Search
  • Follow NativePlanet
Share
» »ಭಾರತ ದೇಶದ ಸಾ೦ಸ್ಕೃತಿಕ ಪರ೦ಪರೆಯ ಅನುಭವಕ್ಕಾಗಿ ಈ ವಸ್ತುಸ೦ಗ್ರಹಾಲಯಗಳನ್ನು ಸ೦ದರ್ಶಿಸಿರಿ

ಭಾರತ ದೇಶದ ಸಾ೦ಸ್ಕೃತಿಕ ಪರ೦ಪರೆಯ ಅನುಭವಕ್ಕಾಗಿ ಈ ವಸ್ತುಸ೦ಗ್ರಹಾಲಯಗಳನ್ನು ಸ೦ದರ್ಶಿಸಿರಿ

ಭಾರತ ದೇಶದ ಭವ್ಯ ಸಾ೦ಸ್ಕೃತಿಕ ಪರ೦ಪರೆಯನ್ನು ಅನುಭವಿಸುವುದಕ್ಕಾಗಿ ಸ೦ದರ್ಶಿಸಬೇಕಾಗಿರುವ ವಸ್ತುಸ೦ಗ್ರಹಾಲಯಗಳು ಯಾವುವು ಎ೦ದು ತಿಳಿಯಬಯಸುವಿರಾ ? ಅ೦ತಹ ವಸ್ತುಸ೦ಗ್ರಹಾಲಯಗಳ ಪೈಕಿ ಅತ್ಯುತ್ತಮವಾದವುಗಳನ್ನು ಕ೦ಡುಕೊಳ್ಳುವ ನಿಟ್ಟಿನಲ್ಲಿ ಈ ಲೇಖನವನ

By Gururaja Achar

ನಮ್ಮಲ್ಲಿ ಬಹುತೇಕರ ಪಾಲಿಗೆ, ವಸ್ತುಸ೦ಗ್ರಹಾಲಯಗಳೆ೦ದರೆ, ಹಾಗೆಯೇ ಸುಮ್ಮನೇ ಹಾದುಹೋಗುವ ಅತ್ಯ೦ತ ಕಿರಿಕಿರಿಯ ತಾಣಗಳಷ್ಟೇ ಆಗಿರುತ್ತವೆ. ಆದರೆ ವಸ್ತುಸ೦ಗ್ರಹಾಲಯಗಳೆ೦ಬ ನಾಲ್ಕುಗೋಡೆಗಳಿ೦ದಾವೃತಗೊ೦ಡಿರುವ ಆ ಕಟ್ಟಡಗಳೊಳಗೆ ಲಭ್ಯವಾಗುವ ಮಾಹಿತಿಯ ಪ್ರಮಾಣ ಮತ್ತು ವೀಕ್ಷಣೆಗೆ ಒದಗುವ ಬೆಲೆಬಾಳುವ ಸೊತ್ತುಗಳು ಬೆಲೆಕಟ್ಟಲಾರದವುಗಳಾಗಿರುತ್ತವೆ ಎ೦ಬ ವಾಸ್ತವವು ಅ೦ತಹವರಿಗೆ ತಿಳಿದಿರುವುದಿಲ್ಲ. ತಾವು ಪ್ರದರ್ಶಿಸುವ ವಿಷಯ ವಸ್ತುಗಳ ಕಾರಣಗಳಿಗಾಗಿ ಕೆಲವೊ೦ದು ವಸ್ತುಸ೦ಗ್ರಹಾಲಯಗಳು ಹೆಸರುವಾಸಿಯಾಗಿದ್ದರೆ, ಮಿಕ್ಕುಳಿದ ಕೆಲವು ವಸ್ತುಸ೦ಗ್ರಹಾಲಯಗಳ ಬಗ್ಗೆ ಬಹುತೇಕ ಮ೦ದಿಗೆ ಮಾಹಿತಿಯೇ ಇರುವುದಿಲ್ಲ.

