ಕೇರಳ ಗುಡ್ಡಗಳಿಂದ ಕಾಣುವ ಅದ್ಭುತ ನೋಟಗಳು!

ಚೆಂಬ್ರಾ ಪೀಕ್

ಕೇರಳದ ವಯನಾಡ್ ಜಿಲ್ಲೆಯಲ್ಲಿರುವ ಚೆಂಬ್ರಾ ಶಿಖರ ಶೃಂಗವನ್ನು ಏರಿದಾಗ ಕಂಡುಬರುವ ಅದ್ಭುತ ದೃಶ್ಯ.

ಚಿತ್ರಕೃಪೆ: Karkiabhijeet

ಎಂಟು ಕಿ.ಮೀ

ವಯನಾಡಿನ ಕಲ್ಪೆಟ್ಟಾದಿಂದ ಎಂಟು ಕಿ.ಮೀ ದೂರದಲ್ಲಿರುವ ಚೆಂಬ್ರಾ ಶಿಖರವು ಅದ್ಭುತವಾದ ಚಾರಣ ಮಾರ್ಗವಾಗಿದ್ದು ತನ್ನ ಸುತ್ತಲಿರುವ ತಮಿಳುನಾಡಿನ ನೀಲ್ಗಿರಿ ಬೆಟ್ಟಗಳ ವಿಹಂಗಮ ನೋಟವನ್ನೂ ಸಹ ಒದಗಿಸುತ್ತದೆ.

ಚಿತ್ರಕೃಪೆ: Karkiabhijeet

ಮೆಪ್ಪಾಡಿ

ಚೆಂಬ್ರಾ ಶಿಖರದ ಬಳಿಯಿರುವ ಮೆಪ್ಪಾಡಿ ಪಟ್ಟಣದಲ್ಲಿರುವ ಅರಣ್ಯ ಇಲಾಖೆಯಿಂದ ಚೆಂಬ್ರಾ ಶಿಖರಕ್ಕೆ ಚಾರಣ ಮಾಡಲು ಅನುಮತಿಯನ್ನು ಪಡೆಯಬೇಕಾಗಿರುವುದು ಅವಶ್ಯಕವಾಗಿದೆ. ಚಹಾ ತೋಟಗಳ ನೋಟವೂ ಸಹ ಅದ್ಭುತವಾಗಿ ಈ ಶಿಖರದಿಂದ ಕಂಡುಬರುತ್ತದೆ.

ಚಿತ್ರಕೃಪೆ: Tanuja R Y

ಹಾರ್ಟ್ ಲೇಕ್

ಇನ್ನೂ ಚೆಂಬ್ರಾ ಪರ್ವತ ಏರುವಾಗ ಒಂದು ಹಂತದಲ್ಲಿ ಭವ್ಯವಾದ ಕೊಳವೊಂದನ್ನು ಕಾಣಬಹುದು. ಇದು ಪ್ರವಾಸಿಗರ ಬಲು ನೆಚ್ಚಿನ ಆಕರ್ಷಣೆ. ಇದರ ವಿಶೇಷತೆ ಎಂದರೆ ಈ ಪುಟ್ಟ ಸರೋವರ ಬದಾಮಾಕಾರದಲ್ಲಿದ್ದು ಆಂಗ್ಲದಲ್ಲಿ ಹಾರ್ಟ್ ಲೇಕ್ ಎಂದೆ ಪ್ರಸಿದ್ಧವಾಗಿದೆ. ಇನ್ನೊಂದು ವಿಶೇಷವೆಂದರೆ ಇದು ಎಂದಿಗೂ ಬತ್ತುವುದಿಲ್ಲವಂತೆ!

ಚಿತ್ರಕೃಪೆ: Tanuja R Y

ಇಡುಕ್ಕಿ

ಕೇರಳದ ಇಡುಕ್ಕಿ ಜಿಲ್ಲೆಯಲ್ಲಿರುವ ಪರುತುಂಪಾರಾ ಎಂಬ ಹಳ್ಳಿಯ ಬಳಿಯಿರುವ ಈಗಲ್ ರಾಕ್ ಬೆಟ್ಟದಿಂದ ಕಂಡುಬರುವ ಅದ್ಭುತ ನೋಟ.

ಚಿತ್ರಕೃಪೆ: Manu Mathew Keerampanal

ಮುನ್ನಾರ್

ಇಡುಕ್ಕಿ ಜಿಲ್ಲೆಯ ಪ್ರಖ್ಯಾತ ಗಿರಿಧಾಮ ಮುನ್ನಾರ್ ಬಳಿಯಿರುವ ಟಾಪ್ ಸ್ಟೇಷನ್ ಬೆಟ್ಟದಿಂದ ಕಂಡುಬರುವ ಆಕರ್ಷಕ ನೋಟ.

