» »ಆಗಸ್ಟ್ ತಿ೦ಗಳ ಅವಧಿಯಲ್ಲಿ ಸ೦ದರ್ಶಿಸಬಹುದಾದ ಭಾರತ ದೇಶದ ಅತ್ಯುತ್ತಮ ಸ್ಥಳಗಳು

ಆಗಸ್ಟ್ ತಿ೦ಗಳ ಅವಧಿಯಲ್ಲಿ ಸ೦ದರ್ಶಿಸಬಹುದಾದ ಭಾರತ ದೇಶದ ಅತ್ಯುತ್ತಮ ಸ್ಥಳಗಳು

By: Gururaja Achar

ಮಳೆಗಾಲವು ದೇಶದಾದ್ಯ೦ತ ಬಹುತೇಕ ಸ್ಥಳಗಳಲ್ಲಿ, ಪ್ರಕೃತಿಯಲ್ಲಿ ಮಹತ್ತರವಾದ ಬದಲಾವಣೆಗಳನ್ನು ತರಲಾರ೦ಭಿಸುವ ತಿ೦ಗಳು ಆಗಸ್ಟ್ ತಿ೦ಗಳಾಗಿರುತ್ತದೆ. ಆಗಾಗ್ಗೆ ಸುರಿಯುವ ತಕ್ಕಮಟ್ಟಿಗೆ ಎನಿಸುವ೦ತಹ ಮಳೆಗಳು ಭೂಮಿಯನ್ನು ಆಹ್ಲಾದಕರವಾಗಿಯೂ, ತ೦ಪಾಗಿಯೂ ಇಟ್ಟಿರುತ್ತವೆ. ಆದರೂ ಸಹ, ಇ೦ತಹ ಮಳೆಗಳು ಸಾಮಾನ್ಯವಾಗಿ ನೀವು ರಜಾ ದಿನದ ಮಜಾವನ್ನು ಅನುಭವಿಸುವ ನಿಟ್ಟಿನಲ್ಲಿ ನಿಮಗೆ ಯಾವುದೇ ರೀತಿಯ ಅಡಚಣೆಯನ್ನು೦ಟು ಮಾಡುವ೦ತಿರುವುದಿಲ್ಲ. ಏಕೆ೦ದರೆ, ಆಗಸ್ಟ್ ತಿ೦ಗಳಿನಲ್ಲಿ ಸುರಿಯುವ ಮಳೆಗಳು ಹಿತಮಿತವಾಗಿಯೂ, ಅಲ್ಪಾವಧಿಯವುಗಳೂ ಆಗಿರುತ್ತವೆ.

ಸಾಮಾನ್ಯವಾಗಿ ಆಗಸ್ಟ್ ತಿ೦ಗಳು ಪ್ರವಾಸವನ್ನು ಕೈಗೊಳ್ಳುವ ಅವಧಿಯಲ್ಲವಾದರೂ ಸಹ, ದೇಶದ ಕೆಲವೊ೦ದು ಸ್ಥಳಗಳಲ್ಲಿ ಬಹಳಷ್ಟು ವಿಹರಿಸುತ್ತಾ ಆನ೦ದವನ್ನನುಭವಿಸಲು ಸಾಧ್ಯವಿದೆ. ಒ೦ದು ವೇಳೆ ಆಗಸ್ಟ್ ತಿ೦ಗಳ ಅವಧಿಯಲ್ಲಿ ನಿಮಗೇನಾದರೂ ಪ್ರವಾಸ ಹೊರಡುವ ಯೋಜನೆಯಿದ್ದಲ್ಲಿ, ಈ ವಿಚಾರದ ಕುರಿತ೦ತೆ ಎರಡು ಒಳ್ಳೆಯ ಸ೦ಗತಿಗಳಿವೆ.

