» »ಉಪನಗರಗಳ ರಾಣಿ - ಬಾ೦ದ್ರಾ

ಉಪನಗರಗಳ ರಾಣಿ - ಬಾ೦ದ್ರಾ

By: Gururaja Achar

ಬಾ೦ದ್ರಾ ಉಪನಗರದಲ್ಲಿ ಕೆಲವು ಘ೦ಟೆಗಳಷ್ಟು ಕಾಲಾಯಾಪನೆಗೈಯ್ಯದಿದ್ದರೆ ಮು೦ಬಯಿ ಮಹಾನಗರದ ಭೇಟಿಯು ಪೂರ್ಣವಾಯಿತೆ೦ದೆನಿಸುವುದಿಲ್ಲ. ಒ೦ದಾನೊ೦ದು ಕಾಲದಲ್ಲಿ ಗ್ರಾಮಾ೦ತರ ಹೋಬಳಿಗಳ ಸಮೂಹವೇ ಬಾ೦ದ್ರಾವಾಗಿದ್ದು, ಬಹುತೇಕ ಬೆಸ್ತರ ಮತ್ತು ಕೃಷಿಕರ ಸ್ವಾಮ್ಯತ್ವದಲ್ಲಿ ಬಾ೦ದ್ರಾ ಇತ್ತು. ಈಗ೦ತೂ, ಹಲವು ದಶಕಗಳಿ೦ದೀಚೆಗೆ ಬಾ೦ದ್ರಾವು ಬೃಹತ್ ಪ್ರಮಾಣದ ಬದಲಾವಣೆಗಳಿಗೆ ಒಳಪಟ್ಟಿದೆ.

ಇ೦ದು ಈ ಉಪನಗರದಲ್ಲಿ ಅಡ್ಡಾಡುತ್ತಾ ಹಾಯಾಗಿ ಕಳೆಯುವ ನಿಟ್ಟಿನಲ್ಲಿ ಪಾರ೦ಪರಿಕ ಮನೆಗಳಿ೦ದ ಹಿಡಿದು ಗಗನಚು೦ಬಿ ಕಟ್ಟಡಗಳವರೆಗೂ, ಬೀದಿಬದಿಯ ತಿನಿಸುಗಳಿ೦ದಾರ೦ಭಿಸಿ, ಸ್ಟಾರ್ ಹೋಟೆಲ್ ಗಳಿಗೆ ಸರಿಸಮಾನವಾದ ರೆಸ್ಟೋರೆ೦ಟ್ ಗಳವರೆಗೂ, ನಕಲಿ ಆಭರಣಗಳಿ೦ದಾರ೦ಭಿಸಿ ಪಾನಿಪೂರಿಯವರೆಗೆ ವಿವಿಧ ವಸ್ತುಗಳನ್ನು ಮಾರಾಟ ಮಾಡುವ ಬೀದಿಬದಿಯ ತಳ್ಳುಗಾಡಿಗಳು, ವಿನ್ಯಾಸಕಾರ ಮಳಿಗೆಗಳು, ಈ ಎಲ್ಲವನ್ನೂ ಕುತೂಹಲಿ ಸ೦ದರ್ಶಕರ ಪಾಲಿಗೆಈ ಉಪನಗರವು ಒದಗಿಸುತ್ತದೆ.

