ಭಾರತದಲ್ಲಿರುವ ಕೆಲವು ಸ್ಥಳಗಳು ಅಸ್ತಮಾ ರೋಗಿಗಳಿಗೆ ಸಲ್ಪ ಮಟ್ಟದಲ್ಲಿ ಅಪಾಯಕಾರಿಯಾಗಬಹುದು!

ಲಡಾಖ್

ಲಡಾಖ್ ಹಿಮಾಲಯದಲ್ಲಿದ್ದು, ಹಿಮಾಲಯವು ಎತ್ತರ ಮತ್ತು ತಣ್ಣಗಿನ ಹವಾಮಾನ ದೊಡ್ಡ ಶ್ರೇಣಿಯನ್ನು ಹೊಂದಿದೆ. ಅದಕ್ಕಾಗಿಯೇ ಅಸ್ತಮಾದಿಂದ ಬಳಲುತ್ತಿರುವ ಜನರು ಈ ಸ್ಥಳಗಳಿಗೆ ಪ್ರಯಾಣಿಸುವಾಗ ಅಪಾಯಕ್ಕೆ ಒಳಗಾಗಬಹುದು. ಕೆಂಪಗಿನ ರಸ್ತೆಗಳು, ಹೆಚ್ಚಿನ ಎತ್ತರದ ಜೊತೆಗೆ ಲಡಾಖ್‌ನ ತಣ್ಣನೆಯ ಹವಾಮಾನವು ಅಸ್ತಮಾ ಪ್ರಯಾಣಿಕರಿಗೆ ತೊಂದರೆ ಉಂಟುಮಾಡುತ್ತದೆ. ನೀವು ಆಸ್ತಮಾ ಅಥವಾ ಇತರ ಯಾವುದೇ ಉಸಿರಾಟದ ಸಮಸ್ಯೆಯನ್ನು ಹೊಂದಿದ್ದರೆ, ನೀವು ಲಡಾಖ್‌ಗೆ ಪ್ರಯಾಣಿಸುವುದನ್ನು ತಡೆಯಲು ಶಿಫಾರಸು ಮಾಡಲಾಗಿದೆ ಏಕೆಂದರೆ ಇದು ಎತ್ತರದಲ್ಲಿರುವುದರಿಂದ ಇಲ್ಲಿ ತೆಳುವಾದ ಗಾಳಿಯ ಬೀಸುವ ಕಾರಣದಿಂದಾಗಿ ನಿಮ್ಮರೋಗಲಕ್ಷಣಗಳನ್ನು ಇನ್ನಷ್ಟು ಹದಗೆಡಿಸುತ್ತದೆ.

ಸಿಕ್ಕಿಂ

ಸಿಕ್ಕಿಂ ನ ಉತ್ತರ ಭಾಗವು ಖಂಡಿತವಾಗಿಯೂ ಅಸ್ತಮ ಇರುವ ಪ್ರವಾಸಿಗರಿಗೆ ಸೂಕ್ತವಾದ ಸ್ಥಳವಲ್ಲ. ಯಾವುದೇ ಆಸ್ಪತ್ರೆಗಳು ಅಥವಾ ವೈದ್ಯಕೀಯ ಸೌಲಭ್ಯಗಳು ಲಭ್ಯವಿಲ್ಲದ ಭಾರತದ ಇದು ಅತ್ಯುನ್ನತ ಮತ್ತು ದೂರದ ಸ್ಥಳಗಳಲ್ಲಿ ಒಂದಾಗಿದೆ, ಆದ್ದರಿಂದ ನಿಮ್ಮ ಆರೋಗ್ಯಕ್ಕೆ ಯೊಗ್ಯವೆಂದುಈ ಸ್ಥಳವನ್ನು ಶಿಫಾರಸು ಮಾಡುವುದಿಲ್ಲ. ಸಿಕ್ಕಿಂ ರಾಜ್ಯದಾದ್ಯಂತ ಸಮ್ಮೋಹನಗೊಳಿಸುವ ಸೌಂದರ್ಯವನ್ನು ನೀಡುವುದರಿಂದ ನೀವು ಕಡಿಮೆ ಕಷ್ಟದಲ್ಲಿ ಪ್ರಯಾಣಿಸಬಹುದಾದ ಅನೇಕ ಇತರ ಸ್ಥಳಗಳನ್ನು ಹೊಂದಿದೆ ಆದ್ದರಿಂದ ಕಷ್ಟಕರ ಎನಿಸುವಂತಹ ಸ್ಥಳಗಳಿಗೆ ಭೇಟಿ ಕೊಡದೇ ಇರುವುದು ಸೂಕ್ತ.