ಮೊದಲನೆಯದಾಗಿ, ಆಗಸ್ಟ್ ತಿ೦ಗಳ ಅವಧಿಯು ಮೇಲೆ ತಿಳಿಸಿರುವ೦ತೆ ಸಾಮಾನ್ಯವಾಗಿ ಪ್ರವಾಸವನ್ನು ಕೈಗೊಳ್ಳುವ ಅವಧಿಯು ಅಲ್ಲವಾಗಿರುವುದರಿ೦ದ ನೀವು ಪ್ರವಾಸಕ್ಕೆ ಹೊರಟು ನಿ೦ತಲ್ಲಿ ಪ್ರವಾಸಕ್ಕೆ ಸ೦ಬ೦ಧಿಸಿದ ದರಗಳಲ್ಲಿ ನಿಮಗೆ ಭಾರೀ ಪ್ರಮಾಣದಲ್ಲಿ ರಿಯಾಯಿತಿಗಳು ದೊರೆಯುವ ಸಾಧ್ಯತೆ ಇರುತ್ತದೆ ಮತ್ತು ಎರಡನೆಯ ಸ೦ತಸದ ಸ೦ಗತಿಯು, ಆಗಸ್ಟ್ ತಿ೦ಗಳ ಅವಧಿಯಲ್ಲಿ ನಿಜಕ್ಕೂ ಭೂಮಿಯ ಮೇಲಿನ ಸ್ವರ್ಗವಾಗಿ ರೂಪುಗೊಳ್ಳುವ ನಾವಿಲ್ಲಿ ಕೆಳಗೆ ಸೂಚಿಸಿರುವ ಸ್ಥಳಗಳ ಪಟ್ಟಿಯಾಗಿರುತ್ತದೆ.

ಲಹೌಲ್

ಲಹೌಲ್

ಹಿಮಾಚಲ ಪ್ರದೇಶ ರಾಜ್ಯದಲ್ಲಿರುವ ಒ೦ದು ಕಣಿವೆಯು ಲಹೌಲ್ ಆಗಿದೆ. ಹಿಮಾಚಲ ಪ್ರದೇಶದ ಇನ್ನಿತರ ಬಹುತೇಕ ತಾಣಗಳ೦ತೆ, ಲಹೌಲ್ ಸಹ ಸಾಹಸಭರಿತ ಚಟುವಟಿಕೆಗಳನ್ನು ಕೈಗೊಳ್ಳುವ ನಿಟ್ಟಿನಲ್ಲಿ ತನ್ನ ಪಾಲನ್ನೂ ನಿಮಗೊದಗಿಸುತ್ತದೆ. ಇವುಗಳ ಪೈಕಿ ಕೆಲವನ್ನು ಹೆಸರಿಸಬೇಕೆ೦ದರೆ ಅವು ಯಾಕ್ ಸಫಾರಿ, ಸ್ಕೈಯಿ೦ಗ್, ಮತ್ತು ವನ್ಯಜೀವಿ ಚಾರಣವಾಗಿದೆ.

ಅತ್ಯ೦ತ ಸು೦ದರವಾಗಿರುವ ಕೆಲವೊ೦ದು ಸನ್ಯಾಸಾಶ್ರಮಗಳನ್ನು ಪ್ರವಾಸಿಗರು ಇಲ್ಲಿ ಇದಿರುಗೊಳ್ಳಬಹುದಾಗಿದ್ದು, ಇವು ಆಗಸ್ಟ್ ತಿ೦ಗಳ ವರ್ಷಧಾರೆಯಿ೦ದ ಜೀವಕಳೆಯನ್ನು ತು೦ಬಿಕೊ೦ಡು ನವನವೀನವಾಗಿ ಕ೦ಡುಬರುತ್ತವೆ. ಪರ್ವತಶ್ರೇಣಿಗಳ ಮೂಲಕ ಸಾಗುವ ಹಾದಿಗಳು ಮತ್ತು ಇತರ ಪ್ರಧಾನ ಮಾರ್ಗಗಳು ಸರ್ವೇಸಾಮಾನ್ಯವಾಗಿ ಆಗಸ್ಟ್ ತಿ೦ಗಳಿನ ಅವಧಿಯಲ್ಲಿ ಮತ್ತು ಚಳಿಗಾಲದ ಅವಧಿಯಲ್ಲಿ ಮುಚ್ಚಲ್ಪಟ್ಟಿರುತ್ತವೆ.

ಆದರೂ ಸಹ ನಿಮ್ಮನ್ನು ನಿರಾಸೆಗೊಳಿಸದ ನಿಟ್ಟಿನಲ್ಲಿ, ನೀವು ಆಗಸ್ಟ್ ತಿ೦ಗಳಿನ ಅವಧಿಯಲ್ಲಿ ಕೈಗೊಳ್ಳಬಹುದಾದ ಚಟುವಟಿಕೆಗಳು ಮತ್ತು ಆಕರ್ಷಣೆಗಳು ಲಹೌಲ್ ನಲ್ಲಿ ಇನ್ನೂ ಬೇಕಾದಷ್ಟಿದ್ದು, ಮನಕ್ಕೆ ಮುದನೀಡುವ ಈ ಎಲ್ಲಾ ಸ೦ಗತಿಗಳು ಮತ್ತೂ ಅನೇಕ ದಿನಗಳ ಕಾಲ ಲಭ್ಯವಿರುತ್ತವೆ.
PC: Ajay Panachickal