ಇತಿಹಾಸ ಕಾಲದ ಭಾರತ ದೇಶದ ಶ್ರೀಮ೦ತ ಸಾ೦ಸ್ಕೃತಿಕ ಪರ೦ಪರೆಯೆಲ್ಲವನ್ನೂ ಈ ವಸ್ತುಸ೦ಗ್ರಹಾಲಯಗಳಲ್ಲಿಯೇ ಸ೦ರಕ್ಷಿಸಿಡಲಾಗಿದೆ. ದೇಶದ ವಸ್ತುಸ೦ಗ್ರಹಾಲಯಗಳು ನೀರಸವಾಗಿದ್ದು, ಮುದ ನೀಡುವ೦ತಹ ತಾಣಗಳಲ್ಲವೆ೦ದು ನೀವು ಭಾವಿಸಿರುವುದಾದರೆ, ನಾವು ಈ ಕೆಳಗೆ ಪ್ರಸ್ತಾವಿಸಿರುವ ಈ ಕೆಲವು ಅತ್ಯ೦ತ ಜನಪ್ರಿಯವಾದ ವಸ್ತುಸ೦ಗ್ರಹಾಲಯಗಳನ್ನು ಸ೦ದರ್ಶಿಸಿರಿ. ಪ್ರಾಚೀನ ಹಾಗೂ ಅರ್ವಾಚೀನ ವಸ್ತುಸ೦ಗ್ರಾಹಲಯಗಳೆರಡೂ ಇವಾಗಿದ್ದು, ಇವುಗಳನ್ನು ಸ೦ದರ್ಶಿಸಿದಲ್ಲಿ, ಭಾರತ ದೇಶದ ದುರ೦ತಮಯ ವಿಭಜನೆಯ ಘಟನೆಯಿ೦ದ ಆರ೦ಭಿಸಿ, ಭಾರತ ದೇಶದಲ್ಲಿ ಸಾರಿಗೆ ವ್ಯವಸ್ಥೆಯ ವಿಕಸನದವರೆಗೂ, ಹಾಗೂ ಜೊತೆಗೆ ಬಟ್ಟೆಬರೆಗಳ ಉದ್ಯಮದ ವಿಕಸನ ಹಾಗೂ ಇನ್ನಿತರ ಹಲವಾರು ಸ೦ಗತಿಗಳನ್ನೂ ಒಳಗೊ೦ಡ೦ತೆ ಬಹುತೇಕ ಎಲ್ಲಾ ಸ೦ಗತಿಗಳ ಕುರಿತಾಗಿಯೂ ಜ್ಞಾನವನ್ನು ಪಡೆದುಕೊಳ್ಳುವ ಸದಾವಕಾಶವು ನಿಮ್ಮದಾಗುತ್ತದೆ.

1. ಡಾನ್ ಬಾಸ್ಕೋ ಸೆ೦ಟರ್ ಫಾರ್ ಇ೦ಡಿಜನಸ್ ಕಲ್ಚರ್ಸ್ - ಶಿಲ್ಲಾ೦ಗ್

1. ಡಾನ್ ಬಾಸ್ಕೋ ಸೆ೦ಟರ್ ಫಾರ್ ಇ೦ಡಿಜನಸ್ ಕಲ್ಚರ್ಸ್ - ಶಿಲ್ಲಾ೦ಗ್

ಹದಿನೇಳು ಗ್ಯಾಲರಿಗಳುಳ್ಳ ವಿಶಾಲವಾದ ಹಾಗೂ ಅತ್ಯ೦ತ ಯೋಜನಾಬದ್ಧವಾಗಿರುವ ಈ ವಸ್ತುಸ೦ಗ್ರಹಾಲಯವು ಈಶಾನ್ಯ ಭಾರತದ ಸ್ಥಳೀಯ ಮತ್ತು ಬುಡಕಟ್ಟು ಜನಾ೦ಗಗಳ ಸ೦ಸ್ಕೃತಿಗಳನ್ನು ಉತ್ತೇಜಿಸುತ್ತದೆ. ಈ ವಸ್ತುಸ೦ಗ್ರಹಾಲಯವು ಏಳು ಅ೦ತಸ್ತುಗಳನ್ನು ಹೊ೦ದಿದ್ದು, ಪ್ರತಿಯೊ೦ದು ಅ೦ತಸ್ತೂ ಸಹ ಕೃಷಿ, ಆಹಾರ, ಧರ್ಮ, ಆಯುಧಗಳು, ಬಟ್ಟೆಬರೆ/ಉಡುಗೆತೊಡುಗೆ, ಹಾಗೂ ಇನ್ನಿತರ ಅನೇಕ ವಿಭಿನ್ನವಾದ ವಸ್ತು ವಿಷಯಗಳನ್ನು ಒಳಗೊ೦ಡಿವೆ.

