ಈ ಮಂದಿರದಲ್ಲಿ ಹಲವು ವರ್ಷಗಳಿಂದ ಅಖಂಡ ಜ್ಯೋತಿ ಉರಿಯುತ್ತಲೇ ಇದೆ

ಅಟೇರ್‌ ಕೋಟೆ

ಬಿಂಡ್‌ ನ್ನು ಸುತ್ತಾಡುವುದಾದರೆ ಮೊದಲಿಗೆ ಇಲ್ಲಿನ ಐತಿಹಾಸಿಕ ಕೋಟೆಯಿಂದಲೇ ಆರಂಭ ಮಾಡಿ. ಇಲ್ಲಿ ನೀವು ಪ್ರಾಚೀನ ಅಟೋರ್ ಕೋಟೆಯನ್ನು ನೋಡಬಹುದು. ಈ ಕೋಟೆಯನ್ನು 1664-1668ರ ಆಸುಪಾಸಿನಲ್ಲಿ ನಿರ್ಮಿಸಲಾಯಿತು ಎನ್ನಲಾಗುತ್ತದೆ. ಆದರೆ ಈಗ ಇದು ಶೀಥೀಲಾವಸ್ಥೆಯಲ್ಲಿದೆ. ನೀವು ಇತಿಹಾಸದ ಬಗ್ಗೆ ಆಸಕ್ತಿಯುಳ್ಳವರಾದರೆ ಈ ಕೋಟೆಯನ್ನು ಭೇಟಿ ನೀಡಬಹುದು.

ಈ ಕೋಟೆಯ ಸುತ್ತಮುತ್ತಲೂ ಇನ್ನೂ ಅನೇಕ ಸ್ಥಳಗಳು ಕಾಣಸಿಗುತ್ತವೆ. ಹನ್ನೆರಡು ಕಂಬದ ಮಹಲ್, ಹಥಿಪುರ, ರಾಜನ ಅರಮನೆ, ರಾಣಿಯ ಅರಮನೆಯನ್ನೂ ನೋಡಬಹುದು.

ಗೋಹಾಡ್‌ನ ಕೋಟೆ

ಅಟೆರ್‌ ಕೋಟೆಯನ್ನು ಹೊರತುಪಡಿಸಿ ಇಲ್ಲಿ ಗೋಹಡ್‌ನ ಕೋಟೆಯನ್ನೂ ನೋಡಬಹುದು. ಗ್ವಾಲಿಯರ್‌ನಿಂದ ಕೇವಲ ೪೫ ಕಿ.ಮೀ ದೂರದಲ್ಲಿ ರುವ ಈ ಕೋಟೆಯು ಇಲ್ಲಿನ ಪ್ರವಾಸಿಗರ ಮಧ್ಯೆ ಬಹಳ ಪ್ರಸಿದ್ಧಿ ಹೊಂದಿದೆ. ಈ ಕೋಟೆಯನ್ನು ೧೫೦೫ರಲ್ಲಿ ಎರಡನೇ ರಾಣಾಸಿಂಗ್‌ ದೇವ್‌ ಮೂಲಕ ನಿರ್ಮಿಸಲಾಯಿತು. ಆದರೆ ಆ ಕೋಟೆಯ ಪೂರ್ಣ ನಿರ್ಮಾಣವನ್ನು ಆತನ ನಂತರದ ಶಾಸನಕಾರರು ನಡೆಸಿದರು. ಈ ಕೋಟೆಯಲ್ಲಿ 11 ಬಾಗಿಲುಗಳಿವೆ. ಪ್ರತಿಯೊಂದು ದ್ವಾರದ ಹೆಸರನ್ನು ಸ್ಥಳೀಯ ಹಳ್ಳಿಗಳ ಹೆಸರನ್ನು ಇಡಲಾಗಿದೆ. ಕೋಟೆಯ ಒಳಗೆ ಅನೇಕ ಮಂಟಪಗಳಿವೆ.

