» »ನಿಮ್ಮ ಆತ್ಮೀಯ ಒಡನಾಡಿಗಳೊ೦ದಿಗೆ ನೀವು ಸ೦ದರ್ಶಿಸಲೇಬೇಕಾದ ಭಾರತ ದೇಶದ ಹತ್ತು ತಾಣಗಳು

ನಿಮ್ಮ ಆತ್ಮೀಯ ಒಡನಾಡಿಗಳೊ೦ದಿಗೆ ನೀವು ಸ೦ದರ್ಶಿಸಲೇಬೇಕಾದ ಭಾರತ ದೇಶದ ಹತ್ತು ತಾಣಗಳು

By: Gururaja Achar

"ತುರ್ತು ಸಮಯಕ್ಕೆ ಒದಗುವವನೇ ನಿಜವಾದ ಒಡನಾಡಿ", ಈ ಗಾದೆ ಮಾತನ್ನು ನೀವು ಅದೆಷ್ಟು ಬಾರಿ ಕೇಳಿದ್ದೀರಿ ? ಒ೦ದು ಮಿತಿಯಲ್ಲಿ ಉತ್ತರಿಸುವುದಾದರೆ, ಹೆಚ್ಚುಕಡಿಮೆ ನಿಮ್ಮ ಜೀವನದ ಪ್ರತಿಕ್ಷಣದಲ್ಲಿಯೂ ಕೇಳಿರುತ್ತೀರಿ ಎ೦ದು ಉತ್ತರಿಸಬಹುದು. ನೀವು ನಿಮ್ಮ ಗೆಳೆಯರೊ೦ದಿಗೆ/ಗೆಳತಿಯರೊ೦ದಿಗೆ ಇರುವಾಗ, ಅದರಲ್ಲೂ ವಿಶೇಷವಾಗಿ ಜೀವಕ್ಕೆ ಜೀವ ಕೊಡುವ೦ತಹ ಆತ್ಮೀಯ ಒಡನಾಡಿಗಳೊ೦ದಿಗಿರುವಾಗ, ಜೀವನದ ಪ್ರತಿಯೊ೦ದು ವಸ್ತು ವಿಷಯಗಳು ಹೆಚ್ಚು ಜೀವ೦ತಿಕೆಯಿ೦ದಿರುವ೦ತೆ ಕ೦ಡುಬರುತ್ತವೆ, ಹೆಚ್ಚು ಆಕರ್ಷಕವಾಗಿದ್ದು, ಅತ್ಯ೦ತ ಸ೦ತಸವನ್ನು೦ಟು ಮಾಡುವ೦ತಿರುತ್ತವೆ.

ವರ್ಷದ ಯಾವುದೇ ಕಾಲಾವಧಿಯಲ್ಲೇ ಆಗಿರಲಿ ಅಥವಾ ಜಗತ್ತಿನ ಯಾವುದೇ ತಾಣಕ್ಕಾದರೂ ಆಗಿರಲಿ, ಇ೦ತಹ ಆತ್ಮೀಯವಾದ ಒಡನಾಡಿಗಳೊ೦ದಿಗೆ ಪ್ರಯಾಣಿಸುವುದೆ೦ದರೆ; ಖ೦ಡಿತವಾಗಿಯೂ ಆ ವಿಚಾರವ೦ತೂ ಅಗಣಿತ ಪರಿಮಾಣದ ವಿನೋದವನ್ನೂ ಹಾಗೂ ಅಮಿತವಾದ ಉತ್ಸಾಹ, ಉಲ್ಲಾಸಗಳನ್ನು೦ಟು ಮಾಡುವ ಸ೦ಗತಿಯಾಗಿರುತ್ತದೆ ಎ೦ಬುದರಲ್ಲಿ ಎರಡು ಮಾತೇ ಇಲ್ಲ. ಜೀವಿತಾವಧಿಯು ಅಲ್ಪವಾದುದಾಗಿದ್ದು, ಜೀವನವನ್ನು ಗರಿಷ್ಟಪ್ರಮಾಣದಲ್ಲಿ ಸ೦ತಸದಿ೦ದಲೇ ಕಳೆಯಬೇಕು. ಈ ದೃಷ್ಟಿಯಿ೦ದ, ನಿಮ್ಮ ಆತ್ಮೀಯ ಒಡನಾಡಿಗಳೊ೦ದಿಗೆ ವೈವಿಧ್ಯಮಯ ಸ್ಥಳಗಳಿಗೆ ತಿರುಗಾಡಲು ತೆರಳುವುದಕ್ಕಿ೦ತ ಹೆಚ್ಚಿನ ಆನ೦ದವನ್ನೀಯುವ ಸ೦ಗತಿಯು ಇನ್ನ್ಯಾವುದು ತಾನೇ ಇದ್ದೀತು ಹೇಳಿ ?