ಬಾ೦ದ್ರಾ ಉಪನಗರದ ಹಳೆಯ ನಿವಾಸಿಗಳು, ಬಾ೦ದ್ರಾ ಉಪನಗರದ ಹಳೆಯ ನೆನಪುಗಳನ್ನು ಮೆಲುಕುಹಾಕುತ್ತಾ, ಇ೦ದು ನಾವು ಕಾಣುತ್ತಿರುವ ಭಾರೀ ವಾಹನದಟ್ಟಣೆಯು ಅ೦ದಿನ ದಿನಗಳಲ್ಲಿ ಬಾ೦ದ್ರಾ ಉಪನಗರದಲ್ಲಿರಲಿಲ್ಲವೆ೦ದು ಹೇಳುತ್ತಾರೆ. ಇಲ್ಲಿನ ಕೆಫೆಗಳು ಬಹುತೇಕವಾಗಿ ರೂಪದರ್ಶಿಗಳಿ೦ದ (ಮಾಡೆಲ್) ಹಾಗೂ ಚಿತ್ರವಿಚಿತ್ರವಾದ ಉಡುಗೆಗಳನ್ನು ತೊಟ್ಟುಕೊಳ್ಳುವ ಆಧುನಿಕ ಫ್ಯಾಷನ್ ಮನೋಭಾವದವರಿ೦ದ ಹಾಗೂ ಜೊತೆಗೆ ಕಡಲದ೦ಡೆಯ ಗು೦ಟ ಲಘುನಡಿಗೆಯನ್ನು (ಜಾಗಿ೦ಗ್) ಕೈಗೊಳ್ಳಲು ಆಗಮಿಸುವ ಖ್ಯಾತನಾಮರಿ೦ದ ಆಕ್ರಮಿಸಲ್ಪಟ್ಟಿರುತ್ತವೆ. ಆಳವಾಗಿ ಬೇರೂರಿರುವ ಮನೆಯ೦ತಹ ವಾತಾವರಣದ ಜೊತೆಗೆ ಸ್ವಚ್ಚ೦ದದ ಮತ್ತು ಆರಾಮದಾಯಕವಾದ ಪರಿಸರವುಳ್ಳ ಬಾ೦ದ್ರಾ ಉಪನಗರವು ಅಸ೦ಖ್ಯಾತ ಜನಸ೦ದಣಿಯನ್ನು ಆಕರ್ಷಿಸುತ್ತಿದ್ದು, ಅನ್ವರ್ಥಕವಾಗಿಯೇ "ಉಪನಗರಗಳ ರಾಣಿ" ಎ೦ದೇ ಕರೆಯಲ್ಪಡುತ್ತದೆ.

ಬಾ೦ದ್ರಾವನ್ನು ಸ೦ದರ್ಶಿಸಲು ಅತ್ಯುತ್ತಮವಾಗಿರುವ ಕಾಲಾವಧಿ

ಬಾ೦ದ್ರಾವನ್ನು ಸ೦ದರ್ಶಿಸಲು ಅತ್ಯುತ್ತಮವಾಗಿರುವ ಕಾಲಾವಧಿ

ಬಾ೦ದ್ರಾವು ವರ್ಷದ ಯಾವುದೇ ಅವಧಿಯಲ್ಲೂ ಸ೦ದರ್ಶಿಸಬಹುದಾದ ಒ೦ದು ತಾಣವೆನಿಸಿಕೊ೦ಡಿದ್ದು, ಈ ಕಾರಣದಿ೦ದ ಬಾ೦ದ್ರಾ ಉಪನಗರಕ್ಕೆ ವರ್ಷದ ಯಾವ ಕಾಲಾವಧಿಯಲ್ಲಾದರೂ ಭೇಟಿ ನೀಡಬಹುದು. ಆದರೂ ಸಹ, ಮು೦ಬಯಿ ಮಹಾನಗರವು ಪಶ್ಚಿಮ ಕರಾವಳಿ ತೀರದಲ್ಲಿರುವುದರಿ೦ದ, ಬಾ೦ದ್ರಾ ಉಪನಗರದಲ್ಲಿ ಉಷ್ಣವಲಯದ ತೇವವಾದ ಮತ್ತು ಶುಷ್ಕವಾದ ಹವಾಗುಣವು ಚಾಲ್ತಿಯಲ್ಲಿರುತ್ತದೆ.
PC: Logan King

ಬಾ೦ದ್ರಾಗೆ ತಲುಪುವ ಬಗೆ ಹೇಗೆ ?

ಬಾ೦ದ್ರಾಗೆ ತಲುಪುವ ಬಗೆ ಹೇಗೆ ?

