ಪಶ್ಚಿಮ ಸಿಕ್ಕಿಂನಲ್ಲಿರುವ ಉಟ್ಟಾರೆ ತನ್ನ ಪ್ರಾಕೃತಿಕ ಸೌಂದರ್ಯ ಮತ್ತು ಪ್ರಶಾಂತತೆಗೆ ಹೆಸರುವಾಸಿಯಾದದ್ದು. ಇದೊಂದು ಆಕರ್ಷಣೀಯ ಸ್ಥಳವಾಗಿದ್ದರೂ ಕೂಡ ಹೆಚ್ಚಾಗಿ ಪ್ರಸಿದ್ಧಿಯನ್ನು ಪಡೆದಿಲ್ಲ. ಇಲ್ಲಿಂದ ಹಿಮಾಲಯ ಪರ್ವತಗಳ ಅದ್ಭುತ ನೋಟವನ್ನು ನೋಡಬಹುದು. ಅದರಲ್ಲೂ ಚಳಿಗಾಲದಲ್ಲಿ ಹಿಮಾಚ್ಛಾದಿತ ಪರ್ವತಗಳನ್ನು ನೋಡಲು ಬಹಳ ಸುಂದರವಾಗಿರುತ್ತದೆ.
ಭೂಪ್ರದೇಶ
ಉಟ್ಟಾರೆ ಸಮುದ್ರ ಮಟ್ಟದಿಂದ 6600 ಅಡಿಗಳಷ್ಟು ಎತ್ತರದಲ್ಲಿದೆ. ಇಲ್ಲಿಗೆ ಗೆಜಿಂಗ್, ಪೆಲ್ಲಿಂಗ್ ಅಥವ ಡೆನ್ಟಂ ಮೂಲಕ ಬರಬಹುದು. ನೀವು ಇಲ್ಲಿಗೆ ಬರುವ ಹಾದಿಯಲ್ಲಿ ಏಷ್ಯಾದಲ್ಲಿ ಎರಡನೆಯ ಅತಿ ದೊಡ್ಡದಾದ ಸೇತುವೆ ಎಂದು ಹೆಸರಾಗಿರುವ ಸಿಂಗ್ಶೋರ್ ಸೇತುವೆಯ ಮೂಲಕ ಹಾದು ಬರುತ್ತೀರಿ.
ನೋಡಲೇಬೇಕಾದ ಸ್ಥಳಗಳು
ಉಟ್ಟಾರೆಯಲ್ಲಿ ನೋಡಬೇಕಾದ ಸ್ಥಳಗಳೆಂದರೆ: ಕಾಗ್ಜು ಗುಂಫಾ ಅಥವ ಮಠ, ಡೆಂಟಮ್ ಶಿಖರಾಗ್ರ, ಮೆನ್ಬಸ್ ಜಲಪಾತ ಮತ್ತು ಚಿಯುಯಬಂಗ್ ದ್ವಾರ.ಹವಾಮಾನ: ವರ್ಷಪೂರ್ತಿ ಇಲ್ಲಿನ ಹವಾಮಾನವು ತಂಪಾಗಿ ಮತ್ತು ಆಹ್ಲಾದಕರವಾಗಿರುತ್ತದೆ. ಇಲ್ಲಿ ಹೆಚ್ಚು ಉಷ್ಣತೆಯಿರುವುದಿಲ್ಲ ಅದೇ ರೀತಿ ಹೆಚ್ಚು ತಂಪಾಗಿ ಕೂಡ ಇರುವುದಿಲ್ಲ.