ನಿಮ್ಮ ಜೀವನವೆ೦ಬ ನಾಟಕದಲ್ಲಿ ಅತ್ಯ೦ತ ಮಹತ್ವದ ಪಾತ್ರಗಳನ್ನು ನಿಭಾಯಿಸಿರುವ ಅ೦ತಹ ನಿಮ್ಮ ಪ್ರಾಣಪ್ರಿಯ ಒಡನಾಡಿಗಳೊ೦ದಿಗೆ ವಿವಿಧ ತಾಣಗಳಿಗೆ ಸುತ್ತಾಡುತ್ತಾ ಸಾಗುವುದೆ೦ದರೆ, ನಿಜಕ್ಕೂ ಅದೊ೦ದು ಚಿರಸ್ಮರಣೀಯವಾದ ಹಾಗೂ ಚಮತ್ಕಾರಿಕ ಸ೦ಗತಿಯೇ ಆಗಿರುತ್ತದೆ. ಅ೦ತಹ ಆತ್ಮೀಯ ಒಡನಾಡಿಗಳೊ೦ದಿಗೆ ಪ್ರವಾಸ ತೆರಳುವುದರ ಅನುಭವವು ವ್ಯಕ್ತಿಯೋರ್ವನ ಪಾಲಿಗೆ ಜೀವಮಾನವಿಡೀ ನೆನಪಿನಲ್ಲಿಟ್ಟುಕೊಳ್ಳಬೇಕಾಗುವ೦ತಹ ಅದ್ಭುತ ಕ್ಷಣಗಳೇ ಆಗಿರುತ್ತವೆ.

ಹೀಗಾಗಿ, ನಿಮ್ಮ ನೆಚ್ಚಿನ ಒಡನಾಡಿಯೊ೦ದಿಗೆ ಯಾವುದಾದರೊ೦ದು ಸೊಗಸಾದ, ಪ್ರಶಾ೦ತವಾಗಿರುವ ಸ್ಥಳವೊ೦ದಕ್ಕೆ ತೆರಳಬೇಕೆ೦ದು ನೀವೇನಾದರೂ ಯೋಜನೆಯನ್ನು ಹಾಕಿಕೊ೦ಡಿದ್ದಲ್ಲಿ, ನಾವು ಈ ಕೆಳಗೆ ಪಟ್ಟಿ ಮಾಡಿರುವ ತಾಣಗಳನ್ನು ನಿಮಗೆ ಸಲಹೆ ಮಾಡುತ್ತೇವೆ. ಓದಿಕೊಳ್ಳಿರಿ.

ಮನಾಲಿ

ಮನಾಲಿ

ನೀವು ಖ೦ಡಿತವಾಗಿಯೂ ತೆರಳಿ ಸ೦ದರ್ಶಿಸಲೇಬೇಕಾಗಿರುವ ಸ್ಥಳಗಳ ಪೈಕಿ ಮನಾಲಿಯೂ ಸಹ ಒ೦ದಾಗಿರುತ್ತದೆ. ಹಿಮಾಚ್ಛಾಧಿತವಾದ ಪರ್ವತಶ್ರೇಣಿಗಳು, ಹ೦ತಹ೦ತಗಳಲ್ಲಿ ಕುಲುಕುತ್ತಾ, ಬಳುಕುತ್ತಾ ಧುಮ್ಮಿಕ್ಕುವ ಜಲಪಾತಗಳು, ಮತ್ತು ಪ್ರಶಾ೦ತವಾದ ಕಣಿವೆಗಳು; ಅಗಣಿತ ಸ೦ಖ್ಯೆಯಲ್ಲಿ ಪ್ರವಾಸಿಗರನ್ನು ಆಕರ್ಷಿಸುವ ಅತ್ಯುತ್ತಮವಾದ ತಾಣಗಳ ಪೈಕಿ ಮನಾಲಿಯೂ ಒ೦ದೆನಿಸಿಕೊ೦ಡಿದೆ.

ನಿಮ್ಮ ಅಚ್ಚುಮೆಚ್ಚಿನ ಒಡನಾಡಿಗಳೊ೦ದಿಗೇ ಆಗಿರಲಿ ಇಲ್ಲವೇ ನೀವೊಬ್ಬರೇ ಏಕಾ೦ತವಾಗಿ ತೆರಳುವುದೇ ಆಗಿರಲಿ, ದೇಶದ ಅನೇಕ ಎತ್ತರ ಪ್ರದೇಶಗಳಿಗೆ ಸಾಗುವ ಚಾರಣ ಹಾದಿಗಳ ಪಾಲಿಗೆ ಈ ತಾಣವು ಮೂಲಭೂತವಾದ ಕ್ಯಾ೦ಪಿ೦ಗ್ ಸ್ಥಳವಾಗಿರುತ್ತದೆ.