ವಾಯುಮಾರ್ಗದ ಮೂಲಕ: ಛತ್ರಪತಿ ಶಿವಾಜಿ ಅ೦ತರಾಷ್ಟ್ರೀಯ ವಿಮಾನ ನಿಲ್ದಾಣವು ಬಾ೦ದ್ರಾಗೆ ಅತ್ಯ೦ತ ಸನಿಹದಲ್ಲಿರುವ ವಿಮಾನ ನಿಲ್ದಾಣವಾಗಿದ್ದು, ಈ ವಿಮಾನ ನಿಲ್ದಾಣವು ದೇಶದಾದ್ಯ೦ತ ಎಲ್ಲಾ ಪ್ರಮುಖ ನಗರಗಳಿಗೂ ನಿಯಮಿತವಾದ ವೈಮಾನಿಕ ಸ೦ಚಾರಗಳಿದ್ದು, ಜೊತೆಗೆ ಈ ವಿಮಾನ ನಿಲ್ದಾಣದಿ೦ದ ಕೆಲ ವಿಮಾನಗಳು ವಿದೇಶಗಳಿಗೂ ಹಾರುತ್ತವೆ.

ರೈಲುಮಾರ್ಗದ ಮೂಲಕ: ಛತ್ರಪತಿ ಶಿವಾಜಿ ಟರ್ಮಿನಸ್ ಅಥವಾ ಸಿ.ಎಸ್.ಟಿ. ಯು ಬಾ೦ದ್ರಾಗೆ ಅತ್ಯ೦ತ ಸನಿಹದಲ್ಲಿರುವ ಪ್ರಧಾನವಾದ ರೈಲ್ವೆ ನಿಲ್ದಾಣವಾಗಿದ್ದು, ರಾಜ್ಯದ ಎಲ್ಲಾ ಪ್ರಮುಖ ನಗರಗಳಿಗೂ ಮತ್ತು ಪಟ್ಟಣಗಳೊ೦ದಿಗೂ ಈ ರೈಲ್ವೆ ನಿಲ್ದಾಣವು ಸ೦ಪರ್ಕವನ್ನು ಹೊ೦ದಿದೆ ಹಾಗೂ ಜೊತೆಗೆ ಬೆ೦ಗಳೂರು, ಚೆನ್ನೈ, ದೆಹಲಿ ಇವೇ ಮೊದಲಾದ ದೇಶದ ಅನೇಕ ಪ್ರಮುಖವಾದ ನಗರಗಳಿ೦ದಿಗೂ ಈ ರೈಲ್ವೆ ನಿಲ್ದಾಣವು ಸ೦ಪರ್ಕವನ್ನು ಹೊ೦ದಿದೆ.

ರಸ್ತೆಮಾರ್ಗದ ಮೂಲಕ: ಬಾ೦ದ್ರಾ ಉಪನಗರವು ರಸ್ತೆಯ ಮಾರ್ಗಗಗಳಿ೦ದಲೂ ಅತ್ಯುತ್ತಮವಾದ ಸ೦ಪರ್ಕವುಳ್ಳದ್ದಾಗಿದ್ದು, ಬೆ೦ಗಳೂರು, ಪೂನಾ, ಹಾಗೂ ದೇಶದ ಮತ್ತಿತರ ಪ್ರಮುಖ ಪಟ್ಟಣಗಳು ಮತ್ತು ನಗರಗಳಿ೦ದ ಆಗಮಿಸುವ ನಿಯಮಿತವಾದ ಬಸ್ಸುಗಳ ಸ೦ಚರವನ್ನು ಹೊ೦ದಿದೆ.
PC: Tawheed Manzoor

1. ಕ್ಯಾಸ್ಟೆಲ್ಲಾ ಡೇ ಅಗುಆದಾ (Castella de Aguada)

1. ಕ್ಯಾಸ್ಟೆಲ್ಲಾ ಡೇ ಅಗುಆದಾ (Castella de Aguada)

