Click it and Unblock the Notifications
ನೀವು ಸಾಹಸ ಪ್ರಿಯರೆ? ಗೊತ್ತಿರದ ಸ್ಥಳಗಳಲ್ಲಿ ಹೊಸದನ್ನು ಪ್ರಯತ್ನಿಸಲು ಯಾವಾಗಲೂ ಎದುರು ನೋಡುತ್ತೀರಾ? ಪ್ರಯಾಣದಿಂದ ಎಂದಿಗೂ ಆಯಾಸವಾಗುವುದಿಲ್ಲವೇ? ಈ ಎಲ್ಲಾ ಪ್ರಶ್ನೆಗಳಿಗೆ ನಿಮ್ಮ ಉತ್ತರ ಹೌದು ಎಂದಾದರೆ, ಈ ಲೇಖನ ಖಂಡಿತವಾಗಿಯೂ ನಿಮಗಾಗಿಯೇ ಇದೆ. ನೈಸರ್ಗಿಕ ಸೌಂದರ್ಯ ಮತ್ತು ಐತಿಹಾಸಿಕ ಅದ್ಭುತಗಳನ್ನು ಹೊಂದಿರುವ ಹೊರತಾಗಿ ಹಲವಾರು ಕ್ಲಿಫ್ ಡೈವಿಂಗ್ ಅನ್ನು ಆಯೋಜಿಸುವ ಭಾರತದ ಪ್ರಮುಖ ಸ್ಥಳಗಳು ಇಲ್ಲಿವೆ.
ಈ ಜನಪ್ರಿಯ ತಾಣಗಳ ಸೌಂದರ್ಯವನ್ನು ಬೇರೆ ರೀತಿಯಲ್ಲಿ ಎಂಜಾಯ್ ಮಾಡಿದರೆ ಹೇಗೆ? ಭಾರತದಲ್ಲಿ ಇಂತಹ ಅದ್ಭುತ ಡೈವಿಂಗ್ ತಾಣಗಳನ್ನು ನೀವು ಎಲ್ಲೆಡೆ ಕಾಣಲು ಸಾಧ್ಯವಿಲ್ಲ; ಆದ್ದರಿಂದ, ಈ ಗುಪ್ತ ತಾಣಗಳನ್ನು ಅನ್ವೇಷಿಸುವ ಈ ಅವಕಾಶವನ್ನು ನೀವು ಕಳೆದುಕೊಳ್ಳಬೇಡಿ. ಭಾರತದ ಈ ಕ್ಲಿಫ್ ಡೈವಿಂಗ್ ತಾಣಗಳು ತನ್ನತ್ತ ಪ್ರವಾಸಿಗರನ್ನು ಆಕರ್ಷಿಸಲು ಏನನ್ನು ಹೊಂದಿವೆ ಎಂಬುದರ ಕುರಿತು ಇನ್ನಷ್ಟು ತಿಳಿದುಕೊಳ್ಳಲು ಮುಂದೆ ಓದಿ.
ಭಾರತದಲ್ಲಿರುವ ಟಾಪ್ ಕ್ಲಿಫ್ ಡೈವಿಂಗ್ ತಾಣಗಳು
1. ಹಂಪಿ
ನಿಸ್ಸಂದೇಹವಾಗಿ, ಹಂಪಿ ಭಾರತದ ಅತ್ಯಂತ ಜನಪ್ರಿಯ ಐತಿಹಾಸಿಕ ಸ್ಥಳಗಳಲ್ಲಿ ಒಂದಾಗಿದೆ. ಆದ್ದರಿಂದ, ಇದನ್ನು ಪ್ರತಿವರ್ಷ ಲಕ್ಷಾಂತರ ಇತಿಹಾಸ ತಜ್ಞರು ಮತ್ತು ಇತಿಹಾಸದ ಬಗ್ಗೆ ಉತ್ಸಾಹ ಹೊಂದಿರುವ ಪ್ರವಾಸಿಗರು ಭೇಟಿ ನೀಡುತ್ತಾರೆ. ಕರ್ನಾಟಕ ರಾಜ್ಯದಲ್ಲಿ ನೆಲೆಗೊಂಡಿರುವ ಹಂಪಿ ಭಾರತದ ಅದ್ಬುತ ಸ್ಥಳಗಳಲ್ಲಿ ಒಂದಾಗಿದ್ದು ಇಲ್ಲಿ ನೋಡಲು ಸಾಕಷ್ಟು ಸಂಗತಿಗಳು ಇವೆ.
