್ರವಾಸಿ ಚಟುವಟಿಕೆಗಳಿಗೆ ಅನುಕೂಲಕರವಾಗಿರುತ್ತದೆ. ಹಾಗಾಗಿ ಚಳಿಗಾಲ ಉದಯಗಿರಿ ಪ್ರವಾಸಕ್ಕೆ ಸೂಕ್ತ ಸಮಯ.
ಏಪ್ರಿಲ್-ಜೂನ್ ಬೇಸಿಗೆ ಕಾಲ. ಈ ಸಮಯದಲ್ಲಿ ಉಷ್ಣಾಂಶವು 22 ಡಿಗ್ರಿಗಳಿಂದ 42 ಡಿಗ್ರಿ ಸೆಲ್ಸಿಯಸ್ಗಳಷ್ಟಿರುತ್ತದೆ. ಈ ಸಮಯದಲ್ಲಿ ಬಿಸಿಗಾಳಿ ಬೀಸುವುದರಿಂದ ಪ್ರಯಾಣ ತ್ರಾಸದಾಯಕವಾಗಿರುತ್ತದೆ. ಹಾಗಾಗಿ ಪ್ರವಾಸಿಗರು ಕೊಡೆ ಮತ್ತು ಸನ್ಸ್ಕ್ರೀನ್ ಲೋಶನ್ಗಳನ್ನು ಕೊಂಡೊಯ್ಯುವುದು ಉತ್ತಮ.
ಜೂನ್-ಸೆಪ್ಟಂಬರ್ ಮಳೆಗಾಲ. ಹೆಚ್ಚು ಮಳೆಯಾಗದಿದ್ದರೂ ಹವಾಮಾನವು ಆಹ್ಲಾದಕರವಾಗಿರುತ್ತದೆ. ಆದರೂ ಈ ಪ್ರವಾಸ ಕೈಗೊಳ್ಳುವುದು ಸೂಕ್ತವಲ್ಲ. ಏಕೆಂದರೆ ಇಲ್ಲಿಗೆ ಸಮೀಪದ ಕೆಲಸ್ಥಳಗಳಲ್ಲಿ ಪ್ರವಾಹದ ಭೀತಿಯಿದ್ದು ಸಂಪರ್ಕ ಕಡಿದು ಹೋಗುವ ಸಾಧ್ಯತೆಯಿರುತ್ತದೆ.
ಒಡಿಶಾದಲ್ಲಿ ಹೆಚ್ಚು ಕಾತರದಿಂದ ಕಾಯುವ ಕಾಲ ಚಳಿಗಾಲ. ಅಕ್ಟೋಬರ್-ಮಾರ್ಚ್ ಚಳಿಗಾಲ. ಈ ಸಮಯದಲ್ಲಿ ಉಷ್ಣತೆಯು 7 ಡಿಗ್ರಿ ಸೆಲ್ಸಿಯಸ್ಗಳಿಗೆ ಕುಸಿಯಬಹುದು. ಮೂಳೆಗಳು ಚುರುಗಟ್ಟುವಷ್ಟು ಶೀತಗಾಳಿಯು ಈ ಸಮಯದಲ್ಲಿ ಬೀಸುತ್ತದೆ. ಈ ಸಮಯದಲ್ಲಿ ಉದಯಗಿರಿಗೆ ಪ್ರವಾಸಕ್ಕೆ ಹೋಗುವುದು ನಿಜಕ್ಕೂ ಅದ್ಭುತ ಅನುಭವ. ಉಣ್ಣೆಯ ಉಡುಪುಗಳನ್ನು ಕೊಂಡೊಯ್ಯುವುದು ಅತ್ಯಗತ್ಯ.