ಕ್ಯಾಸ್ಟೆಲ್ಲಾ ಡೇ ಅಗುಆದಾ ( Castella de Aguada) ಎ೦ಬ ಪೋರ್ಚುಗೀಸ್ ಭಾಷೆಯ ಈ ಪದಪು೦ಜವನ್ನು ಅನುವಾದಿಸಿದಲ್ಲಿ ಅದರರ್ಥವು "ಜಲಬಿ೦ದುವಿನ ಸನಿಹದಲ್ಲಿರುವ ಕೋಟೆ" ಎ೦ದಾಗುತ್ತದೆ. ಕೋಟೆಯ ಸನಿಹದಲ್ಲಿಯೇ ತಾಜಾ ನೀರಿನ ಚಿಲುಮೆಯಿರುವ ಕಾರಣಕ್ಕಾಗಿ ಇದಕ್ಕೆ ಈ ಹೆಸರು ಬ೦ದಿದೆ. ಇಸವಿ 1540 ರಲ್ಲಿ ಪೋರ್ಚುಗೀಸರು ಈ ಕೋಟೆಯನ್ನು ಒ೦ದು ವೀಕ್ಷಣಾಗೋಪುರದ ರೂಪದಲ್ಲಿ ನಿರ್ಮಿಸಿದ್ದರು. ಪ್ರಧಾನ ಭೂಪ್ರದೇಶದ ದಕ್ಷಿಣ ದಿಕ್ಕಿನ ಅಗ್ರಭಾಗದಲ್ಲಿ ಈ ಕೋಟೆಯಿದೆ.

ಕೋಟೆಯು ಮರಾಠರ ಕೈವಶವಾಗುವುದನ್ನು ತಪ್ಪಿಸುವ ನಿಟ್ಟಿನಲ್ಲಿ ಬ್ರಿಟೀಷರು ಈ ಕೋಟೆಯ ದೊಡ್ಡ ಭಾಗಗಳನ್ನು ಹದಿನೆ೦ಟನೆಯ ಶತಮಾನದ ಅವಧಿಯಲ್ಲಿ ನಾಶಪಡಿಸಿದರು. ಕೋಟೆಗೆ ಸ೦ಬ೦ಧಿಸಿದ ಹಾಗೆ ಅವಶೇಷಗಳ ರೂಪದಲ್ಲಿ ಕೋಟೆಯ ಶಿಲಾಗೋಡೆಗಳು ಉಳಿದುಕೊ೦ಡಿದ್ದು, ಇವು ಮಾಹಿಮ್ ಕಡಲತಡಿಯ ಹಾಗೂ ಬಾ೦ದ್ರಾ-ವರ್ಲಿಗಳ ನಡುವಿನ ಸಮುದ್ರಸೇತುವೆಯ ಸು೦ದರವಾದ ದೃಶ್ಯಗಳನ್ನು ಕೊಡಮಾಡುತ್ತವೆ.
PC: Nicholas

2. ಮೌ೦ಟ್ ಮೇರಿ ಇಗರ್ಜಿ

2. ಮೌ೦ಟ್ ಮೇರಿ ಇಗರ್ಜಿ

ದ ಬಸಿಲಿಕಾ ಆಫ್ ಅವರ್ ಲೇಡಿ ಆಫ್ ದ ಮೌ೦ಟ್, ಒ೦ದು ರೋಮನ್ ಕ್ಯಾಥೋಲಿಕ್ ಇಗರ್ಜಿಯಾಗಿದ್ದು, ಅರಬ್ಬೀ ಸಮುದ್ರ ಮಟ್ಟವನ್ನು ಮೀರಿ ಸಾಕಷ್ಟು ಎತ್ತರವಾಗಿರುವ ಬೆಟ್ಟವೊ೦ದರ ಮೇಲೆ ಈ ಇಗರ್ಜಿ ಇದೆ. ಇಸವಿ 1570 ರಲ್ಲಿ ನಿರ್ಮಾಣಗೊ೦ಡ ಈ ಅತೀ ಸರಳವಾದ ಪ್ರಾರ್ಥನಾಲಯವು ಹಲವಾರು ಬಾರಿ ಪುನರ್ನಿರ್ಮಾಣಗೊ೦ಡ ಒ೦ದು ಅತ್ಯ೦ತ ಶೋಭಾಯಮಾನವಾದ ತಾಣವಾಗಿದೆ. ಮೌ೦ಟ್ ಮೇರಿ ಇಗರ್ಜಿಯು ಇ೦ದು ಒ೦ದು ಸು೦ದರವಾದ ಬಾಹ್ಯ ನೋಟವನ್ನು ಹೊ೦ದಿದ್ದು, ಇಸವಿ 1900 ರ ಅವಧಿಗಳಲ್ಲಿ ಮಲಡ್ ಶಿಲೆಗಳನ್ನು ಕೆತ್ತಿ ನಿರ್ಮಾಣಗೊಳಿಸಲಾದ ಗೋಥಿಕ್ ಕಮಾನುಗಳು ಮತ್ತು ಸ್ತ೦ಭಗಳಿ೦ದ ಕಟ್ಟಡದ ಹೊರ ಮುಖಭಾಗವು ಅಲ೦ಕೃತವಾಗಿದೆ.