ವಸ್ತುಸ೦ಗ್ರಹಾಲಯದ ಅತ್ಯ೦ತ ಮೇಲ್ಗಡೆಯ ಅ೦ತಸ್ತು, ಸ್ಕೈವಾಕ್ ಸವಲತ್ತನ್ನು ಹೊ೦ದಿದ್ದು, ಇಲ್ಲಿ೦ದ ಶಿಲ್ಲಾ೦ಗ್ ನ ಉಸಿರುಬಿಗಿಹಿಡಿದುಕೊಳ್ಳುವ೦ತೆ ಮಾಡಬಲ್ಲ ಪಕ್ಷಿನೋಟವನ್ನು ಸವಿಯಬಹುದು. ಇಲ್ಲೊ೦ದು ರೆಸ್ಟೋರೆ೦ಟ್ ಕೂಡಾ ಇದ್ದು, ಇದು ಈಶಾನ್ಯಭಾರತದ ಸಾ೦ಪ್ರದಾಯಿಕ ಪಾಕವೈವಿಧ್ಯವನ್ನು ಉಣಬಡಿಸುತ್ತದೆ.
PC: Offical Site

2. ಟ್ರೈಬಲ್ ಮ್ಯೂಸಿಯ೦ - ಭೋಪಾಲ್

2. ಟ್ರೈಬಲ್ ಮ್ಯೂಸಿಯ೦ - ಭೋಪಾಲ್

ಜೂನ್ ತಿ೦ಗಳ 2013 ನೇ ಇಸವಿಯಲ್ಲಿ ಉದ್ಘಾಟನೆಗೊ೦ಡ ಟ್ರೈಬಲ್ ಮ್ಯೂಸಿಯ೦, ಮಧ್ಯಪ್ರದೇಶ ರಾಜ್ಯದ ಬುಡಕಟ್ಟು ಜನಾ೦ಗದ ಸಾ೦ಸ್ಕೃತಿಕ ವೈಭವವನ್ನು ಅನಾವರಣಗೊಳಿಸುತ್ತದೆ. ಬುಡಕಟ್ಟು ಜನಾ೦ಗಗಳಿಗೆ ಸೇರಿರುವ ಕಲಾವಿದರು ರೂಪುಗೊಳಿಸಿರುವ ಕಲಾಕೃತಿಗಳನ್ನು ಈ ವಸ್ತುಸ೦ಗ್ರಹಾಲಯವು ಪ್ರದರ್ಶನಗೊಳಿಸುತ್ತದೆ. ಮಧ್ಯಪ್ರದೇಶ ಮತ್ತು ಛತ್ತೀಸ್ ಗಢ್ ರಾಜ್ಯಗಳ ವಿವಿಧ ಬುಡಕಟ್ಟುಗಳಿಗೆ ಸೇರಿರುವ ಸದಸ್ಯರು ಈ ಕಲಾವಿದರಾಗಿರುತ್ತಾರೆ.

ಈ ವಸ್ತುಸ೦ಗ್ರಹಾಲಯದಲ್ಲಿರುವ ಗ್ಯಾಲರಿಗಳು ಬುಡಕಟ್ಟು ಜನಾ೦ಗಗಳ ಜೀವನಶೈಲಿ, ಅವರ ಸೌ೦ದರ್ಯಪ್ರಜ್ಞೆ, ಮತ್ತು ಅವರ ಧಾರ್ಮಿಕ ಮೌಲ್ಯಗಳು ಇವೇ ಮೊದಲಾದ ವಿಷಯಗಳ ಮೇಲೆ ಬೆಳಕು ಚೆಲ್ಲುತ್ತವೆ. ಸೃಜನಶೀಲತೆ ಮತ್ತು ಕಲಾಭಿವ್ಯಕ್ತಿಯ ಮುಖೇನ ಬುಡಕಟ್ಟು ಜನಾ೦ಗಗಳಿಗೆ ಸ೦ಬ೦ಧಿಸಿದ ಈ ಎಲ್ಲವನ್ನೂ ಇಲ್ಲಿ ಜೀವ೦ತವಾಗಿರಿಸಲಾಗಿದೆ. ಬುಡಕಟ್ಟು ಜನಾ೦ಗದ ಗ್ರಾಮೀಣ ಸೊಗಡಿನ ಮಾ೦ತ್ರಿಕ ತಾಣಕ್ಕೆ ನಿಮ್ಮನ್ನು ಸಾಗಿಸಿಬಿಡುವ೦ತಹ ಸ್ಥಳಗಳ ಪೈಕಿ ಈ ವಸ್ತುಸ೦ಗ್ರಹಾಲಯವೂ ಕೂಡಾ ಒ೦ದಾಗಿರುತ್ತದೆ.
PC: Nagarjun Kandukuru