ಚಿತ್ರಕೃಪೆ: Varkey Parakkal

ಇಡುಕ್ಕಿ

ಇಡುಕ್ಕಿ ಜಿಲ್ಲೆಯಲ್ಲಿರುವ ಆದರೆ ಬಹು ಜನರಿಗೆ ತಿಳಿಯದ ಒಂದು ಸುಂದರ ಗಿರಿ ಪ್ರದೇಶ ರಾಮಕ್ಕಲ್ಮೇಡು. ಆ ಗಿರಿಯ ತುದಿಯಿಂದ ಕಂಡುಬರುವ ಸುಂದರ ನೋಟ.

ಚಿತ್ರಕೃಪೆ: Balachand

ಎರ್ನಾಕುಲಂ

ಎರ್ನಾಕುಲಂ ಜಿಲ್ಲೆಯಲ್ಲಿರುವ ಕೊಡನಾಡು ಒಂದು ಆಕರ್ಷಕ ಪ್ರವಾಸಿ ಕೇಂದ್ರವಾಗಿದೆ. ಇದು ಮುಖ್ಯವಾಗಿ ತನ್ನಲ್ಲಿರುವ ಆನೆ ತರಬೇತಿ ಕೇಂದ್ರ ಹಾಗೂ ಬೆಟ್ಟದ ಮೇಲಿನ ವೀಕ್ಷಣಾ ಕೇಂದ್ರದಿಂದಾಗಿ ಹೆಚ್ಚು ಪ್ರವಾಸಿಗರನ್ನು ಸೆಳೆಯುತ್ತದೆ.

ಚಿತ್ರಕೃಪೆ: Hari Prasad Sridhar

ಕೊಟ್ಟಾಯಂ

ಕೊಟ್ಟಾಯಂ ಜಿಲ್ಲೆಯ ಕೊಟ್ಟಾಯಂ-ಇಡುಕ್ಕಿ ಜಿಲ್ಲೆಗಳ ಗಡಿಗಳ ಬಳಿ ಸ್ಥಿತವಿರುವ ವಗಮೋನ್ ಒಂದು ಸುಂದರ ಪ್ರವಾಸಿ ಸ್ಥಳ. ಹಸಿರು ಹುಲ್ಲುಗಾವಲಿನಿಂದ ಕೂಡಿರುವ ಈ ಅದ್ಭುತ ಬೆಟ್ಟವು ಚಳಿಗಾಲದಲ್ಲಿ ಭೇಟಿ ನೀಡಲು ಯೋಗ್ಯವಾದ ತಾಣವಾಗಿದೆ.

ಚಿತ್ರಕೃಪೆ: Prasanths

ಪ್ರವಾಸಿಧಾಮ

ಕೊಟ್ಟಾಯಂ ಜಿಲ್ಲೆಯಲ್ಲಿರುವ ಇಲ್ಲಿಕಲ್ ಕಲ್ಲು ಒಂದು ಆಕರ್ಷಣೀಯ ಪ್ರವಾಸಿ ಕೇಂದ್ರವಾಗಿದೆ. ಇಲ್ಲಿನ ಬೆಟ್ಟದ ಮೇಲಿಂದ ರಸ್ತೆಯ ನೋಟವು ರೋಮಾಂಚನಗೊಳಿಸದೆ ಇರಲಾರದು.

ಚಿತ್ರಕೃಪೆ: Activedogs

ತ್ರಿಶ್ಶೂರ್

ತ್ರಿಶ್ಶೂರ್ ಜಿಲ್ಲೆಯಲ್ಲಿರುವ ಕನಕಮಲ ಹಳ್ಳಿಯು ತನ್ನಲ್ಲಿರುವ ಕನಕಮಲ ಬೆಟ್ಟಕ್ಕಾಗಿ ಹೆಸರುವಾಸಿಯಾಗಿದೆ. ಚಾಲಕುಡಿ ಪಟ್ಟಣದ ಬಳಿಯಿರುವ ಈ ಹಳ್ಳಿಯನ್ನು ಸುಲಭವಾಗಿ ತಲುಪಬಹುದಾಗಿದ್ದು ಅಲ್ಲಿಂದ ಕನಕಮಲ ಬೆಟ್ಟವನ್ನು ಏರಬಹುದು.

ಚಿತ್ರಕೃಪೆ: Anoopdesigns

ಆನಮುಡಿ

ಪಶ್ಚಿಮಘಟ್ಟಗಳಲ್ಲೆ ಅತಿ ಎತ್ತರವಾಗಿರುವ ಬೆಟ್ಟ ಆನಮುಡಿ. ಇಡುಕ್ಕಿ ಜಿಲ್ಲೆಯಲ್ಲಿ ಭಾಗಶಃ ಇರುವ ಈ ಬೆಟ್ಟ ತಮಿಳುನಾಡು ಹಾಗೂ ಕೇರಳದಲ್ಲಿ ಹರಡಿದೆ. ಇಲ್ಲಿಂದ ಕಂಡುಬರುವ ನೋಟ ಅದ್ಭುತವಾಗಿರುತ್ತದೆ ಎಂಬುದರಲ್ಲಿ ಎರಡು ಮಾತಿಲ್ಲ.

