ಜಮ್ಮು ಕಾಶ್ಮೀರದಲ್ಲಿರುವ ಕಿಶ್ತ್ವಾರ್, ಆಳವಾದ ಕಣಿವೆಗಳು ಮತ್ತು ಎತ್ತರದ ಪರ್ವತಗಳ ಮಧ್ಯದಲ್ಲಿದೆ ಮತ್ತು ಸ್ಥಳೀಯ ಪ್ರವಾಸಿಗರಲ್ಲಿ ನೈಸರ್ಗಿಕ ಸೌಂದರ್ಯಕ್ಕಾಗಿ ಹೆಸರುವಾಸಿಯಾಗಿದೆ. ಇದು ಹಲವಾರು ಶತಮಾನಗಳಷ್ಟು ಹಳೆಯದಾದ ಐತಿಹಾಸಿಕ ಪಟ್ಟಣವಾಗಿದ್ದರೂ ಸಹ ಬೇಸಿಗೆಯ ಪರಿಪೂರ್ಣ ತಾಣವಾಗಿ ಜನಪ್ರಿಯತೆಯನ್ನುಗಳಿಸಿದೆ.
15 ಸಸ್ತನಿ ಪ್ರಭೇದಗಳಿವೆ
PC:Eatcha
400 ಚ.ಕಿ.ಮೀ ಪ್ರದೇಶದ ವ್ಯಾಪ್ತಿಯಲ್ಲಿ ಹರಡಿಕೊಂಡಿರುವ ಉದ್ಯಾನವು ಜಿಂಕೆ ಮತ್ತು ಹಿಮಾಲಯನ್ ಕಪ್ಪು ಮತ್ತು ಕಂದು ಕರಡಿ ಸೇರಿದಂತೆ 15 ಸಸ್ತನಿ ಪ್ರಭೇದಗಳನ್ನು ಒಳಗೊಂಡಿದೆ. ಕಿಶ್ತ್ವಾರ್ ಕೇವಲ ಎತ್ತರದ ವನ್ಯಜೀವಿ ಅಭಯಾರಣ್ಯವಲ್ಲವಾದರೂ, ಅದರ ವೈವಿಧ್ಯಮಯ ಸಸ್ಯ ಮತ್ತು ಪ್ರಾಣಿಗಳ ಕಾರಣದಿಂದ ಇ ದು ವಿಶೇಷವಾಗಿದೆ.
ಕಡಿಮೆ ಅನ್ವೇಷಿತ ತಾಣ
ಇಂದು, ಈ ಗುಪ್ತ ಸೌಂದರ್ಯವು ಪ್ರಾಚೀನ ನದಿಗಳು, ಹೂವಿನ ಹುಲ್ಲುಗಾವಲುಗಳು, ಹಚ್ಚ ಹಸಿರಿನ ಬೆಟ್ಟಗಳು ಮತ್ತು ಹಿಮದಿಂದ ಆವೃತವಾದ ಪರ್ವತಗಳಿಂದ ನಿರೂಪಿಸಲ್ಪಟ್ಟಿದೆ. ಇದು ಸ್ವರ್ಗೀಯ ಪ್ರಪಂಚದಂತೆ ತೋರುತ್ತಿದ್ದು, ಇದು ಕಡಿಮೆ ಅನ್ವೇಷಿತ ತಾಣಗಳಲ್ಲಿ ಜನಪ್ರಿಯವಾಗಿದೆ.
ಚೆನಾಬ್ ನದಿ
ನೀವು ಸುಂದರವಾದ ಚೆನಾಬ್ ನದಿಗೆ ಭೇಟಿ ನೀಡಬಹುದು ಮತ್ತು ಕಿಶ್ತ್ವಾರ್ ರಾಷ್ಟ್ರೀಯ ಉದ್ಯಾನದ ವನ್ಯಜೀವಿಗಳನ್ನು ಅನ್ವೇಷಿಸಬಹುದು. ನೀವು ಅದರ ಪರ್ವತ ಹಾದಿಗಳು ಮತ್ತು ಹಿಮನದಿಗಳ ಮೋಡಿಯನ್ನು ಸಹ ಆನಂದಿಸಬಹುದು ಮತ್ತು ಚಾರಣ ಅಥವಾ ಪರ್ವತಾರೋಹಣದ ಮೂಲಕ ಅವುಗಳನ್ನು ಅನ್ವೇಷಿಸಬಹುದು. ಕಿಶ್ತ್ವಾರ್ ಪಟ್ಟಣದ ಸಮೀಪದಲ್ಲಿರುವ ವಾರ್ವಾನ್ ಕಣಿವೆ ಭಾರತದ ಪ್ರಮುಖ ಚಾರಣ ತಾಣಗಳಲ್ಲಿ ಒಂದಾಗಿದೆ. ಹಾಗಾದರೆ, ಕಿಶ್ತ್ವಾರ್ ಅನ್ನು ಅನ್ವೇಷಿಸುವ ದಂಡಯಾತ್ರೆಯ ಮೂಲಕ ವಾರ್ವಾನ್ ಕಣಿವೆಯನ್ನೂ ಅನ್ವೇಷಿಸಬಹುದು.
