ಡೋಣ ಬನ್ನಿ ಸುಂದರ ವೆಲ್ಲೊರನ್ನು!
ಹುಡುಕಿ
 
ಹುಡುಕಿ
 

ಅರಸಿ ಹೋಗಬೇಕಾದ ಹಾಸನದ ವಿಶೇಷ ತಾಣಗಳು

ಹೊಯ್ಸಳರ ಕಾಲದಲ್ಲಿ ಉತ್ತುಂಗ ಸ್ಥಾನದಲ್ಲಿದ್ದ ಜಿಲ್ಲೆ ಹಾಸನ. ಇಂದು ಈ ತಾಣ ಹೊಯ್ಸಳರ ವಾಸ್ತುಶಿಲ್ಪದಿಂದ ಜಗತ್‍ಪ್ರಸಿದ್ಧಿ ಪಡೆದಿದೆ.

Published: Sunday, March 19, 2017, 10:00 [IST]
Share this on your social network:
   Facebook Twitter Google+ Pin it  Comments

ಹೊಯ್ಸಳರ ಕಾಲದಲ್ಲಿ ಉತ್ತುಂಗ ಸ್ಥಾನದಲ್ಲಿದ್ದ ಜಿಲ್ಲೆ ಹಾಸನ. ಇಂದು ಈ ತಾಣ ಹೊಯ್ಸಳರ ವಾಸ್ತುಶಿಲ್ಪದಿಂದ ಜಗತ್‍ಪ್ರಸಿದ್ಧಿ ಪಡೆದಿದೆ. ಇಲ್ಲಿಯ ಅನೇಕ ಹಳ್ಳಿ ಹಾಗೂ ಪಟ್ಟಣಗಳಲ್ಲಿ ಸುಮಾರು 50ಕ್ಕೂ ಹೆಚ್ಚು ಶಿಲ್ಪಕಲೆಯ ಆಗರಗಳು ಗುರುತಿಸಲ್ಪಟ್ಟಿವೆ. ಐತಿಹಾಸಿಕ ಪ್ರದೇಶಗಳ ಜೊತೆ ಆರ್ಥಿಕ, ತಾಂತ್ರಿಕ ಹಾಗೂ ಔದ್ಯೋಗಿಕ ಕ್ಷೇತ್ರಗಳಲ್ಲೂ ಮುನ್ನಡೆ ಸಾಧಿಸುತ್ತಿದೆ. ಈ ಸುಂದರ ಜಿಲ್ಲೆಯಲ್ಲಿ ನೋಡಬಹುದಾದಂತಹ ಅನೇಕ ತಾಣಗಳಿವೆ.

ಈ ತಾಣ ಬೆಂಗಳೂರಿನಿಂದ 182.6 ಕಿ.ಮೀ. ವ್ಯಾಪ್ತಿಯಲ್ಲಿದೆ. ಹಿತಕರವಾದ ವಾತಾವರಣ ಇರುವುದರಿಂದ ವರ್ಷದ ಎಲ್ಲಾ ಕಾಲದಲ್ಲೂ ಪ್ರವಾಸ ಕೈಗೊಳ್ಳಬಹುದು. ಕುಟುಂಬದವರೊಡನೆ, ಸ್ನೇಹಿತರೊಡನೆ ಅಥವಾ ಪ್ರೇಮಿಗಳಾಗಿ ಬಂದರೂ ಸ್ವಾಗತಿಸುವ ಈ ತಾಣದ ಸೊಬಗನ್ನು ಸವಿಯುವುದೇ ಒಂದು ಚೆಂದ. ಇಲ್ಲಿಗೆ ಒಮ್ಮೆ ಬಂದರೆ ತಪ್ಪದೆ ವೀಕ್ಷಿಸಬೇಕಾದ ತಾಣಗಳ ಬಗ್ಗೆ ತಿಳಿಯೋಣ...

