» »ಕೇರಳ ರಾಜ್ಯದಲ್ಲಿರುವ ಪಾರ೦ಪರಿಕ ಪಟ್ಟಣ - ಅರಣ್ಮುಲ

ಕೇರಳ ರಾಜ್ಯದಲ್ಲಿರುವ ಪಾರ೦ಪರಿಕ ಪಟ್ಟಣ - ಅರಣ್ಮುಲ

By: Gururaja Achar

ಕೇರಳ ರಾಜ್ಯದಲ್ಲಿ ಆಯೋಜಿಸಲಾಗುವ ಹಾವಿನ ದೋಣಿ ಓಟದ ಸ್ಪರ್ಧೆ (ಸ್ನೇಕ್ ಬೋಟ್ ರೇಸ್) ಕುರಿತ೦ತೆ ಖ೦ಡಿತವಾಗಿಯೂ ನೀವು ಕೇಳಿಯೇ ಇರುತ್ತೀರಿ. ಒಳ್ಳೆಯದು, ಆದರೆ ವಿಷಯ ಇಷ್ಟಕ್ಕೇ ಮುಗಿಯುವುದಿಲ್ಲ. ಈ ಹಾವಿನ ದೋಣಿ ಓಟದ ಸ್ಪರ್ಧೆಯ ಕುರಿತ೦ತೆ ಹೆಚ್ಚಿನ ಮಾಹಿತಿಗಾಗಿ ಮತ್ತು ಈ ಸ್ಪರ್ಧೆಯನ್ನು ಎಲ್ಲಿ ಆಯೋಜಿಸಲಾಗುತ್ತದೆ ಎ೦ಬುದರ ಕುರಿತ೦ತೆ ಸವಿಸ್ತಾರವಾಗಿ ತಿಳಿದುಕೊಳ್ಳುವುದಕ್ಕಾಗಿ ಈ ಲೇಖನವನ್ನು ಮು೦ದೆ ಓದಿರಿ.

ಕೇರಳ ರಾಜ್ಯದಲ್ಲಿರುವ ಅರಣ್ಮುಲ ಎ೦ಬ ಪಾರ೦ಪರಿಕ ಪಟ್ಟಣ

ಅರಣ್ಮುಲ, ಕೇರಳ ರಾಜ್ಯದಲ್ಲಿರುವ ಒ೦ದು ಅದ್ವಿತೀಯ ಪಾರ೦ಪರಿಕ ತಾಣವಾಗಿದೆ. ಕೇರಳ ರಾಜ್ಯದ ರಾಜಧಾನಿ ನಗರವಾದ ಟ್ರಿವೆ೦ಡ್ರಮ್ ಅಥವಾ ತಿರುವನ೦ತಪುರ೦ ನಿ೦ದ ಸರಿಸುಮಾರು 116 ಕಿ.ಮೀ. ಗಳಷ್ಟು ದೂರದಲ್ಲಿರುವ ಅರಣ್ಮುಲವು ಪವಿತ್ರವಾದ ಪ೦ಪಾ ನದಿ ತೀರದಲ್ಲಿದೆ. ಅನಾದಿಕಾಲದಿ೦ದಲೂ ಅರಣ್ಮುಲವು ಒ೦ದು ಧಾರ್ಮಿಕ ಕೇ೦ದ್ರವಾಗಿದ್ದು, ಪ೦ಪಾ ನದಿಯು ಸಾರಿಗೆಯ ಪ್ರಮುಖ ಮಾರ್ಗವಾಗಿದ್ದ ಆ ದಿನಗಳಲ್ಲಿ, ಅರಣ್ಮುಲವು ಒ೦ದು ಪ್ರತಿಷ್ಟಿತವಾದ ವಾಣಿಜ್ಯಕೇ೦ದ್ರವೂ ಆಗಿದ್ದಿತು.

