ಗುಜರಾತಿನ ಮೊಧೇರಾ ಸೂರ್ಯ ದೇವಾಲಯ: ಇತಿಹಾಸ ಮತ್ತು ಸೊಬಗಿನ ಸಮ್ಮಿಲನ

ಗುಜರಾತಿನ ಮೆಹಸಾನಾದಲ್ಲಿರುವ ಅದ್ಬುತವಾದ ಮೊದೆರಾ ಸೂರ್ಯ ದೇವಾಲಯವು ನಿಮ್ಮ ಹೃದಯವನ್ನು ದ್ವಂದ್ವ ಆಲೋಚನೆಗಳೊಂದಿಗೆ ಬಿಡುವುದು ಖಚಿತ. ಇದು ಆಶ್ಚರ್ಯ ಮತ್ತು ದುಃಖ ಎರಡರ ಮಿಶ್ರಣದ ಭಾವನೆಯನ್ನುಂಟು ಮಾಡುತ್ತದೆ.

ಮೊದೆರಾದ ಈ ಅತ್ಯಂತ ಸುಂದರವಾದ ರಚನೆಯು ಇದರ ಹಿಂದೆ ಇರುವ ಸಾವಿರಾರು ಜನರ ಕಠಿಣ ಪರಿಶ್ರಮವು ನಿಮ್ಮನ್ನು ಅಚ್ಚರಿ ಪಡುವಂತೆ ಮಾಡುತ್ತದೆ. ಈ ಎಲ್ಲಾ ಅದ್ಬುತಗಳು ಮಹಮದ್ ಘಜ್ನಿಯಿಂದ ವಿನಾಶಕ್ಕೆ ಒಳಗಾಗಿ ಲೂಟಿ ಮಾಡಲಾಗಿದೆ ಎಂಬ ವಿಷಯವು ನಿಮಗೆ ದುಃಖವನ್ನುಂಟು ಮಾಡುತ್ತದೆ. ಈ ಕ್ಷಣದಲ್ಲಿ ಇಲ್ಲಿ ನಿಂತಿರುವ ಮೋಧೇರಾ ದೇವಾಲಯವು ಮತ್ತೊಂದು ಭವ್ಯವಾದ ಅವಶೇಷವಾದ್ದು ಇದು ಕಳೆದುಹೋದ ಸಮಯದ ಒಂದು ನಿಗೂಢತೆ.

ಪುಷ್ಪಾವತಿ ನದಿ ದಂಡೆಯ ಮೇಲೆ ನೆಲೆಸಿರುವ ಮೊಧೇರಾ ಸೂರ್ಯ ದೇವಾಲಯವು ಪುಷ್ಪಾವತಿ ನದಿಯ ದಡದಲ್ಲಿ ನಿರ್ಮಿಸಲಾದ ಮೊಧೇರಾ ಸೂರ್ಯ ದೇವಾಲಯವು ಇಂದು ಬಳಕೆಯಲ್ಲಿಲ್ಲದ ದೇವಾಲಯವಾಗಿ ಉಳಿದಿದೆ, ಅಲ್ಲಿ ಯಾವುದೇ ಪೂಜೆಯನ್ನು ಸಲ್ಲಿಸಲಾಗುವುದಿಲ್ಲ. ಮತ್ತು ಒರಿಸ್ಸಾದ ಕೋನಾರ್ಕ್ ದೇವಾಲಯಕ್ಕಿಂತ ಮುಂಚೆಯೇ ಈ ಅಸಾಮಾನ್ಯ ಕಲಾಕೃತಿಯನ್ನು ರಚಿಸಲಾಗಿದೆ ಎಂದು ತಿಳಿದರೆ ನಿಮಗೆ ಆಶ್ಚರ್ಯವಾಗಬಹುದು.

