Click it and Unblock the Notifications
ಭಾರತದಲ್ಲಿ ಉತ್ತಮವಾದ ಜಲ ಕ್ರೀಡೆಯ ತಾಣಗಳಿಗಾಗಿ ಹುಡುಕುತ್ತಿರುವಿರಾ? ಗೋವಾವು ಹಲವರ ಮೊದಲ ಆಯ್ಕೆಯಾಗಿರುವುದು ಸಹಜ ಅಲ್ಲದೆ, ಜಲ ಕ್ರೀಡೆಗಳು ಇಲ್ಲಿ ದೊಡ್ಡ ಪ್ರಮಾಣದಲ್ಲಿ ಜನಪ್ರಿಯವಾಗಿದೆ ಮತ್ತು ಇದು ಕೇವಲ ಐಷಾರಾಮಿ ಹೋಟೆಲ್‌ಗಳಿಗೆ ಮಾತ್ರ ಸೀಮಿತವಾಗಿಲ್ಲವಾದ್ದರಿಂದ ದೇಶಾದ್ಯಂತ ನೀರಿನಲ್ಲಿ ಆಡುವ ಕ್ರೀಡೆಗಳನ್ನು ಪ್ರೋತ್ಸಾಹಿಸುವ ಅನೇಕ ಇತರ ತಾಣಗಳಿವೆ, ಅವುಗಳು ಜಲ ಕ್ರೀಡೆಗಳನ್ನು ಮಾಡಲು ಇರುವಂತಹ ಅಸಂಭವ ತಾಣಗಳಾಗಿವೆ.
ಈ ಸ್ಥಳಗಳ ರಮಣೀಯ ಹಿನ್ನೆಲೆಯಿಂದಾಗಿ, ಜಲ ಕ್ರೀಡೆಗಳು ಅನುಭವಕ್ಕೆ ಉತ್ತಮವಾದ ತಿರುವು ನೀಡುತ್ತವೆ . ಏಕಾಂತವಾದ ವಾತಾವರಣದಲ್ಲಿರುವ ಬೌದ್ಧ ಮಠಗಳ ಹಿಂದೆ ರಿವರ್ ರಾಫ್ಟಿಂಗ್ ಮತ್ತು ಉಷ್ಣವಲಯದ ಪಾಮ್ ಫ್ರಿಂಜ್ಡ್ ಕಾಲುವೆಗಳ ಮೂಲಕ ಕಯಾಕಿಂಗ್ ಮಾಡುವುದನ್ನು ಆಯೋಜಿಸಿ; ಇದು ಖಂಡಿತವಾಗಿಯೂ ಜೀವಮಾನದ ಒಂದು ಉತ್ತಮವಾದ ಅನುಭವವಾಗಬಹುದು. ಹೆಚ್ಚಿನ ಅಡ್ರಿನಾಲಿನ್ ವಿಪರೀತವನ್ನು ನೀಡುವ ಮೂಲಕ, ಜಲ ಕ್ರೀಡೆಗಳನ್ನು ವರ್ಷದುದ್ದಕ್ಕೂ ಯಾವುದೇ ಸಮಯದಲ್ಲಿ ಮಾಡಬಹುದು.
ಸಾಹಸ ಉತ್ಸಾಹಿಗಳು ಈ ಚಟುವಟಿಕೆಗಳಲ್ಲಿ ಭಾಗವಹಿಸುವ ಮೂಲಕ ವಿಭಿನ್ನ ಅನುಭವವನ್ನು ಪಡೆಯುತ್ತಾರೆ. ಕೆಲವರಿಗೆ ತರಬೇತಿಯ ಅಗತ್ಯವಿರಬಹುದು, ಅವುಗಳಲ್ಲಿ ಹೆಚ್ಚಿನವು ಯಾವುದೇ ತರಬೇತಿಯ ಅಥವಾ ಕಲಿಕೆಯ ಅಗತ್ಯವಿಲ್ಲದೆ ಮಾಡಬಹುದು. ನೀವು ಇದಕ್ಕಾಗಿ ಸ್ಥಳವನ್ನು ಹುಡುಕುತ್ತಿದ್ದರೆ, ಜಲ ಕ್ರೀಡೆಗಳನ್ನು ಒದಗಿಸುವ ಕೆಲವು ಸ್ಥಳಗಳು ಇಲ್ಲಿವೆ.