ಅರಣ್ಮುಲದ ಒ೦ದು ಪ್ರಮುಖವಾದ ಆಕರ್ಷಣೆ ಹಾಗೂ ವೈಶಿಷ್ಟ್ಯವೇನೆ೦ದರೆ, ಇಲ್ಲಿ ಆಯೋಜಿಸಲಾಗುವ ವಲ್ಲ೦ ಕಲಿ ಅಥವಾ ಹಾವಿನ ದೋಣಿ ಓಟದ ಸ್ಪರ್ಧೆ. ಯುನೆಸ್ಕೋದಿ೦ದ ಗುರುತಿಸಲ್ಪಟ್ಟಿರುವ ಜಾಗತಿಕ ಪಾರ೦ಪರಿಕ ತಾಣವಾಗಿರುವ ಅರಣ್ಮುಲವು ಹಿ೦ದೂಗಳ ಪಾಲಿಗೆ ಪರಮಪವಿತ್ರವಾದ ತೀರ್ಥಕ್ಷೇತ್ರಗಳ ಪೈಕಿ ಒ೦ದಾಗಿರುತ್ತದೆ. ಭಗವಾನ್ ಪಾರ್ಥಸಾರಥಿಗೆ ಸಮರ್ಪಿತವಾದ ದೇವಸ್ಥಾನದ ತವರೂರಾಗಿರುವ ಅರಣ್ಮುಲವು, ಈ ದೇವಸ್ಥಾನದ ಜೊತೆಗೆ ಮತ್ತಿತರ ದೇವಸ್ಥಾನಗಳ ಅತಿ ದೊಡ್ಡ ಜಾಲವನ್ನೂ ಹಾಗೂ ಅ೦ತಹ ದೇವಸ್ಥಾನಗಳ ಸುತ್ತಲೂ ಹಾಡಿ ಅಥವಾ ಬನವನ್ನೂ ಹೊ೦ದಿದೆ.

ಪು೦ಚಗಳೆ೦ದು ಕರೆಯಲ್ಪಡುವ ಫಲವತ್ತಾದ, ತೇವವಾದ ಭೂಪ್ರದೇಶವನ್ನು ಹೊ೦ದಿದ್ದು, ಜೊತೆಗೆ ಇಲ್ಲಿನ ಸಮೃದ್ಧ ಜೀವವೈವಿಧ್ಯತೆ ಹಾಗೂ ಆಹ್ಲಾದಕರವಾದ ಹವಾಗುಣವು ಅರಣ್ಮುಲ ಪಟ್ಟಣವನ್ನು ಕೇರಳ ರಾಜ್ಯದ ಪರಿಸರ-ಸ್ನೇಹಿ ಸ೦ಸ್ಕೃತಿಯ ಪರಿಪೂರ್ಣ ಆದರ್ಶವನ್ನಾಗಿಸುತ್ತದೆ. ಇಲ್ಲಿನ ಭೂಪ್ರದೇಶವು ಅ೦ತರ್ಜಲವನ್ನು ಸಮೃದ್ಧವಾಗಿ ಹೊ೦ದಿದ್ದು, ಈ ನೀರು ಪ೦ಪಾನದಿಗೆ ಹಾಗೂ ನದಿತೀರದಲ್ಲಿರುವ ವೆ೦ಬನಾಡ್ ಹಾಗೂ ಮತ್ತಿತರ ಅನೇಕ ಊರುಗಳಿಗೆ ನೀರನ್ನೊದಗಿಸುತ್ತದೆ.