ಆದ್ದರಿಂದ ನೀವು ಗುಜರಾತ್‌ನಾದ್ಯಂತ ಪ್ರಯಾಣಿಸಲು ಯೋಜಿಸುತ್ತಿದ್ದರೆ, ಇದನ್ನು ನಿಮ್ಮ ಪ್ರವಾಸ ಪಟ್ಟಿಗೆ ಸೇರಿಸಲು ಮರೆಯಬೇಡಿ್

ಇದೊಂದು ಮೋಡಿಮಾಡುವ ಕಲಾಕೃತಿ

ಇಡೀ ದೇವಾಲಯವು ಕಮಲದ ಆಕಾರದ ರಚನೆಯ ಮೇಲೆ ಕಂಬವನ್ನು ಹೊಂದಿದೆ ಮತ್ತು ಅದರ ಗೋಡೆಗಳ ಪ್ರತಿ ಇಂಚಿನಲ್ಲೂ ಹರಿತವಾದ, ವಿವರವಾದ ಕೆತ್ತನೆಗಳನ್ನು ಪ್ರದರ್ಶಿಸಲಾಗಿದೆ. ಈ ಕೆತ್ತನೆಗಳು ಸಂಸ್ಕೃತಿಯ ಸಾರವನ್ನು ಪ್ರತಿಬಿಂಬಿಸುತ್ತದೆ. ಇದರಲ್ಲಿ ರಾಮಾಯಣದಿಂದ ಮಹಾಭಾರತದವರೆಗೆ ಮತ್ತು ಮಾನವ ಜೀವನ ಚಕ್ರದಿಂದ ಕಾಮಸೂತ್ರದವರೆಗೆ ಎಲ್ಲವನ್ನೂ ಇದರಲ್ಲಿ ಹೊಂದಿದೆ.

ಇಡೀ ದೇವಾಲಯವು ಮೂರು ಭಾಗಗಳಾಗಿ ವಿಭಜಿಸಲಾಗಿದೆ.

ಸೂರ್ಯ ಕುಂಡ್, ಇದು ಒಂದು ಆಳವಾದ ಮೆಟ್ಟಿಲನ್ನು ಹೊಂದಿರುವಂತಹ ತೊಟ್ಟಿಯಾಗಿದ್ದು ದೇವಾಲಯದ ಮುಂಭಾಗದಲ್ಲಿದೆ. ಇದನ್ನು ಹಿಂದಿನ ಕಾಲದಲ್ಲಿ ನೀರು ಸಂಗ್ರಹಿಸಲು ಉಪಯೋಗಿಸಲಾಗುತ್ತಿತ್ತು. ಇದರಲ್ಲಿ ಇಂದು ಸಂಗ್ರಹಿಸಲ್ಪಟ್ಟ ಮಳೆಯ ನೀರಿನ ಹೊರತಾಗಿ ಏನೂ ಇಲ್ಲವಾದರೂ ಇಲ್ಲಿ ಮೊದಲು ಭೂಗತ ಚಿಲುಮೆ ಇತ್ತು ಎಂದು ನಂಬಲಾಗಿದೆ.

ಅಸೆಂಬ್ಲಿ ಹಾಲ್ ಗಳು ಅಥವಾ ಸಭಾ ಮಂಟಪವು ಧಾರ್ಮಿಕ ಸಭೆಗಳು ಮತ್ತು ಸಮಾವೇಶಗಳಿಗೆ ಸ್ಥಳವಾಗಿತ್ತು. ಮೂಲಭೂತವಾಗಿ ಯಾತ್ರಾರ್ಥಿಗಳಿಗಾಗಿ ನಿರ್ಮಿಸಲಾದ ಈ ಸ್ಥಳವು ಅವರು ಕುಳಿತುಕೊಳ್ಳಲು ಮತ್ತು ವಿಶ್ರಾಂತಿ ಪಡೆಯಲು ಗೋಡೆಗಳ ಉದ್ದಕ್ಕೂ ಹಲಗೆಗಳನ್ನು ಸಹ ನಿರ್ಮಿಸಿದೆ.

ಅಂತಿಮವಾಗಿ, ನೀವು ಸ್ತಂಭಗಳು ಮತ್ತು ಕಮಾನುಗಳಿಂದ ಮಾರ್ಗವನ್ನು ದಾಟುವ ಮೂಲಕ ಗುಡ ಮಂಟಪ ಅಥವಾ ಗರ್ಭಗುಡಿಯನ್ನು ತಲುಪಬಹುದು ಒಮ್ಮೆ, ಈ ಸಭಾಂಗಣವು ಮಹಮದ್ ಘಜ್ನಿಯಿಂದ ಲೂಟಿಯಾಗುವ ಮೊದಲು ಸೂರ್ಯ ದೇವರ ವಿಗ್ರಹವನ್ನು ಹೊಂದಿತ್ತು. ಆದರೂ ಅದರ ಗೋಡೆಗಳ ಮೇಲೆ ಸೂರ್ಯದೇವನ ಹನ್ನೆರಡು ವಿಭಿನ್ನ ಮುಖಗಳನ್ನು (ಪ್ರತಿ ತಿಂಗಳಿಗೆ) ನೋಡಬಹುದು.