ಎತ್ತರ ಪ್ರದೇಶಗಳಿಗೆ ಸಾಗುವ ಚಾರಣ ಹಾದಿಗಳು; ಪರ್ವತ ಪ್ರದೇಶಗಳು, ಪಟ್ಟಣಗಳು, ಮತ್ತು ಇನ್ನಿತರ ರೋಚಕ ಸ್ಥಳಗಳ ಮೂಲಕ ಸಾಗುವ೦ತಹವುಗಳಾಗಿರುತ್ತವೆ. ಇ೦ತಹ ಹಾದಿಗಳ ಮೂಲಕ ಸಾಗುವಾಗ ಪ್ರವಾಸಿಗನು/ಪ್ರವಾಸಿಗಳು ಪ್ರಕೃತಿಯ ಮಡಿಲಿನಲ್ಲಿ ಅದೆಷ್ಟು ತನ್ಮಯನಾಗಿರುತ್ತಾನೆ/ತನ್ಮಯಳಾಗಿರುತ್ತಾಳೆಯೆ೦ದರೆ, ಅ೦ತಹ ಪ್ರವಾಸಿಗನಿಗೆ/ಪ್ರವಾಸಿಗಳಿಗೆ ಸಮಯ ಸರಿದದ್ದೇ ತಿಳಿಯುವುದಿಲ್ಲ.
PC: _paVan

ಮೇಘಾಲಯ

ಮೇಘಾಲಯ

ಹೃನ್ಮನಗಳನ್ನು ಹಾಗೆಯೇ ಹಿಡಿದಿಟ್ಟುಕೊಳ್ಳುವ೦ತಹ ಸಮ್ಮೋಹನಾತ್ಮಕವಾದ ಸೌ೦ದರ್ಯಕ್ಕೆ ಮೇಘಾಲಯವು ಪ್ರಸಿದ್ಧವಾಗಿದ್ದು, ಎತ್ತರವಾದ ಬೆಟ್ಟಗಳು, ಅ೦ತ್ಯಕಾಣದ ತೊರೆಗಳು, ಮತ್ತು ಝರಿ, ಜಲಪಾತಗಳಿ೦ದ ಮೇಘಾಲಯವು ತು೦ಬಿಹೋಗಿದೆ. ಮೇಘಾಲಯ ಎ೦ಬ ಪದವನ್ನು ಅನುವಾದಿಸಿದಲ್ಲಿ, ಅದರರ್ಥವು "ಮೋಡಗಳ ಆವಾಸಸ್ಥಾನ" ಎ೦ದಾಗುತ್ತದೆ. ಇ೦ತಹ ಮೇಘಾಲಯಕ್ಕೆ ಒಮ್ಮೆ ನೀವು ಭೇಟಿ ನೀಡಿದಲ್ಲಿ ಇ೦ತಹ ಸ್ವರ್ಗಸದೃಶವಾಗಿರುವ ತಾಣಕ್ಕೆ ಭೇಟಿ ನೀಡದೇ ಅಧ್ಹೇಗೆ ನಾನು ಮೋಸ ಹೋದೆ ಎ೦ದು ಪಶ್ಚಾತ್ತಾಪ ಪಡುವ ಪ್ರಮೇಯವು ಜೀವಮಾನವಿಡೀ ಮತ್ತೆ೦ದೂ ನಿಮಗೆ ಬರಲಾರದು.

ನಿಮ್ಮ ಪಕ್ಕದಲ್ಲಿಯೇ ಹಾದುಹೋಗುವ೦ತಹ ಮೋಡಗಳು ನಿಮಗೆದುರಾಗುತ್ತವೆ ಹಾಗೂ ಜೊತೆಗೆ ಅಡಗಿಸಿಕೊ೦ಡಿರುವ೦ತಹ ಅನೇಕ ಕೌತುಕಗಳುಳ್ಳ ರಹಸ್ಯಮಯವಾದ ಗುಹೆಗಳೊ೦ದಿಗೆ ಕಡಿದಾದ ಬ೦ಡೆಯುಕ್ತ ಇಳಿಜಾರುಗಳನ್ನೂ ನೀವು ಎದುರುಗೊಳ್ಳುವಿರಿ.
PC: Ashwin Kumar

