ಪೆರೆನ್ ಹವಾಮಾನ

ಹವಾಮಾನವು ಉತ್ತಮವಿರುವ ಬೇಸಿಗೆ ಮತ್ತು ವಸಂತ ಕಾಲಗಳು, ಪೆರೆನ್ ಅನ್ನು ಸಂದರ್ಶಿಸಲು ಅತಿ ಸೂಕ್ತ ಕಾಲಗಳು.  ವಸಂತ ಕಾಲದಲ್ಲಂತೂ ನೀವು ಈ ಜಿಲ್ಲೆಯ ಅತ್ಯುತ್ತಮ ಪ್ರಕೃತಿ ಸೌoದರ್ಯವನ್ನು ಸವಿಯಬಹುದು.  ಅಕ್ಟೋಬರ್ ತಿಂಗಳ ಅವಧಿಯಲ್ಲಿ ನೀವು ಭೇಟಿ ನೀಡಿದ್ದಾದರೆ, ಚಾಗಾ-ಜೀ ಮತ್ತು ಚೆಗಾ ಗಾಡಿ ಹಬ್ಬಗಳ ಸವಿಯನ್ನು ನೀವು ಸವಿಯಬಹುದು.

ಬೇಸಿಗೆಗಾಲ

ಮಾರ್ಚ್ ನಿಂದ ಮೇ ತಿಂಗಳವರೆಗಿನ ಅವಧಿಯು ಪೆರೆನ್ ನಲ್ಲಿ ಬೇಸಿಗೆ ಕಾಲವಾಗಿದ್ದು, ಇದು ವರ್ಷದ ಅತ್ಯುತ್ತಮ ಕಾಲಾವಧಿಯಾಗಿದೆ.  ಈ ದಿನಗಳಲ್ಲಿ ಉಷ್ಣತೆಯು 18 ಡಿಗ್ರಿ ಸೆಲ್ಷಿಯಸ್ ನಿಂದ 25 ಡಿಗ್ರಿ ಸೆಲ್ಷಿಯಸ್ ನವರೆಗೆ ವ್ಯಾಪಕಗೊಳ್ಳುತ್ತದೆ.  ಈ ಕಾಲಾವಧಿಯಲ್ಲಿ ಒಮ್ಮೊಮ್ಮೆ ಮಳೆಯೂ ಬೀಳುವುದರ ಮೂಲಕ ಈ ಪ್ರದೇಶದ ಮೆರುಗನ್ನು ಮತ್ತಷ್ಟು ಹೆಚ್ಚಿಸುತ್ತದೆ.

ಮಳೆಗಾಲ

ಜೂನ್ ತಿಂಗಳಿನಿಂದ ಅಕ್ಟೋಬರ್ ತಿಂಗಳ ಅವಧಿಯವರೆಗೆ ಪೆರೆನ್ ಜಿಲ್ಲೆಯು ನಾಗಲ್ಯಾಂಡ್ ರಾಜ್ಯದ ಹೆಚ್ಚಿನ ಇತರ ಭಾಗಗಳಂತೆ ಸಾಕಷ್ಟು ಮಳೆಯನ್ನು ಹೊಂದುತ್ತದೆ.  ಇಲ್ಲಿ ಆಗಾಗ್ಗೆ ಆಲಿಕಲ್ಲು ಮಳೆಯೂ ಸಹ ಉಂಟಾಗುತ್ತದೆ.  ವರ್ಷದ ಈ ಅವಧಿಯಲ್ಲಿ ಗಿರಿಶಿಖರಗಳು ಮತ್ತು ಅರಣ್ಯಗಳು ಅವುಗಳ ಉಚ್ಛ್ರಾಯ ಸ್ಥಿತಿಯಲ್ಲಿದ್ದು, ಹೆಚ್ಚಿನ ಮರ, ಗಿಡಗಳು ಹೂ, ಹಣ್ಣುಗಳನ್ನು ಹೊಂದಲು ಆರಂಭಿಸುತ್ತವೆ.

ಚಳಿಗಾಲ

ಪೆರೆನ್ ನಲ್ಲಿ ಚಳಿಗಾಲವು ನವೆಂಬರ್ ತಿಂಗಳಿನಿಂದ ಆರಂಭಗೊಂಡು, ಫೆಬ್ರವರಿಯ ಅಂತ್ಯದವರೆಗೂ ಮುಂದುವರೆಯುತ್ತದೆ.  ಪರ್ವತಮಯ ಪ್ರದೇಶವಾದ್ದರಿಂದ, ವರ್ಷದ ಈ ಅವಧಿಯಲ್ಲಿ, ಈ ಪ್ರದೇಶವು ಅತಿ ಭೀಷಣ ಚಳಿಯನ್ನು ಅನುಭವಿಸುತ್ತದೆ.  ಈ ಅವಧಿಯಲ್ಲಿ ತಾಪಮಾನವು 5 ಡಿಗ್ರಿ ಸೆಲ್ಷಿಯಸ್ ಗಿಂತಲೂ ಕಡಿಮೆಯಾಗಿ ಈ ಸ್ಥಿತಿಯು ಒಂದು ಬಾರಿಗೆ ಹಲವು ದಿನಗಳವರೆಗೆ ಮುಂದುವರೆಯುತ್ತದೆ.