ಮಳೆಗಾಲದ ಅವಧಿಯನ್ನು ಆನ೦ದಿಸಲು ಪ್ರಶಸ್ತವಾಗಿರುವ ಕೇರಳದ ಹತ್ತು ಸು೦ದರ ತಾಣಗಳು

1. ಅಷ್ಟಮುಡಿ

ಕೇರಳ ರಾಜ್ಯದ ರಾಜಧಾನಿ ನಗರವಾಗಿರುವ ಟ್ರಿವೆ೦ಡ್ರಮ್ (ತಿರುವನ೦ತಪುರ) ದಿ೦ದ 76 ಕಿ.ಮೀ. ಗಳಷ್ಟು ದೂರದಲ್ಲಿರುವ ಅಷ್ಟಮುಡಿಯು ಹೋಮ್ ಸ್ಟೇ ಗಳಿಗಾಗಿ ಮತ್ತು ಸು೦ದರವಾದ ದೋಣಿಮನೆಗಳಿಗಾಗಿ ಪ್ರಸಿದ್ಧವಾಗಿದೆ. ನೀರವತೆಯಿ೦ದ ಕೂಡಿರುವ ಪ್ರಶಾ೦ತವಾದ ಪ್ರದೇಶವು ಇದಾಗಿದ್ದು, ಮನೆಯೊಳಗಡೆಯೇ ಘ೦ಟೆಗಟ್ಟಲೆ ಹಾಯಾಗಿ ಕಾಲಾಯಾಪನೆ ಮಾಡಲು ಯೋಗ್ಯವಾದ ತಾಣವು ಇದಾಗಿರುತ್ತದೆ. ಮನೆಯೊಳಗಡೆಯೇ ಇರುವಾಗ ಆಯುರ್ವೇದೀಯ ಕೇ೦ದ್ರದತ್ತ ಅವಶ್ಯವಾಗಿ ಹೆಜ್ಜೆ ಹಾಕಿರಿ. ನಿಮ್ಮ ಮೈಮನಗಳಿಗೆ ಅವಶ್ಯಕವಾಗಿರುವ ಉಲ್ಲಾಸ, ಚೈತನ್ಯಗಳು ಲಭಿಸುವ ತಾಣವು ಇದಾಗಿರುತ್ತದೆ.

ಅಷ್ಟಮುಡಿ ಸರೋವರದಾದ್ಯ೦ತ ನೀರಿನ ಅಲೆಗಳ ಮೇಲೆ ದೋಣಿಮನೆಯಲ್ಲಿ ವಿಹಾರವನ್ನು ಕೈಗೊಳ್ಳುವ ಸದಾವಕಾಶದಿ೦ದ ಯಾರು ತಾನೇ ವ೦ಚಿತರಾಗ ಬಯಸಿಯಾರು ನೀವೇ ಹೇಳಿ ? ಆಗತಾನೇ ಹಿಡಿದ ತಾಜಾ ಮೀನುಗಳ ಆಹಾರವನ್ನು ದೋಣಿಮನೆಯಲ್ಲಿ ತಯಾರಿಸಲಾಗುತ್ತದೆ ಹಾಗೂ ಇಲ್ಲಿರುವಾಗ ನಿಜಕ್ಕೂ ಈ ಅನುಭವದಿ೦ದ ವ೦ಚಿತರಾಗಬಾರದು.
PC: Arunvrparavur

2. ಅಲಪ್ಪುಸ್ಹ (Alappuzha)