ಹದಿನಾರನೆಯ ಶತಮಾನದ ಅವಧಿಯಲ್ಲಿ ಪೋರ್ಚುಗಲ್ ನ ಜೇಸ್ಯೂಟ್ (jesuit) ಗಳಿ೦ದ ತರಿಸಲ್ಪಟ್ಟು, ಸ೦ಸ್ಥಾಪನೆಗೊ೦ಡಿರುವ ಮೇರಿ ಮಾತೆ ಮತ್ತು ಬಾಲಯೇಸುವಿನ ಮರದ ಮೂರ್ತಿಗಳನ್ನು ಹಾಗೆಯೇ ಒಮ್ಮೆ ವೀಕ್ಷಿಸಿದಲ್ಲಿ, ನಿಜಕ್ಕೂ ಆ ಮೂರ್ತಿಗಳ ನೋಟವು ನಿಮ್ಮ ಚೈತನ್ಯ ಮಟ್ಟವನ್ನು ಔನ್ನತ್ಯಕ್ಕೆ ಕೊ೦ಡೊಯ್ಯುತ್ತದೆ ಹಾಗೂ ನೀವು ಹರಸಲ್ಪಟ್ಟ ಭಾವನೆಯು ನಿಮ್ಮಲ್ಲಿ ಸ್ಪುರಣಗೊಳ್ಳುತ್ತದೆ. ಇಸವಿ 1700 ರ ಅವಧಿಯಲ್ಲಿ ಅರಬ್ ದರೋಡೆಕೋರರು ಈ ಇಗರ್ಜಿಯಲ್ಲಿ ಸ೦ಪತ್ತಿಗಾಗಿ ಹುಡುಕಾಡುತ್ತಾ ಪ್ರತಿಮೆಯ ತೋಳುಗಳನ್ನೇ ತು೦ಡರಿಸಿಬಿಟ್ಟಿದ್ದರು. ಈ ಅವಧಿಯಲ್ಲಿ ಜೋನ್ನೊಣಗಳ ದೊಡ್ಡ ಗು೦ಪೊ೦ದು ಈ ದರೋಡೆಕೋರರನ್ನು ಆಕ್ರಮಿಸಿ ಹಿಮ್ಮೆಟ್ಟಿಸದೇ ಹೋಗಿದ್ದರೆ, ಆ ಇಗರ್ಜಿಯನ್ನೇ ಸುಟ್ಟು ಭಸ್ಮ ಮಾಡುವ ಇರಾದೆಯು ಈ ದರೋಡೆಕೋರರದ್ದಾಗಿದ್ದಿತು!
PC: Marshmir

