ನಮ್ಮ ದೇಶದ ಒಂದು ಹಳ್ಳಿಯಲ್ಲಿ ಸುಮಾರು 22 ವರ್ಷಗಳಿಂದ ಯಾವುದೇ ಮದುವೆಯಾಗಿಲ್ಲವಂತೆ. ಇಲ್ಲಿಗೆ ಯಾರೂ ಹುಡುಗಿಯನ್ನು ಕೊಡಲು ಒಪ್ಪುವುದಿಲ್ಲವಂತೆ. ಆದರೂ ಈ ಬಾರಿ 22ವರ್ಷಗಳ ನಂತರ ಈ ಹಳ್ಳಿಯಲ್ಲಿ ಒಂದು ವಿವಾಹ ಕಾರ್ಯ ನಡೆದಿದೆ. ಹಳ್ಳಿಗೆ ವಧುವಿನ ಆಗಮನವಾಗಿದೆ. ಇದರಿಂದ ಹಳ್ಳಿಯವರೆಲ್ಲಾ ಬಹಳ ಖುಷಿಯಿಂದ ಇದ್ದಾರೆ.
ಈ ಜ್ಯೋರ್ತಿಲಿಂಗದ ದರ್ಶಶ ಮಾಡಿದ್ರೆ ಭೂತ, ಪ್ರೇತ ಕಾಟದಿಂದ ಮುಕ್ತಿ ಸಿಗುತ್ತಂತೆ!
22ವರ್ಷ ಮದುವೆಯೇ ಕಂಡಿರದ ಊರು
PC: PROFulvio Spada
22 ವರ್ಷಗಳ ಕಾಲ ಈ ಹಳ್ಳಿಯಲ್ಲಿ ಯಾವುದೇ ಮದುವೆ ನಡೆದಿಲ್ಲವಂತೆ. ಇದು ಒಂದು ಕಟ್ಟುಕಥೆಯಲ್ಲ, ಬದಲಾಗಿ ರಾಜಸ್ಥಾನದ ಒಂದು ಹಳ್ಳಿಯ ನೈಜ ಕಥೆ. 1996ರಿಂದ ಈ ಹಳ್ಳಿಯಲ್ಲಿ ಯಾವುದೇ ಮದುವೆ ನಡೆದಿಲ್ಲ. 22 ವರ್ಷಗಳ ನಂತರ ಈ ಹಳ್ಳಿ ಮದುವೆ ಕಂಡಿದ್ದು ಹಳ್ಳಿಯ ಜನರ ಸಂತೋಷಕ್ಕೆ ಪಾರವೇ ಇಲ್ಲದಂತಾಗಿದೆ.
ಯಾವುದು ಆ ಹಳ್ಳಿ
PC:plaits
ರಾಜಸ್ತಾನದ ದೋಲ್ಪುರ ಜಿಲ್ಲೆಯ ರಾಜ್ಘಟ್ ಹಳ್ಳಿಯ 22 ವ ರ್ಷದಿಂದ ಒಂದೂ ಮದುವೆಯನ್ನು ಕಂಡಿರದ ಹಳ್ಳಿಯಾಗಿದೆ. ಈ ಹಳ್ಳಿಯಲ್ಲಿ ವಿದ್ಯುತ್ ಸೌಲಭ್ಯವಿಲ್ಲ. ನೀರಿನ ಸೌಲಭ್ಯವಿಲ್ಲ. ಸರಿಯಾದ ರಸ್ತೆ ಇಲ್ಲ. ಈ ಗ್ರಾಮದ ಪುರುಷರ ಎಲ್ಲಾ ಪ್ರಪೋಸಲ್ಗಳನ್ನು ಕೈ ಬಿಡಲಾಗಿದೆ. ಯಾರೂ ಕೂಡಾ ಈ ಊರಿಗೆ ತಮ್ಮ ಹೆಣ್ಣನ್ನು ನೀಡಲು ಬಯಸೋದಿಲ್ಲ. ಹಾಗಾಗಿ ಈ ಊರಿನ ಯುವಕರು ಬ್ಯಾಚುಲರ್ ಆಗಿಯೇ ಉಳಿಯುವಂತಾಗಿದೆ.
