Click it and Unblock the Notifications
ಕಾರ್ಬೆಟ್ ಜಲಪಾತವು ಸುಮಾರು 60 ಅಡಿಯಿಂದ ಧುಮ್ಮಿಕ್ಕುವ ಜಲಪಾತವಾಗಿದೆ. ಇದು ರಾಮ್ನಗರದಿಂದ ಸುಮಾರು 25 ಕಿ.ಮೀ ದೂರದಲ್ಲಿ ನೆಲೆಗೊಂಡಿದೆ. ಈ ಸ್ಥಳವು ಪಕ್ಷಿ ವೀಕ್ಷಣೆಗೆ, ಶಿಬಿರಗಳನ್ನು ಹಾಕಲು ಮತ್ತು ವಿಹಾರಕ್ಕೆ ಹೇಳಿ ಮಾಡಿಸಿದ ತಾಣವಾಗಿದೆ. ಇಲ್ಲಿನ ಅರಣ್ಯ ಇಲಾಖೆಯು ವಿಹಾರಾರ್ಥಿಗಳಿಗೆ ಬೇಕಾದ ಎಲ್ಲ ಸವಲತ್ತುಗಳನ್ನು ಒದಗಿಸುತ್ತದೆ. ಈ ಪ್ರಾಂತ್ಯವು ರಾಮ್ ನಗರ್ ಅರಣ್ಯ ವಿಭಾಗದ ಅಡಿ ಬರುತ್ತದೆ. ಇದು ಕಾಲಾಧುಂಗಿಯಿಂದ ಕೇವಲ 4 ಕಿ.ಮೀ ದೂರದಲ್ಲಿ ನೆಲೆಗೊಂಡಿದೆ.
ದಟ್ಟವಾದ ಹಸಿರ ಕಾನನ, ಜಲಪಾತದ ಭೋರ್ಗರೆತ, ಹಕ್ಕಿಗಳ ಚಿಲಿಪಿಲಿ ಮತ್ತು ಪ್ರಶಾಂತವಾದ ವಾತಾವರಣ ಹಾಗು ಇಲ್ಲಿನ ಸೌಂದರ್ಯವು ಪ್ರವಾಸಿಗರನ್ನು ಮಂತ್ರಮುಗ್ಧಗೊಳಿಸುತ್ತವೆ. ಇಲ್ಲಿಗೆ ಪ್ರವೇಶಿಸಲು ಭಾರತೀಯರು 5 ರೂಪಾಯಿಯ ಪ್ರವೇಶ ದರವನ್ನು ನೀಡಬೇಕು. ವಿದೇಶಿಯರು 10 ರೂಪಾಯಿಯನ್ನು ನೀಡಿ ಈ ಜಲಪಾತವನ್ನು ನೋಡಬಹುದು. ಪ್ರವಾಸಿಗರು ಇಲ್ಲಿ ಛಾಯಾಚಿತ್ರವನ್ನು ತೆಗೆಯಲು ಯಾವುದೇ ಶುಲ್ಕವನ್ನು ನೀಡಬೇಕಿಲ್ಲ. ಅಲ್ಲದೆ ಅವರು ಈ ಜಲಪಾತದಲ್ಲಿ ಸ್ನಾನವನ್ನು ಸಹ ಮಾಡಬಹುದು. ಇದರ ಜೊತೆಗೆ ಪ್ರವಾಸಿಗರು ಸಮೀಪದಲ್ಲಿರುವ ನೇಚರ್ ವಾಕ್ ವಸ್ತು ಸಂಗ್ರಹಾಲಯಕ್ಕೆ ಸಹ ಭೇಟಿಕೊಡಬಹುದು.
