Click it and Unblock the Notifications
ಗುರುದ್ವಾರ ಹೇಮಕುಂಡ ಸಾಹಿಬ್, ಹೇಮಕುಂಡ ಸರೋವರದ ತಟದಲ್ಲಿ ಸ್ಥಿತವಾಗಿರುವ ಸಿಖ್ಖರ ಪವಿತ್ರ ಸ್ಥಳವಾಗಿದೆ. ಇಲ್ಲಿ ಸಿಖ್ಖರ ಹತ್ತನೆಯ ಗುರು, ಗುರು ಗೋವಿಂದ ಸಿಂಗ್ ಧ್ಯಾನ ಮಾಡಿದ್ದರು ಎಂಬ ಕಾರಣಕ್ಕೆ ಹೆಚ್ಚು ಮಹತ್ವ ಪಡೆದಿದೆ. ಈ ಪವಿತ್ರ ಆಲಯಕ್ಕೆ ಕಾಲಿಡುವ ಮುನ್ನ ಭಕ್ತರು ಇಲ್ಲೇ ಇರುವ ಸರೋವರದಲ್ಲಿ ಮುಳುಗಿ, ಶುದ್ಧರಾಗಿ ಪ್ರವೇಶಿಸುತ್ತಾರೆ. ಈ ಕೊಳದ ನೀರು ಬಹಳ ತಂಪಾಗಿದ್ದು ಇಲ್ಲಿ ಪುರುಷ ಮತ್ತು ಮಹಿಳೆಯರಿಗೆಂದು ಪ್ರತ್ಯೇಕವಾದ ಸ್ಥಳಗಳಿವೆ.
ಇಲ್ಲೇ ಸಮೀಪದಲ್ಲಿರುವ ಅಂಗಡಿಗಳಿಂದ ನೆನಪಿನ ವಸ್ತುಗಳನ್ನು ಕೊಂಡೊಯ್ಯಬಹುದು. ಗುರುದ್ವಾರದ ಒಳಗೆ ಭಕ್ತರು ಚಹಾ ಮತ್ತು ಖಿಚಡಿಯನ್ನು 'ಕರಾ ಪ್ರಸಾದ'ದೊಂದಿಗೆ ಪಡೆಯುತ್ತಾರೆ. ಈ ಕರಾ ಪ್ರಸಾದವನ್ನು ಸಮ ಪ್ರಮಾಣದಲ್ಲಿ ಸಕ್ಕರೆ, ಗೋಧಿ ಹಿಟ್ಟು ಮತ್ತು ತುಪ್ಪವನ್ನು ಸೇರಿಸಿ ತಯಾರಿಸಲಾಗುತ್ತದೆ. ಇದನ್ನು ಕೂಟ ಅಥವಾ ಪ್ರಾರ್ಥನಾ ಸಭೆಯ ನಂತರ ನೀಡಲಾಗುತ್ತದೆ. ಈ ಪ್ರಾರ್ಥನಾ ಸಭೆಯಲ್ಲಿ ಮುಖ್ಯವಾಗಿ 'ಹುಕುಮ್ ನಾಮಾ' ವನ್ನು ಓದುತ್ತಾರೆ. ಇದು ಗುರು ಗ್ರಂಥ ಸಾಹಿಬ್ ನ ಎಡ ಭಾಗದ ಪುಟದ ಮೇಲ್ಭಾಗದಲ್ಲಿ ಇರುತ್ತದೆ. ಇದನ್ನು ಯಾವುದೇ ಕ್ರಮವಿಲ್ಲದೆ ಆಯ್ಕೆ ಮಾಡಲಾಗುತ್ತದೆ. ಗುರುದ್ವಾರವನ್ನು 1960 ರಲ್ಲಿ ಭಾರತದ ಸೈನ್ಯದ ಮುಖ್ಯ ಎಂಜಿನಿಯರ್ ಹರ್ಕಿರತ್ ಸಿಂಗ್ ಇಲ್ಲಿಗೆ ಭೇಟಿ ನೀಡಿದಾಗ ಕಟ್ಟಲಾಯಿತು. ನಂತರ ವಿನ್ಯಾಸಕ ಸಿಯಾಲಿ ಗುರುದ್ವಾರದ ನಿರ್ಮಾಣದ ಜವಾಬ್ದಾರಿ ಹೊತ್ತ.