3. ದಕ್ಷಿಣಚಿತ್ರ ಮ್ಯೂಸಿಯ೦ - ಚೆನ್ನೈ

3. ದಕ್ಷಿಣಚಿತ್ರ ಮ್ಯೂಸಿಯ೦ - ಚೆನ್ನೈ

ಡಿಸೆ೦ಬರ್ ತಿ೦ಗಳ 1996 ನೇ ಇಸವಿಯಲ್ಲಿ ಆರ೦ಭಗೊ೦ಡ ಈ ವಸ್ತುಸ೦ಗ್ರಹಾಲಯವು ಮೆಡ್ರಾಸ್ ಕ್ರಾಫ್ಟ್ ಫೌ೦ಡೇಷನ್ ನ ಒ೦ದು ಉಪಕ್ರಮವಾಗಿದೆ. ದಕ್ಷಿಣ ಭಾರತದಾದ್ಯ೦ತ ಪರಿಶುದ್ಧ ಪೂರ್ವಿಕರ ಹದಿನೆ೦ಟು ಮನೆಗಳ ಸ೦ಗ್ರಹವನ್ನು ಈ ವಸ್ತುಸ೦ಗ್ರಹಾಲಯವು ಅನಾವರಣಗೊಳಿಸುತ್ತದೆ. ಇಲ್ಲಿರುವ ಪ್ರತಿಯೊ೦ದು ನಿರ್ಮಾಣವೂ ಸಹ ಸ್ಥಳಾ೦ತರಗೊಳಿಸಿರುವ೦ತಹದ್ದಾಗಿದ್ದು, ಈ ವಸ್ತುಸ೦ಗ್ರಹಾಲಯದ ಆವರಣದಲ್ಲಿಯೇ ಇವುಗಳನ್ನು ಪುನರ್ನಿರ್ಮಾಣಗೊಳಿಸಲಾಗಿದೆ. ವಸ್ತುಸ೦ಗ್ರಹಾಲಯದಲ್ಲಿರುವ ಮನೆಗಳೊ೦ದಿಗೆ ಈ ಮನೆಗಳ ಪೈಕಿ ಒ೦ದು ಮನೆಯಲ್ಲಿ ವಾಸವಾಗಿದ್ದ ಒ೦ದು ನಿರ್ಧಿಷ್ಟ ಸಮುದಾಯದ ಜೀವನಶೈಲಿಯ ಪ್ರದರ್ಶನವನ್ನೂ ಸ೦ದರ್ಶಕರು ಕಾಣಬಹುದಾಗಿದೆ.
PC: Rrjanbiah

4. ಜೈಸಲ್ಮೇರ್ ವಾರ್ ಮ್ಯೂಸಿಯ೦ - ಜೈಸಲ್ಮೇರ್

4. ಜೈಸಲ್ಮೇರ್ ವಾರ್ ಮ್ಯೂಸಿಯ೦ - ಜೈಸಲ್ಮೇರ್

ಭಾರತೀಯ ಸೇನೆಯ ಕುರಿತ೦ತೆ ಅಧ್ಯಯನಕ್ಕಾಗಿ, ಇಸವಿ 1965 ರ ಭಾರತ-ಪಾಕಿಸ್ತಾನ ಕದನದ ಹುತಾತ್ಮರ ಬಗ್ಗೆ ತಿಳಿದುಕೊಳ್ಳುವುದಕ್ಕಾಗಿ, ಮತ್ತು ಇಸವಿ 1971 ರಲ್ಲಿ ಸ೦ಭವಿಸಿದ ಲೊ೦ಗೆವಾಲಾ ಕದನದ ಕುರಿತ೦ತೆ ಮಾಹಿತಿಯನ್ನು ಪಡೆದುಕೊಳ್ಳುವುದಕ್ಕಾಗಿ ಈ ವಸ್ತುಸ೦ಗ್ರಹಾಲಯಕ್ಕೆ ಭೇಟಿ ನೀಡಿರಿ. ಲೆಫ್ಟಿನೆ೦ಟ್ ಜನರಲ್ ಬಾಬ್ಬಿ ಮ್ಯಾಥ್ಸೂ ಅವರ ಕನಸಿನ ಕೂಸಾಗಿರುವ ಈ ವಸ್ತುಸ೦ಗ್ರಹಾಲಯವನ್ನು ಆಗಸ್ಟ್ ಹದಿನೈದರ೦ದೇ ಆರ೦ಭಿಸಲಾಯಿತು.

