ಕೇರಳದ ಕಣ್ಣೂರು ಜಿಲ್ಲೆಯ ಜನಪ್ರಿಯ ನಗರಿ ತಲಸ್ಸೆರಿ. ಉತ್ತರ ಕೇರಳ ರಾಜ್ಯದ ಡೈನಾಮಿಕ್ ನಗರಿ. ಇದು ತೆಲ್ಲಿಚ್ಚೆರ್ರಿ ಅನ್ನುವ ಹೆಸರಿನಿಂದಲೂ ಪರಿಚಿತವಾಗಿದೆ. ಈ ನಗರಿಯು ಮಲಬಾರ್ ಕಡಲ ತೀರದ ಚಿನ್ನದ ಹೊದಿಕೆಯನ್ನೇ ಹೊದ್ದು ಕುಳಿತಿದೆ. ಅತ್ಯಾಕರ್ಷಕ ನಿಸರ್ಗ ಸೌಂದರ್ಯ ಒಳಗೊಂಡಿರುವ ಜತೆಗೆ ಈ ನಗರಿಯು ವಿಶಿಷ್ಟ ಹಾಗೂ ಮಹತ್ವದ ಇತಿಹಾಸವನ್ನು ಹೊಂದಿದೆ.
ಇದಕ್ಕೊಂದು ಸಾಂಸ್ಕೃತಿಕ ಇತಿಹಾಸ ಇದೆ. ಅದೇನೆಂದರೆ ಕೇಕ್, ಕ್ರಿಕೆಟ್ ಹಾಗೂ ಸರ್ಕಸ್ನ ಉಗಮ ಇಲ್ಲಾಗಿದೆ. ಇದೆಲ್ಲದರ ಜತೆ ಬ್ರಿಟಿಷರ ಆಳ್ವಕೆಯಿಂದಲೂ ಇದು ವಾಣಿಜ್ಯ ದೃಷ್ಟಿಯಿಂದ ಉತ್ತಮ ಬೆಳವಣಿಗೆ ಸಾಧಿಸಿದೆ. ಬ್ರಿಟೀಷರು ಈ ನೆಲಕ್ಕೆ ಕಾಲಿರಿಸಿದ್ದು, 1682ರಲ್ಲಿ. ಕಡಲ ತೀರವಾಗಿದ್ದರಿಂದ ಇದೊಂದು ಪ್ರಮುಖ ವಾಣಿಜ್ಯ ಕೇಂದ್ರವಾಗಿ ಬೆಳೆದಿದೆ. ತಲಸ್ಸೆರಿಯನ್ನು ಮಲಬಾರ್ ಸಂಸ್ಕೃತಿಯ ರಾಜಧಾನಿ ಅಂತಲೂ ಕರೆಯಲಾಗುತ್ತದೆ. ಇದು ದೊಡ್ಡ ಪ್ರಮಾಣದ ಬರವಣಿಗೆ ಹಾಗೂ ರಾಜಕೀಯ ವಿದ್ಯಮಾನಗಳು ಘಟಿಸಲು ಮೂಲ ಅನ್ನಿಸಿಕೊಂಡಿದೆ. ಪ್ರಥಮ ಮಲಯಾಳಂ ಪತ್ರಿಕೆ ಹಾಗೂ ಕಾದಂಬರಿಯ ಜನಕ ಅನ್ನುವ ಕೀರ್ತಿಗೂ ಭಾಜನವಾಗಿದೆ.