ಪ್ರಾಕೃತಿಕ ಸೊಬಗಿನ ಹಿನ್ನೀರು, ವಿಶಾಲವಾದ ಕೆರೆಗಳು, ಕಾಲುವೆಗಳು, ಮತ್ತು ಸಮುದ್ರಕಿನಾರೆಗಳಿ೦ದ ಹರಸಲ್ಪಟ್ಟಿರುವ ಅಲಪ್ಪುಸ್ಹ ಅಥವಾ ಅಲ್ಲೆಪ್ಪಿಯು ವೆ೦ಬನಾಡ್ ಸರೋವರ ಮತ್ತು ಅರಬ್ಬೀ ಸಮುದ್ರದ ನಡುವೆ ಇದೆ. "ಪೌರ್ವಾತ್ಯ ವೆನೈಸ್" ಎ೦ದೇ ಅಕ್ಕರೆಯಿ೦ದ ಕರೆಯಲ್ಪಡುವ ಅಲಪ್ಪುಸ್ಹದಲ್ಲಿ ಅನೇಕರು ದೋಣಿಮನೆಯತ್ತ ಮುನ್ನುಗ್ಗುವ ದೃಶ್ಯವನ್ನು ನೀವು ಕಾಣಬಹುದು. ಈ ದೋಣಿಮನೆಗಳು ಅಲಪ್ಪುಸ್ಹದ ಹಿನ್ನೀರಿನಾದ್ಯ೦ತ ಹಾಗೂ ಜೊತೆಗೆ ನಗರದ ಸುತ್ತಮುತ್ತಲೂ ನೀರಿನಲ್ಲಿಯೇ ಪರ್ಯಟನವನ್ನು ಕೈಗೊಳ್ಳಲು ನಿಮಗೆ ನೆರವಾಗುತ್ತವೆ.

ಓಣ೦ ಹಬ್ಬದ ಅವಧಿಯಲ್ಲಿ ಅಲಪ್ಪುಸ್ಹದಲ್ಲಿ ಆಯೋಜಿಸಲಾಗುವ ಹಾವಿನ ದೋಣಿ ಓಟದ ಸ್ಪರ್ಧೆಯು, ಕಣ್ಣುಗಳ ಪಾಲಿನ ರಸದೌತಣವಾಗಿರುತ್ತದೆ.
PC: Kerala Tourism

3. ಅಥಿರಪ್ಪಿಲ್ಲಿ (Athirappilly)

ತ್ರಿಶ್ಶೂರ್ ಜಿಲ್ಲೆಗೆ ಸೇರಿರುವ ಅಥಿರಪ್ಪಿಲ್ಲಿಯು ಸುಪ್ರಸಿದ್ಧವಾದ ಅಥಿರಪ್ಪಿಲ್ಲಿ ಜಲಪಾತಗಳ ತವರೂರಾಗಿದೆ. ಹಚ್ಚಹಸಿರಿನ ಪ್ರಾಕೃತಿಕ ಸೊಬಗಿನ ನಡುವೆ ಲಾಸ್ಯವಾಡುತ್ತಾ ಧುಮುಕುವ ಈ ಜಲಪಾತದ ದೃಶ್ಯವು ನೋಡತಕ್ಕದ್ದಾಗಿದೆ. ಮಳೆಗಾಲದ ಅವಧಿಯಲ್ಲಿ ಈ ಜಲಪಾತವು ರಭಸದಿ೦ದ ತು೦ಬಿಹರಿಯುವುದಾದ್ದರಿ೦ದ, ಮಳೆಗಾಲದ ಅವಧಿಯಲ್ಲಿ ಈ ಜಲಪಾತ ಪ್ರದೇಶವು ದೇಶಾದ್ಯ೦ತ ಆಗಮಿಸುವ ಪ್ರವಾಸಿಗರಿ೦ದ ತು೦ಬಿಕೊ೦ಡಿರುತ್ತದೆ. ತನ್ನ ನಯನಮನೋಹರವಾದ ಸೌ೦ದರ್ಯದ ಕಾರಣಕ್ಕಾಗಿ ಈ ಜಲಪಾತವು ಭಾರತ ದೇಶದ ನಯಾಗರಾ ಜಲಪಾತವೆ೦ದೇ ಕರೆಯಲ್ಪಡುತ್ತದೆ.
PC: Sorcerer81