ಗೋಕರ್ಣಾ
ಗೋವಾ ಅತಿಯಾಗಿ ಪ್ರಚಾರಗೊಂಡಿದೆ ಎಂದು ಭಾವಿಸುತ್ತೀರಾ? ಸರಿ, ಹಾಗಿದ್ದರೆ,ಅದರ ಗಡಿಯಾಚೆಗಿನ ಗೋಕರ್ಣಕ್ಕೆ ಹೋಗಿ ಅದು ಗೋವಾಗೆ ಪರ್ಯಾಯವಾಗಿರುವ ಸ್ಥಳವಾಗಿದೆ. ಮತ್ತು ಇಲ್ಲಿ ನಡೆಯುವ ಎಲ್ಲಾ ಸಾಮಾನ್ಯ ಸಾಹಸಮಯ ಜಲಕ್ರೀಡೆಗಳನ್ನು ಇಲ್ಲಿ ಕಾಣುವಿರಿ ವಿಶೇಷವಾಗಿ ಓಂ ಬೀಚ್‌ನಲ್ಲಿ. ಹೆಚ್ಚಿನದನ್ನು ಅನ್ವೇಶಿಸಬಹುದಾಗಿದ್ದು, ಗೋಕರ್ಣದ ಈ ಪ್ರಶಾಂತ ಬೀಚ್ ಸರ್ಫಿಂಗ್ ಕಲಿಯಲು ಉತ್ತಮ ತಾಣವಾಗಿದೆ. ಅದರ ತೀರದಲ್ಲಿ ಹಲವಾರು ಸರ್ಫಿಂಗ್ ಶಾಲೆಗಳು ವಿವಿಧ ಸರ್ಫಿಂಗ್ ಕೋರ್ಸ್‌ಗಳನ್ನು ನೀಡುತ್ತವೆ ಮತ್ತು ಇದು ದೇಶಾದ್ಯಂತ ಪ್ರವಾಸಿಗರನ್ನು ಆಕರ್ಷಿಸುವುದನ್ನು ಮುಂದುವರೆಸಿದೆ.
ಅಂಡಮಾನ್
ಪ್ಯಾರಾಸೈಲಿಂಗ್, ಜೆಟ್ ಸ್ಕೀಯಿಂಗ್, ಬೋಟಿಂಗ್, ಸರ್ಫಿಂಗ್ ಎಂದು ನೀವು ಏನೆಲ್ಲ ಹೆಸರಿಸುತ್ತೀರಿ ಇವೆಲ್ಲವೂ ಬಂಗಾಳಕೊಲ್ಲಿಯಲ್ಲಿರುವ ಸುಂದರವಾದ ಅಂಡಮಾನ್ ದ್ವೀಪಗಳಲ್ಲಿವೆ. ಇಲ್ಲಿನ ಅತ್ಯುತ್ತಮ ಜಲ ಕ್ರೀಡೆಗಳೆಂದರೆ ಸ್ಕೂಬಾ ಡೈವಿಂಗ್, ಸ್ನಾರ್ಕೆಲಿಂಗ್ ಮತ್ತು ಸಮುದ್ರದೊಳಗಿನ ನಡಿಗೆ. ಹ್ಯಾವ್ಲಾಕ್ ದ್ವೀಪವು ಹೆಚ್ಚಿನ ಸಂಖ್ಯೆಯ ಸ್ಕೂಬಾ ಡೈವಿಂಗ್ ಕಂಪನಿಗಳಿಗೆ ನೆಲೆಯಾಗಿದೆ, ಇದು 15-ನಿಮಿಷದ ಮೂಲಭೂತ ತರಬೇತಿ ಅವಧಿಗಳನ್ನು ಒದಗಿಸುತ್ತದೆ ಮತ್ತು ಅದರ ನಂತರ ಇಲ್ಲಿ 45-ನಿಮಿಷಗಳ ಡೈವ್ ಮಾಡಿಸಲಾಗುತ್ತದೆ.
