Click it and Unblock the Notifications
ಜಮುಲಾ ದೇವಾಲಯವು, ಈ ಪ್ರದೇಶದಲ್ಲಿ ವಾಸಿಸುತ್ತಿದ್ದರೆನ್ನಲಾದ 'ಜಮುಲಾ ರಿಷಿ ದೇವತಾ' ಎಂಬ ಋಷಿಗೆ ಸಮರ್ಪಿತವಾಗಿದೆ. ದಂತಕಥೆಯ ಪ್ರಕಾರ, ಋಷಿವರ್ಯರು ಧ್ಯಾನಿಸಲು ಒಂದು ಒಳ್ಳೆಯ ಹಾಗು ಪ್ರಶಾಂತಮಯ ಸ್ಥಳದ ಹುಡುಕಾಟದಲ್ಲಿದ್ದರು. ವಿಶೇಷವೆಂದರೆ ಅವರು ವಿವಿಧ ದೇವರುಗಳ ಒಟ್ಟು18 ಚಿತ್ರಗಳನ್ನು ತಮ್ಮ ಚೀಲದಲ್ಲಿರಿಸಿ ಕೊಂಡಿದ್ದರು. ಈ ರೀತಿಯಾಗಿ ಸ್ಥಳವನ್ನು ಹುಡುಕುತ್ತಿರುವಾಗ ಆಕಸ್ಮಿಕವಾಗಿ ಬಿಸಿದಂತಹ ಗಾಳಿಗೆ ಸಿಕ್ಕಿ, ಅವರು ಹೊತ್ತೊಯ್ದಿದ್ದಂತಹ 18 ಚಿತ್ರಗಳು ಬಿಯಾಸ್ ಕಣಿವೆಯಲ್ಲೆಲ್ಲ 18 ಕಡೆ ಹರಡಿ ಬಿದ್ದವು.
ಇಂದು ಆ 18 ಚಿತ್ರಗಳು ಬಿದ್ದ 18 ವಿವಿಧ ಸ್ಥಳಗಳೇ ಸ್ಥಳೀಯರಿಗೆ ಪವಿತ್ರ ತಾಣಗಳಾಗಿವೆ. ಪ್ರಸ್ತುತ, ಈ ದೇವಾಲಯವು ಎಷ್ಟೊಂದು ಪವಿತ್ರತೆಯನ್ನು ಪಡೆದಿದೆಯೆಂದರೆ, ಸ್ಥಳೀಯವಾಗಿ ಯಾವುದೆ ವಿಚಾರ, ವಿಷಯದ ಕುರಿತು ವಿವಾದ ಅಥವಾ ಕಲಹದ ನಿಮಿತ್ತ ನ್ಯಾಯ ಬಗೆಹರಿಸುವುದಕ್ಕೆ ಇದೇ ನ್ಯಾಯಾಲಯವಾಗಿದೆ.