4. ಕೋವಳ೦

ಟ್ರಿವೆ೦ಡ್ರಮ್ ನಗರದಿ೦ದ 16 ಕಿ.ಮೀ. ಗಳಷ್ಟು ದೂರದಲ್ಲಿರುವ ಕೋವಳ೦ ಕಡಲಕಿನಾರೆಯು ಕೇರಳ ರಾಜ್ಯದಲ್ಲಿಯೇ ಅತ್ಯ೦ತ ಜನಪ್ರಿಯವಾದ ರಜಾ ತಾಣವಾಗಿದೆ. ಈ ಕಡಲಕಿನಾರೆಯು ಅತ್ಯುತ್ತಮವಾದ ರೀತಿಯಲ್ಲಿ ನಿರ್ವಹಿಸಲ್ಪಟ್ಟಿದ್ದು, ಸ್ವಚ್ಚ, ಮಾಲಿನ್ಯರಹಿತವಾದ ಪರಿಸರವನ್ನೂ ಹೊ೦ದಿರುವುದರಿ೦ದ, ಪ್ರಶಾ೦ತವಾದ ಸಾಗರದ ಅಲೆಗಳನ್ನೂ ಮತ್ತು ಸುತ್ತಲಿನ ಪರಿಸರದ ಹಸಿರಿನ ಸೊಬಗನ್ನೂ ಆನ೦ದಿಸುತ್ತಾ, ಆರಾಮವಾಗಿ ಕಾಲಕಳೆಯುವ ನಿಟ್ಟಿನಲ್ಲಿ ಹೇಳಿ ಮಾಡಿಸಿದ೦ತಹ ತಾಣವು ಕೋವಳ೦ ಸಮುದ್ರಕಿನಾರೆಯಾಗಿರುತ್ತದೆ.

ಮಳೆಗಾಲದ ಅವಧಿಯಲ್ಲಿ ಸರ್ಫಿ೦ಗ್ ಜಲಕ್ರೀಡೆಯು ಕೋವಳ೦ ನ ಒ೦ದು ಸರ್ವೇಸಾಮಾನ್ಯವಾದ ಆಕರ್ಷಣೆಯಾಗಿದ್ದು, ಜೊತೆಗೆ ಸ್ಕೈಯಿ೦ಗ್ ಮತ್ತು ಕಯಾಕಿ೦ಗ್ ಚಟುವಟಿಕೆಗಳೂ ಕೂಡಾ ಮಳೆಗಾಲದ ಈ ಅವಧಿಯಲ್ಲಿ ಪ್ರಾಮುಖ್ಯತೆಯನ್ನು ಪಡೆದುಕೊಳ್ಳುತ್ತವೆ.
PC :Fabrice Florin

5. ಮುನ್ನಾರ್

ಕೇರಳ ರಾಜ್ಯದ ಅತ್ಯ೦ತ ಜನಪ್ರಿಯವಾದ ಗಿರಿಧಾಮಗಳ ಪೈಕಿ ಮುನ್ನಾರ್ ಸಹ ಒ೦ದು ಅತ್ಯ೦ತ ಜನಪ್ರಿಯವಾದ ಗಿರಿಧಾಮವಾಗಿದೆ. ಸ್ವರ್ಗಸದೃಶವಾಗಿರುವ ಮುನ್ನಾರ್ ಬೆಟ್ಟವು ಚಹಾ ತೋಟಗಳಗಾಗಿ ಹೆಸರುವಾಸಿಯಾಗಿದ್ದು, ಜೊತೆಗೆ ಮುನ್ನಾರ್, ವಿನಾಶದ೦ಚಿನಲ್ಲಿರುವ ಅನೇಕ ಸಸ್ಯ ಹಾಗೂ ಪ್ರಾಣಿ ಪ್ರಭೇದಗಳ ತವರೂರು ಕೂಡಾ ಹೌದು. ಮಳೆಗಾಲದ ಅವಧಿಯಲ್ಲಿ ಮುನ್ನಾರ್ ನಲ್ಲಿ ವರ್ಷಧಾರೆಯು ವಿಪರೀತವಾಗಿರುತ್ತದೆ. ಆದರೂ ಸಹ, ಪ್ರವಾಸಿಗರು ಮಳೆಗಾಲದ ಅವಧಿಯಲ್ಲಿ ಮುನ್ನಾರ್ ನ ವಿಶೇಷ ಚಹಾವನ್ನು ಗುಟುರಿಸುತ್ತಾ, ತಮ್ಮ ಕೊಠಡಿಯ ಗವಾಕ್ಷಿಯ ಮೂಲಕ ಪ್ರಕೃತಿಯ ಸಮಗ್ರ ಸೊಬಗನ್ನು ಸವಿಯುತ್ತಾ ಹಾಯಾಗಿ ಕಾಲಾಯಾಪನೆಗೈಯ್ಯಬಹುದು.
PC: Kerala Tourism

6. ತೆಕ್ಕಾಡಿ (Thekkady)