ನೀವು ಸ್ನೋರ್ಕ್ಲಿಂಗ್ ಮತ್ತು ಅಂಡರ್ ಸೀ ವಾಕಿಂಗ್ ಮಾಡಲು ಬಯಸುತ್ತಿದ್ದಲ್ಲಿ ಹಾವ್ಲಾಕ್ ದ್ವೀಪದಲ್ಲಿರುವ ಎಲಿಫೆಂಟ್ ಬೀಚ್ ಗೆ ಭೇಟಿ ನೀಡಿ. ನಿಮಗೆ ಹ್ಯಾವ್‌ಲಾಕ್‌ಗೆ ಹೋಗಲು ಸಾಧ್ಯವಾಗದಿದ್ದರೆ, ನೀವು ಪೋರ್ಟ್ ಬ್ಲೇರ್‌ನಲ್ಲಿರುವ ರಾಜೀವ್ ಗಾಂಧಿ ವಾಟರ್ ಸ್ಪೋರ್ಟ್ಸ್ ಸಂಕೀರ್ಣಕ್ಕೆ ಅಥವಾ ನಾರ್ತ್ ಬೇ ಬೀಚ್‌ಗೆ ಸ್ನಾರ್ಕ್ಲಿಂಗ್‌ಗಾಗಿ ಹೋಗಬಹುದು ಏಕೆಂದರೆ ಈ ಬೀಚ್ ಕೆಲವು ಅತ್ಯುತ್ತಮ ಹವಳದ ಬಂಡೆಗಳಿಗೆ ನೆಲೆಯಾಗಿದೆ ಮತ್ತು ಇದು ಹಲವಾರು ಇತರ ಜಲ ಕ್ರೀಡೆಗಳನ್ನು ಸಹ ಒದಗಿಸಿಕೊಡುತ್ತದೆ.
ಲಡಾಖ್
ಪ್ರಾಚೀನ ಬೌದ್ಧ ಮಠಗಳು ಮತ್ತು ಕಾಂತಿಯಿಂದ ಹೊಳೆಯುತ್ತಿರುವ ಹಿಮಾಲಯದ ಕೆಳಗೆ ತಪ್ಪಲಿನ ಹಿಂದೆ ಹರಿಯುವ ನದಿಗೆ ಅಡ್ಡಲಾಗಿ ಗ್ಲೈಡಿಂಗ್ ಅನ್ನು ಕಲ್ಪಿಸಿಕೊಳ್ಳಿ. ಲಡಾಖ್‌ನಲ್ಲಿನ ಎತ್ತರದ ರಿವರ್ ರಾಫ್ಟಿಂಗ್ ಇಲ್ಲಿ ಅದ್ಭುತವಾಗಿದೆ ಮತ್ತು ಇದು ಪ್ರಪಂಚದ ಬೇರೆಲ್ಲಿಯೂ ಇಲ್ಲದಷ್ಟು ವಿಭಿನ್ನವಾಗಿದೆ. ಈ ಕ್ರೀಡೆಯುಇಲ್ಲಿಯ ಪ್ರದೇಶದಾದ್ಯಂತ ಹರಿಯುವ ಸಿಂಧೂ ನದಿ ಮತ್ತು ಅದರ ಉಪನದಿಯಾದ ಝನ್ಸ್ಕಾರ್‌ನಲ್ಲಿ ನಡೆಯುತ್ತದೆ.
ಆದಾಗ್ಯೂ, ಝನ್ಸ್ಕಾರ್ ನದಿಯು ಅತ್ಯಂತ ಸಾಹಸಿಗಳಿಗೆ ಮೀಸಲಾಗಿದೆ, ಏಕೆಂದರೆ ನದಿಯು ಗ್ರೇಡ್ III ಮತ್ತು IV ರಾಪಿಡ್ ಗಳನ್ನು ತೋರಿಸುತ್ತದೆ. ಗ್ರೇಡ್ I ಮತ್ತು II ರಾಪಿಡ್‌ಗಳ ಸುಲಭವಾದವುಗಳಿಗಾಗಿ, ಕಡಿಮೆ ಅವಧಿಗೆ ಕ್ರೀಡೆಯನ್ನು ಒದಗಿಸುವ ಲೇಹ್‌ಗೆ ಹೋಗಿ. - ಸ್ಟಕ್ನಾ - ಶೇಯ್ - ಥಿಕ್ಸೆ - ಚೋಗ್ಲಾಮ್ಸರ್. ಆರಂಭಿಕರಿಗಾಗಿ ಅತ್ಯಂತ ಜನಪ್ರಿಯ ಮಾರ್ಗವಾಗಿದೆ.