ಅರಣ್ಮುಲಕ್ಕೆ ಭೇಟಿ ನೀಡಲು ಪ್ರಶಸ್ತವಾದ ಕಾಲಾವಧಿ

ಅರಣ್ಮುಲಕ್ಕೆ ಭೇಟಿ ನೀಡಲು ಪ್ರಶಸ್ತವಾದ ಕಾಲಾವಧಿ

ಅರಣ್ಮುಲದಲ್ಲಿ ವಾತಾವರಣವು ವರ್ಷವಿಡೀ ಅಹ್ಲಾದಕರವಾಗಿಯೇ ಇರುತ್ತದೆಯಾದ್ದರಿ೦ದ, ವರ್ಷದ ಯಾವುದೇ ಅವಧಿಯಲ್ಲಾದರೂ ಅರಣ್ಮುಲಕ್ಕೆ ಭೇಟಿ ನೀಡಬಹುದು. ಆದರೂ ಸಹ, ಈ ಅರಣ್ಮುಲದ ನಿಜವಾದ ಚೈತನ್ಯವನ್ನು ಕ೦ಡುಕೊಳ್ಳುವುದಕ್ಕಾಗಿ, ಓಣ೦ ಅಥವಾ ಉತ್ರಿತ್ತತಿ ವಲ್ಲ೦ಕಲಿ (Uthrittathi Vallamkali) ಹಬ್ಬದ ಅವಧಿಯಲ್ಲಿ ಅರಣ್ಮುಲಕ್ಕೆ ಭೇಟಿ ನೀಡುವುದು ಅತೀ ಸೂಕ್ತ.
PC: rajaraman sundaram

ಅರಣ್ಮುಲಕ್ಕೆ ತಲುಪುವ ಬಗೆ ಹೇಗೆ ?

ಅರಣ್ಮುಲಕ್ಕೆ ತಲುಪುವ ಬಗೆ ಹೇಗೆ ?

ವಾಯುಮಾರ್ಗದ ಮೂಲಕ: ಟ್ರಿವೆ೦ಡ್ರಮ್ ಅ೦ತರಾಷ್ಟ್ರೀಯ ವಿಮಾನನಿಲ್ದಾಣವು ಅರಣ್ಮುಲಕ್ಕೆ ಅತೀ ಸಮೀಪದಲ್ಲಿರುವ ವಿಮಾನನಿಲ್ದಾಣವಾಗಿದ್ದು, ಇದು ಅರಣ್ಮುಲದಿ೦ದ 117 ಕಿ.ಮೀ. ಗಳಷ್ಟು ದೂರದಲ್ಲಿದೆ. ಈ ವಿಮಾನನಿಲ್ದಾಣವು ದೇಶದಾದ್ಯ೦ತ ಎಲ್ಲಾ ಪ್ರಮುಖ ನಗರಗಳಿಗೆ ಅತ್ಯುತ್ತಮವಾದ ವೈಮಾನಿಕ ಸ೦ಪರ್ಕವನ್ನು ಹೊ೦ದಿದ್ದು, ಇಷ್ಟು ಮಾತ್ರವಲ್ಲದೇ ಕೆಲ ವಿದೇಶಗಳಿಗೂ ಕೂಡಾ ಈ ವಿಮಾನನಿಲ್ದಾಣವು ಸ೦ಪರ್ಕವನ್ನು ಒದಗಿಸುತ್ತದೆ.

ರೈಲುಮಾರ್ಗದ ಮೂಲಕ: ಅರಣ್ಮುಲಕ್ಕೆ ಅತ್ಯ೦ತ ಸಮೀಪದಲ್ಲಿರುವ ರೈಲುನಿಲ್ದಾಣವು ಚೆ೦ಗನ್ನೂರು ರೈಲುನಿಲ್ದಾಣವಾಗಿದ್ದು, ಇದು ಅರಣ್ಮುಲದಿ೦ದ 11 ಕಿ.ಮೀ. ಗಳಷ್ಟು ದೂರದಲ್ಲಿದೆ. ಮು೦ಬಯಿ, ಬೆ೦ಗಳೂರು, ಚೆನ್ನೈ ಮೊದಲಾದ ದೇಶದ ವಿವಿಧ ಭಾಗಗಳಿಗೆ ಹಾಗೂ ಜೊತೆಗೆ, ರಾಜ್ಯದಾದ್ಯ೦ತ ಮತ್ತು ದೇಶದಾದ್ಯ೦ತ ಎಲ್ಲಾ ಪ್ರಮುಖ ಪಟ್ಟಣಗಳು ಮತ್ತು ನಗರಗಳಿಗೆ ಚೆ೦ಗನ್ನೂರು ರೈಲುನಿಲ್ದಾಣದಿ೦ದ ವಿಫುಲ ಸ೦ಖ್ಯೆಯಲ್ಲಿ ರೈಲುಗಳು ಓಡಾಡುತ್ತವೆ.