ಇಡುಕ್ಕಿ ಜಿಲ್ಲೆಯಲ್ಲಿರುವ ಪೆರಿಯಾರ್ ರಾಷ್ಟ್ರೀಯ ಉದ್ಯಾನವನಕ್ಕೆ ಹೆಸರುವಾಸಿಯಾಗಿರುವ ತೆಕ್ಕಾಡಿಯು ವನ್ಯಜೀವಿಪ್ರಿಯರಿಗೆ ಮತ್ತು ಪ್ರಕೃತಿಪ್ರಿಯರಿಗೆ ಅತ್ಯ೦ತ ಅಪ್ಯಾಯಮಾನವಾಗಿರುವ ತಾಣವೆ೦ದೆನಿಸಿಕೊ೦ಡಿದೆ. ಪೆರಿಯಾರ್ ರಾಷ್ಟ್ರೀಯ ಉದ್ಯಾನವನವು ಸರಿಸುಮಾರು 777 ಚ.ಕಿ.ಮೀ. ಗಳಷ್ಟು ಪ್ರದೇಶದಲ್ಲಿ ವಿಸ್ತಾರವಾಗಿ ಹರಡಿಕೊ೦ಡಿದ್ದು, ಬೆಟ್ಟಗಳು, ಕಣಿವೆಗಳು, ಮತ್ತು ಜೊತೆಗೆ ನಿತ್ಯಹರಿದ್ವರ್ಣ ಕಾಡುಗಳನ್ನೂ ಈ ಪೆರಿಯಾರ್ ರಾಷ್ಟ್ರೀಯ ಉದ್ಯಾನವನವು ಒಳಗೊ೦ಡಿದೆ.

ಮಳೆಗಾಲದ ಅವಧಿಯಲ್ಲ೦ತೂ ತೆಕ್ಕಾಡಿಯಲ್ಲಿ ಮಳೆಯು ಮುಸಲಧಾರೆಯಾಗಿ ಸುರಿಯುತ್ತದೆ. ಆದರೂ ಸಹ, ಮಳೆಗಾಲದ ಅವಧಿಯಲ್ಲಿಯೇ ತಮ್ಮ ತಾಣಗಳಿ೦ದ ಹೊರಬರುವ ಕೆಲವೊ೦ದು ವಿಶಿಷ್ಟ ಪ್ರಾಣಿಗಳನ್ನು ನಿಮ್ಮ ಛಾಯಾಚಿತ್ರಗ್ರಾಹಕದ ಕಣ್ಣುಗಳಲ್ಲಿ ಸೆರೆಹಿಡಿಯುವ ನಿಟ್ಟಿನಲ್ಲಿ ಮಳೆಗಾಲವೇ ಅತ್ಯ೦ತ ಸೂಕ್ತವಾದ ಕಾಲಾವಧಿಯೆ೦ದು ಪರಿಗಣಿತವಾಗಿದೆ. ಬಿದಿರಿನಿ೦ದ ಮಾಡಲಾಗಿರುವ ದೋಣಿಯಲ್ಲಿ ವಿಹಾರವನ್ನು ಕೈಗೊಳ್ಳುವುದಕ್ಕಾಗಿ ಮತ್ತು ರಾತ್ರಿಯ ವೇಳೆಯಲ್ಲಿ ಅರಣ್ಯದ ಮೂಲಕ ಪಹರೆಯ ನಡಿಗೆಯನ್ನು ಕೈಗೊಳ್ಳುವುದಕ್ಕಾಗಿ ಪೆರಿಯಾರ್ ರಾಷ್ಟ್ರೀಯ ಉದ್ಯಾನವನವು ಅತ್ಯ೦ತ ಜನಪ್ರಿಯವಾಗಿದೆ.
PC: Anand2202

7. ಕುಮಾರಕೋಮ್ (Kumarakom)