ಬಾಹುಬಲಿ

ಶ್ರವಣಬೆಳಗೊಳದಲ್ಲಿ ಇರುವ ಈ ಬಾಹುಬಲಿ ಪ್ರತಿಮೆ 58 ಅಡಿ ಎತ್ತರದವನ್ನು ಹೊಂದಿದೆ. ಈ ಏಕಶಿಲಾ ಬಾಹುಬಲಿ ಪ್ರತಿಮೆಯನ್ನು ಚಾಮುಂಡರಾಯ ಕೆತ್ತಿಸಿದನು. ಜೈನರ ಪವಿತ್ರ ಕ್ಷೇತ್ರವಾದ ಇಲ್ಲಿ 12 ವರ್ಷಕ್ಕೊಮ್ಮೆ ಮಸ್ತಕಾಭಿಷೇಕವನ್ನು ನೆರವೇರಿಸಲಾಗುತ್ತದೆ. ಇದು ಗಿರಿ ಪ್ರದೇಶದಲ್ಲಿ ಇರುವುದರಿಂದ ಚಾರಣ ಪ್ರಿಯರಿಗೊಂದು ಸ್ವರ್ಗ ತಾಣ.
PC: wikipedia.org

ಕೇದಾರೇಶ್ವರ ದೇಗುಲ

ಹಳೆಬೀಡು ದೇಗುಲಕ್ಕೆ ಸಮೀಪದಲ್ಲಿರುವ ಈ ದೇವಸ್ಥಾನ ಚಾಲುಕ್ಯರ ಶೈಲಿಯಲ್ಲಿ ನಿರ್ಮಾಣಗೊಂಡಿದೆ. ಈ ದೇವಾಲಯದಲ್ಲಿ ಹೊಯ್ಸಳರ ಲಾಂಛನಗಳಿರುವುದನ್ನು ಕಾಣಬಹುದು. ಮನೋಹರವಾಗಿ ಕೆತ್ತಿದ ಗೋಡೆಗಳು, ಛಾವಣಿಗಳು, ಮಹಾಭಾರತ, ರಾಮಾಯಣಕ್ಕೆ ಸಂಬಂಧಿಸಿದ ಕೆತ್ತನೆಗಳಿರುವುದನ್ನು ಕಾಣಬಹುದು.
PC: wikipedia.org

ಶೆಟ್ಟಿಹಳ್ಳಿ ರೋಸರಿ ಚರ್ಚ್

ಶೆಟ್ಟಿಹಳ್ಳಿಯಿಂದ 22 ಕಿ.ಮೀ. ವ್ಯಾಪ್ತಿಯಲ್ಲಿರುವ ಈ ಚರ್ಚ್‍ಅನ್ನು 1860ರಲ್ಲಿ ಫ್ರೆಂಚ್ ಪಾದ್ರಿಗಳು ನಿರ್ಮಿಸಿದರು ಎನ್ನಲಾಗುತ್ತದೆ. ಇದು ಗೋಥಿಕ್ ವಿನ್ಯಾಸದಲ್ಲಿ ರಚನೆಗೊಂಡಿದೆ. ಹೇಮಾವತಿ ನದಿ ದಂಡೆಯ ಮೇಲೆ ನಿಂತಿರುವುದರಿಂದ ಪ್ರವಾಸಿಗರಿಗೊಂದು ವಿಶೇಷ ಆಕರ್ಷಣಾ ಸ್ಥಳವಾಗಿದೆ. ಮಳೆಗಾಲದಲ್ಲಿ ಅತಿ ಹೆಚ್ಚು ಪ್ರವಾಸಿಗರು ಇಲ್ಲಿಗೆ ಆಗಮಿಸುತ್ತಾರೆ.
PC: wikipedia.org

ಲಕ್ಷ್ಮಿ ನರಸಿಂಹ ದೇವಾಲಯ

13ನೇ ಶತಮಾನದಲ್ಲಿ ನಿರ್ಮಾಣಗೊಂಡ ಭವ್ಯ ದೇಗುಲ ಇದು. 1246ರಲ್ಲಿ ಬೊಮ್ಮನ ದಂಡನಾಯಕ ನಿರ್ಮಿಸಿದ ಎನ್ನಲಾಗುತ್ತದೆ. ಹಾಸನದಿಂದ 50 ಕಿ.ಮೀ. ದೂರದಲ್ಲಿರುವ ಈ ತಾಣ ವಿಶಿಷ್ಟ ಕೆತ್ತನೆಗಳಿಂದ ಕೂಡಿದೆ. ಕಲ್ಲಿನಲ್ಲೇ ನಿರ್ಮಾಣಗೊಂಡ ಈ ದೇಗುಲ ಹೊಯ್ಸಳರ ಸುಂದರ ಕಲಾಕೃತಿಗೆ ಕನ್ನಡಿ ಹಿಡಿಯುತ್ತದೆ.
PC: wikipedia.org