ಪೌರಾಣಿಕವಾಗಿ ಹೇಳುವುದಾದರೆ, ಕುಂಡದಿಂದ ಮುಖ್ಯ ದೇವಾಲಯದ ಮೂಲಕ ಗುಡ ಮಂಟಪಕ್ಕೆ ನಡೆಯುವ ನಡಿಗೆಯನ್ನು ಸಾವಿನಿಂದ ಮೋಕ್ಷಕ್ಕೆ ದಾಟುವ ಪ್ರಯಾಣವಾಗಿ ಎಂದು ಹೇಳಲಾಗುತ್ತದೆ. ಇದು ಮಂತ್ರಮುಗ್ಧಗೊಳಿಸುತ್ತದೆ.

ಇದರ ಇತಿಹಾಸದ ಪುಟಗಳು

ಮೊಧೇರಾ ದೇವಾಲಯವನ್ನು ಚಾಲುಕ್ಯ ವಂಶದ ರಾಜ ಒಂದನೇ ಭೀಮನ ಆಳ್ವಿಕೆಯಲ್ಲಿ ನಿರ್ಮಿಸಲಾಯಿತು. 11 ನೇ ಶತಮಾನದ ಆರಂಭದಲ್ಲಿ ರಚಿಸಲಾದ ಮೊಧೇರಾವನ್ನು ಸ್ಕಂದ ಮತ್ತು ಬ್ರಹ್ಮ ಪುರಾಣದ ಇತಿಹಾಸ ಪುಟಗಳಲ್ಲಿ ಅಕ್ಷರಶಃ ಉಲ್ಲೇಖಿಸಲಾಗಿದೆ.

ಪೌರಾಣಿಕವಾಗಿಯೂ ಸಹ, ಮೋಧೇರಾ ಮತ್ತು ಅದರ ಸುತ್ತಮುತ್ತಲಿನ ಪ್ರದೇಶಗಳನ್ನು ಧರ್ಮರಣ್ಯ ಅಥವಾ ನೀತಿಯ ಕಾಡು ಎಂದು ಉಲ್ಲೇಖಿಸಲಾಗಿದೆ. ಇದಲ್ಲದೆ, ಈ ಸ್ಥಳವು ರಾಮದೇವರಿಂದ ಆಶೀರ್ವದಿಸಲ್ಪಟ್ಟಿದೆ.

ಪ್ರಸ್ತುತ, ಈ ದೇವಾಲಯವನ್ನು ಭಾರತೀಯ ಪುರಾತತ್ವ ಸರ್ವೇಕ್ಷಣಾ ಇಲಾಖೆಯು ಜೀರ್ಣೋದ್ಧಾರಕ್ಕಾಗಿ ಕೈಗೆತ್ತಿಕೊಂಡಿದೆ. 2014 ರಲ್ಲಿ, ಈ ಮೊಧೇರಾ ಸೂರ್ಯ ದೇವಾಲಯವನ್ನು ಯುನೆಸ್ಕೋ ವಿಶ್ವ ಪರಂಪರೆಯ ತಾಣಗಳ ಪಟ್ಟಿಗೆ ಸೇರಿಸಲಾಯಿತು.

ಕೆಲವು ಅಚ್ಚರಿಯ ಸಂಗತಿಗಳು

-ಮೊಧೇರಾ ದೇವಾಲಯ ಮತ್ತು ಸೂರ್ಯನಿಗರ್ಪಿತವಾದ ಈ ದೇವಾಲಯವು ನಿಮ್ಮನ್ನು ಬೆರಗುಗೊಳಿಸುತ್ತದೆ.

