Click it and Unblock the Notifications
ಈ ಪ್ರಸಿದ್ಧ ಮಹಾಗಣೇಶ ದೇಗುಲವು ತಿಟ್ವಾಲಾ ಎಂಬ ಹಳ್ಳಿಯಲ್ಲಿದೆ. ಠಾಣೆ ಜಿಲ್ಲೆಯ ಪ್ರಮುಖ ಹಳ್ಳಿಗಳಲ್ಲಿ ಇದೂ ಒಂದೆನಿಸಿದೆ. ಸಿದ್ದಿವಿನಾಯಕನ ರೂಪದಲ್ಲಿ ಗಣೇಶನ ವಿಗ್ರಹ ಇಲ್ಲಿದೆ. ಇದರಿಂದ ಇದನ್ನು ಸಿದ್ದಿವಿನಾಯಕ ಮಹಾಗಣಪತಿ ದೇವಾಲಯ ಅಂತಲೂ ಕರೆಯಲಾಗುತ್ತದೆ. ಯಾರೇ ಆಗಲಿ ಭಕ್ತಿಯಿಂದ ಈ ಗಣೇಶ ವಿಗ್ರಹದ ಎದುರು ನಿಂತು ಬೇಡಿಕೊಂಡರೆ, ಅವರು ಬೇಡಿಕೊಂಡ ವ್ಯಕ್ತಿಯ ಜತೆ ವಿವಾಹವಾಗುತ್ತದೆ ಎಂದು ನಂಬಲಾಗಿದೆ. ಇದುವರೆಗೂ ಅದು ಸತ್ಯವಾಗುತ್ತಾ ಬಂದಿದೆ.
ಈ ದೇವಾಲಯದ ಆವರಣದಲ್ಲಿಯೆ, ದೇವ ಶಿವಶಂಕರನ ವಿಗ್ರಹ ಉಳ್ಳ ಚಿಕ್ಕ ದೇಗುಲವಿದೆ. ಅಲ್ಲದೆ, ಇಲ್ಲಿಯೆ ವಿಠ್ಠಲ-ರುಕ್ಮಿಣಿ ದೇವಾಲಯವೂ ಇದೆ.ಅಪಾರ ಜನಾಕರ್ಷಣೆಯಿಂದ ತುಂಬಿರುವ ಈ ಧಾರ್ಮಿಕ ಕೇಂದ್ರವು ಗಣೇಶ ಚತುರ್ಥಿ, ಅಂಗಾರಕ ಚತುರ್ಥಿ ಸಂದರ್ಭದಲ್ಲಿ ಭಕ್ತರಿಂದ ತುಂಬಿ ತುಳುಕುತ್ತದೆ. ಈ ಸಂದರ್ಭದಲ್ಲಿ ಜನ ಸಾಗರವೆ ಸೇರಿರುತ್ತದೆ. ಇಲ್ಲಿ ಈ ಸಮಯದಲ್ಲಿ, ಭಗವಂತನ ದರ್ಶನಕ್ಕಾಗಿ ಭಕ್ತರ ಉದ್ದನೆಯ ಸರದಿ ಸಾಲು ಕಂಡು ಬರುವುದು ತೀರಾ ಸಾಮಾನ್ಯ.
ದೇವಾಲಯದ ಆವರಣದ ಆಚೆ ಒಂದು ಕೃತಕ ಕೊಳವನ್ನು ನಿರ್ಮಿಸಲಾಗಿದೆ. ಇದರ ಸುತ್ತ ಆಕರ್ಷಕ ಉದ್ಯಾನ ನಿರ್ಮಾಣವಾಗಿದೆ. ಇಲ್ಲಿಯೆ ದೋಣಿ ವಿಹಾರ ಸೌಲಭ್ಯವನ್ನೂ ಕಲ್ಪಿಸಲಾಗಿದೆ.
