Click it and Unblock the Notifications
ಕರ್ಬಿ ಅನ್ಗಲಾಂಗ್ ವನ್ಯಜೀವಿ ಅಭಯಾರಣ್ಯವು ಪೂರ್ವ ಕರ್ಬಿ ಅನ್ಗಲಾಂಗ್ ವನ್ಯಜೀವಿ ಅಭಯಾರಣ್ಯ ಮತ್ತು ಉತ್ತರ ಕರ್ಬಿ ಅನ್ಗಲಾಂಗ್ ವನ್ಯಜೀವಿ ಅಭಯಾರಣ್ಯವನ್ನು ಹೊಂದಿದೆ. ಇವೆರಡು ಕರ್ಬಿ ಅನ್ಗಲಾಂಗ್ ಜಿಲ್ಲೆಯಲ್ಲಿದೆ. ಹುಲಿ, ಆನೆ. ಕಾಡೆತ್ತು, ಜಿಂಕೆಗಳು, ಚಿಗರೆ, ಚಿಕ್ಕಬಾಲದ ಕೋತಿ, ಹೂಲಾಕ್ ಗಿಬ್ಬನ್, ಕಾಡುಹಂದಿ, ಪುನುಗು ಬೆಕ್ಕು ಮುಂತಾದ ವಿವಿಧ ಜಾತಿಯ ಪ್ರಾಣಿಗಳು ಅಭಯಾರಣ್ಯದಲ್ಲಿದೆ.
ಪೂರ್ವ ಕರ್ಬಿ ಅನ್ಗಲಾಂಗ್ ವನ್ಯಜೀವಿ ಅಭಯಾರಣ್ಯವು ಸುಮಾರು 221.81 ಚದರ ಕಿ.ಮೀ. ಪ್ರದೇಶದಲ್ಲಿ ವ್ಯಾಪಿಸಿದೆ. ಹೆಬ್ಬಾವು, ಸರ್ಪ, ಸೂಚಕ ಹಲ್ಲಿ, ಬೆಟ್ಟದ ಆಮೆ ಮುಂತಾದವುಗಳೊಂದಿಗೆ ಹಲವಾರು ವಿಧದ ಮರುಕುಟಿಗ ಪಕ್ಷಿಗಳನ್ನು ವೀಕ್ಷಿಸಬಹುದು. ಇದು ಅತ್ಯುತ್ತಮವಾಗಿ ಸಂರಕ್ಷಿಸಲ್ಪಟ್ಟಿರುವ ಅಭಯಾರಣ್ಯವಾಗಿದ್ದು, ನವಂಬರ್ ನಿಂದ ಎಪ್ರಿಲ್ ಮಧ್ಯೆ ಇಲ್ಲಿಗೆ ಭೇಟಿ ನೀಡಬಹುದು. 110 ಕಿ.ಮೀ. ದೂರದಲ್ಲಿರುವ ಜೊರ್ಹಾತ ವಿಮಾನ ನಿಲ್ದಾಣ ಎಲ್ಲಾ ಪ್ರದೇಶಗಳನ್ನು ಸಂಪರ್ಕಿಸುತ್ತದೆ. ದಿಮಾಪುರ ವಿಮಾನ ನಿಲ್ದಾಣ ಮತ್ತು ಗುವಾಹಟಿಯ ಎಲ್ ಜಿಬಿಐ ವಿಮಾನ ನಿಲ್ದಾಣ ಮೂಲಕ ಇಲ್ಲಿಗೆ ಪ್ರಯಾಣಿಸಬಹುದು.
ಉತ್ತರ ಕರ್ಬಿ ಅನ್ಗಲಾಂಗ್ ವನ್ಯಜೀವಿ ಅಭಯಾರಣ್ಯವು ಕಾರಂಜಿಗಾ ರಾಷ್ಟ್ರೀಯ ಉದ್ಯಾನದ ದಕ್ಷಿಣ ಭಾಗದ ಆಯಕಟ್ಟಿನಲ್ಲಿದೆ. ಪ್ರವಾಹದ ವೇಳೆ ಕಾರಂಜಿಗಾ ರಾಷ್ಟ್ರೀಯ ಉದ್ಯಾನದ ಪ್ರಾಣಿಗಳು ಇಲ್ಲಿಗೆ ಆಗಮಿಸುತ್ತದೆ.ಉತ್ತರ ಕರ್ಬಿ ಅನ್ಗಲಾಂಗ್ ವನ್ಯಜೀವಿ ಅಭಯಾರಣ್ಯವು ಜೊರ್ಹಾತ್ ವಿಮಾನ ನಿಲ್ದಾಣದಿಂದ 90 ಕಿ.ಮೀ. ದೂರ ಮತ್ತು ಗುವಾಹಟಿಯ ಎಲ್ ಜಿಬಿಐ ವಿಮಾನ ನಿಲ್ದಾಣದಿಂದ 220 ಕಿ.ಮೀ. ದೂರದಲ್ಲಿದೆ. ಕರ್ಬಿ ಅನ್ಗಲಾಂಗ್ ಜಿಲ್ಲೆಯ ಮುಖ್ಯಕಚೇರಿ ದಿಂಪುವಿನಿಂದ ಈ ಅಭಯಾರಣ್ಯವು 205 ಕಿ.ಮೀ. ದೂರದಲ್ಲಿದೆ.
ಕರ್ಬಿ ಅನ್ಗಲಾಂಗ್ ವನ್ಯಜೀವಿ ಅಭಯಾರಣ್ಯಕ್ಕೆ ನವಂಬರ್ ನಿಂದ ಎಪ್ರಿಲ್ ಮಧ್ಯೆ ಭೇಟಿ ನೀಡಲು ಸೂಕ್ತ ಸಮಯ.