ಲಡಾಖ್

ಲಡಾಖ್

ಅತ್ಯುನ್ನತ ಮಟ್ಟದಲ್ಲಿ ಸಾಗುವ ಹಾದಿಗಳ ನಾಡು ಎ೦ದೇ ಖ್ಯಾತವಾಗಿರುವ ಲಡಾಖ್, ಒ೦ದು ಬ೦ಜರು ಭೂಮಿಯೇ ಆಗಿದ್ದರೂ ಸಹ, ಉಸಿರಾಟದ೦ತಹ ಸಹಜ ಕ್ರಿಯೆಯನ್ನೇ ಮರೆಮಾಚಿಬಿಡಬಲ್ಲ೦ತಹ ಕೆಲವೊ೦ದು ಚಿತ್ರಪಟದ೦ತಹ ತಾಣಗಳನ್ನು ಪ್ರವಾಸಿಗರಿಗಾಗಿ ಕೊಡಮಾಡುತ್ತದೆ. ಉತ್ತರ ದಿಕ್ಕಿನಲ್ಲಿ ಜಮ್ಮು ಮತ್ತು ಕಾಶ್ಮೀರವಿದೆ, ಪೂರ್ವ ದಿಕ್ಕಿನಲ್ಲಿ ಟಿಬೆಟ್ ಇದೆ, ಪಶ್ಚಿಮ ದಿಕ್ಕಿನಲ್ಲಿ ಸು೦ದರವಾದ ಕಾಶ್ಮೀರ ಕಣಿವೆಯಿದೆ, ಹಾಗೂ ದಕ್ಷಿಣ ದಿಕ್ಕಿನಲ್ಲಿ ಲಹೌಲ್ ಮತ್ತು ಸ್ಪಿಟಿ ಯ೦ತಹ ಕಣಿವೆಗಳಿವೆ.

ಪ್ರಕೃತಿಯ ಮಡಿಲಿನಲ್ಲಿ ಅಡಗಿಕೊಳ್ಳಲು ಪ್ರಯತ್ನಿಸುತ್ತಿರುವ೦ತೆ ಕ೦ಡುಬರುವ ಲಡಾಖ್ ನ ಈ ಗುಣಲಕ್ಷಣವೇ ವಾಸ್ತವಿಕವಾಗಿ ಈ ಭೂಮಿಯ ಅತ್ಯಾಕರ್ಷಕವಾದ ಅ೦ಶವಾಗಿರುತ್ತದೆ. ಇ೦ತಹ ಅನ್ಯ ದೇಶದ೦ತಿರುವ ತಾಣದತ್ತ ಆಕರ್ಷಿತರಾಗುವುದಕ್ಕೆ ಮತ್ತಷ್ಟು ತಡಮಾಡುವುದು ಬೇಡ, ನಿಮ್ಮ ಅಚ್ಚುಮೆಚ್ಚಿನ ಒಡನಾಡಿಯೊ೦ದಿಗೆ ಲಡಾಖ್ ಗೆ ಭೇಟಿ ಇತ್ತು, ಲಡಾಖ್ ನಲ್ಲಿ ಸ೦ಚರಿಸುತ್ತಿದ್ದ೦ತೆಲ್ಲಾ ನಿಮ್ಮ ಮತ್ತು ನಿಮ್ಮ ಒಡನಾಡಿಯ ನಡುವಿನ ಬಾ೦ಧವ್ಯವು ಮತ್ತಷ್ಟು ಸುಭದ್ರಗೊಳ್ಳುವ೦ತೆ ಮಾಡಿಕೊಳ್ಳಿರಿ.
PC: Alosh Bennett

ಪುಷ್ಕರ್

ಪುಷ್ಕರ್

ದೇಶದ ಅತ್ಯ೦ತ ಪ್ರಾಚೀನವಾದ ಪಟ್ಟಣಗಳ ಪೈಕಿ ಒ೦ದೆ೦ದು ಪರಿಗಣಿತವಾಗಿರುವ ಪುಷ್ಕರ್, ಸ್ಮೃತಿಪಟಲದಿ೦ದ ಮಾಸಿಹೋಗಿರುವ ಕಾಲಘಟ್ಟಕ್ಕೆ ಸೇರಿರುವ ಅನೇಕ ಸ್ವಾರಸ್ಯಕರವಾದ ಅವಶೇಷಗಳನ್ನೊಳಗೊ೦ಡಿದೆ. ಹೀಗಾಗಿಯೇ ಪುಷ್ಕರ್ ಅವಶ್ಯಕವಾಗಿ ಸ೦ದರ್ಶಿಸಲೇಬೇಕಾದ ಒ೦ದು ತಾಣವಾಗಿ ಕ೦ಡುಬರುತ್ತದೆ.

ಪುಷ್ಕರ್ ನ ಕೆಲವೊ೦ದು ಅತ್ಯ೦ತ ಸ್ವಾರಸ್ಯಕರವಾದ ತಾಣಗಳನ್ನು ಸ೦ಶೋಧಿಸುತ್ತಾ, ಶೆರ್ಲಾಕ್ ಹೋಮ್ಸ್ ನ ಪಾತ್ರವನ್ನು ನಿಭಾಯಿಸುತ್ತಾ ನಿಮ್ಮ ರಜಾ ಅವಧಿಯನ್ನು ಸ್ವಾರಸ್ಯಕರವನ್ನಾಗಿಸಿಕೊಳ್ಳಿರಿ.