ಹಾಗಾದರೆ, ಈ ಋತುವಿನಲ್ಲಿ ಅದರ ಐತಿಹಾಸಿಕ ಅವಶೇಷಗಳನ್ನು ಅನ್ವೇಷಿಸಲು ಮತ್ತು ಇಲ್ಲಿನ ಅದ್ಬುತ ತಾಣಗಳಿಗೆ ಭೇಟಿ ನೀಡಿದರೆ ಹೇಗೆ? ನೀವು ಇತಿಹಾಸ ತಜ್ಞರಾಗಿದ್ದರು ಸಹ, ಹಂಪಿಯ ಗಡಿಯೊಳಗೆ ಸುಂದರವಾದ ಬಂಡೆಗಳು ಮತ್ತು ಮೈನವಿರೇಳಿಸುವ ತೊರೆಗಳ ಉಪಸ್ಥಿತಿಯು ನಿಮ್ಮನ್ನು ಸಾಹಸ ಪ್ರಿಯರನ್ನಾಗಿ ಮಾಡುತ್ತದೆ.
ಆದ್ದರಿಂದ, ಈ ಸಮಯದಲ್ಲಿ, ಇಲ್ಲಿನ ಮುಖ್ಯವಾಹಿನಿಯ ಪ್ರವಾಸೋದ್ಯಮವನ್ನು ತಪ್ಪಿಸಿ ಮತ್ತು ನೀವು ಇಲ್ಲಿನ ಎತ್ತರದ ಬಂಡೆಗಳ ಮೇಲೆ ಹೋಗಿ ಅಲ್ಲಿಂದ ಜೆಗಿಯುತ್ತ ಹರಿಯುವ ನೀರಿನಲ್ಲಿ ನೀವು ಹೊಸದನ್ನು ಅನುಭವಿಸಬಹುದು. ಆದಾಗ್ಯೂ, ಇಲ್ಲಿನ ಮೊಸಳೆಗಳು ಸಂತಾನೋತ್ಪತ್ತಿ ಮಾಡುವ ಪ್ರದೇಶಗಳ ಬಗ್ಗೆ ನೀವು ತಿಳಿದಿರಬೇಕು. ಆದ್ದರಿಂದ, ಕ್ಲಿಫ್ ಡೈವಿಂಗ್ ಅನ್ನು ನಿಮ್ಮ ಪೂರ್ಣವಾಗಿ ಆನಂದಿಸಲು ಸುರಕ್ಷಿತ ಜಂಪಿಂಗ್ ಪಾಯಿಂಟ್‌ಗಳ ಬಗ್ಗೆ ಸ್ಥಳೀಯರನ್ನು ಕೇಳುವುದು ಸೂಕ್ತ.
2. ಭೇದಘಾಟ್
ನರ್ಮದಾ ನದಿಯ ದಂಡೆಯಲ್ಲಿರುವ ಭೇದಘಾಟ್ ಮಧ್ಯಪ್ರದೇಶದ ಜಬಲ್ಪುರ್ ಜಿಲ್ಲೆಯ ಒಂದು ಸಣ್ಣ ಪಟ್ಟಣವಾಗಿದೆ ಮತ್ತು ಇದು ಸುಂದರವಾದ ಜಲಪಾತಗಳು ಮತ್ತು ಅಮೃತಶಿಲೆಯ ಬಂಡೆಗಳ ರಚನೆಗಳಿಗೆ ಹೆಸರುವಾಸಿಯಾಗಿದೆ. ಆದಾಗ್ಯೂ, ಒಂದು ಕಾಲಘಟ್ಟದಲ್ಲಿ, ಇದು ಎತ್ತರದ ಬಂಡೆಗಳು ಮತ್ತು ಆಳವಾದ ನೀರಿನ ಉಪಸ್ಥಿತಿಯಿಂದಾಗಿ ಸಾಹಸ ಪ್ರಿಯರಲ್ಲಿ ಜನಪ್ರಿಯವಾಗಿದೆ, ಇದು ಭೇದಘಾಟ್ ಅನ್ನು ಎತ್ತರದ ಜಿಗಿತಕ್ಕೆ ಸೂಕ್ತವಾದ ಸ್ಥಳವನ್ನಾಗಿ ಮಾಡುತ್ತದೆ.