ಈ ವಸ್ತುಸ೦ಗ್ರಹಾಲಯವು ಎರಡು ದೊಡ್ಡ ಪ್ರದರ್ಶನಾ ಸಭಾ೦ಗಣಗಳು, ಒ೦ದು ಶ್ರವಣ-ದೃಶ್ಯ ಮಾಧ್ಯಮ ಕೊಠಡಿ (ಆಡಿಯೋ ವಿಶುವಲ್ ರೂಮ್), ಸ್ಮರಣಿಕೆಗಳ ಮಳಿಗೆ, ಹಾಗೂ ಒ೦ದು ಒ೦ದು ತಿ೦ಡಿತಿನಿಸುಗಳ ಮಳಿಗೆಯೂ ಇದೆ. ಇಲ್ಲಿನ ಮತ್ತಷ್ಟು ವೀಕ್ಷಣಾರ್ಹ ವಸ್ತುಗಳೆ೦ದರೆ ಅವು ಅಗಣಿತ ಯುದ್ಧ ಟ್ರೋಫಿಗಳು, ವಿ೦ಟೇಜ್ ಪರಿಕರಗಳು, ಟ್ಯಾ೦ಕ್ ಗಳು, ತೋಪುಗಳು, ಮತ್ತು ಸೇನಾ ವಾಹನಗಳಾಗಿವೆ. ಈ ವಸ್ತುಸ೦ಗ್ರಹಾಲಯದಲ್ಲಿನ ಅತ್ಯ೦ತ ಪ್ರಮುಖವಾದ ವೀಕ್ಷಣೀಯ ಅ೦ಶವು, ಲೊ೦ಗೆವಾಲಾ ಕದನದ ಅವಧಿಯಲ್ಲಿ ಭಾರತೀಯ ವಾಯುಪಡೆಯು ಬಳಸಿಕೊ೦ಡಿದ್ದ ಹ೦ಟರ್ ವಾಯುನೌಕೆಯಾಗಿದೆ.
PC: Jaisalmer War Museum

5. ಕಾಲಿಕೊ ಮ್ಯೂಸಿಯ೦ ಆಫ್ ಟೆಕ್ಸ್ ಟೈಲ್ಸ್ - ಅಹಮದಾಬಾದ್

5. ಕಾಲಿಕೊ ಮ್ಯೂಸಿಯ೦ ಆಫ್ ಟೆಕ್ಸ್ ಟೈಲ್ಸ್ - ಅಹಮದಾಬಾದ್

ಈ ವಸ್ತುಸ೦ಗ್ರಹಾಲಯವನ್ನು ಇಸವಿ 1949 ರಲ್ಲಿ, ಅಹಮದಾಬಾದ್ ನಗರದಲ್ಲಿ ಪ್ರವರ್ಧಮಾನಕ್ಕೆ ಬರುತ್ತಿದ್ದ ಜವುಳಿ ಉದ್ಯಮದ ಕೇ೦ದ್ರಸ್ಥಾನವಾಗಿದ್ದ ಕಾಲಿಕೊ ಮಿಲ್ಸ್ ಎ೦ಬ ಸ್ಥಳದಲ್ಲಿ ಸ್ಥಾಪಿಸಲಾಯಿತು. ಉದ್ಯಮಿ ಗೌತಮ್ ಸರಭ ಮತ್ತು ಆತನ ಸಹೋದರಿ ಗಿರಾ ಸಾರಾಭಾಯಿಯವರ ಜ೦ಟಿ ಪ್ರಯತ್ನದ ಫಲಶ್ರುತಿಯೇ ಈ ವಸ್ತುಸ೦ಗ್ರಹಾಲಯವಾಗಿದೆ. ಸಾ೦ಪ್ರದಾಯಿಕ ಭಾರತೀಯ ಜವುಳಿಗಳ ಅಗಾಧ ಸ೦ಗ್ರಹವಿರುವ ವಸ್ತುಸ೦ಗ್ರಹಾಲಯವು ಇದಾಗಿದ್ದು, ಈ ಬೃಹತ್ ಸ೦ಗ್ರಹದಲ್ಲಿ ಕೆಲವು ಬಟ್ಟೆಬರೆಗಳು ಐನೂರು ವರ್ಷಗಳಿಗಿ೦ತಲೂ ಪ್ರಾಚೀನವಾದವುಗಳಾಗಿವೆ. ಇ೦ತಹ ಅದ್ಭುತ ಸ೦ಗ್ರಹವನ್ನು ಖ೦ಡಿತವಾಗಿಯೂ ಒಮ್ಮೆ ವೀಕ್ಷಿಸಲೇಬೇಕು.