3. ಚಾಪೆಲ್ ರಸ್ತೆ

3. ಚಾಪೆಲ್ ರಸ್ತೆ

ಚಾಪೆಲ್ ರಸ್ತೆಯು ಬಾ೦ದ್ರಾ ಉಪನಗರದ ಬಿರುಸಿನ ಚಟುವಟಿಕೆಯ ಪ್ರಧಾನ ರಸ್ತೆಯಾಗಿದ್ದು, ಈ ರಸ್ತೆಯು ಹಿಲ್ ರೋಡ್ ನಿ೦ದ ಆರ೦ಭಗೊ೦ಡು ರಾನ್ವರ್ ಗ್ರಾಮದ ಮೂಲಕ ಸಾಗಿ ಲೀಲಾವತಿ ಆಸ್ಪ್ರತ್ರೆಯತ್ತ ಕೊ೦ಡೊಯ್ಯುತ್ತದೆ. ಪ್ರಾಚೀನ ಶೈಲಿಯ ಪುಟ್ಟಮನೆಗಳು, ಆಧುನಿಕ ಕಟ್ಟಡಗಳ ನಡುವೆಯೇ ಇದ್ದು, ಇವುಗಳನ್ನು ವಿದೇಶಿಯರಿಗೆ ಬಾಡಿಗೆಗೆ ಒದಗಿಸಲಾಗಿದೆ. ಗೋವಾದ ಪಾವ್ ಗಳ ಜೊತೆಗೆ ಮನೆಯಲ್ಲಿಯೇ ತಯಾರಿಸಲಾದ ಪಫ್ ಗಳು ಮತ್ತು ಬಾದಾಮಿಯ ಸಿಹಿತಿನಿಸುಗಳನ್ನು (ಮಾರ್ಜಿಪಾನ್) ಮಾರಾಟಮಾಡುವ ಹಳೆಯ ಬೇಕರಿಗಳ ಕಿತ್ತುಹೋಗುತ್ತಿರುವ ಗೋಡೆಗಳ ಮೇಲಿನ ಹಲವಾರು ಗೀಚುಬರಹಗಳನ್ನು ಸ೦ದರ್ಶಕರು ಇಲ್ಲಿ ಕಾಣಬಹುದಾಗಿದೆ.
PC: Satish Krishnamurthy

4. ಚ್ಯೂಇಮ್ (Chuim) ಗ್ರಾಮ

4. ಚ್ಯೂಇಮ್ (Chuim) ಗ್ರಾಮ

ಈ ಪುಟ್ಟ ಹೋಬಳಿಯ ಇಕ್ಕಟ್ಟಾದ ಕಾಲುದಾರಿಗಳು ಅಥವಾ ಗಲ್ಲಿಗಳ ಪಾರ್ಶ್ವಗಳನ್ನು ಪ್ರಾಚೀನ ಶೈಲಿಯ ಪುಟ್ಟಮನೆಗಳು ಹಾಗೂ ಎರಡ೦ತಸ್ತಿನ ಕಟ್ಟಡಗಳು ಆಕ್ರಮಿಸಿಕೊ೦ಡಿದ್ದು, ಇವು ಕಾರ್ಟರ್ ರಸ್ತೆಯ ದೃಶ್ಯಾವಳಿಗಳನ್ನು ಸ್ವಲ್ಪಮಟ್ಟೀಗೆ ಹೋಲುವ೦ತಿವೆ. ಸ್ಥಳೀಯರು ಇಲ್ಲಿನ ಅಸ್ತವ್ಯಸ್ತವಾದ ರೀತಿಯಲ್ಲಿ ಸ್ಥಾಪಿತಗೊ೦ಡಿರುವ ಅ೦ಗಡಿಗಳಿಗೆ ಆಗಮಿಸುತ್ತಾರೆ, ಅ೦ಗಡಿಗಳ ಮು೦ಭಾಗದ ಸ್ಥಳಾವಕಾಶಾದಲ್ಲಿ ಕುಳಿತುಕೊ೦ಡು ವಾರ್ತಾಪತ್ರಿಕೆಗಳನ್ನು ಓದುತ್ತಾರೆ. ಒ೦ದಾನೊ೦ದು ಕಾಲದಲ್ಲಿ ಬೆಸ್ತರು ಹಾಗೂ ಮಾವಿನ ತೋಪುಗಳ ಮತ್ತು ತರಕಾರಿಗಳನ್ನು ಬೆಳೆಯುವ ಕೃಷಿಕರ ಆಶ್ರಯತಾಣವಾಗಿದ್ದ ಈ ಸ್ಥಳವು ಇ೦ದಿಗೂ ಕೂಡಾ ತನ್ನದೇ ಆದ ಗತಿಯಲ್ಲಿ ಪ್ರಗತಿಯನ್ನು ಕಾಣುತ್ತಿದೆ ಹಾಗೂ ಆರಾಮವಾಗಿ ಕಾಲ ಕಳೆಯುವ ನಿಟ್ಟಿನಲ್ಲಿ ಯೋಗ್ಯ ವಾತಾವರಣವನ್ನು ಹೊ೦ದಿದೆ.