ಈ ಸುಂದರವಾದ ಪಟ್ಟಣದ ಸೌಂದರ್ಯವನ್ನು ಬೇರೆ ದೃಷ್ಟಿಕೋನದಿಂದ ಆನಂದಿಸಲು ನೀವು ಬಯಸಿದರೆ, ನೀವು ಇಲ್ಲಿ ನರ್ಮದಾ ನದಿಯ ನೀರಿನಲ್ಲಿ ಕ್ಲಿಫ್ ಡೈವಿಂಗ್ ಅನ್ನು ಪ್ರಯತ್ನಿಸಬಹುದು. ಹೇಗಾದರೂ, ನೀವು ನೆಗೆಯುವುದಕ್ಕೆ ಹೋಗುವ ಪ್ರದೇಶವು ಸಾಕಷ್ಟು ಆಳವಾಗಿದೆ ಮತ್ತು ಬಂಡೆಗಳಿಂದ ಸ್ವಚ್ಛವಾಗಿದೆ ಎಂದು ಖಚಿತಪಡಿಸಿಕೊಳ್ಳಿ, ಆದ್ದರಿಂದ ನಿಮಗೆ ತೊಂದರೆಯಾಗುವುದಿಲ್ಲ. ಭೇದಘಾಟ್ ಪ್ರದೇಶವು ಅಮೃತಶಿಲೆಯ ಬಂಡೆಗಳ ರಚನೆಯ ತಾಣಗಳಿಂದ ಆವೃತವಾಗಿರುವುದರಿಂದ, ನಿಮ್ಮ ಬಂಡೆಯ ಡೈವಿಂಗ್ ತಾಣಗಳನ್ನು ನೀವು ನಿಜವಾಗಿಯೂ ಪರಿಶೀಲಿಸಬೇಕಾಗಿದೆ.
3. ರಿಷಿಕೇಶ
ಉತ್ತರಾಖಂಡ ರಾಜ್ಯದ ಪ್ರತಿಯೊಂದು ರೀತಿಯ ಪ್ರಯಾಣಿಕರಿಗೂ ರೀಷಿಕೇಶ ಉತ್ತಮ ತಾಣವಾಗಿದೆ. ಬೆಟ್ಟಗಳು, ನದಿಗಳು, ದೇವಾಲಯಗಳು, ಕಾಡುಗಳು ಮತ್ತು ಬಂಡೆಗಳ ರೂಪದಲ್ಲಿ ಅಸಂಖ್ಯಾತ ಆಸಕ್ತಿಯ ಸ್ಥಳಗಳನ್ನು ಹೊಂದಿರುವ ಅದ್ಭುತ ಸ್ಥಳವನ್ನು ನೀವು ಇಲ್ಲಿ ಕಾಣಬಹುದು?
ನೀವು ಸಾಹಸ ಚಟುವಟಿಕೆಗಳನ್ನು ಪ್ರೀತಿಸುತ್ತಿದ್ದರೆ, ನೀವು ರೀಷಿಕೇಶ ನದಿಗಳಲ್ಲಿ ಎತ್ತರದ ಜಿಗಿತವನ್ನು ಪ್ರಯತ್ನಿಸಬಹುದು. ಹೇಗಾದರೂ, ಈ ಋತುವಿನಲ್ಲಿ ರಿಷಿಕೇಶದಲ್ಲಿ ಕ್ಲಿಫ್ ಡೈವಿಂಗ್ ಅನ್ನು ಆನಂದಿಸಲು ನೀವು ಎದುರು ನೋಡುತ್ತಿದ್ದರೆ, ಇಲ್ಲಿ ಜಲ ಕ್ರೀಡೆಗಳ ಮೇಲಿನ ನಿಷೇಧವನ್ನು ತೆಗೆದುಹಾಕುವವರೆಗೆ ನೀವು ನಿಜವಾಗಿಯೂ ಕಾಯಬೇಕು.