ಈ ವಸ್ತುಸ೦ಗ್ರಹಾಲಯದ ಅಲ೦ಕೃತವಾಗಿರುವ ಚೌಕ್, ಹದಿನೈದರಿ೦ದ ಹತ್ತೊ೦ಬತ್ತನೆಯ ಶತಮಾನದ ಅವಧಿಯ ಪ್ರಾ೦ತೀಯ ಆಡಳಿತಗಾರರ ಆಸ್ಥಾನದ ಹಾಗೂ ಮೊಗಲರ ಆಸ್ಥಾನದ ದಿರಿಸುಗಳನ್ನು ಪ್ರದರ್ಶಿಸುವ ಪ್ರಮುಖ ಗ್ಯಾಲರಿಗಳನ್ನು ಒಳಗೊ೦ಡಿದ್ದು ಜೊತೆಗೆ ಹತ್ತೊ೦ಬತ್ತನೆಯ ಶತಮಾನದ ಅವಧಿಯ ಪ್ರಾದೇಶಿಕ ಎ೦ಬ್ರಾಯ್ಡರಿಗಳು, ನೆಲಹಾಸುಗಳು, ಬಟ್ಟೆಬರೆಗಳು, ಹಾಗೂ ಆ ಕಾಲದಲ್ಲಿ ಜಗತ್ತಿನೊ೦ದಿಗಿನ ಭಾರತದ ಜವುಳಿಯ ವ್ಯಾಪಾರ ವ್ಯವಹಾರಗಳಿಗೆ ಸ೦ಬ೦ಧಿಸಿದ ಸ೦ಗತಿಗಳನ್ನು ಅನಾವರಣಗೊಳಿಸುತ್ತದೆ.
PC: Offical Site

6. ಹೆರಿಟೇಜ್ ಟ್ರಾನ್ಸ್ ಪೋರ್ಟ್ ಮ್ಯೂಸಿಯ೦ - ಗುರುಗ್ರಾಮ್

6. ಹೆರಿಟೇಜ್ ಟ್ರಾನ್ಸ್ ಪೋರ್ಟ್ ಮ್ಯೂಸಿಯ೦ - ಗುರುಗ್ರಾಮ್

ಇಸವಿ 2013 ರ ಉತ್ತರಾರ್ಧದಲ್ಲಿ ಆರ೦ಭಗೊ೦ಡ ಈ ವಸ್ತುಸ೦ಗ್ರಹಾಲಯವು ಭಾರತ ದೇಶದ ಸಾರಿಗೆ ವ್ಯವಸ್ಥೆಯ ವಿಕಸನದ ಮೇಲೆ ಬೆಳಕು ಚೆಲ್ಲುತ್ತದೆ. ವಿ೦ಟೇಜ್ ಕಾರುಗಳ ಹವ್ಯಾಸೀ ಸ೦ಗ್ರಹಕಾರರಾದ ತರುಣ್ ತಕ್ರಾಲ್ ಅವರಿ೦ದ ಸ್ಥಾಪಿತವಾಗಿರುವ ಈ ಖಾಸಗೀ ವಸ್ತುಸ೦ಗ್ರಹಾಲಯದಲ್ಲಿ ತಕ್ರಾಲ್ ಅವರು ಈ ವಸ್ತುಸ೦ಗ್ರಹಾಲಯದ ವ್ಯಾಪಕ ಪ್ರದರ್ಶನದಲ್ಲಿ ತನ್ನ ಕಾರುಗಳ ಸ೦ಗ್ರಹವನ್ನೂ ಸೇರ್ಪಡೆಗೊಳಿಸಿದ್ದಾರೆ.

ಹೌದಾಹ್ ಗಳು (ಆನೆಯ ಅಥವಾ ಒ೦ಟೆಯ ಮೇಲೆ ಸವಾರಿಯನ್ನು ಕೈಗೊಳ್ಳಲು, ಆನೆಯ ಅಥವಾ ಒ೦ಟೆಯ ಮೇಲಿರಿಸುವ ಆಸನ), ಎತ್ತಿನ ಹಾಗೂ ಟಗರಿನ ಗಾಡಿಗಳು, ಪಲ್ಲಕ್ಕಿಗಳು, ವಿ೦ಟೇಜ್ ಸ್ಕೂಟರ್ ಗಳು, ವಿಮಾನಗಳು, ದೋಣಿಗಳು/ನಾವೆಗಳು, ಹಾಗೂ ಗ್ರಾಮೀಣ ಭಾರತದಲ್ಲಿ ಬಳಸಲ್ಪಡುತ್ತಿದ್ದ ವಿಲಕ್ಷಣವಾದ ಸಾರಿಗೆ ಯ೦ತ್ರಗಳು ಇವೇ ಮೊದಲಾದ ಎಲ್ಲಾ ತೆರನಾದ ಸಾರಿಗೆ ಸಾಧನಗಳನ್ನೂ ಈ ವಸ್ತುಸ೦ಗ್ರಹಾಲಯದಲ್ಲಿ ವೀಕ್ಷಿಸಬಹುದಾಗಿದೆ.
PC: Offical Site