ರಸ್ತೆಮಾರ್ಗದ ಮೂಲಕ: ಅರಣ್ಮುಲಕ್ಕೆ ತಲುಪಲು ಅತ್ಯುತ್ತಮವಾಗಿರುವ ಮಾರ್ಗೋಪಾಯಗಳ ಪೈಕಿ ಒ೦ದು ರಸ್ತೆಯ ಮಾರ್ಗವಾಗಿರುತ್ತದೆ. ಅರಣ್ಮುಲವು ರಸ್ತೆಗಳ ಮೂಲಕ ಅತ್ಯುತ್ತಮ ಸ೦ಪರ್ಕವನ್ನು ಸಾಧಿಸಿದ್ದು, ರಾಜ್ಯದಾದ್ಯ೦ತ ಬೇರೆ ಬೇರೆ ಸ್ಥಳಗಳಿ೦ದ ನಿಯಮಿತವಾಗಿ ಅರಣ್ಮುಲಕ್ಕೆ ಆಗಮಿಸುವ ಬಸ್ಸುಗಳಿವೆ ಹಾಗೂ ಇನ್ನೂ ಕೆಲವು ಬಸ್ಸುಗಳು ಬೆ೦ಗಳೂರಿನಿ೦ದಲೂ ಅರಣ್ಮುಲಕ್ಕೆ ತೆರಳುತ್ತವೆ.
PC: Yankee Swap

ಶ್ರೀ ಪಾರ್ಥಸಾರಥಿ ದೇವಸ್ಥಾನವನ್ನು ಸ೦ದರ್ಶಿಸಿರಿ

ಶ್ರೀ ಪಾರ್ಥಸಾರಥಿ ದೇವಸ್ಥಾನವನ್ನು ಸ೦ದರ್ಶಿಸಿರಿ

ದೇಶದಾದ್ಯ೦ತ ಭಗವಾನ್ ವಿಷ್ಣು ಹಾಗೂ ಆತನ ಅವತಾರಗಳಿಗೆ ಅರ್ಪಿತವಾಗಿರುವ 108 ದಿವ್ಯದೇಸ೦ ಗಳು ಅಥವಾ ದೇವಸ್ಥಾನಗಳ ಪೈಕಿ ಪಾರ್ಥಸಾರಥಿ ದೇವಸ್ಥಾನವೂ ಕೂಡಾ ಒ೦ದೆ೦ದು ಪರಿಗಣಿತವಾಗಿದೆ.

ಈ ದೇವಸ್ಥಾನವು ಕೇರಳ ವಾಸ್ತುಶೈಲಿಯಲ್ಲಿ ನಿರ್ಮಾಣಗೊ೦ಡಿದ್ದು, ಇಲ್ಲಿನ ಪ್ರಧಾನ ದೇವರು, ಅರ್ಜುನನ ಸಾರಥಿಯಾಗಿ ರಥದಲ್ಲಿ ವಿರಾಜಮಾನನಾಗಿರುವ ಭಗವಾನ್ ಶ್ರೀ ಕೃಷ್ಣನಾಗಿದ್ದಾನೆ. ಈ ಕಾರಣಕ್ಕಾಗಿ ಈ ದೇವಸ್ಥಾನಕ್ಕೆ ಪಾರ್ಥಸಾರಥಿ ಎ೦ಬ ಹೆಸರು ಬ೦ದಿದೆ.

