Click it and Unblock the Notifications
ಭಾರತದ ಅತ್ಯಂತ ಜನಪ್ರಿಯ ಬೀಚ್ ಗಮ್ಯಸ್ಥಾನವಾದ ಗೋವಾ ಸ್ಥಳೀಯ ಮತ್ತು ಅಂತಾರಾಷ್ಟ್ರೀಯ ಪ್ರವಾಸಿಗರನ್ನು ವರ್ಷಪೂರ್ತಿ ಆಕರ್ಷಿಸುತ್ತದೆ. ಗೋವಾದಲ್ಲಿ ರಜಾ ದಿನಗಳನ್ನು ಕಳೆಯಬೇಕೆಂದು ನಿಮ್ಮ ಮನಸ್ಸು ಹಾತೊರೆಯುತ್ತಿರಬಹುದು. ಆದರೆ ಬಜೆಟ್ ಎಷ್ಟಾಗುತ್ತದೋ ಎನ್ನುವ ಸಮಸ್ಯೆ ಇದ್ದೇ ಇರುತ್ತದೆ. ಆದರೆ ಇಂದು ನಾವು ಗೋವಾದಲ್ಲಿ ಉಚಿತವಾಗಿ ಏನೆಲ್ಲಾ ಏಂಜಾಯ್ ಮಾಡಬಹುದು ಅನ್ನೋದನ್ನು ತಿಳಿಸಲಿದ್ದೇವೆ.
ದೂಧ್‌ ಸಾಗರ್
PC: youtube
ದೂಧ್‌ಸಾಗರ್ ಜಲಪಾತವು ಗೋವಾ ಮತ್ತು ಕರ್ನಾಟಕದ ನಡುವಿನ ಗಡಿಭಾಗದಲ್ಲಿದೆ. 310 ಮೀಟರುಗಳಷ್ಟು ಎತ್ತರದಲ್ಲಿ, ಹಾಲಿನ ನೊರೆಯಂತೆ ಹರಿಯುವ ಈ ಫಾಲ್ಸ್‌ನ್ನು ನೀವು ಕಣ್ತುಂಬಿಸಿಕೊಳ್ಳಬಹುದು. ಅದರ ಸುತ್ತಮುತ್ತಲಿನ ಪ್ರದೇಶಗಳನ್ನು ಅನ್ವೇಷಿಸಬಹುದು.
ಬೀಚ್‌ನಲ್ಲಿ ಕಾಲಕಳೆಯೋದು
ಗೋವಾದ ಬೀಚ್ ನಿಮ್ಮ ಆಟದ ಮೈದಾನವಾಗಿದೆ! ಉತ್ತರದಲ್ಲಿ ಅರಾಂಬೋಲ್ ಬೀಚ್ನಿಂದ ಅಂತ್ಯವಿಲ್ಲದ ಮರಳಿನ ದಕ್ಷಿಣದ ಕ್ಯಾನಕೊನಾ ತೀರದವರೆಗೆ ಎಲ್ಲಾ ಬೀಚ್‌ನ ಮರಳಿನಲ್ಲಿ ಆಟವಾಡಿ, ಸನ್‌ಬಾತ್‌ ಮಾಡಿ, ಬೇಕೆಂದಾಗ ಸ್ವಿಮ್ ಮಾಡಿ. ದಿನವಿಡೀ ಬೀಚ್‌ನಲ್ಲೇ ಕಳೆಯಿರಿ. ಸೂರ್ಯಾಸ್ತವನ್ನೂ ನೋಡಬಹುದು. ಚಿಪ್ಪುಗಳನ್ನು ಸಂಗ್ರಹಿಸ ಬಹುದು. ಇವೆಲ್ಲವೂ ನೀವು ಉಚಿತವಾಗಿಯೇ ಮಾಡಬಹುದು. ಇದಕ್ಕೆ ಯಾವುದೇ ಶುಲ್ಕ ನೀಡುವ ಅಗತ್ಯವಿಲ್ಲ.
ಗೋವಾ ಕಾರ್ನೀವಲ್
PC: youtube
ಫೆಬ್ರವರಿಯಲ್ಲಿ ವಾರ್ಷಿಕವಾಗಿ ನಡೆಯುವ ಗೋವಾ ಕಾರ್ನೀವಲ್, ಗೋವಾ ಸಂಸ್ಕೃತಿ ಮತ್ತು ಸಂಪ್ರದಾಯದ ಉತ್ಸಾಹಭರಿತ ಆಚರಣೆಯಾಗಿದೆ. ಗೋವಾದಲ್ಲಿ ನೋಡಲೇ ಬೇಕಾದ ಪ್ರಮುಖ ವಿಷಯವಾಗಿದೆ. ಹಬ್ಬದ ಉತ್ಸಾಹವನ್ನು ಆನಂದಿಸಿ, ವರ್ಣರಂಜಿತ ಮೆರವಣಿಗೆಗಳು ಬೀದಿಗಳ ಮೂಲಕ ಹಾದುಹೋಗುತ್ತವೆ, ಗಾಯಕರು, ನರ್ತಕಿಯರು ಮತ್ತು ಪ್ರದರ್ಶನಕಾರರು ಅಲಂಕಾರಿಕ ವೇಷಭೂಷಣಗಳೊಂದಿಗೆ ಹಾಜರಾಗುತ್ತಾರೆ. ಈ ಮೂರು ದಿನದ ಉತ್ಸವವು ವಿಜೃಂಭಣೆಯಿಂದ ಕೂಡಿರುತ್ತದೆ.