ರಿಷಿಕೇಶ
ರಿಷಿಕೇಶವನ್ನು ಭಾರತದಲ್ಲಿ ಯೋಗದ ಜನ್ಮಸ್ಥಳವೆಂದು ಪರಿಗಣಿಸಲಾಗುತ್ತದೆ ಮತ್ತು ಅದು ಕೇವಲ ಆಧ್ಯಾತ್ಮಿಕತೆಗಳಿಗಾಗಿ ಮಾತ್ರ ಸೀಮಿತವಾಗಿರುವುದಲ್ಲದೆ , ಪವಿತ್ರ ಗಂಗಾ ನದಿಯಲ್ಲಿ ರಿವರ್ ರಾಫ್ಟಿಂಗ್ ಕಯಾಕಿಂಗ್ ನಂತಹ ಚಟುವಟಿಕೆಗಳಿಗೂ ಉತ್ತಮವಾದ ಸ್ಥಳಗಳಲ್ಲಿ ಒಂದೆನಿಸಿದೆ. ರಿವರ್ ರಾಫ್ಟಿಂಗ್ ಜೊತೆಗೆ ಟ್ರಕ್ಕಿಂಗ್ ಮತ್ತು ಜಿಪ್-ಲೈನಿಂಗ್ ಇತ್ಯಾದಿಗಳಂತಹ ದೊಡ್ಡ ಕ್ರೀಡೆಗಳ ಸಾಹಸಗಳ ಅನುಭವವನ್ನೂ ಪಡೆಯಬಹುದಾಗಿದೆ.
ಭೀಮ್ ತಲ್
ಭೂಮಿಯ ಮೇಲೆ ಜೋರ್ಬಿಂಗ್ ಮಾಡಿರುವುದು ಎಲ್ಲರೂ ಕೇಳಿರುತ್ತೇವೆ ಆದರೆ ಇದನ್ನು ನೀರಿನಲ್ಲಿ ಮಾಡುವುದು ಹೇಗಿರಬಹುದು? ನೀವು ಈ ಸಾಹಸಕ್ಕೆ ಸಿದ್ದರಿರುವಿರಿ ಎಂದಾದಲ್ಲಿ, ಹೆಸರುವಾಸಿಯಾದ ಗಿರಿಧಾಮವಾದ ನೈನಿತಾಲ್ ನಲ್ಲಿರುವ ಭೀಮ್ ತಲ್ ಲೇಕ್ ಕಡೆಗೆ ಪ್ರಯಾಣಿಸಿ ಇದಕ್ಕೆ ಯಾವುದೇ ತರಬೇತಿಯ ಅಗತ್ಯವಿರುವುದಿಲ್ಲ ಆದುದರಿಂದ.ಈ ಕ್ರೀಡೆಯು ಪ್ರವಾಸಿಗರಲ್ಲಿ ದೊಡ್ಡಮಟ್ಟದಲ್ಲಿ ಮನ್ನಣೆಯನ್ನು ಪಡೆದಿದೆ.ಇದರ ಹೊರತಾಗಿ, ಕಯಾಕಿಂಗ್, ಬೋಟಿಂಗ್ ಮತ್ತು ಇನ್ನೂ ಹೆಚ್ಚಿನ ಜಲಕ್ರೀಡೆಗಳ ಅನುಭವವನ್ನು ಪಡೆಯಬಹುದಾಗಿದೆ. ಪರ್ವತಗಳ ಮೇಲೆ ನೆಲೆಗೊಂಡಿರುವ ಈ ಸ್ಥಳವು ದೇಶದ ಸುಡುವ ಬೇಸಿಗೆಯ ಶಾಖದಿಂದ ದೂರವಿರಲು ಸೂಕ್ತವಾದ ಸ್ಥಳವಾಗಿದೆ.