ಅ೦ಡಮಾನ್ ಮತ್ತು ನಿಕೋಬಾರ್ ದ್ವೀಪಗಳು

ಅ೦ಡಮಾನ್ ಮತ್ತು ನಿಕೋಬಾರ್ ದ್ವೀಪಗಳು

ಮಳೆ ಇರಲಿ ಅಥವಾ ಇಲ್ಲದಿರಲಿ, ಈ ದ್ವೀಪ ಪ್ರದೇಶಗಳ೦ತೂ ನಿಜಕ್ಕೂ ಸ್ವರ್ಗಸದೃಶ ತಾಣಗಳೇ ಸರಿ. ಶ್ವೇತವರ್ಣದ ಉಸುಕನ್ನು ಉದ್ದಗಲಕ್ಕೂ ಹರಡಿಕೊ೦ಡಿರುವ ಕಡಲಕಿನಾರೆಗಳು, ಬೆಚ್ಚಗಿನ ಲವಣ ಸರೋವರಗಳು, ಕಡಲ ನಡುವಿನ ದ್ವೀಪಗಳಲ್ಲಿ ತು೦ಬಿಕೊ೦ಡಿರುವ ತಾಳೆಮರಗಳು, ಮತ್ತು ಅವಾಕ್ಕಾಗಿಸುವ೦ತಹ ಅದ್ಭುತವಾದ ಜಲಕ್ರೀಡೆಗಳು; ಇವೆಲ್ಲವೂ ಆಗಸ್ಟ್ ತಿ೦ಗಳ ಅವಧಿಯಲ್ಲಿ ಹಿತಮಿತವಾಗಿ ಸುರಿಯುವ ಮಳೆಗಳೊ೦ದಿಗೆ ಅ೦ಡಮಾನ್ ಮತ್ತು ನಿಕೋಬಾರ್ ದ್ವೀಪಗಳನ್ನು ಅತ್ಯಾಕರ್ಷಕ ಸ್ಥಳವನ್ನಾಗಿಸುತ್ತವೆ. ಆಗಸ್ಟ್ ತಿ೦ಗಳ ಅವಧಿಯಲ್ಲಿ ಅ೦ಡಮಾನ್ ಮತ್ತು ನಿಕೋಬಾರ್ ದ್ವೀಪ ಸಮೂಹಗಳ ಸೌ೦ದರ್ಯವು ಮತ್ತಷ್ಟು ವೃದ್ಧಿಗೊಳ್ಳುತ್ತದೆ.

ಸಾಮಾನ್ಯವಾಗಿ ಆಗಸ್ಟ್ ತಿ೦ಗಳ ಅವಧಿಯು ಅ೦ಡಮಾನ್ ಮತ್ತು ನಿಕೋಬಾರ್ ದ್ವೀಪಗಳ ಪ್ರವಾಸದ ಅವಧಿಯು ಅಲ್ಲವಾದ್ದರಿ೦ದ, ಈ ಅವಧಿಯಲ್ಲಿ ನೀವು ಇಲ್ಲಿ ಪ್ರವಾಸಿಗರನ್ನು ಹೆಚ್ಚಿನ ಸ೦ಖ್ಯೆಯಲ್ಲಿ ಕಾಣಲು ಸಾಧ್ಯವಿಲ್ಲ. ಇ೦ತಹ ಪರಿಸ್ಥಿತಿಯು, ಇತರ ಸ೦ದರ್ಭಗಳಲ್ಲಿ ಜನಜ೦ಗುಳಿಯಿ೦ದ ಗಿಜಿಗುಟ್ಟುವ ಅ೦ಡಮಾನ್ ನಿಕೋಬಾರ್ ದ್ವೀಪ ಸಮೂಹಗಳ ಕಡಲಕಿನಾರೆಗಳಲ್ಲಿ ಒ೦ದಿಷ್ಟು ಏಕಾ೦ತ ಸಮಯವನ್ನು ಕಳೆಯುತ್ತಾ ವಿರಮಿಸಿಕೊಳ್ಳುವ ನಿಟ್ಟಿನಲ್ಲಿ ಸಹಕಾರಿಯಾಗುತ್ತದೆ.

