ಸಿಂಹಾಚಲಂ ಹವಾಮಾನ

ಸಿಂಹಾಚಲಕ್ಕೆ ಹೋಗಲು ಅಕ್ಟೋಬರ್ ನಿಂದ ಫೆಬ್ರವರಿಯವರೆಗಿನ ಚಳಿಗಾಲವು ಅತ್ಯುತ್ತಮ ಅವಧಿಯಾಗಿದೆ. ಈ ಸಮಯದಲ್ಲಿ ಇಲ್ಲಿ ಚಳಿಯಿಂದ ಕೂಡಿರುವ ಚಳಿಗಾಲವಿರುವುದಿಲ್ಲ. ಆದರು ಬೆಚ್ಚಗೆ ಮುದ ನೀಡುವ ಹಿತವಾದ ವಾತಾವರಣವಿರುತ್ತದೆ. ಹಗಲಿಗೆ ಹೋಲಿಸಿದರೆ ಸಂಜೆ ಮತ್ತು ರಾತ್ರಿಗಳು ತುಂಬ ತಣ್ಣಗೆ ಇರುತ್ತವೆ. ಶಾಲು, ಮೇಲುಡುಪು ಇಲ್ಲವಾದರೆ ಅದನ್ನು ತಡೆಯುವುದು ಅಸಾಧ್ಯವಾಗುತ್ತದೆ.

ಬೇಸಿಗೆಗಾಲ

ಸಿಂಹಾಚಲದಲ್ಲಿ ಬೇಸಿಗೆಯು ತುಂಬ ಬಿಸಿಲಿನಿಂದ ಕೂಡಿರುತ್ತದೆ. ಈ ಸಮಯದಲ್ಲಿ ಇಲ್ಲಿನ ಉಷ್ಣಾಂಶವು 40 ಡಿಗ್ರಿಯವರೆಗು ತಲುಪುತ್ತದೆ. ಮಾರ್ಚ್, ಎಪ್ರಿಲ್ ಮತ್ತು ಮೇ ತಿಂಗಳುಗಳು ಇಲ್ಲಿ ಬೇಸಿಗೆಯ ತಿಂಗಳುಗಳಾಗಿರುತ್ತವೆ. ಕೆಲವೊಮ್ಮೆ ಜೂನ್ ಮಧ್ಯಭಾಗದವರೆಗು ಧಗೆಯಿರುತ್ತದೆ. ಈ ಸಮಯದಲ್ಲಿ ಸಂಜೆಗಳು ಸಹ ಬೆಚ್ಚಗೆ ಇದ್ದು, ರಾತ್ರಿಗಳು ತಂಪಾಗಿ ಇರುತ್ತವೆ. ಆದರೆ ಇದು ದಿನದ ಉಷ್ಣಾಂಶದ ಮೇಲೆ ಅವಲಂಬಿತವಾಗಿರುತ್ತದೆ.

ಮಳೆಗಾಲ

ಮಳೆಗಾಲವು ಸಿಂಹಾಚಲದಲ್ಲಿ ಜೂನ್‍ನಿಂದ ಶುರುವಾಗಿ ಜುಲೈ, ಆಗಸ್ಟ್ ಮತ್ತು ಸೆಪ್ಟೆಂಬರ್ ವರೆಗೆ ಇರುತ್ತದೆ. ಈ ಸ್ಥಳವು ಉತ್ತಮವಾದ ಮಳೆಯನ್ನೆ ಕಾಣುತ್ತದೆ. ಕೆಲವೊಮ್ಮೆ ಅಕ್ಟೋಬರ್ ತಿಂಗಳಿನಲ್ಲು ಸಹ ಹನಿ ಮಳೆಯು ಬೀಳುತ್ತದೆ. ಈ ಕಾಲದಲ್ಲಿ ಉಷ್ಣಾಂಶವು ಸಹಿಸಲು ಸಹ್ಯವೆನಿಸುವ 33 ಡಿಗ್ರಿಯಷ್ಟು ಇಳಿಯುತ್ತದೆ. ಆದರೆ ಆರ್ದ್ರತೆಯು ಸ್ವಲ್ಪ ಮಟ್ಟಿಗೆ ಹೆಚ್ಚಾಗುತ್ತದೆ. ಹಾಗಾಗಿ ಈ ಸಮಯವು ಇಲ್ಲಿಗೆ ಭೇಟಿ ಕೊಡಲು ಉತ್ತಮ ಕಾಲವಲ್ಲ.

ಚಳಿಗಾಲ

ಸಿಂಹಾಚಲದಲ್ಲಿ ಚಳಿಗಾಲವು ಆಂಧ್ರ ಪ್ರದೇಶದ ಇತರ ಭಾಗಗಳಂತೆ ಹಿತವಾಗಿರುತ್ತದೆ. ಆದರು ಈ ಪ್ರಾಂತ್ಯದಲ್ಲಿ ಅಷ್ಟೊಂದು ಚಳಿಯ ಕಾಟವಿರುವುದಿಲ್ಲ. ಈ ಕಾಲದಲ್ಲಿ ಇಲ್ಲಿನ ಉಷ್ಣಾಂಶವು 27 ಡಿಗ್ರಿಗಿಂತ ಮೇಲೆ ಹೋಗುವುದಿಲ್ಲ. ಇಲ್ಲಿ ಚಳಿಗಾಲವು ನವೆಂಬರ್ ಅಂತ್ಯ ಭಾಗದಲ್ಲಿ ಶುರುವಾಗಿ, ಫೆಬ್ರವರಿ ಮಧ್ಯ ಭಾಗದವರೆಗು ಇರುತ್ತದೆ.