ಇತಿಹಾಸಗಳ ನಗರಿ
ಪ್ರಮುಖ ಪ್ರವಾಸಿ ತಾಣ ಅನ್ನಿಸಿಕೊಂಡಿರುವ ತಲಸ್ಸೆರಿ ಆಂಗ್ಲ ಚರ್ಚ್, ಮೀನುಗಾರರ ದೇವಸ್ಥಾನ (ಫಿಶರ್ಪೋಕ್ ಟೆಂಪಲ್), ಕಡಲ ತೀರದ ಉದ್ಯಾನ, ತಲಸ್ಸೆರಿ ಬಂದರು, ಜಾಮಾ ಮಸೀದಿಗಳನ್ನು ಕೂಡ ಹೊಂದಿದೆ. ಜರ್ಮನಿ ಧಾರ್ಮಿಕ ಮುಖಂಡ ಹೆರ್ಮನ್ ಗುಂಡೆರ್ಟ್ ಅವರ ಬಂಗಲೆಯೂ ಇಲ್ಲಿದೆ. ಇವರಿಂದಲೇ ಮೊದಲ ಮಲಯಾಳಂ- ಇಂಗ್ಲಿಷ್ ಪದಕೋಶ ಪೂರ್ಣಗೊಂಡಿದೆ. ಈ ಸಂಗತಿ ಇತಿಹಾಸ ಪ್ರೇಮಿಗಳಿಗೆ ಅತಿ ಇಷ್ಟವಾದುದಾಗಿದೆ. ಮಾಹೆ ಎಂಬುದು ದೇಶದ ಖಾಯಂ ಫ್ರೆಂಚರ ವಾಸಸ್ಥಳವಾಗಿದೆ. ಇದು ತಲಸ್ಸೆರಿಯಿಂದ 15 ಕಿ.ಮೀ. ದೂರದಲ್ಲಿದೆ. ಇದು ಪ್ರತಿಯೊಬ್ಬರೂ ನೋಡಲೇಬೇಕಾದ ಸ್ಥಳ.ವೆಲ್ಲೆಸ್ಲಿಯ ಬಂಗ್ಲೆ, ರಂದತ್ತಾರಾ ಚಿನ್ನಮೋನ್ ಎಸ್ಟೇಟ್, ಕ್ಯಾಥೋಲಿಕ್ ರೋಸರಿ ಚರ್ಚ್, ವಮಿಲಿ ದೇವಸ್ಥಾನ, ಟ್ಯಾಗೋರ್ ಪಾರ್ಕ್, ಉದಯ ಕಾಲರಿ ಸಂಗಮ, ಸರ್ಕಾರಿ ಗೃಹ ಹಾಗೂ ಒಡತ್ತಿಲಿ ಪಲ್ಲಿಗಳು ನಿತ್ಯ ನೂರಾರು ಮಂದಿಯನ್ನು ಆಕರ್ಷಿಸುತ್ತವೆ. ಈ ಮೂಲಕ ಐತಿಹಾಸಿಕ ನಗರಿಯ ಜನಪ್ರಿಯತೆಯು ಉತ್ತುಂಗಕ್ಕೇರಿದೆ. ಮುಜಾಪಿಲ್ಲಾಂಗಡ್ ಕಡಲ ತೀರ ಕೇರಳದ ಏಕೈಕ "ಡ್ರೈವ್ ಇನ್' ಕಡಲ ತೀರ ಎಂಬ ಹೆಮ್ಮೆಗೆ ಪಾತ್ರವಾಗಿದೆ. ಇದು ತಲಸ್ಸೆರಿಯಿಂದ ಕೇವಲ 9 ಕಿ.ಮೀ. ದೂರದಲ್ಲಿದೆ.
ಇದು ನಾಗರಿಕರು ನಿತ್ಯ ಬಾಯಿ ಚಪ್ಪರಿಸಿ ತಿನ್ನುವ ಬೇಕರಿ ತಿನಿಸು ಹಾಗೂ ಕೇಕ್ನ ಉಗಮ ಸ್ಥಾನ ಅನ್ನುವುದು ಇನ್ನೊಂದು ವಿಶೇಷ. ತಲಸ್ಸೆರಿ ತಿನಿಸುಗಳ ವಿಶೇಷ ಸಂಸ್ಕೃತಿಯನ್ನು ಹೊಂದಿದೆ. ಅತ್ಯುತ್ತಮ ವಾತಾವರಣವನ್ನು ಹೊಂದಿರುವ ನಗರಿಯು ಉತ್ತಮ ರೈಲು ಹಾಗೂ ರಸ್ತೆ ಮಾರ್ಗದ ಸಂಪರ್ಕ ಹೊಂದಿದೆ. ಶ್ರೀಮಂತ ಸಂಸ್ಕೃತಿ, ನಿಸರ್ಗ, ಹೂವುಗಳು ಹಾಗೂ ಇತಿಹಾಸವನ್ನು ಕಾಣಲು ಇಚ್ಛಿಸುವವರಿಗೆ ಇದೊಂದು ಮಾದರಿ ತಾಣ ಅನ್ನಿಸಿಕೊಳ್ಳುವಲ್ಲಿ ಸಂಶಯವಿಲ್ಲ.