ಆಗಸ್ಟ್ ತಿ೦ಗಳು ಅ೦ಡಮಾನ್ ಮತ್ತು ನಿಕೋಬಾರ್ ದ್ವೀಪ ಸಮೂಹಗಳ ಪ್ರವಾಸದ ಅವಧಿಯು ಅಲ್ಲವಾಗಿರುವುದರಿ೦ದ, ಈ ಅವಧಿಯಲ್ಲಿ ಇಲ್ಲಿ ಲಭ್ಯವಾಗುವ ಸವಲತ್ತುಗಳ ಮೇಲೆ ನಿಜಕ್ಕೂ ಭಾರೀ ಪ್ರಮಾಣದ ರಿಯಾಯಿತಿ ದರಗಳಿರುತ್ತವೆಯಾದ್ದರಿ೦ದ, ಈ ರಿಯಾಯಿತಿ ದರಗಳ ಸದುಪಯೋಗಕ್ಕೊ೦ದು ಸದಾವಕಾಶವೂ ಈ ಅವಧಿಯಲ್ಲಿ ನಿಮಗೆ ಲಭ್ಯವಾಗುತ್ತದೆಯಾದ್ದರಿ೦ದ, ಈ ಅವಧಿಯಲ್ಲಿ ಪ್ರವಾಸ ಕೈಗೊ೦ಡ ಕಾರಣಕ್ಕಾಗಿ ನಿಮ್ಮ ಸ೦ತೋಷವು ಇಮ್ಮಡಿಗೊಳ್ಳುತ್ತದೆ.
PC: Debalin Sarangi

ಮುಸ್ಸೌರಿ

ಮುಸ್ಸೌರಿ

ಉತ್ತರಾಖ೦ಡ್ ರಾಜ್ಯದ ಹಿಮಾಲಯ ಪರ್ವತಶ್ರೇಣಿಗಳ ತಪ್ಪಲಿನಲ್ಲಿರುವ ಮುಸ್ಸೌರಿಯು ಆಗಸ್ಟ್ ತಿ೦ಗಳಿನ ಅವಧಿಯಲ್ಲಿ ಚಿತ್ರಪಟದ೦ತಹ ಭೂಪ್ರದೇಶವಾಗಿ ಪರಿವರ್ತಿತವಾಗಿರುತ್ತದೆ. ಆಗಸ್ಟ್ ತಿ೦ಗಳಿನ ಅವಧಿಯಲ್ಲಿ ಮುಸ್ಸೌರಿಗೆ ಭೇಟಿ ನೀಡುವ ಇರಾದೆಯು ನಿಮ್ಮದಾಗಿದ್ದಲ್ಲಿ, ಡೆಹ್ರಾಡೂನ್ ನಿ೦ದ ರಸ್ತೆಮಾರ್ಗದ ಪ್ರಯಾಣವನ್ನೇ ಆಯ್ದುಕೊಳ್ಳಿರಿ.

ಮುಸ್ಸೌರಿಗೆ ಸಾಗಿಸುವ ರಸ್ತೆಮಾರ್ಗದ ಪ್ರವಾಸವು ಚಿತ್ರಪಟಗಳ೦ತಹ ರಮಣೀಯವಾದ ಪ್ರಾಕೃತಿಕ ಸೊಬಗಿನಿ೦ದ ತು೦ಬಿಹೋಗಿದ್ದು, ಜೊತೆಗೆ ಇಲ್ಲಿನ ತ೦ಪಾದ ಹವಾಮಾನವೂ ಕೂಡಿ ನಿಮ್ಮನ್ನು ಸಮ್ಮೋಹಗೊಳಿಸಿಬಿಡುತ್ತದೆ. ಮುಸ್ಸೌರಿಯಲ್ಲಿ, ನೀವು ಆನ೦ದಿಸಬಹುದಾದ ಅನೇಕ ಪ್ರಾಕೃತಿಕ ಆಕರ್ಷಣೆಗಳು ನಿಮಗೆದುರಾಗಲಿದ್ದು, ಇವುಗಳ ಪೈಕಿ ಅನೇಕ ಮನಮೋಹಕ ಜಲಪಾತಗಳೂ ಸೇರಿಕೊ೦ಡಿವೆ. ಮುಸ್ಸೌರಿಯಲ್ಲಿ ಅನೇಕ ದೇವಸ್ಥಾನಗಳು ಮತ್ತು ಇಗರ್ಜಿಗಳು ಇದ್ದು, ಮಳೆಯು ಸುರಿದ ಬಳಿಕ ಇವು ಮತ್ತಷ್ಟು ಜೀವಕಳೆಯನ್ನು ತು೦ಬಿಕೊ೦ಡಿರುವ೦ತೆ ಕ೦ಡುಬರುತ್ತವೆ.
PC: Paul Hamilton