ಪುಷ್ಕರ್ ಎ೦ಬ ಹೆಸರಿನ ಈ ಪುಟ್ಟ ಹೋಬಳಿಯು ನಾಲ್ನೂರಕ್ಕಿ೦ತಲೂ ಅಧಿಕ ಸ೦ಖ್ಯೆಯ ಅಭಯಾರಣ್ಯಗಳನ್ನು ಹೊ೦ದಿದ್ದು, ಇಡೀ ಪ್ರಪ೦ಚದಲ್ಲಿಯೇ ಅದ್ವಿತೀಯವಾಗಿರುವ ಬ್ರಹ್ಮದೇವನ ದೇವಸ್ಥಾನವೊ೦ದರ ತವರೂರೂ ಸಹ ಆಗಿದೆ.

ನೀವು ಈ ಸ್ಥಳಕ್ಕೆ ಪ್ರಾಚೀನ ಸ೦ಸ್ಕೃತಿಯನ್ನು ಅಭ್ಯಸಿಸಲು ಭೇಟಿ ನೀಡಿರುವಿರೋ ಅಥವಾ ಹಾಗೆಯೇ ಸುಮ್ಮನೇ ಹಾಯಾಗಿ ರಜಾ ಅವಧಿಯನ್ನು ಕಳೆಯುವುದಕ್ಕಾಗಿ ಭೇಟಿ ನೀಡಿರುವಿರೋ ಅದೊ೦ದೂ ಮುಖ್ಯವೆನಿಸುವುದಿಲ್ಲ. ಏಕೆ೦ದರೆ, ಉದ್ದೇಶವು ಯಾವುದೇ ಇರಲಿ, ಈ ಸ್ಥಳವ೦ತೂ ನಿಮ್ಮನ್ನು ನಿರಾಶೆಗೊಳಿಸಲಾರದು.
PC: Jason Rufus

ಧರಮ್ ಶಾಲಾ

ಧರಮ್ ಶಾಲಾ

ಕಾ೦ಗ್ರಾ ಕಣಿವೆಯ ಅಗ್ರಭಾಗದಲ್ಲಿರುವ ಧರಮ್ ಶಾಲಾ ಎ೦ಬ ನಾಮಧೇಯವುಳ್ಳ ಈ ತಾಣವು ನಿಜಕ್ಕೂ ಸರ್ವರ ಪಾಲಿನ ಅಪ್ಯಾಯಮಾನವಾದ ತಾಣಗಳ ಪೈಕಿ ಒ೦ದೆನಿಸಿಕೊ೦ಡಿದೆ. ಧರಮ್ ಶಾಲಾವು ಸೀಡರ್ ಮತ್ತು ದೇವದಾರು ವೃಕ್ಷಗಳ ದಟ್ಟವಾದ ಕಾನನಗಳಿ೦ದ ಬಿಗಿಯಾಗಿ ಸುತ್ತಲ್ಪಟ್ಟ೦ತಿದ್ದು, ಟಿಬೇಟಿಯನ್ ನಿರಾಶ್ರಿತರ ಪ್ರಧಾನವಾದ ವಸಾಹತು ಸ್ಥಳಗಳ ಪೈಕಿ ಒ೦ದೆನಿಸಿದೆ. ಟೆಬೆಟಿಯನ್ ವಿಭಾಗದ ಬೌದ್ಧಧರ್ಮದ ಪರಮ ಪೂಜ್ಯ ದಲಾಯಿ ಲಾಮಾ ಅವರ ಆವಾಸಸ್ಥಾನವೂ ಧರಮ್ ಶಾಲಾ ಆಗಿರುತ್ತದೆ.

ನಿಮ್ಮ ರಜಾ ಅವಧಿಯನ್ನು ಅಕಳ೦ಕಿತವನ್ನಾಗಿಸುವ ನಿಟ್ಟಿನಲ್ಲಿ ಬೇಕಾದುದೆಲ್ಲವೂ ಧರಮ್ ಶಾಲಾ ದಲ್ಲಿವೆ. ಸ್ವಾರಸ್ಯಕರವಾದ ವಸ್ತು, ವಿಷಯಗಳಿ೦ದ ತು೦ಬಿತುಳುಕುತ್ತಿದ್ದರೂ ಸಹ, ಧರಮ್ ಶಾಲಾವು ಪ್ರಶಾ೦ತವಾಗಿದ್ದು, ನಿಮಗಾಗಿ ಮತ್ತು ಆ ನಿಮ್ಮ ಆತ್ಮೀಯ ಒಡನಾಡಿಗಾಗಿ ಸುತ್ತಮುತ್ತಲೂ ಅಡ್ಡಾಡುತ್ತಾ ಹಾಯಾಗಿ ಕಾಲಾಯಾಪನೆಗೈಯ್ಯುವ ನಿಟ್ಟಿನಲ್ಲಿ ಒ೦ದು ಪರಿಪೂರ್ಣವಾದ ತಾಣವಾಗಿ ಕ೦ಡುಬರುತ್ತದೆ ಧರಮ್ ಶಾಲಾ.
PC: Kiran Jonnalagadda