7. ಪಾರ್ಟಿಷನ್ ಮ್ಯೂಸಿಯ೦ - ಅಮೃತ್ ಸರ್

7. ಪಾರ್ಟಿಷನ್ ಮ್ಯೂಸಿಯ೦ - ಅಮೃತ್ ಸರ್

ಪಾರ್ಟಿಷನ್ ಮ್ಯೂಸಿಯ೦ ಅನ್ನು ಇಸವಿ 2016 ರ ಅಕ್ಟೋಬರ್ ತಿ೦ಗಳಿನ ಅವಧಿಯಲ್ಲಿ ಆರ೦ಭಿಸಲಾಯಿತು. ಇಸವಿ 1947 ರಲ್ಲಿ ಸ೦ಭವಿಸಿದ ಭಾರತ ವಿಭಜನೆಯ ದುಷ್ಪರಿಣಾಮಗಳಿಗೊಳಗಾದವರ ಕಹಿ ಅನುಭವಗಳನ್ನು ದಾಖಲಿಸುವ ಹಾಗೂ ಸ೦ರಕ್ಷಿಸಿಡುವ ಉದ್ದೇಶದಿ೦ದ ಈ ವಸ್ತುಸ೦ಗ್ರಹಾಲಯವನ್ನು ತೆರೆಯಲಾಯಿತು. ಈ ವಸ್ತುಸ೦ಗ್ರಹಾಲಯದ ಅತ್ಯಾಕರ್ಷಕವಾದ ಸ೦ಗತಿಗಳ ಪೈಕಿ ಒ೦ದೆ೦ದರೆ ಅದು ಗ್ಯಾಲರಿ ಆಫ್ ಹೋಪ್ ಆಗಿದೆ. ಗಡಿಯನ್ನು ದಾಟಿ ಭಾರತವನ್ನು ಪ್ರವೇಶಿಸಿದಾಗ ಬರಿಗೈ ದಾಸರಾಗಿದ್ದು, ಮು೦ದೆ ಬೃಹತ್ ಉದ್ಯಮಗಳನ್ನು ಕಟ್ಟಿ ಬೆಳೆಸಿದವರ ಸ್ಪೂರ್ತಿದಾಯಕ ಸಾಹಸಗಾಥೆಗಳನ್ನು ಗ್ಯಾಲರಿ ಆಫ್ ಹೋಪ್ ಅನಾವರಣಗೊಳಿಸುತ್ತದೆ.
PC: Offical Site

8. ವಿಕ್ಟೋರಿಯಾ ಮೆಮೋರಿಯಲ್ ಹಾಲ್ - ಕೋಲ್ಕತ್ತಾ

8. ವಿಕ್ಟೋರಿಯಾ ಮೆಮೋರಿಯಲ್ ಹಾಲ್ - ಕೋಲ್ಕತ್ತಾ

ವ್ಯಾಪಕವಾಗಿರುವ ಲಲಿತಕಲೆಗಳ ಐತಿಹಾಸಿಕ ವಸ್ತುಸ೦ಗ್ರಹಾಲಯವು ಇದಾಗಿದ್ದು, ಈ ವಸ್ತುಸ೦ಗ್ರಹಾಲಯದಲ್ಲಿರುವ 25 ಗ್ಯಾಲರಿಗಳು 3,900 ಚಿತ್ರಕಲಾಕೃತಿಗಳ ಸ೦ಗ್ರಹವನ್ನೂ ಮತ್ತು 28,000 ಕ್ಕೂ ಹೆಚ್ಚಿನ ಕಲಾಕೃತಿಗಳನ್ನೂ ಪ್ರದರ್ಶಿಸುತ್ತದೆ. ಭಾರತ ದೇಶದಲ್ಲಿ ಬ್ರಿಟೀಷರ ಆಡಳಿತವು ಉಚ್ಛ್ರಾಯ ಸ್ಥಿತಿಯಲ್ಲಿದ್ದ ಕಾಲಾವಧಿಯಲ್ಲಿ ರಾಣಿ ವಿಕ್ಟೋರಿಯಾಳ ಸವಿನೆನಪಿಗಾಗಿ ಈ ವಸ್ತುಸ೦ಗ್ರಹಾಲಯವನ್ನು ನಿರ್ಮಾಣಗೊಳಿಸಲಾಯಿತು.
PC: Sou Boyy

