1ಮೀ.ಅಗಲ 3 ಮೀ.ಎತ್ತರದ ಗುಹೆಯ ಈ ಪುಣ್ಯಧಾಮಕ್ಕೆಬಗ್ಗಿಕೊಂಡು ಹೋಗೋ ತಾಕತ್ತಿದ್ಯಾ?

ಶಿವಕೋಡಿ ಧಾಮ

PC: Sahuajeet

ಜಮ್ಮು ಕಾಶ್ಮೀರದಲ್ಲಿರುವ ಶಿವಕೋಡಿ ಧಾಮವು ರಣಸೂರ್‌ ನಗರದಿಂದ ಸುಮಾರು 3 ಕಿ.ಮಿ ದೂರದಲ್ಲಿದೆ. ಇಲ್ಲಿಗೆ ನಡೆದುಕೊಂಡೇ ಹೋಗಬೇಕಾಗುತ್ತದೆ. ರಣಸೂರ್‌ನ್ನು ಶಿವಕೋಡಿ ಯಾತ್ರೆಯ ಆಧಾರ ಸ್ಥಂಭ ಎಂದೇ ಹೇಳಬಹುದು. ಇಲ್ಲಿ ಪೂಜಾ ಸಮಾಗ್ರಿಗಳ ಅಂಗಡಿ ಮುಗ್ಗಟ್ಟುಗಳು ಕಾಣಸಿಗುತ್ತವೆ.

ಹನುಮನ ಕಾಲ ಬಳಿ ಶನಿದೇವ : ಶನಿದೆಸೆ ಮುಕ್ತಿಗೆ ಇಲ್ಲಿಗೆ ಬರ್ತಾರೆ ಭಕ್ತರು

ಧೂದ್‌ ಗಂಗಾ

ರಣಸೂರು ಪರ್ವತ ಕ್ಷೇತ್ರವಾಗಿದ್ದು, ಇದರ ಸುತ್ತಮುತ್ತಲಿನ ದೃಶ್ಯಗಳು ಬಹಳ ಸುಂದರವಾಗಿದೆ. ಈ ರಸ್ತೆಯಲ್ಲಿ ಒಂದು ಬೆಟ್ಟದ ನದಿ ಇದೆ. ಇದನ್ನು ಸ್ಥಳೀಯರು ಧೂದ್‌ ಗಂಗಾ ಎನ್ನುತ್ತಾರೆ. ಇಲ್ಲಿಗೆ ಭೇಟಿ ನೀಡುವ ಭಕ್ತರು ದಾರಿಯಲ್ಲೆಲ್ಲಾ ಶಿವನ ಜಪ ಮಾಡುತ್ತಾ, ಹಾಡು ಹಾಡುತ್ತಾ ಹೋಗುತ್ತಾರೆ.

3ಕಿ.ಮೀ ಯಾತ್ರೆ

ಹೆಚ್ಚಿನವರು ಮೂರು ಕಿ.ಮೀ ಈ ಯಾತ್ರೆಯನ್ನು ನಡೇದೇ ಹೋಗುತ್ತಾರೆ. ನಡೆಯಲು ಸಾಧ್ಯವಿಲ್ಲದವರಿಗೆ ಕುದುರೆ ಸವಾರಿ, ಪಲ್ಲಕ್ಕಿಯ ವ್ಯವಸ್ಥೆಯೂ ಇದೆ. ಹೆಚ್ಚಾಗಿ ವಯಸ್ಸಾದವರು, ಮಹಿಳೆಯರು ಈ ವ್ಯವಸ್ಥೆಯನ್ನು ಬಳಸುತ್ತಾರೆ.

ಚಪ್ಪಾಳೆ ಹೊಡೆದ್ರೆ ಸಾಕು ಕುಂಡದ ನೀರು ಮೇಲೆ ಬರುತ್ತಂತೆ!

200 ಮೀ. ಉದ್ದದ ಗುಹಾ ಮಾರ್ಗ

ಶಿವಕೋಡಿಯ ಪ್ರವೇಶ ದ್ವಾರ ತಲುಪಿ ಸ್ವಲ್ಪ ಮೆಟ್ಟಿಲುಗಳನ್ನು ಹತ್ತಿ ಗುಹೆಯ ಮುಖ್ಯದ್ವಾರವನ್ನು ತಲುಪಬಹುದು. 1 ಮೀ,ಅಗಲ ಹಾಗೂ 3 ಮೀಟರ್ ಎತ್ತರ ಗುಹೆ ಇದಾಗಿದೆ. ಒಬ್ಬೊಬ್ಬರಾಗಿ ಬಗ್ಗುತ್ತಾ ಈ ಗುಹೆಯೊಳಗೆ ಪ್ರವೇಶಿಸಬೇಕು. ಈ ಗುಹೆಯು ಸುಮಾರು 200 ಮೀ ಉದ್ದವಿದೆ. ಗುಹೆಯ ಒಳಗೆ ಕೆಳಗೆ ಇಳಿಯಬೇಕಾಗುತ್ತದೆ.

ಸ್ವಯಂ ಭೂ ಶಿವಲಿಂಗ

ಈ ಗುಹಾ ಮಾರ್ಗವು ಕಠಿಣಕರವಾಗಿದ್ದು, ಅಲ್ಲಿನ ಬಂಡೆಕಲ್ಲುಗಳನ್ನು ಹಿಡಿದುಕೊಂಡು ಹೋಗಬೇಕಾಗುತ್ತದೆ. ಗುಹೆಯ ಒಳಗೆ ಹೋದನಂತರ ದೇವರ ಗುಡಿಯ ಬಳಿ ವಿಶಾಲವಾದ ಸ್ಥಳವನ್ನು ಕಾಣಬಹುದು. ಇಲ್ಲಿ ನೈಸರ್ಗಿಕ ಬೆಳಕು ಶಿವಲಿಂಗದ ಬಳಿ ಬೀಳುತ್ತದೆ. ಇಲ್ಲಿನ ಶಿವಲಿಂಗವನ್ನು ಸ್ವಯಂ ಭೂ ಎನ್ನುತ್ತಾರೆ.