ಅರುಣಾಚಲ ಪ್ರದೇಶದ ಅತ್ಯಂತ ಹಳೆಯ ನಗರವಾಗಿರುವ ಝೈರೊ ಗದ್ದೆ ಮತ್ತು ಸುಂದರ ದೇವದಾರು ಮರಗಳ ಸಾಲಿನ ನಡುವೆ ಇರುವ ಸಣ್ಣ ಸುಂದರ ಗಿರಿಧಾಮ. ಹೆಚ್ಚಿನ ಪ್ರದೇಶದಲ್ಲಿ ಹಬ್ಬಿಕೊಂಡಿರುವ ಬೃಹತ್ ಅರಣ್ಯ ಪ್ರದೇಶವು ಇಲ್ಲಿನ ಬುಡಕಟ್ಟು ಜನರಿಗೆ ಮನೆಯಾಗಿದೆ. ಈ ಸಣ್ಣ ಸುಂದರ ನಗರವು ಸಮುದ್ರ ಮಟ್ಟದಿಂದ ಸುಮಾರು 1500 ಮೀಟರ್ ಎತ್ತರದಲ್ಲಿದೆ.
ಇಲ್ಲಿರುವ ಅಗಾಧ ಸಸ್ಯರಾಶಿ ಮತ್ತು ಪ್ರಾಣಿಸಂಕುಲ, ಜೀವವೈವಿಧ್ಯ ನಿಸರ್ಗ ಪ್ರಿಯರಿಗೆ ನೆಚ್ಚಿನ ತಾಣವಾಗಿದೆ. ಪ್ರಕೃತಿ ದೇವರನ್ನು ಪೂಜಿಸುವ ಅಪತನಿ ಬುಡಕಟ್ಟಿನವರು ಕರಕುಶಲ ಹಾಗೂ ಕೈಮಗ್ಗದೊಂದಿಗೆ ಕೃಷಿ ಚಟುವಟಿಕೆಗಳನ್ನು ನಡೆಸಿ ತಮ್ಮ ಜೀವನ ಸಾಗಿಸುತ್ತಾರೆ. ಅಪತನಿ ಬುಡಕಟ್ಟು ಜನರು
ಇತರ ಬುಡಕಟ್ಟು ಜನಾಂಗದವರಂತೆ ಅಲೆಮಾರಿಗಳಲ್ಲ, ಇವರು ಝೈರೊದ ಮೂಲ ನಿವಾಸಿಗಳು.
ಝೈರೊ ಮತ್ತು ಸುತ್ತಮುತ್ತಲಿನ ಪ್ರವಾಸಿ ತಾಣಗಳು
ಝೈರೊದ ಪ್ರಮುಖ ಆಕರ್ಷಣೆಯೆಂದರೆ ಹಚ್ಚಹಸುರಿನಿಂದ ಕಂಗೊಳಿಸುವ ಟ್ಯಾಲಿವ್ಯಾಲಿ, ಹಿಲಾಕ್ ಝೈರೊ ಪುಟು, ತಾರೆನ್ ಮೀನು ಕೃಷಿ, ಕರ್ಡೊದಲ್ಲಿರುವ ಎತ್ತರದ ಶಿವಲಿಂಗ. ಅಪತನಿ ಜನರು ಹಲವಾರು ಹಬ್ಬಗಳನ್ನು ಆಚರಿಸುತ್ತಾರೆ. ಇದರಲ್ಲಿ ಮುಖ್ಯವಾಗಿ ಮಾರ್ಚ್ ನಲ್ಲಿ ನಡೆಯುವ ಮಯೊಕೊ ಹಬ್ಬ, ಜನವರಿಯಲ್ಲಿ ಬರುವ ಮುರುಂಗ್ ಹಬ್ಬ ಮತ್ತು ಜುಲೈಯಲ್ಲಿ ನಡೆಯುವ ದ್ರೀ ಹಬ್ಬ.
ಝೈರೊಗೆ ಭೇಟಿ ನೀಡಲು ಸೂಕ್ತ ಸಮಯ
ಹಬ್ಬದ ಸಂದರ್ಭದಲ್ಲಿ ಝೈರೊಗೆ ಭೇಟಿ ನೀಡಿದರೆ ಅರಣಾಚಲ ಪ್ರದೇಶದ ಜಾನಪದ ಬಣ್ಣಗಳನ್ನು ಆನಂದಿಸಬಹುದು