ರೇಣುಕಾ ಮಂದಿರ

PC-IamShree

ಐತಿಹಾಸಿಕ ಸ್ಥಳಗಳನ್ನು ಹೊರತುಪಡಿಸಿ ಇಲ್ಲಿ ಧಾರ್ಮಿಕ ಸ್ಥಳಗಳೂ ಇವೆ. ಇಲ್ಲಿ ನೀವು ಮಾತೆ ರೇಣುಕಾ ಮಂದಿರದ ದರ್ಶನವನ್ನೂ ಪಡೆಯಬಹುದು. ವೀರ ಯೋಧ ಪರಶುರಾಮನ ಜನ್ಮಸ್ಥಳದ ರೂಪದಲ್ಲಿ ಈ ಮಂದಿರವು ಪರಶುರಾಮನ ತಾಯಿ ರೇಣೂಕಾ ದೇವಿಗೆ ಸಮರ್ಪಿತವಾಗಿದೆ.

ಮಿಸ್ ಮಾಡಲೇಬಾರದ ದೇವಾಲಯಗಳಿವು; ಇಲ್ಲಿ ಪ್ರಾರ್ಥಿಸಿದ್ರೆ ಕಾಯಿಲೆ ಗುಣವಾಗುತ್ತಂತೆ!

ಜೈನ ಮಂದಿರ

ಹಿಂದೂ ಧಾರ್ಮಿಕ ಸ್ಥಳಗಳ ಜೊತೆಗೆ ಇಲ್ಲಿ ನೀವು ಜೈನ ಮಂದಿರದ ದರ್ಶಣವನ್ನೂ ಪಡೆಯಬಹುದು. ಈ ಮಂದಿರದ ನಿರ್ಮಾಣವನ್ನು ಭಗವಾನ್ ಮಹಾವೀರನ ಯಾತ್ರೆಯ ಖುಷಿಯಲ್ಲಿ ಮಾಡಲಾಗಿತ್ತು. ವಾಸ್ತುಕಲೆಗೆ ಹೆಸರಾದ ಮಂದಿರ ಇದಾಗಿದೆ. ತನ್ನ ಸೌಂದರ್ಯದಿಂದಾಗಿ ಈ ಮಂದಿರವು ಮುಖ್ಯ ಪರ್ಯಾಟನಾ ಸ್ಥಳಗಳಲ್ಲಿ ಸೇರಿಕೊಂಡಿದೆ.

ವನಖಂಡೇಶ್ವರ ಮಂದಿರ

ಬಿಂಡ್‌ನಲ್ಲಿ ನೀವು ಪ್ರಸಿದ್ಧ ವನಖಂಡೇಶ್ವರ ಮಂದಿರದ ದರ್ಶನವನ್ನೂ ಪಡೆಯಬಹುದು. ಶಿವನಿಗೆ ಸಮರ್ಪಿತವಾಗಿರುವ ಈ ಮಂದಿರವು ಭಾರತದ ಪುರಾತನ ಮಂದಿರಗಳಲ್ಲಿ ಒಂದಾಗಿದೆ. 1175ನೇ ಇಸವಿಯಲ್ಲಿ ಪ್ರಥ್ವಿರಾಜ್‌ ಚೌಹಾನ್‌ ಈ ಮಂದಿರವನ್ನು ನಿರ್ಮಿಸಿದನು ಎಂದು ಪುರಾಣಗಳು ತಿಳಿಸುತ್ತವೆ. ಈ ಮಂದಿರವ ವಿಶೇಷತೆ ಏನೆಂದರೆ ಇಲ್ಲೊಂದು ಅಖಂಡ ಜ್ಯೋತಿ ಇದೆ. ಹಲವಾರು ವರ್ಷಗಳಿಂದ ಉರಿಯುತ್ತಲೇ ಇದೆ. ಇಲ್ಲಿ ಪ್ರತಿ ಸೋಮವಾರ ಮಹಾ ಆರತಿಯನ್ನು ಆಯೋಜಿಸಲಾಗುತ್ತದೆ. ಮಹಾ ಆರತಿಯಲ್ಲಿ ಪಾಲ್ಗೊಳ್ಳಲು ಸ್ಥಳೀಯರಿಂದ ಹಿಡಿದು ದೂರದ ಊರಿನಿಂದಲೂ ಜನರು ಆಗಮಿಸುತ್ತಾರೆ.