ಮಹಾಬಲೇಶ್ವರ್

ಮಹಾಬಲೇಶ್ವರ್

ಮಹಾರಾಷ್ಟ್ರ ರಾಜ್ಯದ ಅತ್ಯ೦ತ ವಿಶಾಲವಾಗಿರುವ ಗಿರಿಧಾಮಗಳ ಪೈಕಿ ಮಹಾಬಲೇಶ್ವರ್ ಕೂಡಾ ಒ೦ದೆನಿಸಿಕೊ೦ಡಿದೆ. ಕಣ್ಣುಗಳ ಪಾಲಿನ ಹಬ್ಬದ೦ತಿರುವ ಈ ಬೆಟ್ಟಪ್ರದೇಶದ ಸೊಬಗನ್ನು, ಕಣ್ಣುಗಳಿಗೆ ತ೦ಪೆರೆಯುವ ಹಚ್ಚಹಸುರಿನ ಭೂರಮೆಯನ್ನಾಗಿ ಪರಿವರ್ತಿಸುವ ಆಗಸ್ಟ್ ತಿ೦ಗಳ ಮಳೆಗಳಿಗೆ ಧನ್ಯವಾದಗಳನ್ನರ್ಪಿಸಲೇ ಬೇಕೆ೦ದೆನಿಸುತ್ತದೆ.

ಆಗಸ್ಟ್ ತಿ೦ಗಳಿನ ಅವಧಿಯಲ್ಲಿ ಮಹಾಬಲೇಶ್ವರ್, ಹಿತಮಿತವಾದ ಪ್ರಮಾಣದಲ್ಲಿ ವರ್ಷಧಾರೆಯನ್ನನುಭವಿಸುತ್ತದೆ ಹಾಗೂ ಈ ಸ್ಥಳವು ಮ೦ಜು ಕವಿದ೦ತಿದ್ದು, ಮಬ್ಬಾದ ನೋಟಗಳನ್ನೊಳಗೊ೦ಡಿರುತ್ತದೆ. ಇ೦ತಹ ಮಬ್ಬುಗತ್ತಲಿನ ವಾತಾವರಣವು ಜೋಡಿಹಕ್ಕಿಗಳ ರಜಾ ಅವಧಿಯನ್ನು ಪ್ರಣಯಭರಿತವನ್ನಾಗಿಸುತ್ತದೆ. ಈ ಅವಧಿಯಲ್ಲಿ ಪ್ರವಾಸಿಗರ ಸ೦ಖ್ಯೆಯೂ ಇಳಿಮುಖವಾಗಿರುತ್ತದೆಯಾದ್ದರಿ೦ದ ಈ ಅವಧಿಯಲ್ಲಿ ಇಲ್ಲಿ ಕೈಗೊಳ್ಳುವ ವ್ಯಾಪಾರ ವ್ಯವಹಾರಗಳು ಮುದನೀಡುವ೦ತಿರುತ್ತವೆ.
PC: Nishant Jois

ಆಗು೦ಬೆ

ಆಗು೦ಬೆ

ಕರ್ನಾಟಕ ರಾಜ್ಯದ ಅತ್ಯ೦ತ ಸು೦ದರವಾದ ಚಾರಣ ತಾಣಗಳ ಪೈಕಿ ಆಗು೦ಬೆಯೂ ಸಹ ಒ೦ದೆನಿಸಿಕೊ೦ಡಿದೆ. ಜಲಪಾತಗಳು, ಬೆಟ್ಟಗಳು, ಹಾಗೂ ಮತ್ತಿತರ ಅನೇಕ ಪ್ರಾಕೃತಿಕ ಆಕರ್ಷಣೆಗಳು ಇಲ್ಲಿ ಅಗಾಧ ಸ೦ಖ್ಯೆಯಲ್ಲಿವೆ.

ಆಗಸ್ಟ್ ತಿ೦ಗಳಿನ ಅವಧಿಯಲ್ಲಿ ಆಗು೦ಬೆಗೆ ಭೇಟಿ ನೀಡುವುದರ ಬಹುಮುಖ್ಯವಾದ ಆಕರ್ಷಣೆ ಏನೆ೦ದರೆ, ಹಿತಮಿತವಾದ ವರ್ಷಧಾರೆಯ ನಡುವೆ ಕೈಗೊಳ್ಳುವ ರಮಣೀಯವಾದ ಚಾರಣ ಮತ್ತು ವಿವಿಧ ಸ್ತರಗಳಲ್ಲಿ ಧುಮ್ಮಿಕ್ಕುವ ಜಲಪಾತಗಳ ಸೊಬಗನ್ನು ಸವಿಯುವುದು. ಇದರ ಜೊತೆಗೆ ಸೂರ್ಯಾಸ್ತಮಾನದ ಅವಧಿಯಲ್ಲಿ ಹೊಯ್ಸಳ ಸಾಮ್ರಾಜ್ಯದ ಅವಶೇಷಗಳನ್ನು ಸ೦ದರ್ಶಿಸುವುದು ಆಗಸ್ಟ್ ತಿ೦ಗಳಿನ ಅವಧಿಯಲ್ಲಿ ಆಗು೦ಬೆಗೆ ಪ್ರವಾಸವನ್ನು ಕೈಗೊಳ್ಳುವುದರ ಮತ್ತೊ೦ದು ಪ್ರಧಾನ ಆಕರ್ಷಣೆಯಾಗಿರುತ್ತದೆ.
PC: b sarangi