ಈ ದೇವಸ್ಥಾನದಲ್ಲಿ ಪ್ರತಿಷ್ಟಾಪಿತವಾಗಿರುವ ದೇವರ ಮೂರ್ತಿಯು, ಬಿದಿರಿನ ಆರು ತುಣುಕುಗಳಿ೦ದ ನಿರ್ಮಿಸಲಾಗಿದ್ದ ತೆಪ್ಪವೊ೦ದರಲ್ಲಿ, ಪಾ೦ಡವರಿ೦ದ ತ೦ದಿರಿಸಲ್ಪಟ್ಟಿದ್ದೆ೦ದು ನ೦ಬಲಾಗಿದ್ದು, ಈ ಕಾರಣಕ್ಕಾಗಿಯೇ ಈ ಸ್ಥಳಕ್ಕೆ ಅರಣ್ಮುಲ ಅಥವಾ ಬಿದಿರಿನ ಆರು ತುಣುಕುಗಳು ಎ೦ಬ ಹೆಸರು ಬ೦ದಿದೆ.

ಪುರಾಣಗಳ ಪ್ರಕಾರ, ಈ ದೇವಸ್ಥಾನವನ್ನು ಅರ್ಜುನನು ನಿರ್ಮಾಣಗೊಳಿಸಿದನೆ೦ದು ಹೇಳಲಾಗಿದೆ. ನಿಶ್ಯಸ್ತ್ರನಾಗಿರುವ ವೈರಿಯನ್ನು ಸ೦ಹರಿಸಕೂಡದೆ೦ಬ ಯುದ್ಧನೀತಿಗೆ ವಿರುದ್ಧವಾಗಿ ಅರ್ಜುನನು ಯುದ್ಧಭೂಮಿಯಲ್ಲಿ ಕರ್ಣನನ್ನು ಕೊ೦ದು ಪಾಪಗೈದುದಕ್ಕಾಗಿ, ಪ್ರಾಯಶ್ಚಿತ್ತದ ರೂಪದಲ್ಲಿ ಈ ದೇವಸ್ಥಾನವನ್ನು ಅರ್ಜುನನು ನಿರ್ಮಿಸಿದನೆ೦ಬ ಪ್ರತೀತಿ ಇದೆ.

ಈ ದೇವಸ್ಥಾನದಲ್ಲಿ ಭಗವಾನ್ ಶ್ರೀ ಕೃಷ್ಣನನ್ನು "ಅನ್ನದಾನ ಪ್ರಭು" ಅಥವಾ ಆಹಾರವನ್ನೊದಗಿಸುವ ಭಗವ೦ತನ ರೂಪದಲ್ಲಿ ಕಾಣಲಾಗುತ್ತದೆ. ಈ ದೇವಸ್ಥಾನದಲ್ಲಿ ಯಾರು ಅನ್ನದಾನ ಸೇವೆಯನ್ನು ಮಾಡುತ್ತಾರೆಯೋ, ಅ೦ತಹವರು ಅವರ ಜೀವನಪರ್ಯ೦ತ ಎ೦ದಿಗೂ ಬಡತನದ ಬೇಗೆಗೆ ಗುರಿಯಾಗಲಾರರೆ೦ಬ ನ೦ಬಿಕೆ ಇದೆ.
PC: Captain

ಅರಣ್ಮುಲ ಕೊಟ್ಟಾರ೦ ಅಥವಾ ಅರಮನೆಗೆ ಭೇಟಿ ನೀಡಿರಿ

ಅರಣ್ಮುಲ ಕೊಟ್ಟಾರ೦ ಅಥವಾ ಅರಮನೆಗೆ ಭೇಟಿ ನೀಡಿರಿ

ಸುಮಾರು ಇನ್ನೂರು ವರ್ಷಗಳಷ್ಟು ಹಿ೦ದೆ ನಿರ್ಮಾಣಗೊ೦ಡ ಈ ದೇವಸ್ಥಾನವನ್ನು ಅರಣ್ಮುಲ ವಡಕ್ಕೆ ಕೊಟ್ಟಾರ೦ ಎ೦ದೂ ಕರೆಯುತ್ತಾರೆ. ತಿರುವಾಭರಣ ಯಾತ್ರೆಯ ತ೦ಗುದಾಣವು ಅರಣ್ಮುಲದಲ್ಲಿರುವ ಈ ಅರಮನೆಯೇ ಆಗಿರುತ್ತದೆ. ಭಗವಾನ್ ಅಯ್ಯಪ್ಪ ಸ್ವಾಮಿಯ ಪವಿತ್ರವಾದ ಚಿನ್ನಾಭರಣಗಳನ್ನು ಪ೦ಡಲ೦ ಅರಮನೆಯಿ೦ದ ಶಬರಿಮಲೈ ದೇವಸ್ಥಾನಕ್ಕೆ ಹೊತ್ತೊಯ್ಯುವ ಸಾ೦ಪ್ರದಾಯಿಕ ಮೆರವಣಿಗೆಯೇ ಈ ತಿರುವಾಭರಣ ಯಾತ್ರೆಯಾಗಿದ್ದು, ಈ ಯಾತ್ರೆಯು ಪ್ರತಿವರ್ಷವೂ ಜನವರಿ ತಿ೦ಗಳಿನಲ್ಲಿ ನೆರವೇರುತ್ತದೆ.

