Click it and Unblock the Notifications
ಧಿಕಲ ಎನ್ನುವುದು ಕಾರ್ಬೆಟ್ ರಾಷ್ಟ್ರೀಯ ಉದ್ಯಾನವನದ ಪಟ್ಲಿ ಡುನ್ ಕಣಿವೆಯಲ್ಲಿರುವ ಒಂದು ಪ್ರಸಿದ್ಧ ಪ್ರವಾಸಿ ತಾಣವಾಗಿದೆ. ಈ ಸ್ಥಳವು ಸುಮಾರು 100 ವರ್ಷ ಹಳೆಯದಾದ ಒಂದು ವಿಶ್ರಾಂತಿಗೃಹವನ್ನು ಹೊಂದಿದೆ. ಪ್ರವಾಸಿಗರು ಇಲ್ಲಿ ವಿಶ್ರಾಂತಿಯನ್ನು ಪಡೆಯಬಹುದು. ಪ್ರವಾಸಿಗರು ಇಲ್ಲಿ 'ಕಂಡ' ಪ್ರಪಾತದ ಹಿನ್ನಲೆಯಲ್ಲಿ ಕಂಗೊಳಿಸುವ ಸುಂದರ ಕಣಿವೆಯ ದೃಶ್ಯವನ್ನು ನೋಡಿ ಆನಂದಿಸಬಹುದು. ರಾಮ್ಗಂಗಾ ನದಿಯು ಈ ಕಣಿವೆಯಲ್ಲಿ ಹಲವಾರು ಕವಲುಗಳಾಗಿ ಹರಿಯುತ್ತದೆ.
ಧಿಕಲ ಪ್ರವಾಸಿ ಸಂಕೀರ್ಣದ ಹಿನ್ನಲೆಯಲ್ಲಿ ಧಿಕಲ ಚೌರ್ ಮತ್ತು ಫುಲೈ ಚೌರ್ ನಂತಹ ಹುಲ್ಲುಗಾವಲುಗಳು ಇವೆ. ಧಿಕಲ ಚೌರ್ ಈ ರಾಷ್ಟ್ರೀಯ ಉದ್ಯಾನವನದ ಅತಿ ದೊಡ್ಡ ಹುಲ್ಲುಗಾವಲಾಗಿದೆ. ಇದು ಹಲವಾರು ಕಾಲು ಹಾದಿಗಳನ್ನು ಹೊಂದಿದ್ದು, ಇದರ ಮೂಲಕ ಸಾಗುವ ಸಫಾರಿಯಲ್ಲಿ ಪ್ರವಾಸಿಗರಿಗೆ ಕಾಡಾನೆಗಳನ್ನು, ಚೀತಲ್, ಕಡವೆ ಮತ್ತು ವಿವಿಧ ಬಗೆಯ ಪಕ್ಷಿಗಳನ್ನು ನೋಡುವ ಅವಕಾಶವನ್ನು ಒದಗಿಸುತ್ತದೆ.