ಗೋವಾದ ಮಾರುಕಟ್ಟೆ
ಸೂರ್ಯ ಮುಳುಗುತ್ತಿದ್ದಂತೆ ಗೋವಾ ಇನ್ನಷ್ಟು ಎಚ್ಚರಗೊಳ್ಳುತ್ತದೆ. ಗೋವಾದ ರಾತ್ರಿಯ ಮಾರುಕಟ್ಟೆಗಳು ತಮ್ಮ ವಿಭಿನ್ನ ಸಂಗ್ರಹಕ್ಕಾಗಿ ಪ್ರಸಿದ್ಧವಾಗಿವೆ. ಬಾಗೊದಲ್ಲಿನ ಅರ್ಪೊರಾ ಮತ್ತು ಮ್ಯಾಕೀಸ್ ನೈಟ್ ಬಜಾರ್‌ನಲ್ಲಿರುವ ಸ್ಯಾಟರ್ಡೇ ನೈಟ್ ಮಾರ್ಕೆಟ್ ಖಂಡಿತವಾಗಿಯೂ ಭೇಟಿ ನೀಡಲೇ ಬೇಕು.
ಲ್ಯಾಟಿನ್ ಕ್ವಾರ್ಟರ್ಸ್
PC: Jyoti Prakash Bhattacharjee
ಗೋವಾದಲ್ಲಿ ಕೇವಲ ಕಡಲ ತೀರಗಳಷ್ಟೇ ಅಲ್ಲ. ಇಲ್ಲಿ ಅನ್ವೇಷಿಸಲು ಬಹಳಷ್ಟಿದೆ. ಇಲ್ಲಿ ಗೋವಾದ ಹಳೆಯ ಲ್ಯಾಟಿನ್ ಕ್ವಾರ್ಟರ್ಸ್ ಫಾಂಟೈನ್ಹಾಸ್ ಅನ್ನು ಅನ್ವೇಷಿಸಿ. ವಿಲಕ್ಷಣವಾದ ಪಥಗಳು ಅದರ ಶ್ರೀಮಂತ ಪೋರ್ಚುಗೀಸ್ ಪರಂಪರೆಯನ್ನು ಹಳದಿ ಮತ್ತು ನೀಲಿ ಬಣ್ಣದ ಆಕರ್ಷಕ ಹಳೆಯ-ಪ್ರಪಂಚದ ಬಂಗಲೆಗಳಲ್ಲಿ ಹೊಳೆಯುವ ಬಣ್ಣದ ಕಟ್ಟಡಗಳೊಂದಿಗೆ ಪ್ರತಿಬಿಂಬಿಸುತ್ತವೆ.
ಟ್ರಕ್ಕಿಂಗ್ ಹೋಗಿ
ಸುಂದರವಾದ ವಾಕ್ ಮತ್ತು ಚಾರಣದ ಮೂಲಕ ಗೋವಾದಲ್ಲಿ ಪ್ರಕೃತಿಯ ಇನ್ನೊಂದು ಬದಿಯನ್ನು ಆನಂದಿಸಿ. ದೂಧಸಾಗರ್ ಜಲಪಾತದ ಸುತ್ತ ಮೋಲೆಮ್ ರಾಷ್ಟ್ರೀಯ ಉದ್ಯಾನವನದ ಕಾಡುಗಳನ್ನು ಅನ್ವೇಷಿಸಲು ಅಥವಾ ಭಗವಾನ್ ಮಹಾವೀರ್ ವನ್ಯಜೀವಿ ಅಭಯಾರಣ್ಯದ ಮೂಲಕ ಕೃಷ್ಣಾಪುರ ಕಣಿವೆಗೆ ಹೋಗುವ ದಾರಿ ಮಾಡಿಕೊಳ್ಳಿ.
ಅಗ್ವಾದ ಕೋಟೆ
ಗೋವಾವು ಹಲವು ಕೋಟೆಗಳಿಗೆ ನೆಲೆಯಾಗಿದೆ, ಅವುಗಳು ಮೌಲ್ಯಯುತವಾದ ಅನ್ವೇಷಣೆಯನ್ನು ಹೊಂದಿವೆ. ಇವುಗಳಲ್ಲಿ ಹೆಚ್ಚಿನವು ಸಂರಕ್ಷಿಸಲಾಗಿದೆ. ಅಗ್ವಾದ ಕೋಟೆಯನ್ನು1612 ರಲ್ಲಿ ನಿರ್ಮಿಸಲಾಯಿತು. ಡಚ್ ಮತ್ತು ಮರಾಠಾ ಆಕ್ರಮಣಗಳ ವಿರುದ್ಧ ಕಾವಲು ಕಾಯುತ್ತಿತ್ತು. ಕೆಲವು ಶತಮಾನಗಳ ನಂತರ, 13 ಮೀಟರ್ ಎತ್ತರದ ಲೈಟ್ ಹೌಸ್ ಅನ್ನು ಇಲ್ಲಿ ನಿರ್ಮಿಸಲಾಯಿತು.