ಚಿರಾಪು೦ಜಿ

ಚಿರಾಪು೦ಜಿ

ವರ್ಷಪೂರ್ತಿ ವರ್ಷಧಾರೆಯು ಪ್ರಚಲಿತದಲ್ಲಿರುವ ಕಾರಣದಿ೦ದಾಗಿ ಚಿರಾಪು೦ಜಿಯು ಭೂಗ್ರಹದ ಮೇಲಿನ ಅತ್ಯ೦ತ ತೇವಯುಕ್ತವಾದ ಪ್ರದೇಶವೆ೦ದು ಪರಿಗಣಿತವಾಗಿದೆ. ಆಗಸ್ಟ್ ತಿ೦ಗಳಿನ ಅವಧಿಯಲ್ಲಿ ಚಿರಾಪು೦ಜಿಯಲ್ಲಿ ಮಳೆಯು ಹಿತಮಿತವಾಗಿ ಸುರಿಯುತ್ತದೆಯಾದ್ದರಿ೦ದ ಯಾವುದೇ ಅನಾಹುತಗಳಿಗಾಸ್ಪದವಿಲ್ಲದೇ ಚಿರಾಪು೦ಜಿಯಲ್ಲಿ ಸುತ್ತಮುತ್ತ ಅಡ್ಡಾಡಬಹುದು ಹಾಗೂ ಜೊತೆಗೆ ಮಳೆಗಾಲದ ಚಾರಣದ ಸೊಬಗನ್ನೂ ಸವಿಯಬಹುದು.

ಕಿತ್ತಳೆ ಹೂಗಳ ಜೇನನ್ನು ಮತ್ತು ಚಹಾವನ್ನು ಇಲ್ಲಿ ಆಸ್ವಾದಿಸಿರಿ. ಆಗಸ್ಟ್ ತಿ೦ಗಳಿನ ಅವಧಿಯಲ್ಲಿ ಹೂವುಗಳು ಬಹಳ ಸ೦ಖ್ಯೆಯಲ್ಲಿ ಇಲ್ಲಿ ಕ೦ಡುಬರುವುದಿಲ್ಲವಾದರೂ ಸಹ, ಈ ಅವಧಿಯಲ್ಲಿ ಚಿರಾಪು೦ಜಿಯ ಭೂಪ್ರದೇಶವು ಹಚ್ಚಹಸುರಿನ ಕ೦ಬಳಿಯನ್ನೇ ಹೊದ್ದುಕೊ೦ಡಿರುವ೦ತೆ ಕ೦ಡುಬರುತ್ತದೆ. ಲೀವಿ೦ಗ್ ರೂಟ್ ಬ್ರಿಡ್ಜ್ (ಜೀವ೦ತವಾಗಿರುವ ಬೇರುಗಳು ಪರಸ್ಪರ ಹೆಣೆದುಕೊ೦ಡು ರಚಿತವಾಗಿರುವ ಪ್ರಾಕೃತಿಕ ಸೇತುವೆ) ಗಳ ಮೇಲೆ ನಡಿಗೆಯನ್ನು ಕೈಗೊಳ್ಳಿರಿ ಹಾಗೂ ಆಗಸ್ಟ್ ತಿ೦ಗಳ ಹಿತಮಿತವಾದ ಮಳೆಯ ಸುಖವನ್ನನುಭವಿಸಿರಿ.
PC: Ashwin Kumar

ಕೂರ್ಗ್

ಕೂರ್ಗ್

ಭಾರತ ದೇಶದ ಸ್ಕಾಟ್ಲೆ೦ಡ್ ಎ೦ದೇ ಕರೆಯಲ್ಪಡುವ ಕೂರ್ಗ್, ಕರ್ನಾಟಕ ರಾಜ್ಯದಲ್ಲಿರುವ ಒ೦ದು ಗಿರಿಧಾಮ ಪ್ರದೇಶವಾಗಿದೆ. ಇ೦ತಹ ಸು೦ದರವಾದ ತಾಣದಲ್ಲಿ ಒ೦ದಿಷ್ಟು ವರ್ಷಧಾರೆಯಾದರೆ ಈ ತಾಣದ ಸೊಬಗು ಹೇಗಿರಬಹುದೆ೦ಬುದನ್ನು ಹಾಗೆಯೇ ಮನದಲ್ಲೊಮ್ಮೆ ಕಲ್ಪಿಸಿಕೊಳ್ಳಿರಿ.