ಸ್ಪಿತಿ ಕಣಿವೆ

ಸ್ಪಿತಿ ಹಿಮಾಲಯದಲ್ಲಿ ಸಮುದ್ರ ಮಟ್ಟದಿಂದ 2745 ಮೀಟರ್ ಎತ್ತರದಲ್ಲಿರುವ ಒಂದು ಸಣ್ಣ ಪಟ್ಟಣವಾಗಿದೆ. ಈ ಕಣಿವೆಯು ತನ್ನ ನೈಸರ್ಗಿಕ ಸೌಂದರ್ಯತೆಗೆ ಹೆಸರುವಾಸಿಯಾಗಿದೆ ಆದುದರಿಂಡ ಈ ಸ್ಥಳವು ಭಾರತದ ಅತ್ಯಂತ ಪ್ರಸಿದ್ದ ಪ್ರವಾಸಿ ತಾಣವಾಗಿದೆ. ಆದರೂ ಇಲ್ಲಿ ಭೇಟಿ ನೀಡುವ ಮೊದಲು ಅಸ್ತಮಾ ರೋಗಿಗಳು ಪರಿಗಣನೆಗೆ ತೆಗೆದುಕೊಳ್ಳಬೇಕಾದ ಕೆಲವು ಅಂಶಗಳಿವೆ. ನಿಮ್ಮ ವೈದ್ಯರ ಸಲಹೆಯನ್ನು ತೆಗೆದುಕೊಂಡ ನಂತರ, ನೀವು ಸರಿಯಾಗಿ ತಯಾರಾಗದಿದ್ದರೆ ಶೀತದ ಪ್ರಭಾವವು ನಿಮ್ಮ ಶ್ವಾಸಕೋಶದ ಮೇಲೆ ಕೆಟ್ಟ ಪರಿಣಾಮ ಬೀರಬಹುದು. ನೀವು ಆಸ್ತಮಾ ಅಥವಾ ಇತರ ಉಸಿರಾಟದ ಪರಿಸ್ಥಿತಿಗಳನ್ನು ಹೊಂದಿದ್ದರೆ ನೀವು ಪದರಗಳಿರುವ ಬಟ್ಟೆಗಳನ್ನು ಧರಿಸಬೇಕು ಮತ್ತು ನಿಮ್ಮೊಂದಿಗೆ ಇನ್ಹೇಲರ್ ಅನ್ನು ತರಲು ಮರೆಯಬಾರದು.

ಡಾರ್ಜಿಲಿಂಗ್

ಡಾರ್ಜಿಲಿಂಗ್, ಇನ್ನೊಂದು ಕಡೆಯಿಂದ ಅತೀ ಎತ್ತರದ ತಾಣವಾಗಿದ್ದು ಇಲ್ಲಿಗೂ ಕೂಡಾ ಅಸ್ತಮವಿರುವ ಪ್ರಯಾಣಿಕರು ಪ್ರಯಾಣಿಸುವುದು ಅಷ್ಟು ಹಿತಕರವಲ್ಲ. ಜಗತ್ತಿನ ಮೂರನೇ ಅತಿ ದೊಡ್ಡ ಪರ್ವತವಾದ ಕಾಂಚನಜುಂಗಕ್ಕೆ ಡಾರ್ಜಿಲಿಂಗ್ ನೆಲೆಯಾಗಿದೆ. ನೀವು ಅಥವಾ ನಿಮ್ಮ ಸ್ನೇಹಿತರು ಮತ್ತು ಕುಟುಂಬದ ಯಾರಾದರೂ ಉಸಿರಾಟದ ಸಮಸ್ಯೆಗಳನ್ನು ಹೊಂದಿದ್ದರೆ ಕಾಂಚನಜುಂಗಾ ಬೇಸ್ ಕ್ಯಾಂಪ್ ಟ್ರೆಕ್ ಹೋಗುವುದನ್ನು ಮರುಪರಿಶೀಲಿಸಬೇಕು ಮತ್ತು ಮೊದಲು ವೈದ್ಯರನ್ನು ಸಂಪರ್ಕಿಸುವುದು ಅತ್ಯಗತ್ಯ.