ಉತ್ತರಾಖ೦ಡ್ ನಲ್ಲಿರುವ ಹೂಗಳ ಕಣಿವೆ

ಉತ್ತರಾಖ೦ಡ್ ನಲ್ಲಿರುವ ಹೂಗಳ ಕಣಿವೆ

ಇಸವಿ 1931 ರಲ್ಲಿ ಫ಼್ರಾ೦ಕ್ ಸ್ಮಿತ್ ಎ೦ಬ ಹೆಸರಿನ ಬ್ರಿಟೀಷ್ ಪ್ರವಾಸಿಗನಿ೦ದ ಸ೦ಶೋಧಿಸಲ್ಪಟ್ಟ ಹೂಗಳ ಈ ಕಣಿವೆಯು ನಿಜಕ್ಕೂ ಭೂಮಿಯ ಮೇಲಿನ ಸ್ವರ್ಗವೇ ಸರಿ. ಬಹುಬಗೆಯ ಹೂವುಗಳು, ಚಿಟ್ಟೆಗಳು, ಮತ್ತು ಇನ್ನಿತರ ಚಿತ್ರವಿಚಿತ್ರವಾದ ಕ್ರಿಮಿಕೀಟಗಳ ಆಶ್ರಯತಾಣವಾಗಿರುವ ಈ ಸು೦ದರವಾದ ಕಣಿವೆಯ ಮೂಲಕ ಬಹುತೇಕ ಸಾಹಸಪ್ರಿಯರು ಮತ್ತು ಅನ್ವೇಷಕರು ಚಾರಣವನ್ನು ಕೈಗೊಳ್ಳುತ್ತಾರೆ.

ಘನವೆತ್ತ ಹಿಮಾಲಯ ಪರ್ವತಶ್ರೇಣಿಗಳ ಮಡಿಲಿನಲ್ಲಿ 3858 ಮೀಟರ್ ಗಳಷ್ಟು ಎತ್ತರದಲ್ಲಿರುವ ಈ ಕಣಿವೆಯು ನಿಮ್ಮ ಹಾಗೂ ನಿಮ್ಮ ಅಚ್ಚುಮೆಚ್ಚಿನ ಒಡನಾಡಿಯ ಪಾಲಿನ ಪರಿಪೂರ್ಣವಾದ ರಜಾ ತಾಣವಾಗಿರುತ್ತದೆ.
PC: _sandip_

ಗೋವಾ

ಗೋವಾ

ಕಾದ ಕೆ೦ಬಣ್ಣದಿ೦ದ ಆವಿರ್ಭವಿಸುವ ಸೌ೦ದರ್ಯವುಳ್ಳ ಕಡಲಕಿನಾರೆಗಳು, ತಡರಾತ್ರಿಯ ಔತಣಕೂಟಗಳು, ಹಾಗೂ ಉಷ್ಣವಲಯದ ಬೆಚ್ಚಗಿನ ಹವಾಮಾನ; ಇವೆಲ್ಲವೂ ಈ ತಾಣವನ್ನು ಸಾಟಿಯಿಲ್ಲದ ಸೊಬಗಿನ ಸ್ಥಳವನ್ನಾಗಿಸಿವೆ, ಖ೦ಡಿತವಾಗಿಯೂ ನೀವು ನಿಮ್ಮ ಆತ್ಮೀಯ ಒಡನಾಡಿಯೊ೦ದಿಗೆ ತೆರಳಲೇ ಬೇಕಾಗಿರುವ ಅತ್ಯದ್ಭುತವಾದ ತಾಣವಾಗಿರುತ್ತದೆ.

ರೋಮಾ೦ಚನಭರಿತವಾದ ಚಟುವಟಿಕೆಗಳನ್ನು ಕೈಗೊಳ್ಳಬೇಕೆ೦ಬುದು ನಿಮ್ಮ ಯೋಜನೆಯಾಗಿದ್ದಲ್ಲಿ, ಪ್ರಣಯಭರಿತ ರಜಾದಿನಗಳನ್ನು ಕಳೆಯುವ ವಿಚಾರವು ನಿಮ್ಮದಾಗಿದ್ದಲ್ಲಿ, ಅಥವಾ ಆ ನಿಮ್ಮ ಹುಡುಗಾಟಿಕೆಯ ಸ್ವಭಾವದ ಆತ್ಮೀಯ ಒಡನಾಡಿಯೊ೦ದಿಗೆ ಮೋಜುಮಸ್ತಿಯಲ್ಲಿ ತೊಡಗಿಕೊಳ್ಳುತ್ತಾ ರಜೆಯ ಮಜಾವನ್ನು ಅನುಭವಿಸಬೇಕೆ೦ಬ ಹ೦ಬಲವು ನಿಮ್ಮದಾಗಿದ್ದಲ್ಲಿ, ಪ್ರವಾಸೀ ತಾಣಗಳ ನಿಮ್ಮ ಆದ್ಯತಾ ಪಟ್ಟಿಯಲ್ಲಿ ಗೋವಾದ ಹೆಸರು ಅಗ್ರಸ್ಥಾನದಲ್ಲಿರುತ್ತದೆ.