ಮದುವೆಯಾದ ಪವನ್ ಕುಮಾರ್
PC: bhishek727
ಆದರೆ ಈ ಬಾರಿ ಪವನ್ ಎನ್ನುವ ಯುವಕ ಮದುವೆಯಾಗಿದ್ದು ರಾಜ್ಘಟ್ ಹಳ್ಳಿಗೆ ಹೊಸ ವಧುವಿನ ಆಗಮನವಾಗಿದೆ. ಇತ್ತೀಚೆಗೆ ಮದುವೆಯಾಗಿರುವವನು. 22 ವರ್ಷಗಳ ನಂತರ ಮದುವೆಯ ಕಾರ್ಯವನ್ನು ನೋಡುತ್ತಿದ್ದೇವೆ ಎನ್ನುತ್ತಾರೆ ವರನ ಕಡೆಯವರು.
ಮಧ್ಯಪ್ರದೇಶದ ವಧು
PC:The Wandering Angel
ಪವನ್ಕುಮಾರ್ ಮಧ್ಯಪ್ರದೇಶದದಿಂದ ವಧುವನ್ನು ತನ್ನ ಹಳ್ಳಿಗೆ ಕರೆದುಕೊಂಡು ಬಂದಿದ್ದಾನೆ. ಹಳ್ಳಿಯು ಬಹಳ ಹಿಂದುಳಿದಿದ್ದು ಇಲ್ಲಿ ಇರುವವರೆಲ್ಲರೂ ಬಡತನ ರೇಖೆಯಲ್ಲಿ ಬದುಕುವವರು ಇಲ್ಲಿನ 350ಜನರಿರುವ ಈ ಹಳ್ಳಿಯಲ್ಲಿ 40 ಕಚ್ಚಾ ಮನೆಗಳಿವೆ. ಅಭಿವೃದ್ಧಿಯ ಹೆಸರಿನಲ್ಲಿ ಇಲ್ಲಿ ಕೇವಲ ಒಂದೇ ಒಂದು ಪ್ರಾಥಮಿಕ ಶಾಲೆ ಇದೆ. ಹ್ಯಾಂಡ್ಪಂಪ್ವೊಂದಿದೆ.
ವಿದ್ಯಾರ್ಥಿಗಳೇ ಇಲ್ಲದ ಶಾಲೆ
ಇಲ್ಲಿರುವ ಸರ್ಕಾರಿ ಶಾಲೆಯಲ್ಲಿ ಕೆಲವೇ ಕೆಲವು ವಿದ್ಯಾರ್ಥಿಗಳಿದ್ದಾರೆ. ಪೂರ್ತಿ ಕತ್ತಲೆಯಿಂದ ಕೂಡಿದ ಹಳ್ಳಿ ಇದಾಗಿದೆ. ಈ ಹಳ್ಳಿಯಲ್ಲಿರುವ ಸುಮಾರು 125ಮಹಿಳೆಯರಲ್ಲಿ ಕೇವಲ ಇಬ್ಬರಿಗೆ ಮಾತ್ರ ತಮ್ಮ ಹೆಸರನ್ನು ಬರೆಯಲು ತಿಳಿದಿದೆ. ಇಲ್ಲಿನ ಮಹಿಳೆಯರು ಟಿವಿಯನ್ನು ಕಂಡಿಲ್ಲ, ಫ್ರಿಡ್ಜ್ ಎಂದರೆ ಏನು ಅನ್ನೋದೇ ಗೊತ್ತಿಲ್ಲ.
ತಲುಪುವುದು ಹೇಗೆ?
PC: Nikhilb239
ಧೋಲ್ಪುರ್ ಜೈಪುರ್ ನಗರದಿಂದ 283ಕಿ.ಮೀ ದೂರದಲ್ಲಿದೆ. ಈ ಊರಿನಲ್ಲಿ ಕೇವಲ ಒಂದೇ ಒಂದು ಕುಡಿಯುವ ನೀರಿನ ಪೈಪ್ ಇದೆ. ಗ್ಲೋಲಿಯರ್ ಧೋಲ್ಪುರದ ಸಮೀಪದ ದೊಡ್ಡ ಪಟ್ಟಣ. ಗ್ವಾಲಿಯರ್ ನಿಂದ ಧೋಲ್ಪುರಕ್ಕೆ 65.9 ಕಿಲೋಮೀಟರ್ ದೂರವಿದೆ. ಈ ತಾಣವು ಗ್ವಾಲಿಯರ್ ನಿಂದ ಮೊರಾಗೆ ಪ್ರವೇಶಿಸಬಹುದಾಗಿದೆ. ಇದು ಮಧ್ಯಪ್ರದೇಶ ಮತ್ತು ರಾಜಸ್ಥಾನದ ಗಡಿಯ ಸಮೀಪದಲ್ಲಿದೆ.