ಪಹಲ್ಗಾಮ್

ಕಾಶ್ಮೀರದ ಅತ್ಯಂತ ಪ್ರಸಿದ್ದ ಗಿರಿಧಾಮಗಳಲ್ಲಿ ಪಹಲ್ಗಾಮ್ ಕೂಡ ಒಂದಾಗಿದ್ದು, ಇದು ಮನಮೋಹಕ ನೋಟ ಮತ್ತು ಎಲ್ಲಾ ಕಡೆಯಲ್ಲೂ ಸೌಂದರ್ಯತೆಯಿಂದ ಕೂಡಿದೆ. ಪಹಲ್ಗಾಮ್ 2740 ಮೀ ಎತ್ತರವನ್ನು ಹೊಂದಿದ್ದು, ಆಸ್ತಮಾ ಪ್ರಯಾಣಿಕರಿಗೆ ಈ ತಾಣವನ್ನು ಸುಲಭವಾಗಿ ಭೇಟಿ ಮಾಡಲು ಸ್ವಲ್ಪ ಕಷ್ಟವೆನ್ನಬಹುದು. ಇದು ಅಮರನಾಥ ಯಾತ್ರಾ ಯಾತ್ರೆಯ ಆರಂಭದ ಹಂತವೂ ಹೌದು. ನಿಮ್ಮ ಆಸ್ತಮಾ ಪರಿಸ್ಥಿತಿಗಳು ಅಂತಹ ಎತ್ತರಕ್ಕೆ ಪ್ರಯಾಣಿಸುವುದಕ್ಕೆ ಬೆಂಬಲಿಸದೇ ಇರಬಹುದು ಆದುದರಿಂದ ಇಲ್ಲಿ ಪ್ರಯಾಣಿಸುವ ಮೊದಲು ಇಲ್ಲಿ ಅಪಾಯವಾಗಬಹುದೇ? ಎಂದು ಯಾವಾಗಲೂ ನಿಮ್ಮ ವೈದ್ಯರ ಸಲಹೆಯನ್ನು ಪಡೆದುಕೊಳ್ಳಿ.

ಅಂತಿಮವಾಗಿ ಹೇಳಬೇಕೆಂದರೆ ನಾವು ಎಲ್ಲರೂ ಒಬ್ಬ ಪ್ರಯಾಣಿಕರಾಗಿ ತಿಳಿದುಕೊಳ್ಳಬೇಕಾದ ವಿಷಯವೆಂದರೆ ಪ್ರಯಾಣಿಸುವುದು ತಪ್ಪಲ್ಲ ಆದರೆ ನಿಮ್ಮ ಆರೋಗ್ಯ ಸ್ಥಿತಿಯನ್ನು ಗಮನದಲ್ಲಿಟ್ಟುಕೊಂಡು ಅದಕ್ಕನುಗುಣವಾಗಿ ಉತ್ತಮ ಸ್ಥಳವನ್ನು ಆಯ್ಕೆ ಮಾಡಿ ಭಾರತದ ಈ ಮೇಲಿನ ಐದು ಸ್ಥಳಗಳ ಹೊರತಾಗಿಯೂ ಇಲ್ಲಿ ಸಮುದ್ರ ಮಟ್ಟಕ್ಕಿಂತ ಅತ್ಯಂತ ಎತ್ತರದಲ್ಲಿರುವ ಹಲವಾರು ಸ್ಥಳಗಳಿದ್ದು ಇಲ್ಲಿಯೂ ಸಹ ಗಾಳಿಯು ತೆಳುವಾಗಿದ್ದು ಇವುಗಳು ಅಸ್ತಮ ರೋಗಿಗಳಿಗೆ ಅನುಕೂಲಕರವಲ್ಲದ ಸ್ಥಳಗಳಾಗಿರುತ್ತವೆ. ನೀವು ಎತ್ತರಕ್ಕೆ ಏರಲು ಸಾಧ್ಯವಿಲ್ಲ ಎಂಬ ಕಾರಣಕ್ಕಾಗಿ ನೀವು ಪ್ರಯಾಣವನ್ನು ಅಥವಾ ಪ್ರವಾಸವನ್ನು ನಿಲ್ಲಿಸಬೇಕು ಎಂದು ಇದರ ಅರ್ಥವಲ್ಲ. ಸಹಜವಾಗಿ, ನೀವು ಪ್ರವಾಸ ಮಾಡಬಹುದು, ಪ್ರಯಾಣವು ಇನ್ನೂ ಹೆಚ್ಚಿನ ಮಟ್ಟದಲ್ಲಿಚಾಲ್ತಿಯಲ್ಲಿರುವ ವಿಶ್ವದ ಅತ್ಯುತ್ತಮ ವಿಶ್ವವಿದ್ಯಾಲಯ ಎನ್ನಬಹುದು. ಆದ್ದರಿಂದ ನಿಮ್ಮ ಶ್ವಾಸಕೋಶಕ್ಕೆ ಸ್ನೇಹಿಯಾಗಿರುವ ಸ್ಥಳಗಳನ್ನು ಹುಡುಕಿ ಮತ್ತು ಜಗತ್ತನ್ನು ಅನ್ವೇಷಿಸಿ!