Click it and Unblock the Notifications
ಗುಪ್ತೇಶ್ವರ ಗುಹೆಯು ಜೆಪೋರ್ ನಿಂದ 60 ಕಿ. ಮೀ ದೂರದಲ್ಲಿ ದಟ್ಟವಾದ ಅರಣ್ಯದ ಮಧ್ಯದಲ್ಲಿ, ಕೊಳಬ್ ನದಿಯ ಪಾರ್ಶ್ವದಲ್ಲಿದೆ. ಈ ಗುಹೆಯ ಒಳಗೆ ಪವಿತ್ರವಾದ ಗುಪ್ತೇಶ್ವರ ಲಿಂಗವಿದೆ. ಗುಪ್ತೇಶ್ವರ ಶಬ್ದದ ಅರ್ಥ 'ಗುಪ್ತ ದೇವರು' ಎಂದಾಗಿದ್ದು, ಛತ್ತಿಸ್ ಘರ್ ಜಿಲ್ಲೆಯಲ್ಲಿ 'ಗುಪ್ತ ಕೇದಾರ್' ಎಂಬುದಾಗಿ ಪರಿಚಿತವಾಗಿದೆ.
ಈ ಸ್ಥಳವು ಶ್ರಾವಣ ಹಬ್ಬಕ್ಕೆ ದೇಶಾದ್ಯಂತ ಪ್ರಸಿದ್ಧವಾಗಿದ್ದು, ಈ ಹಬ್ಬವನ್ನು ಹುಮ್ಮಸ್ಸು ಹಾಗೂ ಉಲ್ಲಾಸದಿಂದ ಆಚರಿಸಲಾಗುತ್ತದೆ. ದೇಶಾದ್ಯಂತದಿಂದ ಹಲವಾರು ಭಕ್ತರು ಶಿವರಾತ್ರಿಯ ಆಚರಣೆಗೆ ಇಲ್ಲಿಗೆ ಭೇಟಿ ನೀಡುತ್ತಾರೆ. ಪುರಾಣದ ಪ್ರಕಾರ, ರಾಮನು ತನ್ನ ಪತ್ನಿ ಸೀತಾ ಹಾಗೂ ತಮ್ಮ ಲಕ್ಷ್ಮಣನೊಂದಿಗೆ ಈ ಮಾರ್ಗವಾಗಿ ಹೋಗುತ್ತಿರುವಾಗ, ಈ ಲಿಂಗವನ್ನು ಕಂಡುಹಿಡಿದ ಎನ್ನಲಾಗುತ್ತದೆ.
ಯಾತ್ರಿಗಳು ಈ ಸ್ಥಳದ ಹತ್ತಿರದಲ್ಲೆ ಇರುವ ಸಬೇರಿ ನದಿಗೂ ಭೇಟಿ ನೀಡಬಹುದು. ಈ ಸುಂದರ ಪ್ರಶಾಂತ ನದೀ ತೀರದಲ್ಲಿ ಸ್ವಲ್ಪ ಹೊತ್ತು ವಿಹರಿಸುವುದರಿಂದ, ಮನಸ್ಸು, ಶರೀರ ಹಾಗೂ ಆತ್ಮಕ್ಕೆ ಸಮಾಧಾನ ಉಂಟಾಗಬಹುದು. ಪಿಸುಗುಟ್ಟುವ ಪರ್ವತಗಳು, ದಟ್ಟ ಕಾಡು,ಪ್ರಶಾಂತ ನದಿ ಹಾಗೂ ಪವಿತ್ರವಾದ ಶಿವ ಲಿಂಗ ಈ ಸ್ಥಳದ ಭೇಟಿಯನ್ನು ರಸಮಯವಾಗಿಸುತ್ತದೆ.