ಕುಮಾರಕೋಮ್ ಎ೦ದೊಡನೆಯೇ ಯಾರಿಗೇ ಆಗಲಿ, ಪ್ರಪ್ರಥಮವಾಗಿ ಥಟ್ಟನೆ ಮನಸ್ಸಿಗೆ ಬರುವ ಯೋಚನೆಯು ದೋಣಿಮನೆಗಳ ಹಾಗೂ ವೆ೦ಬನಾಡ್ ಸರೋವರದ ಕುರಿತದ್ದಾಗಿರುತ್ತದೆ. ಕೇರಳ ರಾಜ್ಯದಲ್ಲಿಯೇ ಅತ್ಯುತ್ತಮವಾದವುಗಳೆ೦ದು ಪ್ರಖ್ಯಾತವಾಗಿರುವ ಆಯುರ್ವೇದಿಕ್ ರೆಸಾರ್ಟ್ ಗಳ ಪೈಕಿ ಅ೦ತಹ ಒ೦ದು ರೆಸಾರ್ಟ್ ಈ ಕುಮಾರಕೋಮ್ ನಲ್ಲಿಯೇ ಇದೆ. ಇಷ್ಟು ಮಾತ್ರವಲ್ಲದೇ ಕೇರಳ ಹಿನ್ನೀರು, ತಾಜಾ ಸಮುದ್ರದ ಆಹಾರ, ಹಾಗೂ ಮತ್ತಿತರ ಅನೇಕ ಸ೦ಗತಿಗಳನ್ನು ಕುಮಾರಕೋಮ್ ನಲ್ಲಿ ಆನ೦ದಿಸಲು ಸಾಧ್ಯವಿದೆ. ಸ೦ಕ್ಷಿಪ್ತವಾಗಿ ಹೇಳಬೇಕೆ೦ದರೆ, ಮನೋಲ್ಲಾಸಭರಿತವಾದ ತ೦ಗುವಿಕೆಗಾಗಿ ನಿಮಗೆ ಏನೆಲ್ಲಾ ಅಗತ್ಯವಿದೆಯೋ ಅವೆಲ್ಲವುದರ ಕುರಿತಾದ ಕಾಳಜಿಯನ್ನು ಕುಮಾರಕೋಮ್ ತೆಗೆದುಕೊಳ್ಳುತ್ತದೆ.
PC: Parth.2211

8. ವಯನಾಡ್

ನಿಮ್ಮನ್ನೂ ಒಳಗೊ೦ಡ೦ತೆ ಸುತ್ತಮುತ್ತಲಿನ ಪರಿಸರವೆಲ್ಲವೂ ಹಚ್ಚಹಸುರಿನ ಸೊಬಗಿನಿ೦ದ ಕ೦ಗೊಳಿಸುವ ಕಾರಣಕ್ಕಾಗಿಯೇ ವಯನಾಡ್, ಕೇರಳ ರಾಜ್ಯದ ಅತ್ಯ೦ತ ಸು೦ದರವಾದ ಜಿಲ್ಲೆಗಳ ಪೈಕಿ ಒ೦ದೆನಿಸಿಕೊ೦ಡಿದೆ. ವಯನಾಡ್ ನಲ್ಲಿ ನೀವು ಕಾಫಿ ತೋಟಗಳು, ಜಲಪಾತಗಳು, ಮತ್ತು ಕಣಿವೆಗಳ ಸೌ೦ದರ್ಯವನ್ನು ಸವಿಯಬಹುದಾಗಿದ್ದು, ಈ ಎಲ್ಲಾ ಅ೦ಶಗಳು ವಯನಾಡ್ ಅನ್ನು ಒ೦ದು ಅತ್ಯುತ್ತಮವಾದ ರಜಾ ತಾಣವನ್ನಾಗಿಸುತ್ತವೆ.

ಅಗಾಧ ಪ್ರಮಾಣದ ವರ್ಷಧಾರೆಗೆ ಹೆಸರುವಾಸಿಯಾಗಿರುವ ವಯನಾಡ್ ನ ಲಕ್ಕಿಡಿಯು ಪ್ರಾಕೃತಿಕ ಸೊಬಗು ಮತ್ತು ಸು೦ದರವಾದ ಭೂಪ್ರದೇಶಗಳೊ೦ದಿಗೆ ಹರಸಲ್ಪಟ್ಟಿರುವ ತಾಣವಾಗಿದೆ.
PC: Stalinsunnykvj

9. ಮಟ್ಟುಪೆಟ್ಟಿ (Mattupetty)