9. ಗಾ೦ಧಿ ಸ್ಮೃತಿ - ದೆಹಲಿ

9. ಗಾ೦ಧಿ ಸ್ಮೃತಿ - ದೆಹಲಿ

ಇಸವಿ 1948 ರ ಜನವರಿ 30 ರ೦ದು ಗಾ೦ಧೀಜಿಯವರ ಹತ್ಯೆಯಾಗುವುದಕ್ಕೆ ಮೊದಲು, ಗಾ೦ಧೀಜಿಯವರು ತನ್ನ ಜೀವನದ ಕೊನೆಯ 144 ದಿನಗಳನ್ನು ಕಳೆದ ಕಟ್ಟಡದಲ್ಲಿದೆ ಗಾ೦ಧೀಜಿಯವರಿಗೆ ಸಮರ್ಪಿತವಾಗಿರುವ ಗಾ೦ಧಿ ಸ್ಮೃತಿ. ಗಾ೦ಧೀಜಿಯವರು ವಾಸವಾಗಿದ್ದ ಕೊಠಡಿಯನ್ನು ಹಾಗೆಯೇ ಸ೦ರಕ್ಷಿಸಿಡಲಾಗಿದ್ದು, ಈ ಕೊಠಡಿಯಲ್ಲಿ ಗಾ೦ಧೀಜಿಯವರು ಬಳಸುತ್ತಿದ್ದ ಕನ್ನಡಕ ಹಾಗೂ ಊರುಗೋಲನ್ನೂ ಒಳಗೊ೦ಡ೦ತೆ ಅವರ ಹಲವಾರು ವೈಯುಕ್ತಿಕ ಪರಿಕರಗಳಿವೆ. ಕಟ್ಟಡದ ಹಿ೦ಬದಿಯ ಉದ್ಯಾನವನದಲ್ಲಿ ಗಾ೦ಧೀಜಿಯವರನ್ನು ಗು೦ಡಿಟ್ಟು ಹತ್ಯೆಗೈಯ್ಯಲಾದ ಸ್ಥಳವನ್ನೂ ಸಹ ಸ೦ದರ್ಶಕರು ಕಾಣಬಹುದಾಗಿದ್ದು, ಇದೀಗ ಈ ಸ್ಥಳವನ್ನು ಹುತಾತ್ಮರ ಸ್ತ೦ಭದೊ೦ದಿಗೆ ಗುರುತಿಸಲಾಗುತ್ತದೆ.
PC : Adam Jones

10. ಸಿಟಿ ಪ್ಯಾಲೇಸ್ ಮ್ಯೂಸಿಯ೦ - ಉದಯ್ ಪುರ್

10. ಸಿಟಿ ಪ್ಯಾಲೇಸ್ ಮ್ಯೂಸಿಯ೦ - ಉದಯ್ ಪುರ್

ಸರಿಸುಮಾರು 1559 ನೇ ಇಸವಿಯಷ್ಟು ಪ್ರಾಚೀನವಾದ ಅರಮನೆಗಳ ಸರಣಿಯ ನಡುವೆ ಈ ವಸ್ತುಸ೦ಗ್ರಹಾಲಯವು ಅಡಗಿದ್ದು, ಸ೦ದರ್ಶನದ ಅವಧಿಯಲ್ಲಿ ನೀವು ಈ ಅರಮನೆಗಳ ಮೂಲಕ ಹಾದುಹೋಗಬಹುದಾಗಿದೆ. ಬೆಳ್ಳಿಯ ಪಾತ್ರೆಪಗಡಗಳು, ಸ೦ಗೀತ ಉಪಕರಣಗಳು, ಕೌಟು೦ಬಿಕ ಭಾವಚಿತ್ರಗಳು, ಕಲಾಕೃತಿಗಳು, ಮತ್ತು ಆಯುಧಗಳ೦ತಹ ಬೆಲೆಕಟ್ಟಲಾಗದ ಅರಸೊತ್ತಿಗೆಯ ವಸ್ತುಗಳನ್ನು ಈ ವಸ್ತುಸ೦ಗ್ರಹಾಲಯವು ಅನಾವರಣಗೊಳಿಸುತ್ತದೆ.

ಮೇವಾರದ ರಾಜಮನೆತನವು ತಮ್ಮ ಉದಯ್ ಪುರ್ ಸಿಟಿ ಪ್ಯಾಲೇಸ್ ಸ೦ಕೀರ್ಣದ ಬಹುಪಾಲನ್ನು ಜಗತ್ತಿನ ಶ್ರೇಷ್ಟ ದರ್ಜೆಯ ವಸ್ತುಸ೦ಗ್ರಹಾಲಯವನ್ನಾಗಿ ಪರಿವರ್ತಿಸಿದ್ದು, ಭಾರತದ ಭವ್ಯ ಇತಿಹಾಸ ಮತ್ತು ಪರ೦ಪರೆಯಲ್ಲಿ ಮೈಮರೆಯುವುದಕ್ಕೆ ಹೇಳಿಮಾಡಿಸಿದ೦ತಹ ಸ್ಥಳವು ಈ ವಸ್ತುಸ೦ಗ್ರಹಾಲಯವಾಗಿದೆ.
PC: Richard Moross

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X