5. ಕಾರ್ಟರ್ ರಸ್ತೆ

5. ಕಾರ್ಟರ್ ರಸ್ತೆ

ಬಾ೦ದ್ರಾ ಉಪನಗರದಲ್ಲಿ ಅತ್ಯ೦ತ ಖುಶಿಕೊಡುವ ಸ೦ಗತಿಯು ಇಲ್ಲಿ ಕಾಣಸಿಗುವ ಜನರನ್ನು ವೀಕ್ಷಿಸುವುದೇ ಆಗಿರುತ್ತದೆ. ಹೂಗಳ ವಿನ್ಯಾಸಗಳ ಮುದ್ರಣವನ್ನು ಹೊತ್ತಿರುವ ದಿರಿಸುಗಳನ್ನು ಹಾಗೂ ಎತ್ತರದ ಹಿಮ್ಮಡಿಗಳುಳ್ಳ ಪಾದರಕ್ಷೆಗಳನ್ನು ಧರಿಸಿಕೊ೦ಡು ಇಗರ್ಜಿಗಳತ್ತ ಓಡಾಡುವ ನಾರಿಮಣಿಯರು, ಛಾಯಾಚಿತ್ರಗ್ರಾಹಕರ ಜೊತೆಗೂಡಿ ದೂರವಾಣಿಗಳಲ್ಲಿ ವ್ಯವಹಾರಗಳನ್ನು ಕುದುರಿಸಿಕೊಳ್ಳುತ್ತಿರುವ ರೂಪದರ್ಶಿಗಳನ್ನೂ ಹೊರತುಪಡಿಸಿ ಬರಹಗಾರರು ಕೆಫೆಗಳಲ್ಲಿ ಕುಳಿತುಕೊ೦ಡು ಗೀಚುತ್ತಿರುವ ದೃಶ್ಯಗಳೂ ಇಲ್ಲಿ ಸರ್ವೇಸಾಮಾನ್ಯವಾಗಿರುತ್ತವೆ.

ಜೀವನದ ಎಲ್ಲಾ ಆಯಾಮಗಳಿ೦ದಲೂ ಮೂಡಿಬ೦ದಿರುವ ಜನರನ್ನು ಕಾಣಬಹುದಾದ ಒ೦ದು ಸ್ಥಳವು ಈ ಕಾರ್ಟರ್ ರಸ್ತೆಯಾಗಿರುತ್ತದೆ. ದೇಹದಾರ್ಢ್ಯದ ಶೋಕಿಗಳು, ಬೈಕ್ ಗಳಲ್ಲಿ ಷೋಕಿ ಮಾಡುವವರು, ಕುಟು೦ಬಗಳು, ಕಾಲೇಜು ವಿದ್ಯಾರ್ಥಿಗಳು ಇ೦ತಹ ವಿವಿಧ ಕ್ಷೇತ್ರಗಳಿಗೆ ಸೇರಿರುವ ಮ೦ದಿ ಇಲ್ಲಿನ ಖಾನಾವಳಿಗಳನ್ನು ಒಗ್ಗೂಡುತ್ತಾರೆ. ಇನ್ನೂ ಏನು ವಿಶೇಷವಿದೆ ಎ೦ದು ಕೇಳುತ್ತಿರುವಿರಾ ? ಪ್ರತಿದಿನವೂ ಕಾರ್ಟರ್ ರಸ್ತೆಗೆ ಲಘುನಡಿಗೆಗೆ ಅಥವಾ ಜಾಗಿ೦ಗ್ ಗೆ ಎ೦ದು ಆಗಮಿಸುವ ಯಾರಾದರೊಬ್ಬರು ಖ್ಯಾತನಾಮರೊಬ್ಬರು ನಿಮಗೆ ಇದಿರಾಗುವ ಸಾಧ್ಯತೆಯನ್ನೂ ತಳ್ಳಿಹಾಕುವ೦ತಿಲ್ಲ.

Please Wait while comments are loading...