ಔರಂಗಬಾದ್ ರೈಲು ನಿಲ್ದಾಣವು ಮುಖ್ಯ ಮಾರ್ಗದಲ್ಲಿ ಬರುವುದಿಲ್ಲ. ಮನ್ಮಾಡ್ ರೈಲು ನಿಲ್ದಾಣವು ಔರಂಗಬಾದಿನಿಂದ 120 ಕಿ.ಮೀ ದೂರದಲ್ಲಿ ಬರುತ್ತದೆ. ಮನ್ಮಾಡ್ ನಿಂದ ಔರಂಗಬಾದಿಗೆ ಟ್ಯಾಕ್ಸಿಯಲ್ಲಿ ತಲುಪಲು 900 ರೂಪಾಯಿ ಆಗುತ್ತದೆ. ಮುಂಬೈನಿಂದ ಔರಂಗಬಾದಿಗೆ ಎರಡು ರೈಲುಗಳು ಹೊರಡುತ್ತವೆ. ತಪೋವನ್ ಎಕ್ಸ್ ಪ್ರೆಸ್ – ಮುಂಬೈನಿಂದ ಪ್ರತಿ ಬೆಳಗ್ಗೆ ಹೊರಡುತ್ತದೆ ಮತ್ತು ಮಧ್ಯಾಹ್ನದ ನಂತರ ಔರಂಗಬಾದಿಗೆ ಆಗಮಿಸುತ್ತದೆ. ದೇವ್ ಗಿರಿ ಎಕ್ಸ್ ಪ್ರೆಸ್ – ರಾತ್ರಿಯಲ್ಲಿ ಹೊರಡುವ ರೈಲು. ಹೈದರಾಬಾದಿನಿಂದ ಔರಂಗಬಾದಿಗೆ ರೈಲಿನಲ್ಲಿ ತಲುಪಲು ಅಂದಾಜು 10- 10.5 ಘಂಟೆಗಳು ಬೇಕಾಗುತ್ತದೆ. ಅಜಂತಾ ಎಕ್ಸ್ ಪ್ರೆಸ್ - ಪ್ರತಿನಿತ್ಯ ಹೊರಡುತ್ತದೆ. ಎಸ್ ಸಿ ಎಮ್ ಎಮ್ ಆರ್ ಎಕ್ಸ್ ಪ್ರೆಸ್ – ಶುಕ್ರವಾರ ಮತ್ತು ಭಾನುವಾರ ಮಾತ್ರ ಹೊರಡುತ್ತದೆ. ಪುಣೆಯಿಂದ ಪುಣೆ ನಾಂದೇಡ್ ಎಕ್ಸ್ ಪ್ರೆಸ್ ಔರಂಗಬಾದಿಗೆ ಅಂದಾಜು 7 ಘಂಟೆಗಳ ಪ್ರಯಾಣದಲ್ಲಿ ತಲುಪುತ್ತದೆ. ಈ ರೈಲು ಕೇವಲ ಸೋಮವಾರ ಮತ್ತು ಬುಧವಾರಗಳಂದು ಹೊರಡುತ್ತದೆ.