ಕನ್ಯಾಕುಮಾರಿಗೆ ಹೋಗಿ ಇದನ್ನೆಲ್ಲಾ ನೋಡಿದ್ದೀರಾ ?

ಕನ್ಯಾಕುಮಾರಿ ಮಂದಿರ

PC: Kainjock

ಕನ್ಯಾಕುಮಾರಿ ಮಂದಿರವು ಇಲ್ಲಿನ ಪ್ರಸಿದ್ಧ ಪ್ರವಾಸಿತಾಣವಾಗಿದೆ. ಇಲ್ಲಿ ದೇವಿ ದೇವತೆಗಳ ಜೊತೆ ಅಲ್ಲಿನ ಸಮುದ್ರ ತಟದಲ್ಲಿ ಸಮುದ್ರ ತೀರದ ಆನಂದವನ್ನು ಸವಿಯಬಹುದು. ಸಮುದ್ರದ ಅಲೆಗಳು ಈ ದೇವಸ್ಥಾನಕ್ಕೆ ತಗುಲುತ್ತಾ ಇರುತ್ತದೆ.

ವಿವೇಕಾನಂದ ಸ್ಮಾರಕ

PC: Nataraja

ಕನ್ಯಾಕುಮಾರಿ ಸಮುದ್ರದ ನಡುವೆ ಒಂದು ದೊಡ್ಡ ಬಂಡೆಗಲ್ಲಿನ ಮೇಲೆ ವಿವೇಕಾನಂದ ಸ್ಮಾರಕವನ್ನು ನಿರ್ಮಿಸಲಾಗಿದೆ. ಇಲ್ಲಿ ವಿವೇಕಾನಂದರ ಪ್ರತಿಮೆ ಕೂಡಾ ಇದೆ.

ವಿವೇಕಾನಂದ ರಾಕ್

PC: Babipal197414

ಕನ್ಯಾಕುಮಾರಿಯಲ್ಲಿ ಸಮುದ್ರದ ನಡುವೆ ಇರುವ ಇನ್ನೊಂದು ಬೃಹತ್ ಬಂಡೆಯ ಮೇಲೆ ವಿವೇಕಾನಂದ ಮೆಮೋರಿಯಲ್ ಇದೆ. ಈ ಬಂಡೆಯನ್ನು ವಿವೇಕಾನಂದ ರಾಕ್ ಎಂದು ಕರೆಯುತ್ತಾರೆ. ವಿವೇಕಾನಂದರು ಕನ್ಯಾಕುಮಾರಿಗೆ ಬಂದಿದ್ದಾಗ ಇದೇ ಬಂಡೇ ಮೇಲೆ ಕುಳಿತುಕೊಳ್ಳುತ್ತಿದ್ದರು ಎನ್ನಲಾಗುತ್ತದೆ. ಇಲ್ಲೇ ಅವರಿಗೆ ದಿವ್ಯ ಜ್ಞಾನ ಪ್ರಾಪ್ತಿಯಾಗಿದ್ದು ಎನ್ನಲಾಗುತ್ತದೆ.

ಗುಂಗಾನಾಥ್ ಮಂದಿರ

PC: M.Mutta

ಗುಂಗಾನಾಥ್ ಮಂದಿರವು ಇಲ್ಲಿನ ಪ್ರಸಿದ್ಧ ಸ್ಥಳಗಳಲ್ಲಿ ಒಂದು . ಇದು ಸುಮಾರು 100ವರ್ಷಗಳ ಕಾಲ ಹಳೆಯ ಮಂದಿರ ಎನ್ನಲಾಗುತ್ತದೆ.

ಗಾಂಧಿ ಸ್ಮಾರಕ

PC: PP Yoonus

ಇಲ್ಲೊಂದು ಗಾಂಧಿ ಸ್ಮಾರಕವಿದೆ. ಮಹಾತ್ಮ ಗಾಂಧಿಯ ಅಸ್ಥಿ ಕಲಶವನ್ನು ಇದೇ ಜಾಗದಲ್ಲಿಡಲಾಗಿತ್ತು. ಇಲ್ಲಿ ನೀವು ಗಾಂಧಿಗೆ ಸಂಬಂಧಿಸಿದ ವಸ್ತುಗಳನ್ನು ಕಾಣಬಹುದು.

ತಲುಪುವುದು ಹೇಗೆ?

PC: Omyekiae

ವಿಮಾನ ನಿಲ್ದಾಣ: ಕನ್ಯಾಕುಮಾರಿಗೆ ಸಮೀಪದ ವಿಮಾನ ನಿಲ್ದಾಣವೆಂದರೆ ತ್ರಿರುವನಂತಪುರಂ ವಿಮಾನ ನಿಲ್ದಾಣ. ಇದು ಕನ್ಯಾಕುಮಾರಿಯಿಂದ ಸುಮಾರು 95 ಕಿ.ಮೀ ದೂರದಲ್ಲಿದೆ. ತಿರುವನಂತಪುರಂನಿಂದ ಕನ್ಯಾಕುಮಾರಿಗೆ ಟ್ಯಾಕ್ಸಿ, ಬಸ್ ಮೂಲಕ ತಲುಪಬಹುದು.

ರೈಲು ಮಾರ್ಗ: ಕನ್ಯಾಕುಮಾರಿಗೆ ರೈಲು ಮೂಲಕವೂ ಪ್ರಯಾಣಿಸಬಹುದು. ದೇಶದ ಎಲ್ಲಾ ಭಾಗಗಳಿಂದಲೂ ಇಲ್ಲಿಗೆ ರೈಲು ಸೇವೆ ಇದೆ. ಹಿಮಸಾಗರ್ ಎಕ್ಸ್‌ಪ್ರೆಸ್, ಕನ್ಯಾಕುಮಾರಿ ಎಕ್ಸ್‌ಪ್ರೆಸ್ ಹಾಗೂ ಮಧುರೈ ಲಿಂಕ್ ಎಕ್ಸ್‌ಪ್ರೆಸ್ ಕನ್ಯಾಕುಮಾರಿಗೆ ಹೋಗುತ್ತದೆ.