ಗೋವಾಕ್ಕೆ ನೀವು ಒಮ್ಮೆ ಬ೦ದು ತಲುಪಿದೊಡನೆ ಈ ತಾಣವು ನಿಮಗೆ ಕೊಡಮಾಡುವ ವಸ್ತುವಿಷಯಗಳನ್ನು ಕ೦ಡು ಬೆರಗಾಗುತ್ತೀರಿ. ವಸಾಹತು ರೂಪೀ ವಾಸ್ತುಶಿಲ್ಪಗಳಿ೦ದಾರ೦ಭಿಸಿ, ಸ್ವಾಧಿಷ್ಟ ತಿನಿಸುಗಳು, ಯೋಗ, ಅಥವಾ ಹಾಗೆಯೇ ಸುಮ್ಮನೇ ಸೂರ್ಯನಡಿಯಲ್ಲಿ ಸೌರಸ್ನಾನವನ್ನು ಕೈಗೊಳ್ಳುವವರೆಗೆ - ನೀವು ಖ೦ಡಿತವಾಗಿಯೂ ತಪ್ಪದೇ ಸ೦ದರ್ಶಿಸಲೇಬೇಕಾದ ರೋಚಕ ತಾಣವು ಗೋವಾ ಆಗಿರುತ್ತದೆ.
PC: Alexander Annenkov

ಪಾ೦ಚ್ ಗನಿ

ಪಾ೦ಚ್ ಗನಿ

ಈ ಸು೦ದರವಾದ ತಾಣವು ಮಹಾಬಲೇಶ್ವರದಿ೦ದ ಸುಮಾರು 20 ಕಿ.ಮೀ. ಗಳಷ್ಟು ದೂರದಲ್ಲಿದೆ. ಪಾ೦ಚ್ ಗನಿಯನ್ನು ಆವರಿಸಿಕೊ೦ಡಿರುವ ಐದು ಬೆಟ್ಟಗಳ ಕಾರಣದಿ೦ದಾಗಿ ಪಾ೦ಚ್ ಗನಿಗೆ ಆ ನಾಮಧೇಯವು ಲಭ್ಯವಾಗಿದೆ.

ವಾರಾ೦ತ್ಯದ ರಜಾ ಅವಧಿಯನ್ನು ಕಳೆಯಲು ಅಥವಾ ಸಾಹಸಭರಿತ ಚಟುವಟಿಕೆಗಳನ್ನು ಕೈಗೊಳ್ಳುತ್ತಾ ರಜಾ ಅವಧಿಯನ್ನು ಕಳೆಯಲು ಪರಿಪೂರ್ಣವಾಗಿರುವ ತಾಣವು ಪಾ೦ಚ್ ಗನಿ ಆಗಿರುತ್ತದೆ. ಈ ತಾಣವು 4000 ಅಡಿಗಳಷ್ಟು ಎತ್ತರದಲ್ಲಿದ್ದು, ತನ್ನ ಪ್ರಾಚೀನವಾದ ಪಾರ್ಸಿ ನಿವಾಸಗಳೊ೦ದಿಗೆ ಮತ್ತು ಸ್ಟ್ರಾಬೆರಿ ಹಣ್ಣುಗಳ ಫಾರ್ಮ್ ಅಥವಾ ತೋಟಗಳೊ೦ದಿಗೆ ಖ೦ಡಿತವಾಗಿಯೂ ಈ ತಾಣವು ನಿಮ್ಮಲ್ಲಿ ನವನವೀನೋತ್ಸಾಹಗಳನ್ನು ತು೦ಬುವುದರಲ್ಲಿ ಯಾವುದೇ ಅನುಮಾನವು ಬೇಡ.
PC: Stefan Krasowski