- ಪ್ರತಿ ವಿಷುವತ್ ಸಂಕ್ರಾಂತಿಯ ಸಮಯದಲ್ಲಿ, ಮೊದಲ ಸೂರ್ಯ ಕಿರಣಗಳು ಸೂರ್ಯ ದೇವರ ತಲೆಯ ಮೇಲೆ ಇರಿಸಲಾದ ವಜ್ರದ ಮೇಲೆ ಬೀಳುವ ಹಾಗೆ ದೇವಾಲಯವನ್ನು ನಿರ್ಮಿಸಲಾಗಿದ್ದು ಇಡೀ ದೇವಾಲಯವು ಚಿನ್ನದ ಹೊಳಪಿನಲ್ಲಿ ಬೆಳಗುವಂತೆ ನಿರ್ಮಿಸಲಾಗಿದೆ.

- ಇತರ ದಿನಗಳಲ್ಲಿ, ಗರ್ಭಗೃಹದ ಮುಂದಿನ ಎರಡು ಕಂಬಗಳು ಸೂರ್ಯನ ಸ್ಥಾನವನ್ನು ಲೆಕ್ಕಿಸದೆ ದಿನವಿಡೀ ಪ್ರಕಾಶಿಸುತ್ತವೆ. ಇವೆಲ್ಲವೂ ಈಗ ಕಲ್ಪನೆಗೆ ಮಾತ್ರ ಬಿಡಬಹುದು.

- ಸಭಾ ಮಂಟಪವು ಇನ್ನೂ 52 ಕಂಬಗಳ ಮೇಲೆ ನಿಂತಿದ್ದು ಇದು ವರ್ಷದ 52 ವಾರಗಳನ್ನು ಚಿತ್ರಿಸುತ್ತದೆ.

- ಗಾಳಿ, ನೀರು, ಭೂಮಿ ಮತ್ತು ಬಾಹ್ಯಾಕಾಶ - ಇತರ 4 ಅಂಶಗಳೊಂದಿಗೆ ಅದರ ಏಕತೆಯ ಜೊತೆಗೆ ಸೂರ್ಯನ ಕೆತ್ತನೆಗಳನ್ನು ಗೋಡೆಗಳ ಮೇಲೆ ಗುರುತಿಸಬಹುದು.

ಮೊದೇರಾಗೆ ತಲುಪುವುದು ಹೇಗೆ

ವಿಮಾನದ ಮೂಲಕ: ನೀವು ಹತ್ತಿರದ ನಗರಕ್ಕೆ ಮೊಧೇರಾ-ಅಹಮದಾಬಾದ್‌ಗೆ ಪ್ರಯಾಣಿಸಬಹುದು-ಅಲ್ಲಿಂದ ಸಾಮಾನ್ಯ ಸರ್ಕಾರಿ ಬಸ್ ಸೇವೆಗಳು ಲಭ್ಯವಿವೆ.

ರೈಲಿನ ಮೂಲಕ: ಬದಲಿಗೆ ರೈಲಿನಲ್ಲಿ ಹತ್ತುವವರಿಗೆ, ಹತ್ತಿರದ ರೈಲು ನಿಲ್ದಾಣವು ಮೊಧೇರಾದಿಂದ 25 ಕಿಮೀ ಮೆಹ್ಸಾನಾದಲ್ಲಿದೆ.

ರಸ್ತೆಯ ಮೂಲಕ: ಮೊಧೇರಾ ಸೂರ್ಯ ದೇವಾಲಯವನ್ನು ಗುಜರಾತ್‌ನಲ್ಲಿ ಎಲ್ಲಿಂದಲಾದರೂ ಬಸ್ ಹತ್ತುವುದರ ಮೂಲಕ ಅಥವಾ ಟ್ಯಾಕ್ಸಿಯನ್ನು ಬಾಡಿಗೆಗೆ ಪಡೆಯುವ ಮೂಲಕ ಸುಲಭವಾಗಿ ತಲುಪಬಹುದು.

-ಮೊಧೇರಾ ಸೂರ್ಯ ದೇವಾಲಯವು ನಿಮ್ಮನ್ನು ಬೆರಗುಗೊಳಿಸುತ್ತದೆ. ಹಾಗೂ ಇಲ್ಲಿರುವ ಎಲ್ಲಾ ಅವಶೇಷಗಳ ನಡುವೆ, ಸೃಜನಶೀಲತೆ ಮತ್ತು ಅತೀ ಕಠಿಣ ಪರಿಶ್ರಮದ ಪರಿಪೂರ್ಣ ಮಿಶ್ರಣವನ್ನು ಕಾಣಲು ಇದು ಸೂಕ್ತವಾದ ಸ್ಥಳವಾಗಿದೆ.