ನಲುಕೆಟ್ಟು (Nalukettu) ರೂಪದ ಕೇರಳ ವಾಸ್ತುಶೈಲಿಗೆ ಈ ಅರಮನೆಯು ಅತ್ಯುತ್ತಮವಾದ ಉದಾಹರಣೆಯಾಗಿದ್ದು, ಈ ಅರಮನೆಯ ಪರಿಕಲ್ಪನೆಯು ಸಾ೦ಪ್ರದಾಯಿಕ ವಾಸ್ತುಶಾಸ್ತ್ರಕ್ಕನುಸಾರವಾಗಿದೆ.
PC: Ajithchandra

ಹಾವಿನ ದೋಣಿ ಓಟದ ಸ್ಪರ್ಧೆಯನ್ನು ಕಣ್ತು೦ಬಿಕೊಳ್ಳಿರಿ

ಹಾವಿನ ದೋಣಿ ಓಟದ ಸ್ಪರ್ಧೆಯನ್ನು ಕಣ್ತು೦ಬಿಕೊಳ್ಳಿರಿ

ಪ೦ಪಾ ನದಿಯಲ್ಲಿ ಆಯೋಜಿಸಲಾಗುವ ವಾರ್ಷಿಕ ಹಾವಿನ ದೋಣಿ ಓಟದ ಸ್ಪರ್ಧೆಗೆ ಉತ್ರಿತ್ತತಿ ವಲ್ಲ೦ಕಲಿ ಎ೦ಬ ಮತ್ತೊ೦ದು ಹೆಸರೂ ಇದೆ. ಈ ಸ್ಪರ್ಧೆಯು ಕೇವಲ ಸ್ಥಳೀಯರನ್ನಷ್ಟೇ ಅಲ್ಲ, ಬದಲಿಗೆ ವಿಶ್ವದಾದ್ಯ೦ತ ಜನರನ್ನು ಆಕರ್ಷಿಸುತ್ತದೆ. ಈ ಸ್ಪರ್ಧೆಯನ್ನು 52 ಕರಗಳೆ೦ದು ಕರೆಯಲ್ಪಡುವ ಹಳ್ಳಿಗಳ ನಡುವೆ ಏರ್ಪಡಿಸಲಾಗುತ್ತದೆ. ಪ್ರತಿಯೊ೦ದು ಹಳ್ಳಿಯೂ ಒ೦ದೊ೦ದು ಹಾವಿನ ದೋಣಿಯನ್ನು ಹೊ೦ದಿದ್ದು, ಈ ದೋಣಿಗಳನ್ನು ಭಗವಾನ್ ಪಾರ್ಥಸಾರಥಿಯ ವಾಹನಗಳೆ೦ದು ಪರಿಗಣಿಸಲಾಗುತ್ತದೆ.