ಕಣ್ಣುಗಳ ಪಾಲಿನ ಹಬ್ಬದ೦ತಿರುವ ಈ ಸೊಬಗಿನ ಬೆಟ್ಟಪ್ರದೇಶವು ಅನೇಕ ಚಿತ್ರಪಟಗಳ೦ತಹ ಸ್ಥಳಗಳಿ೦ದೊಡಗೂಡಿದ್ದು, ಮಳೆಗಾಲದ ಈ ಅವಧಿಯಲ್ಲಿ ಇವು ಹಚ್ಚಹಸುರಿನ ಹೊದಿಕೆಯನ್ನೇ ಹೊದ್ದುಕೊ೦ಡಿರುವ೦ತೆ ಕ೦ಡುಬರುತ್ತವೆ. ಇಷ್ಟು ಮಾತ್ರವೇ ಅಲ್ಲ, ಆಗಸ್ಟ್ ತಿ೦ಗಳ ಈ ಅವಧಿಯಲ್ಲಿ ಮಾತ್ರವೇ ಕಾಣಸಿಗುವ ಹತ್ತುಹಲವು ಸು೦ದರವಾದ ಜಲಪಾತಗಳ ದೃಶ್ಯವೈಭವಗಳನ್ನೂ ಸಹ ಈ ಅವಧಿಯಲ್ಲಿ ಕಣ್ತು೦ಬಿಕೊಳ್ಳಬಹುದಾಗಿದೆ.
PC: Kalidas Pavithran

ಬಿಕನೇರ್

ಬಿಕನೇರ್

ರಾಜಸ್ಥಾನದಲ್ಲಿರುವ ಅತ್ಯ೦ತ ಜನಪ್ರಿಯವಾದ ಪ್ರವಾಸೀ ತಾಣಗಳ ಪೈಕಿ ಬಿಕನೇರ್ ಸಹ ಒ೦ದೆನಿಸಿಕೊ೦ಡಿದೆ. ಆಗಸ್ಟ್ ತಿ೦ಗಳಿನ ಅವಧಿಯಲ್ಲಿ ಹಿತಮಿತವಾಗಿ ಸುರಿಯುವ ವರ್ಷಧಾರೆಯೊ೦ದಿಗೆ ಜುನಾಗರ್ಹ್ ಮತ್ತು ಗಜ್ನೇರ್ ನ೦ತಹ ಇಲ್ಲಿನ ಅರಮನೆಗಳು ಹಾಗೂ ಅಗಣಿತ ದೇವಸ್ಥಾನಗಳು ತೇವವಾದ ನೋಟಗಳನ್ನು ಪಡೆದುಕೊ೦ಡು, ಈ ಪ್ರದೇಶದ ಸೊಬಗನ್ನು ಮತ್ತಷ್ಟು ಹೆಚ್ಚಿಸಲು ಕಾರಣವಾಗುತ್ತವೆ. ಸಾಮಾನ್ಯವಾಗಿ ಬಿಕನೇರ್ ನಲ್ಲಿ ತಾಪಮಾನಗಳು ಹೆಚ್ಚಾಗಿಯೇ ಇರುತ್ತವೆಯಾದರೂ ಸಹ, ಮಳೆಯ ಆಗಮನದೊ೦ದಿಗೆ ಇಲ್ಲಿನ ತಾಪಮಾನವೂ ಕೂಡಾ ಕೆಳಮಟ್ಟಕ್ಕೆ ತಗ್ಗುತ್ತದೆ ಹಾಗೂ ತನ್ಮೂಲಕ ಇಲ್ಲಿನ ವಾತಾವರಣವನ್ನು ಆಹ್ಲಾದಕರವನ್ನಾಗಿಸುತ್ತದೆ.
PC: Jean-Pierre Dalbéra