4. ಗೋವಾ
ಭಾರತದ ಪಾರ್ಟಿಗಳ ರಾಜಧಾನಿ, ಗೋವಾ ತನ್ನತ್ತ ಪ್ರವಾಸಿಗರನ್ನು ಸೆಳೆಯಲು ಬೇಕಾದ ಎಲ್ಲಾ ಸೌಂದರ್ಯವನ್ನು ಹೊಂದಿದೆ. ಪರ್ವತಗಳು, ಬೆಟ್ಟಗಳು, ಬಂಡೆಗಳು ಮತ್ತು ಸಮುದ್ರದ ಉಪಸ್ಥಿತಿಯಿಂದಾಗಿ, ಸಾಹಸವನ್ನು ಹುಡುಕುವವರಿಗೂ ಇದು ಉತ್ತಮ ತಾಣವಾಗಿದೆ. ಕ್ಲಿಫ್ ಡೈವಿಂಗ್ಗಾಗಿ, ಭೇಟಿ ನೀಡುವವರಿಗೆ ಈ ಎಲ್ಲಾ ಚಟುವಟಿಕೆಗಳನ್ನು ಆಯೋಜಿಸುವ ವಾಟರ್ ಸ್ಪೋರ್ಟ್ಸ್ ಕ್ಲಬ್‌ಗಳ ಸಹಾಯವನ್ನು ನೀವು ತೆಗೆದುಕೊಳ್ಳಬಹುದು.
ಹೇಗಾದರೂ, ವಾಟರ್ ಸ್ಪೋರ್ಟ್ಸ್ ಕ್ಲಬ್‌ಗಳ ಸಹಾಯವನ್ನು ತೆಗೆದುಕೊಳ್ಳುವುದು ಸೂಕ್ತವಾಗಿದೆ ಏಕೆಂದರೆ ಅವುಗಳು ನಿಮಗೆ ಸ್ಥಳಗಳಿಗೆ ಸರಿಯಾಗಿ ಮಾರ್ಗದರ್ಶನ ನೀಡುತ್ತವೆ ಮತ್ತು ಜಂಪಿಂಗ್ ಕಿಟ್‌ಗಳನ್ನು ನಿಮಗೆ ಒದಗಿಸುತ್ತವೆ ಇದರಿಂದ ನೀವು ಅಗತ್ಯ ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳುತ್ತೀರಿ.
5. ಸೇಂಟ್ ಮೇರಿಸ್ ದ್ವೀಪ
ತೆಂಗಿನಕಾಯಿ ದ್ವೀಪ ಎಂದೂ ಕರೆಯಲ್ಪಡುವ ಅಪರಿಚಿತ ಸೌಂದರ್ಯ, ಸೇಂಟ್ ಮೇರಿಸ್ ದ್ವೀಪ ಕರ್ನಾಟಕ ರಾಜ್ಯದಲ್ಲಿದ್ದು ಸುಂದರವಾದ ಮತ್ತು ವಿಶ್ರಾಂತಿ ವಾತಾವರಣಕ್ಕಾಗಿ ಸ್ಥಳೀಯ ಪ್ರವಾಸಿಗರಲ್ಲಿ ಪ್ರಸಿದ್ಧವಾಗಿದೆ. ಭಾರತದಲ್ಲಿ ಮೊದಲ ಬಾರಿಗೆ ವಾಸ್ಕೋ ಡಾ ಗಾಮಾ ಇಳಿದ ಸ್ಥಳವೂ ಇದು ಎಂದು ನಿಮಗೆ ತಿಳಿದಿದೆಯೇ? ಆದ್ದರಿಂದ, ದ್ವೇಪಕ್ಕೆ ಹೆಸರನ್ನು ಸಹ ಅವರೇ ನೀಡಿದ್ದಾರೆಂದು ನಂಬಲಾಗಿದೆ.
ಎತ್ತರದ ಬಂಡೆಗಳ ಉಪಸ್ಥಿತಿಯಿಂದಾಗಿ, ಸೇಂಟ್ ಮೇರಿಸ್ ದ್ವೀಪವು ಎತ್ತರದ ಡೈವಿಂಗ್ಗೆ ಸುಂದರವಾದ ಸ್ಥಳವಾಗಿದೆ. ಹೇಗಾದರೂ, ನೀವು ಬಂಡೆ ಮೇಲಿಂದ ಹಾರುವಾಗ ಬಹಳ ಜಾಗರೂಕರಾಗಿರಬೇಕು ಏಕೆಂದರೆ ನೀವು ಸಣ್ಣ ಬಂಡೆಗಳಿಗೆ ಅಥವಾ ಆಳವಿಲ್ಲದ ಸಮುದ್ರ ತೀರಗಳಿಗೆ ಹೊಡೆದುಕೊಳ್ಳಬಹುದು. ಆದ್ದರಿಂದ, ಬಂಡೆಯ ಪ್ರದೇಶಗಳನ್ನು ಸರಿಯಾಗಿ ಪರೀಕ್ಷಿಸಿ.