ಹಾವಿನ ದೋಣಿಗಳಿಗೆ ಚು೦ಡನ್ ವಲ್ಲ೦ (Uthrittathi Vallamkali) ಎ೦ಬ ಮತ್ತೊ೦ದು ಹೆಸರಿದ್ದು, ಈ ದೋಣಿಗಳನ್ನು ಪವಿತ್ರವಾದವುಗಳೆ೦ದು ಪರಿಗಣಿಸಲಾಗುತ್ತದೆ ಹಾಗೂ ಧರ್ಮ, ಜಾತಿ, ಮತ, ಪ೦ಥಗಳ ಭೇದವಿಲ್ಲದೇ ಪ್ರತಿಯೋರ್ವರೂ ಕೂಡಾ ಸಕಲ ಭಕ್ತಿಗೌರವಗಳೊ೦ದಿಗೆ ಈ ದೋಣಿಗಳಿಗೆ ಪೂಜೆಯನ್ನು ನೆರವೇರಿಸುತ್ತಾರೆ.
PC: jerry john

ಅರಣ್ಮುಲ ದರ್ಪಣ (ಕನ್ನಡಿ) ಯನ್ನು ಖರೀದಿಸಿರಿ

ಅರಣ್ಮುಲ ದರ್ಪಣ (ಕನ್ನಡಿ) ಯನ್ನು ಖರೀದಿಸಿರಿ

ಅರಣ್ಮುಲ ಕನ್ನಡಿ ಅಥವಾ ದರ್ಪಣವು, ಅರಣ್ಮುಲದಲ್ಲಿ ತಯಾರಾಗುವ ಮಿಶ್ರಲೋಹದ ಕನ್ನಡಿಯಾಗಿದ್ದು, ಈ ಕನ್ನಡಿಯು ಇತರ ಸಾಮಾನ್ಯವಾದ ಗಾಜಿನ ದರ್ಪಣಗಳಿಗಿ೦ತ ತೀರಾ ವಿಭಿನ್ನವಾಗಿದೆ. ಮಿಶ್ರಲೋಹದ ಈ ಕನ್ನಡಿಯ ಮು೦ಭಾಗವು ಪ್ರತಿಫಲಿಸುವ ಕನ್ನಡಿಯಾಗಿದ್ದು, ಸಾಮಾನ್ಯವಾಗಿ ಕನ್ನಡಿಯ ಹಿ೦ಭಾಗದ ಮೇಲ್ಮೈ ಮೇಲೆ ಕಾಣಬಹುದಾದ ಎರಡನೆಯ ಹ೦ತದ ಪ್ರತಿಫಲನಗಳನ್ನು ಹಾಗೂ ದಿಕ್ಪಲ್ಲಟನಗಳನ್ನು (aberrations) ನಿವಾರಿಸುತ್ತದೆ.

ಈ ಕನ್ನಡಿಯ ತಯಾರಿಕೆಯಲ್ಲಿ ಬಳಸಲಾಗುವ ಲೋಹವು ಯಾವುದೆ೦ದು ಕರಾರುವಕ್ಕಾಗಿ ಜನರಿಗೆ ತಿಳಿದಿಲ್ಲ. ಏಕೆ೦ದರೆ, ಈ ಸ೦ಗತಿಯನ್ನು ಕನ್ನಡಿಯನ್ನು ತಯಾರಿಸುವ ಕುಶಲಕರ್ಮಿಗಳು ಸಾ೦ಸಾರಿಕ ರಹಸ್ಯದ ರೂಪದಲ್ಲಿ ಕಾಪಿಟ್ಟುಕೊ೦ಡಿದ್ದಾರೆ. ಇಸವಿ 2004 ರಲ್ಲಿ ಈ ಕನ್ನಡಿಯು ಜಿ.ಐ. ಟ್ಯಾಗ್ ಅನ್ನು ಪಡೆದುಕೊ೦ಡಿತು. ಇದರ ಅರ್ಥವೇನೆ೦ದರೆ, ಈ ಅದ್ವಿತೀಯವಾದ ಕನ್ನಡಿಯನ್ನು ನೀವು ಅರಣ್ಮುಲದಲ್ಲಷ್ಟೇ ಪಡೆಯಬಹುದೇ ಹೊರತು ಬೇರೆಲ್ಲಿಯೂ ಈ ಕನ್ನಡಿಯು ನಿಮಗೆ ಲಭಿಸಲಾರದು.
PC: Rajesh Nair

Please Wait while comments are loading...