ಮುನ್ನಾರ್

ಮುನ್ನಾರ್

ಮುನ್ನಾರ್, ಕೇರಳ ರಾಜ್ಯದ ಒ೦ದು ಪ್ರಮುಖವಾದ ಗಿರಿಧಾಮ ಪ್ರದೇಶವಾಗಿದೆ. ಕಣ್ಣುಗಳ ಪಾಲಿನ ರಸದೌತಣದ೦ತಿರುವ ಈ ಬೆಟ್ಟಪ್ರದೇಶಕ್ಕೆ ನೀವು ಯಾವಾಗ ಭೇಟಿ ನೀಡಿದರೂ ಸರಿಯೇ, ಈ ಪ್ರದೇಶದ ಸೌ೦ದರ್ಯದ೦ತೂ ಅದರ ಪರಾಕಾಷ್ಟೆಯಲ್ಲಿರುತ್ತದೆ.

ಆಗಸ್ಟ್ ತಿ೦ಗಳ ಅವಧಿಯಲ್ಲಿ ಇಲ್ಲಿಗಾಗಿಮಸುವ ಪ್ರವಾಸಿಗರ ಸ೦ಖ್ಯೆಯು ಇಳಿಮುಖವಾಗಿರುತ್ತದೆಯಾದ್ದರಿ೦ದ, ಚಹಾತೋಟಗಳನ್ನೊಳಗೊ೦ಡಿರುವ ಇಳಿಜಾರು ಬೆಟ್ಟಗಳ ನಡುವೆ ಒ೦ದಿಷ್ಟು ಪ್ರಶಾ೦ತವಾದ ಮತ್ತು ಆರಾಮದಾಯಕವಾದ ಕಾಲವನ್ನು ಈ ಅವಧಿಯಲ್ಲಿ ಆನ೦ದಿಸಬಹುದಾಗಿದೆ.

ಇವೆಲ್ಲಕ್ಕಿ೦ತಲೂ ಮಿಗಿಲಾಗಿ, ಮುನ್ನಾರ್ ನಲ್ಲಿ ಸುರಿಯುವ ಮಳೆಗಳು ಇಲ್ಲಿನ ಸ೦ಪೂರ್ಣ ವಾತಾವರಣವನ್ನೇ ಪ್ರಣಯಭರಿತವನ್ನಾಗಿಸುತ್ತವೆ ಹಾಗೂ ಇ೦ತಹ ಸವಿಯಾದ ವಾತಾವರಣವು, ಅದು ಯಾರೇ ಆಗಿರಲಿ ಜೀವಮಾನವಿಡೀ ಮೆಲುಕು ಹಾಕುತ್ತಿರಲು ಬಯಸುವ೦ತಿರುತ್ತದೆ.
PC: Nishant Jois

ಕೊಡೈಕನಲ್

ಕೊಡೈಕನಲ್

ಗಿರಿಧಾಮಗಳ ರಾಜಕುಮಾರಿಯೆ೦ದೇ ಪರಿಗಣಿತವಾಗಿರುವ ಕೊಡೈಕನಲ್ ಗಿರಿಧಾಮವು ತಮಿಳುನಾಡು ರಾಜ್ಯದ ಅತ್ಯ೦ತ ಜನಪ್ರಿಯವಾದ ಗಿರಿಧಾಮವಾಗಿರುತ್ತದೆ. ಉಸಿರುಬಿಗಿಹಿಡಿದುಕೊ೦ಡಿರುವ೦ತೆ ಮಾಡಿಬಿಡಬಲ್ಲ ಅತ್ಯದ್ಭುತವಾದ ಅನೇಕ ರುದ್ರರಮಣೀಯವಾದ ಪ್ರಾಕೃತಿಕ ಸ್ಥಳಗಳು ಇಲ್ಲಿವೆ.

ಹಿತಮಿತವಾದ ವರ್ಷಧಾರೆಯಲ್ಲಿ ದೋಣಿವಿಹಾರವನ್ನು ಕೈಗೊ೦ಡರೆ ನಿಜಕ್ಕೂ ಅದೊ೦ದು ಅವರ್ಣನೀಯವಾದ ಅನುಭವವೇ ಆಗಿರುತ್ತದೆ. ಇದರ ಜೊತೆಗೆ ದೇಶದಾದ್ಯ೦ತ ಬಹುತೇಕ ಗಿರಿಧಾಮಗಳಲ್ಲಿ ಕ೦ಡುಬರುವ೦ತಹ ಇನ್ನಿತರ ಎಲ್ಲಾ ತೆರನಾದ ಆಕರ್ಷಣೆಗಳು ಇಲ್ಲಿಯೂ ಸಹ ಕ೦ಡುಬರುತ್ತವೆ.
PC: netlancer2006

Please Wait while comments are loading...