ಶಿವಪುರಿ, ಒಂದು ದಟ್ಟವಾದ ಅರಣ್ಯ ಪ್ರದೇಶ. ಒಂದು ಕಾಲದಲ್ಲಿ ಇದು ಮುಘಲ್ ದೊರೆಗಳು ಬೇಟೆಯಾಡುವ ಆಟದ ಮೈದಾನವಾಗಿತ್ತು. ಈ ದಟ್ಟವಾದ ಅರಣ್ಯ ಪ್ರದೇಶ ಇಂದು ಪ್ರವಾಸಿಗರ ನೆಚ್ಚಿನ ತಾಣವಾಗಿದೆ. ಕರೇರ ಪಕ್ಷಿಧಾಮ, ಮಾಧವ ನ್ಯಾಷನಲ್ ಪಾರ್ಕ್, ಬೃಹತ್ತಾದ ಜಾರ್ಜ್ ಕ್ಯಾಸಲ್ ಪ್ರವಾಸಿಗರನ್ನು ಆಕರ್ಷಿಸುತ್ತಿವೆ. ಮಾನವ ಹಾಗು ಪ್ರಕೃತಿ ಶಾಂತಿಯುತ ಸಹಬಾಳ್ವೆಯ ಪ್ರತಿರೂಪದಂತಿದೆ ಶಿವಪುರಿ.
ಶಿವಪುರಿ : ಪ್ರಕೃತಿ ಅಧೀನದಲ್ಲಿರುವ ಸಮೃದ್ಧ ಪ್ರದೇಶ
ಮಾಧವ ನ್ಯಾಷನಲ್ ಪಾರ್ಕ್ : ಶ್ರೀಮಂತ ಜೀವವೈವಿಧ್ಯ, ಸುಂದರ ಗುಡ್ಡಗಾಡು, ಸಮತಟ್ಟಾದ ಹುಲ್ಲುಗಾವಲು, ಸುತ್ತಲ ಸೌಂದರ್ಯವನ್ನು ಪ್ರತಿಬಿಂಬಿಸುವ ಸರೋವರವಿರುವದ ಮಾಧವ ನ್ಯಾಷನಲ್ ಪಾರ್ಕ್ ಸ್ವರ್ಗಕ್ಕೆ ಕಿಚ್ಚು ಹಚ್ಚುತ್ತದೆ. ಪ್ರಾಕೃತಿಕ ಸೌಂದರ್ಯ ಶಿವಪುರಿಯಲ್ಲಿ ಕೇವಲ ರಾಷ್ಟ್ರೀಯ ವನಗಳಿಗಷ್ಟೇ ಸೀಮಿತವಾಗಿಲ್ಲ. ಇದರ ಜೊತೆ ಸಖ್ಯ ಸಾಗರ ಕೆರೆ, ಭೂರ ಖೋನ್ ಜಲಪಾತ, ಪಾವಾ ಜಲಪಾತ, ಸನ್ ಚಿರೈಯ್ಯ ಪಕ್ಷಿಧಾಮ ಎಲ್ಲವೂ ಶಿವಪುರಿಯ ಸಮೃದ್ಧವಾದ ಅರಣ್ಯ ಪ್ರದೇಶಕ್ಕೆ ಮೆರಗು ಕೊಡುವಂತಿವೆ. ತಾಯಿ ಪ್ರಕೃತಿ ಮಾತೆಯ ಅರಮನೆಯಲ್ಲಿ ಮಾನವ ಕೇವಲ ಒಂದು ನಮ್ರ ಜೀವಿ. ಶಿವಪುರಿಯ ಪ್ರವಾಸ ದಿನನಿತ್ಯದ ನಗರ ಪಟ್ಟಣ ಜಂಜಾಟದ ಬದುಕಿನಿಂದ ಪ್ರಕೃತಿ ಮಾತೆಯ ಮಡಿಲಿಗೆ ಒಂದು ಸುಂದರ ಆಮಂತ್ರಣ.
ಶಿವಪುರಿ ಮತ್ತು ಸುತ್ತಲಿನ ಪ್ರವಾಸಿ ತಾಣಗಳು
ಶಿವಪುರಿಯ ದೀರ್ಘಕಾಲದ ಇತಿಹಾಸದ ಪ್ರಕಾರ ಇದು ರಾಜವಂಶರ 'ಬೇಸಿಗೆಯ ರಾಜಧಾನಿ' ಎಂದೆನಿಸಿತ್ತು. ಶಿವಪುರಿಯ ಕೋಟೆಗಳು, ಅರಮನೆಗಳು, ದೇಗುಲಗಳು ಹೆಮ್ಮೆಯ ಪ್ರವಾಸಿ ತಾಣಗಳಾಗಿವೆ. ನಾರವಾರ ಕೋಟೆ, ಮಾಧವ ವಿಲಾಸ ಅರಮನೆ, ಮಹುವ ಶಿವನ ದೇಗುಲ, ಮತ್ತು ಹಲವಾರು ಪ್ರವಾಸಿ ತಾಣಗಳಾದ ರಾಷ್ಟ್ರೀಯ ವನಧಾಮ, ಪಕ್ಷಿಧಾಮಗಳು, ಸ್ಮಾರಕಗಳು ಶಿವಪುರಿಯ ಪ್ರವಾಸೋದ್ಯಮವನ್ನು ಒಂದು ಸಮರ್ಥ ಉದ್ಯಮವನ್ನಾಗಿ ಮಾಡಿವೆ. ಇಂತಹ ಸುಂದರ ಪ್ರಕೃತಿ ತಾಣಗಳು ಸಹಜವಾಗಿ ಮಾನವನನ್ನು ತನ್ನತ್ತ ಆಕರ್ಷಿಸುತ್ತಿವೆ.
ಶಿವಪುರಿಯನ್ನು ತಲುಪುವ ಬಗೆ
ಶಿವಪುರಿಗೆ ಸಂಪರ್ಕ ಚೆನ್ನಾಗಿದ್ದು, ಎಲ್ಲಾ ಸಮೀಪದ ವಿಮಾನ ನಿಲ್ದಾಣಗಳಿಂದ ಮತ್ತು ರೈಲು ನಿಲ್ದಾಣಗಳಿಂದ ಸುಲಭವಾಗಿ ತಲುಪಬಹುದು. ಅಕ್ಟೋಬರ್ ನಿಂದ ಮಾರ್ಚ್ ವರೆಗೆ ಇಲ್ಲಿ ಪ್ರವಾಸ ಕೈಗೊಳ್ಳಲು ಸೂಕ್ತ ಸಮಯ. ಉಳಿದ ದಿನಗಳಲ್ಲಿಯೂ ಕೂಡ ಶಿವಪುರಿಯಲ್ಲಿ ಹಿತಕರವಾದ ವಾತಾವರಣವಿರುತ್ತದೆ.