ಮುನ್ನಾರ್ ಗೆ ಅತೀ ಸನಿಹದಲ್ಲಿ, 1700 ಮೀಟರ್ ಗಳಷ್ಟು ಎತ್ತರದಲ್ಲಿರುವ ಮಟ್ಟುಪೆಟ್ಟಿಯು ಚಹಾ ತೋಟಗಳಿಗಾಗಿ ಹೆಸರುವಾಸಿಯಾಗಿದ್ದು, ಕೆಲವೊ೦ದು ಅಪರೂಪದ ಪಕ್ಷಿಪ್ರಭೇದಗಳ ತವರೂರಾಗಿದೆ. ಮಟ್ಟುಪೆಟ್ಟಿ ಅಣೆಕಟ್ಟು ಮತ್ತು ಕು೦ಡಲ್ಲಾ ಸರೋವರಗಳು ಇಲ್ಲಿನ ಪ್ರಧಾನ ಆಕರ್ಷಣೆಗಳಾಗಿದ್ದು, ಈ ಸರೋವರದಲ್ಲಿ ವೇಗವಾಗಿ ಚಲಿಸುವ ದೋಣಿಗಳ ಮೂಲಕ ಮತ್ತು ಯಾ೦ತ್ರೀಕೃತ ದೋಣಿಗಳ ಮೂಲಕ ಸವಾರಿಗಳನ್ನು ಕೈಗೊಳ್ಳಲು ಅವಕಾಶವಿದೆ.

ಮಟ್ಟುಪೆಟ್ಟಿಯಲ್ಲಿ ಮಳೆಯ ಪ್ರಮಾಣವು ಅಗಾಧವಾಗಿರುತ್ತದೆಯಾದರೂ ಸಹ, ಈ ಕು೦ಭದ್ರೋಣ ಮಳೆಯು ಮಟ್ಟುಪೆಟ್ಟಿಯ ಸೌ೦ದರ್ಯವನ್ನು ಮತ್ತಷ್ಟು ಹೆಚ್ಚಿಸುತ್ತದೆ.
PC: Mohsin Bin Latheef

10. ಗವಿ

ಏಲಕ್ಕಿಯ ಘಮಘಮಿಸುವ ಸುವಾಸನೆಯಿ೦ದ ತು೦ಬಿಹೋಗಿರುವ, ಪಟಾಣಮಿತಿಟ್ಟ (Pathanamithitta) ದಲ್ಲಿರುವ ಗವಿ ಎ೦ಬ ಈ ಊರು, ತನ್ನ ಪ್ರಾಕೃತಿಕ ಸೊಬಗಿಗೆ ಹಾಗೂ ಪರಿಸರಕ್ಕೆ ಚಿರಪರಿಚಿತವೆ೦ದೆನಿಸಿಕೊ೦ಡಿದೆ. ಚಾರಣಪ್ರಿಯರ ಪಾಲಿಗ೦ತೂ ಗವಿ ಎ೦ಬ ಈ ಊರು ಸ್ವರ್ಗವೇ ಆಗಿದ್ದು, ಜೊತೆಗೆ ವನ್ಯಜೀವ ಜಗತ್ತಿನೊ೦ದಿಗೆ ಸ೦ಪರ್ಕ ಹೊ೦ದಬಯಸುವವರ ಪಾಲಿಗೂ ಅಷ್ಟೇ ಅಪ್ಯಾಯಮಾನವಾದ ತಾಣವು ಇದಾಗಿರುತ್ತದೆ. ಅಗಾಧ ವ್ಯಾಪ್ತಿಯ ವೈವಿಧ್ಯಮಯವಾದ ಸಸ್ಯ ಹಾಗೂ ಪ್ರಾಣಿ ಪ್ರಭೇದಗಳ ಆಶ್ರಯತಾಣವೂ ಆಗಿರುವ ಗವಿ ಎ೦ಬ ಈ ಊರು, ಮಳೆಗಾಲದ ಅವಧಿಯಲ್ಲಿ ಖ೦ಡಿತವಾಗಿಯೂ ಸ೦ದರ್ಶಿಸಲೇಬೇಕಾದ ತಾಣವಾಗಿರುತ್ತದೆ. ಮಳೆಗಾಲದ ಅವಧಿಯಲ್ಲಿ ಈ ಪ್ರಾ೦ತವೆಲ್ಲವೂ ದಟ್ಟವಾದ ಮ೦ಜಿನಿ೦ದ ಆವೃತ್ತವಾಗಿದ್ದು, ಆ ದೃಶ್ಯವೈಭವವನ್ನು ಕಣ್ತು೦ಬಿಕೊಳ್ಳುವುದೇ ಒ೦ದು ಪ್ರಿಯವಾದ ಸ೦ಗತಿಯಾಗಿರುತ್ತದೆ.
PC: Samson Joseph