Click it and Unblock the Notifications
ಠಾಣೆ ಜಿಲ್ಲೆಯ ವ್ಯಾಪ್ತಿಗೆ ಒಳಪಡುವ ಮಾಲ್ಷೇಜ್ ಘಾಟ್ ಪ್ರದೇಶದಲ್ಲಿ ನಾನೇಘಾಟ್ ಬೆಟ್ಟ ಬರುತ್ತದೆ. ಇದೊಂದು ಉತ್ತಮ ಹಾಗೂ ಜನಪ್ರಿಯ ಪ್ರವಾಸಿ ತಾಣ. ಸಮುದ್ರ ಮಟ್ಟದಿಂದ ಇದು 838.2 ಮೀಟರ್ ಎತ್ತರದಲ್ಲಿದೆ. ಈ ಪ್ರದೇಶದ ಬೆಟ್ಟಗಳು ತಮ್ಮ ವಿಶಿಷ್ಟತೆಗಳಿಂದ ಜನಪ್ರಿಯವಾಗಿವೆ. ಇವು ಘಾತಮಾತದಿಂದ ಕೊಂಕಣಾಭಿಮುಖವಾಗಿ ಸಾಗಿವೆ. ಸಾಕಷ್ಟು ಗವಿ (ಸುರಂಗ)ಗಳನ್ನು ಒಳಗೊಂಡಿರುವ ಇವುಗಳಲ್ಲಿ ಕೆಲವು ಜಲ ಮೂಲಗಳಾಗಿವೆ. ಕಲ್ಲು ಬಂಡೆಗಳಿಂದ ಆವೃತ್ತವಾಗಿವೆ.
ಇಲ್ಲಿರುವ ಹಲವು ಗವಿಗಳಲ್ಲಿ ಕೆಲವು ಐತಿಹಾಸಿಕ ಹಿನ್ನೆಲೆಯನ್ನು ಹೊಂದಿವೆ. ಈ ಗುಹೆಗಳ ಬಳಿ ಬ್ರಾಹ್ಮಿ ಭಾಷೆಯ ಲಿಪಿ ಕಲ್ಲಿನ ಮೇಲೆ ಕೆತ್ತಿರುವುದು ಪತ್ತೆಯಾಗಿದೆ.
ನಾಚಾ ಅಂಗತಾವು ನಾನೇಘಾಟ್ ಬೆಟ್ಟದ ತುತ್ತತುದಿಯಾಗಿದೆ. ಇದು ಟ್ರೆಕ್ಕಿಂಗ್ ಹಾಗೂ ಬಂಡೆ ಏರುವ ಸಾಹಸಿಗಳನ್ನು ಕೈಬೀಸಿ ಕರೆಯುತ್ತದೆ. ಇಂತಹವರಿಗೆ ಇದೊಂದು ಉತ್ತಮ ತಾಣವಾಗಿ ಲಭಿಸಿದೆ.