ಚಿತ್ರಕೃಪೆ: VikiUNITED

ಪಶ್ಚಿಮಘಟ್ಟಗಳು

ಇಡುಕ್ಕಿ ಜಿಲ್ಲೆಯಲ್ಲಿರುವ ಕಂತಲ್ಲೂರು ಎಂಬ ಗ್ರಾಮವು ತನ್ನ ಅದ್ಭುತ ಬೆಟ್ಟದಿಂದಾಗಿ ಪ್ರವಾಸಿಗರ ಗಮನಸೆಳೆಯುತ್ತದೆ.

ಚಿತ್ರಕೃಪೆ: Rameshng

ವೀಕ್ಷಣಾ ಕೇಂದ್ರ

ಹಿತಕರವಾದ ವಾತಾವರಣ, ಸುಂದರ ಭೂದೃಶ್ಯಾವಳಿಗಳಿಂದ ಇಂದು ಕಂತಲ್ಲೂರು ಒಂದು ಆಕರ್ಷಕ ಪ್ರವಾಸಿ ತಾಣವಾಗಿದ್ದು ಇಲ್ಲಿ ವೀಕ್ಷಣಾ ಕೇಂದ್ರವು ನಯನಮನೋಹರ ನೋಟಗಳನ್ನು ಒದಗಿಸುತ್ತದೆ.

ಚಿತ್ರಕೃಪೆ: Rameshng

ಪಾಲಕ್ಕಾಡ್

ಪಾಲಕ್ಕಾಡ್ ನಿಂದ 60 ಕಿ.ಮೀ ಗಳಷ್ಟು ದೂರದಲ್ಲಿರುವ ನೆಲ್ಲಿಯಾಂಪತಿ ಒಂದು ಸುಂದರ ಗಿರಿಧಾಮ ಪ್ರದೇಶ. ಇಲ್ಲಿರುವ ಸೀತಾರ ಕುಂಡು ವೀಕ್ಷಣಾ ಕೇಂದ್ರವು ಬಹಳವೆ ಆಕರ್ಷಕವಾಗಿದ್ದು ಪ್ರವಾಸಿಗರನ್ನು ಚುಂಬಕದಂತೆ ಸೆಳೆಯುತ್ತದೆ.

ಚಿತ್ರಕೃಪೆ: Kjrajesh

ಚಿತ್ತೂರು

ಚಿತ್ತೂರು ಗ್ರಾಮ ಪಂಚಾಯಿತಿ ವ್ಯಾಪ್ತಿಗೆ ಒಳಪಡುವ ನೆಲ್ಲಿಯಾಮ್ಪತಿ ಗ್ರಾಮವು ಚಹಾ ಹಾಗೂ ಕಾಫಿ ತೋಟಗಳಿಂದ ಸುತ್ತುವರೆದಿದೆ ಹಾಗೂ ಮಲಯಾಳಂನ ಕೆಲವು ಪ್ರಸಿದ್ಧ ಚಿತ್ರಗಳ ಚಿತ್ರೀಕರಣಗಳೂ ಸಹ ಇಲ್ಲಿ ನಡೆದಿವೆ.

ಚಿತ್ರಕೃಪೆ: Zuhairali

ಪೊನ್ಮುಡಿ

ಮಲಯಾಳಂನಲ್ಲಿ ಪೊನ್ನು ಎಂದರೆ ಬಂಗಾರ ಎಂಬರ್ಥವಿದೆ. ಈ ಆಕರ್ಷಕ ಗಿರಿಧಾಮ ಶೃಂಗವು ಬಂಗಾರದಂತೆ ಮಿಣ ಮಿಣ ಮಿಂಚುವುದರಿಂದ ಇದಕ್ಕೆ ಪೊನ್ಮುಡಿ ಎಂಬ ಹೆಸರು ಬಂದಿದೆ.

ಚಿತ್ರಕೃಪೆ: Arunelectra

ತಿರುವನಂತಪುರಂ

ಕೇರಳದ ರಾಜಧಾನಿ ತಿರುವನಂತಪುರಂನಿಂದ 56 ಕಿ.ಮೀ ಗಳಷ್ಟು ದೂರವಿರುವ ಪೊನ್ಮುಡಿಯನ್ನು ಸುಲಭವಾಗಿ ತಲುಪಬಹುದಾಗಿದೆ. ಅಪಾರ ಜನಪ್ರೀಯತೆಗಳಿಸಿರುವ ಈ ಗಿರಿಧಾಮ ಒಮ್ಮೆಯಾದರೂ ಭೇಟಿ ನೀಡಲೇಬೇಕಾದ ತಾಣ.

ಚಿತ್ರಕೃಪೆ: Darshika28

ಸೌಂದರ್ಯರಾಶಿ

ಪೊನ್ಮುಡಿಯು ವಿಶೇಷವಾಗಿ ಕಣಿವೆಗಳು ಹಾಗೂ ಬೆಟ್ಟ-ಗುಡ್ಡಗಳಿಂದ ಸುತ್ತುವರೆದಿದ್ದು ಅದ್ಭುತವಾದ ಭೂದೃಶ್ಯಾವಳಿಗಳನ್ನು ನೋಡುಗರಿಗೆ ಕರುಣಿಸುತ್ತದೆ.

ಚಿತ್ರಕೃಪೆ: Kannanz