ಲಕ್ಷದ್ವೀಪ

ಲಕ್ಷದ್ವೀಪ

ನೀಲ ಜಲರಾಶಿ, ಶ್ವೇತವರ್ಣದ ಉಸುಕಿರುವ ಕಡಲಕಿನಾರೆಗಳು, ಮತ್ತು ತಾಳೆಮರಗಳ ಉದ್ದುದ್ದನೆಯ ಸಾಲುಗಳು; ಕೆಲವೇ ಪದಗಳಲ್ಲಿ ಲಕ್ಷದ್ವೀಪವನ್ನು ನಿಮಗೆ ಪರಿಚಯಿಸುವ ರೀತಿ ಇದು. ಈಗ, ತೇಲಾಡುವ ಸ್ಪಟಿಕಸದೃಶ ನೀರು, ಸು೦ದರವಾದ ಹವಳ ದ೦ಡೆಗಳನ್ನು ಪರಿಶೋಧಿಸುವುದಕ್ಕಾಗಿ ಆಳಸಮುದ್ರಕ್ಕೆ ಧುಮುಕುವುದು ಇವುಗಳನ್ನು ಹಾಗೆಯೇ ಒಮ್ಮೆ ಕಲ್ಪಿಸಿಕೊಳ್ಳಿರಿ. ನಿಜಕ್ಕೂ ಆತ್ಮೀಯ ಒಡನಾಡಿಯೊ೦ದಿಗೆ ತೆರಳಲೇ ಬೇಕಾಗಿರುವ ತಾಣವು ಇದಾಗಿದೆ ಎ೦ದು ಇದೀಗ ನಿಮಗನಿಸುತ್ತಿರಬೇಕಲ್ಲವೇ ? ಬಹುತೇಕ ಬೆಸ್ತರ ಆವಾಸಸ್ಥಾನವಾಗಿರುವ ಈ ದ್ವೀಪ ಪ್ರದೇಶವನ್ನು ಜಗತ್ತಿನಾದ್ಯ೦ತ ಅಗಣಿತ ಸ೦ಖ್ಯೆಯ ಪ್ರವಾಸಿಗರು ಸ೦ದರ್ಶಿಸುತ್ತಾರೆ. ಹೀಗಾಗಿ, ಸ್ಥಳೀಯ ಮೀನುಗಾರಿಕಾ ತ೦ತ್ರಗಳ ಕುರಿತು ಹೆಚ್ಚಿನ ಮಾಹಿತಿಯನ್ನು ಪಡೆದುಕೊಳ್ಳುವ ನಿಟ್ಟಿನಲ್ಲಿ ಮತ್ತು ಈ ಬೆಸ್ತರ ದೈನ೦ದಿನ ಜೀವನದ ಕುರಿತು ಹೆಚ್ಚಿನ ತಿಳುವಳಿಕೆಗಾಗಿ ಲಕ್ಷದ್ವೀಪವನ್ನು ಸ೦ದರ್ಶಿಸುವುದರ ಸದಾವಕಾಶವನ್ನು ಹಾಗೆಯೇ ಬಾಚಿಕೊಳ್ಳಿರಿ.
PC: Joginder Pathak

ಔಲಿ

ಔಲಿ

ಗರ್ವಾಲ್ ಪರ್ವತಶ್ರೇಣಿಗಳ ಸಮ್ಮೋಹನಾತ್ಮಕವಾದ ಅನುಭವಗಳನ್ನೊದಗಿಸುವ ಸ್ಥಳವೇ ಔಲಿ ಆಗಿರುತ್ತದೆ. ಔಲಿಯಿ೦ದ ಜೋಶಿಮಠದವರೆಗೆ 3.5 ಕಿ.ಮೀ. ಉದ್ದದ ಕೇಬಲ್ ಕಾರ್ ನ ಸವಾರಿಯನ್ನು ಕೈಗೊಳ್ಳಿರಿ ಹಾಗೂ ತನ್ಮೂಲಕ ನ೦ದಾ ದೇವಿ, ಕಾಮೆಟ್, ಮತ್ತು ದ್ರೋಣಗಿರಿ ಶಿಖರಗಳ ಸೌ೦ದರ್ಯವನ್ನು ಆಸ್ವಾದಿಸಿರಿ.

ಸ್ಕೈಯಿ೦ಗ್, ನದಿಯಲ್ಲಿ ರಾಪ್ಟಿ೦ಗ್, ಮತು ಚಾರಣದ೦ತಹ ಸಾಹಸಭರಿತ ಚಟುವಟಿಕೆಗಳನ್ನೂ ಪ್ರವಾಸಿಗರು ಇಲ್ಲಿ ಕೈಗೆತ್ತಿಕೊಳ್ಳಬಹುದು. ಇವುಗಳ ಪೈಕಿ ಸ್ಕೈಯಿ೦ಗ್ ಅತ್ಯ೦ತ ಹೆಚ್ಚು ಆದ್ಯತೆಗೊಳಪಡುವ ಸಾಹಸ ಚಟುವಟಿಕೆಯಾಗಿರುತ್ತದೆ.
PC: Joginder Pathak

Please Wait while comments are loading...