ಚಂದ್ರಗಿರಿ ಬೆಟ್ಟ

ಶ್ರವಣ ಬೆಳಗೊಳದಲ್ಲಿರುವ ಜೈನರ ಪವಿತ್ರ ಕ್ಷೇತ್ರವಿದು. ಇಲ್ಲಿ ಜೈನ ಧರ್ಮದ ಕೆಲವು ಸ್ಮಾರಕಗಳು, ಬಸದಿಗಳು, ಶಾಸನಗಳು, ಗೊಮ್ಮಟ ಹಾಗೂ ಸ್ತಂಭಗಳು ಇವೆ. ಪುಟ್ಟ ಬೆಟ್ಟದ ಮೇಲಿರುವ ಈ ತಾಣ ಹಾಸನ ಜಿಲ್ಲೆಯ ಪ್ರಮುಖ ಆಕರ್ಷಣ ಸ್ಥಳಗಳಲ್ಲೊಂದು.
PC: wikipedia.org

ಬಿಸಲೆ ಘಾಟಿ

ಸಕಲೇಶಪುರದಿಂದ ಸುಮಾರು 25 ಕಿ.ಮೀ. ದೂರದಲ್ಲಿರುವ ಈ ತಾಣ ಬಿಸಿಲೆ ಎಂಬ ಗ್ರಾಮದಲ್ಲಿದೆ. ಈ ಗ್ರಾಮದಿಂದ 1 ಕಿ.ಮೀ. ದೂರದಲ್ಲಿ ಅರಣ್ಯ ಇಲಾಖೆ ವೀಕ್ಷಣಾ ಗೋಪುರವನ್ನು ನಿರ್ಮಿಸಿದೆ. ಮಳೆಗಾಲವನ್ನು ಹೊರತು ಪಡಿಸಿ ಉಳಿದ ಎಲ್ಲಾ ಕಾಲದಲ್ಲೂ ಇಲ್ಲಿ ನಿಂತು ಸುಂದರ ಪರಿಸರದ ದೃಶ್ಯವನ್ನು ಸೆರೆ ಹಿಡಿಯಬಹುದು.
PC: wikipedia.org

ಹೇಮಾವತಿ ಅಣೆಕಟ್ಟು

ಹಾಸನ ಜಿಲ್ಲೆಯ ಗೋರೂರಿನಲ್ಲಿ ಹೇಮಾವತಿ ನದಿಗೆ ಅಡ್ಡವಾಗಿ ಅಣೆಕಟ್ಟನ್ನು ಕಟ್ಟಲಾಗಿದೆ. ಇದು 245 ಕಿ.ಮೀ. ಉದ್ದ ಹಾಗೂ 5410 ಕಿ.ಮೀ. ಕಾಲುವೆ ಪ್ರದೇಶವನ್ನು ಒಳಗೊಂಡಿದೆ.
PC: wikipedia.org

ಬುಚೇಶ್ವರ ದೇಗುಲ

ಕೊರವಂಗಳದಲ್ಲಿರುವ ಬುಚೇಶ್ವರ ದೇಗುಲ 12ನೇ ಶತಮಾನದ್ದು. ಹೊಯ್ಸಳರ ಶೈಲಿಯಲ್ಲಿ ನಿರ್ಮಾಣಗೊಂಡ ಈ ದೇಗುಲ ಹಾಸನ ನಗರದಿಂದ 10 ಕಿ.ಮೀ. ದೂರದಲ್ಲಿದೆ. ಪುರಾತತ್ವ ಇಲಾಖೆಯು ಈ ದೇಗುಲದ ಸಂರಕ್ಷಣೆಯನ್ನು ಮಾಡಿದೆ. ಅಪರೂಪದ ಸೂಕ್ಷ್ಮ ಕಲಾಕೃತಿಯ ಕೆತ್ತನೆಯನ್ನು ಹೊಂದಿರುವ ಈ ದೇಗುಲ ಹಾಸನ ಜಿಲ್ಲೆಯ ಪ್ರಮುಖ ಆಕರ್ಷಣಾ ಕೇಂದ್ರ.
PC: wikipedia.org

Read more about: hassan
English summary

8 Best Places to Visit in Hassan

Not much is known of the history of Hassan. It was under the control of great Hoysala Empire during 11th to 13th century AD. This was the period when the great temples of Belur and Halebid were constructed. The region of Hassan was also greatly influenced by Jainism and later it became a well-known center of Jain literature.
Please Wait while comments are loading...