ಯಾವಾಗ ಭೇಟಿ ನೀಡುವುದು ಸೂಕ್ತ
PC:Sadaqat728
ಕಿಶ್ತ್ವಾರ್ ವರ್ಷಪೂರ್ತಿ ಭೇಟಿ ನೀಡಬಹುದಾದ ತಾಣವಾಗಿದೆ. ಅದರಲ್ಲೂ ಕಿಶ್ತ್ವಾರ್ಗೆ ಭೇಟಿ ನೀಡಲು ಉತ್ತಮ ಸಮಯವೆಂದರೆ ಮೇ ನಿಂದ ಅಕ್ಟೋಬರ್ ವರೆಗೆ ಹವಾಮಾನವು ಆಹ್ಲಾದಕರವಾಗಿರುತ್ತದೆ ಮತ್ತು ತಾಪಮಾನದ ಪರಿಸ್ಥಿತಿಗಳು ಅತ್ಯುತ್ತಮವಾಗಿರುತ್ತವೆ. ಇದರಿಂದಾಗಿ ನೀವು ಅದರ ಸೌಂದರ್ಯವನ್ನು ಪೂರ್ಣವಾಗಿ ಆನಂದಿಸಲು ಅನುವು ಮಾಡಿಕೊಡುತ್ತದೆ.
ಈ ಟಿಪ್ಸ್ ನೆನಪಿಟ್ಟುಕೊಳ್ಳಿ
PC:Rayeesmaqboolkashmir
ಬೇಸಿಗೆಯಲ್ಲಿ ಟ್ರಕ್ಕಿಂಗ್ ಶೂಗಳು , ಲಘು ಬಟ್ಟೆಗಳು ಮತ್ತು ರೇನ್ಕೋಟ್ ನಿಮ್ಮೊಂದಿಗಿರಲಿ. ಅದೇ ನೀವು ಚಳಿಗಾಲದಲ್ಲಿ ಭೇಟಿ ನೀಡುವುದಾದರೆ ಭಾರವಾದ ಉಣ್ಣೆ ಬಟ್ಟೆಗಳನ್ನು , ಟ್ರಕ್ಕಿಂಗ್ ಶೂಗಳನ್ನು ಕೊಂಡೊಯ್ಯಿರಿ.
ತಲುಪುವುದು ಹೇಗೆ?
PC: sushmita balasubramani
ವಿಮಾನದ ಮೂಲಕ: ಉದ್ಯಾನವನದಿಂದ 250 ಕಿ.ಮೀ ದೂರದಲ್ಲಿರುವ ಜಮ್ಮು ವಿಮಾನ ನಿಲ್ದಾಣವು ಹತ್ತಿರದ ವಿಮಾನ ನಿಲ್ದಾಣವಾಗಿದೆ.
ರೈಲಿನ ಮೂಲಕ: ಹತ್ತಿರದ ರೈಲುಮಾರ್ಗವು 248 ಕಿ.ಮೀ ದೂರದಲ್ಲಿರುವ ಜಮ್ಮುನಲ್ಲಿದೆ.
ರಸ್ತೆ: ಇಖಾಲಾ ವರೆಗೆ ರಸ್ತೆ ನಿರ್ಮಿಸಲಾಗಿದ್ದು, 20 ಕಿ.ಮೀ ದೂರದಲ್ಲಿರುವ ಪ್ಲೇಮರ್ ವರೆಗೆ ಬಸ್ ಸೇವೆ ಲಭ್ಯವಿದೆ. ನೀವು ಕಾಲ್ನಡಿಗೆಯಿಂದ ಅಥವಾ ಕುದುರೆಯ ಸವಾರಿ ಮೂಲಕ ತಲುಪಬಹುದು.